Парламенттің рөлі мен ықпалының артуы – халық өкілдігінің күшеюінің белгісі. Заң шығару үдерісінің сапасы жақсарып, депутаттардың жауапкершілігі артты. Бұл қабылданатын заңдардың қоғам мүддесіне барынша сай болуына жағдай жасайды.

Парламенттің Үкімет қызметіне бақылау жасау тетіктері кеңейіп, атқарушы биліктің есептілігі күшейтілді. Депутаттардың заң жобаларын бастамалау және талқылау мүмкіндіктері артып, қоғамдық пікірді ескеру тәжірибесі жүйелене түсті. Бұл заңдардың ашық талқылануына, сараптамалық негізде қабылдануына жол ашады.

Сонымен қатар, саяси партиялардың Парламенттегі өкілдігі кеңейіп, пікір алуандығы мен саяси бәсекелестік қағидаттары нығая түсті. Мұның бәрі халық сенімін арттырып, өкілді органның беделін күшейтеді.

Осылайша, Парламенттің институционалдық әлеуетінің өсуі – демократиялық басқару моделінің орнығуының маңызды көрсеткіші. Бұл мемлекет пен қоғам арасындағы диалогты тереңдетіп, заң үстемдігіне негізделген әділетті құқықтық жүйені қалыптастыруға ықпал етеді.

ТАЛКАМБаЕВА

Айжан Жакыпбековна

Аудандық маслихат депутаты