Қазақ поэзиясының көрнекті өкілі, халқымыздың мұзбалақ ақыны Мұқағали Мақатаевтың 95 жылдық мерейтойына орай Көлді орта мектебінде мектеп ұжымындағы ұстаздардың ұйымдастыруымен әдеби-сазды кеш өтті.
Аталған шараның мақсаты – оқушыларға ақынның бай әдеби мұрасын таныту, поэзия арқылы ұлттық рух пен адамгершілік құндылықтарды дәріптеу, жас ұрпақтың көркем әдебиетке деген қызығушылығын арттыру болды. Кеш барысында Мұқағали Мақатаевтың өмірі мен шығармашылығы жайлы мәліметтер беріліп, оның қазақ әдебиетіндегі айрықша орны атап өтілді.
Әдеби-сазды кешке қатысқан ұстаздар ақынның таңдаулы өлеңдерін мәнерлеп оқып, оның сөзіне жазылған әндерді орындады. Сонымен қатар, поэтикалық қойылымдар ұсынылып, Мұқағали жырларының терең мазмұны мен тәрбиелік мәні жан-жақты ашылды. Шара ұжымға рухани әсер сыйлап, ақын шығармашылығына деген қызығушылықты арттырды.
Ақынның өлеңдері – жас ұрпаққа өнеге, рухани тәрбие беретін сарқылмас қазына.
Бахтияр ИСМАИЛОВ,
Көлді орта мектебінің директоры.
