Президент Қасым-Жомарт Кемелұлы Тоқаев VІІІ сайланған Парламенттің бірінші сессиясында арнайы сөз сөйлегеніне куә болдық. Мемлекет басшысы соңғы сайлаудың ерекшеліктеріне кеңінен тоқталып, депутаттарға жүктелетін міндеттерін атады. Президентіміз сегіз мәселе көтерді. Мәжілістің өкілеттігі бұрынғыдан да үлкен күшке ие екенін, бұрын заңдарды Мәжіліс қабылдап Сенат бекітсе, қазір Мәжіліс өзі де бекіте беретінін ескертіп өтті.

Қ.Тоқаев: «Әлеуметік тұрғыдан осал топтағы азаматтарды қолдау – басты міндеттің бірі. Қиындыққа тап болған жандар еш көмексіз қалмауы керек. Мемлекеттің әділдігі мен қоғамның жанашырлығы осындайда көрінеді. Әсіресе, ана мен баланы қорғауға айрықша көңіл бөлінуге тиіс. Менің тапсырмаммен биыл бала күтіміне жәрдемақы беру мерзімі 1 жылдан 1,5 жылға ұзартылды. Тұрмысы төмен отбасындағы 1 жастан 6 жасқа дейінгі балаларға берілетін әлеуметтік көмек қайта қаралды. Енді 100 мыңнан астам бала бұл көмекті ақшалай алатын болады.» - дей келе көпбалалы отбасыларға да айтарлықтай қолдау көрсетілетіні нақты айтты.

Жаңа құраммен тың серпінмен бастау алған депутаттар мен үкімет мүшелерінен халық зор үміт күтуде. Сондай-ақ, сол үміттің ақталарына да сенім мол. Жаңа Қазақстанның жаңаша қарқыны тек жақсылық әкелсін дегім келеді.

Б.ШАЯХМЕТОВ,

Т.Молдағалиев атындағы аудандық мәдениет үйінің директоры, Есік қаласы.