Ташкенсаз ауылындағы Х.Абдуллин атындағы орта мектебінде Кеңес әскерінің Ауған жерінен шығарылғанына 37 жыл толуына орай әскери-патриоттық сынып және клубтарының оқушылары арасында «Жас мерген-2026» пневматикалық мылтықпен оқ атудан облыстық біріншілік өтті.
Сайысқа «Қазақстандық жас патриоттар Академиясы» республикалық қоғамдық бірлестігі Алматы, Жетісу облыстық филиалының директоры Жанатгүл Бутимбаева, «Жас сарбаз» жасөспірімдер әскери-патриоттық қозғалысы» республикалық қоғамдық бірлестігінің төрағасы Мейірбек Меңдіғалиев, Ауған соғысының ардагелері Алмаз Тасанов, Бахытжан Аршидинов, Алымжан Айсаров қатысып, жасөспірімдердің өнеріне оң бағасын берді. Ауған жерінде оқ пен оттың ортасында мерт болып, Отанға оралмаған жауынгерлерді бір минут үнсіздікпен еске алды. Мектеп директоры Мирамкүл Уракбаева және Жанатгүл Бутимбаева қонақтарға ризашылығын білдіріп, жарысқа қатысушы оқушыларға сәттілік тіледі.
Сақадай қатар тізілген мектеп оқушыларын әскери-патриоттық сыныптарының жетекшісі Ертай Андосов сайыс ережесімен таныстырды. Жарыс барысында түрлі сыныптар арасында мергендер санықталып, нысананы дәл көздеген оқушылар марапатталды.
Өз тілшіміз.
