Экологиялық мәдениетті қалыптастыру мен халықтың табиғатқа деген сүйіспеншілігін ояту мақсатында ұйымдастырылған «Таза Қазақстан» акциясына Талдыбұлақ орта мектебі белсене қатысты.

«Таза өлке» апталығында елді мекенде тазалық жұмыстары ұйымдастырылды. «Жасыл аймақ» тақырыбын-дағы апталықта футбол алаңының айналасы абаттандырылып, ағаш көшеттері отырғызылды. «Өнегелі ұрпақ» апталығында қарттарға көмек беріліп, ауласына тазалық жұмыстары жүргізілді. «Мөлдір бұлақ» апталығында су қоймалары, өзендер мен көлдердің айналасы қоқыстан тазартылды.

Тазалықты өзімізден бастауымыз қажет. Осыны түйсінген мектеп ұжымы, ауыл тұрғындары бес апта бойы өткізілген экологиялық акцияға белсене қатысып, оқушыларға үлгі болды.

А.САБАНШИЕВА,

Талдыбұлақ орта мектебі директорының тәрбие ісі жөніндегі

орынбасары.