Қар төсеніп, мұз жастанып, еркіндік үшін ерлікпен арпалысқан бабаларымыздың үміті ақталып, егемендікке қол жеткізгенімізге 29 жылдың жүзі болды. Ендігі мақсат – халқымыздың баға жетпес байлығы  болған тәуелсіздіктіің тұғырын берік етіп, болашаққа нық қадам басу.

Тәуелсіздік – тәңірдің бізге берген тәтті сыйы. Оған қол жеткізу оңай болған жоқ. Сол секілді азаттықты қастерлеп бағалау да, болашақ ұрпаққа аманат етіп табыстау да – біздің қасиетті борышымыз.

Биыл Қазақстанның Тәуелсіздігіне 29 жыл болды. Осы аз уақыт ішінде еліміз көптеген жетістікке қол жеткізді, оның бірі медицина саласында.

Елімізде медицина жылдан жылға қарыштап дамуда. Әрине, медицина, әсіресе, қазіргі жағдайда өте маңызды сала. Адамдардың денсаулығын сақтау мен нығайту, сырқаттарды емдеу мен аурудың алдын алу – бұл әр адамзат баласының түпкі мақсаты болуы тиіс.

Қазақстандықтар алмағайып өтпелі кезеңнің барлық қиындықтарын жеңіп, әлемдік сахнаға көтерілді. Республикамыздың осындай биіктіктерді бағындыруына барлық азаматтар сүбелі үлес қосып келеді. Ұрпақтарының ырысы ортаймасын, намысы тапталмасын деп көксеген ата-бабамыздың арманы орындалған осы шақта еліміздің ертеңі жолындағы еңбегіміз еселене берсін!

Ұлттық қасиетіміз бенұлттық құндылықтарымызды ұлықтап, ұлттық намысымызды оятқан, әлемге қазақты азаттықсүйгіш, рухы биік, намысы берік халық ретінде жариялаған Тәуелсіздік күні құтты болсын!

Ринат АҚКЕНЖЕЕВ,

Қойшыбек ауылдық дәрігерлік амбулаторияның меңгерушісі