Жұма, 29 Наурыз 2024 11:32

Спорт мектебі ашылды

Шелек ауылының тұрғындарындары Әз-Наурызды шаттыққа толы көңілмен,

зор қуанышпен қарсы алды. Жаңа жыл алдында жаңадан сайланған әкім

Айдарбек Аянбекұлы сөз сөйлеп, жақсы жаңалыққа толы жаңа жылмен барша қауымды құттықтады. Он шақты киіз үй тігілген орталық алаңда жиналған жұртшылық көктеммен келген Наурыз тойын бастап та кетті. Шелектіктер асқақтата айтылған әндер мен күйлерді тыңдап, мың бұралған билерді, түрлі ойындарды тамашалады. Наурыз көже ішіп, бір-бірімен қауышқан тұрғындар  түстен кейін «роща» саябағына қарай ағылды.

Ұлыстың ұлы күнінде заман талабына сай бой көтерген дене шынықтыру-сауықтыру кешенінің ашылу салтанаты өтті. Діттеген уақытында облыстан, ауданнан келген құтты қонақтарды жиналған қауым қошеметпен қарсы алды. Грек-рим күресінен әлем және халқымыздан шыққан тұңғыш Олимпиада чемпионы, «Еңбек ері» Жақсылық Үшкемпіровтің есімі берілген кешеннің  ашылу салтанатында облыс әкімі Марат Сұлтанғазиев жиылған көпшілікті қос қуанышпен құттықтады.

Бұл ауданда осымен үшінші балалар мен жасөспірімдер мектебі ашылып отырғанын айтып, осында жаттығып өскен спортшылардан ел намысын қорғайтын таланттар шығатынына сенім білдірді.  Одан кейін ардагер, заңгер, «Даңқ», «Барыс» орденінің иегері Сәт Тоқпақбаев сөз алып, Жақсылық Үшкем-піровтің қысқаша өмірбаяны мен жеткен жетістігін көпшілік назарына ұсынды.

Спорт кешенінің құрылысын жүргіз-ген мердігер «СП Нефть» ЖШС-нің бас инженері Әлмұхан Орақбай балалар мен жасөспірімдер мектебінің директоры Дәурен Рамазановқа кілтті салтанатты түрде табыс етті. Сонымен қатар, облыс әкімі Марат Елеусізұлы «Тұлпар» ЖШС жүргізушілеріне 10 жаңа автобус кілтін табыстады. Одан кейін ауыл ақсақалы Әскербек Рахимов бата беріп, жаңа ғимараттың лентасы қиылды. Шашу шашылды. Қонақтар, жұртшылық спорт сарайының ішін аралап көрді.

Кешенде бокс, күрес, жаттығу, ойын, шағын футбол залдары бар. Мұнда еркін, қазақша, грек-рим күрестері, бокс, волейбол, баскетбол, футбол, гандбол сияқты спорт түрлерінен үйірмелер жұмыс істейді. Нысанның аумағы 5 500 шаршы метрге жуық. Ғимаратта Шелек ауылының ғана емес, көрші ауылдардың жастары да жаттығатын болады. Кешенде күніне 100-ден аса бала бірнеше секцияда шеберліктерін шыңдауға мүмкіндік бар.

Анарбек БЕРДІБАЕВ.

Оқылды 384 рет

Соңғы жаңалықтар

Сәу 15, 2024

Зоя МАГАМАДОВА, заместитель…

Акцию «Таза Қазақстан» школа имени Толе би проводит с начала апреля. Учащиеся 5-11…
Сәу 15, 2024

Жанаргуль НИЕТАЛИЕВА,…

Тургенский филиал Иле-Алатауского ГНПП такие акции с участием школ Тургенского сельского…
Сәу 15, 2024

Алматы облыс әкімі Марат…

Облыстағы аталған бағыт аясында Жамбыл ауданындағы «Жамбыл Жабаев» мұражайы, «Таңбалы»…
Сәу 11, 2024

Аманаттықтар көмек қолын созуда

Алматы облысында су тасқыны болған өңірлерге көмек жинау қызу жүріп жатыр. Игі бастамаға…
Сәу 04, 2024

Ұлт саулығына төнген қатер

Денсаулық – бірінші байлық. Сондықтан саламатты өмір салтын ұстанып, деннің сау болуына…
Сәу 04, 2024

Әлеуетті мекеннің өрісі кең

Ауданымыз жер көлемі мен ел көлемі бойынша алдыңғы қатарда екені белгілі. Соған сай…
Сәу 04, 2024

Сатираның сардары

«Адамгершілігі жоқ қоғамның сатиригі хайуандар туралы мысал жазады. Уот тәк!» – деп…
Нау 29, 2024

Көктерек қашан «ауыл» болады?

Атырау қаласында өткен Ұлттық құрылтайдың үшінші отырысында Мемлекет басшысы Қасым-Жомарт…
Нау 29, 2024

Аудан әкімі тағайындалды

Кеше аудандық мәслихаттың кезектен тыс ХІХ сессиясында аудан әкімі лауазымынаТалғат…

Күнтiзбе

« Сәуір 2024 »
Дс Сс Ср Бс Жм Сб. Жк
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет