«Қазақ поэзиясының құлагері» атанған, қазақ халқының үш бәйтерегінің бірі, ақын және қоғам қайраткері Ілияс Жансүгіровтің туғанына биыл 130 жыл толып, еліміздің жержерлерінде аталып өтуде. Өткен сәрсенбі күні Нұра ауылдық кітапханасының ұйымдастыруымен қазақ сөз өнерінің дүлдүлі Ілияс Жансүгіровтің туғанына 130 жыл толуына орай игі шара өтті.
Жетісудың жампоз ақыны І.Жансүгіровтің өмірі мен ақындық құдіреті, шығармашылығымен кеңінен таныстырылып, бейне көрсетілімдер арқылы ақынның өміріне шолу жасалды. Кітап көрмесі ұйымдастырылды. «Қазақтың үш бәйтерегінің бірі» атты поэзия мұражайының қонақтары – О.Жандосов атындағы мектеп-интернатының 10-11 сынып оқушылары ақынның өлеңдерін оқып, өмірбаянынан естелік қойылымдар көрсетті.
Клара ЕСИМОВА,
Нұра ауылының кітапханашысы.
