Жақында Алматы облысының дене шынықтыру және спорт басқармасының ұйымдастыруымен Райымбек ауданының Сарыжаз ауылында  Алматы облысының 90 жылдығына арналған шаңғыдан облыстық чемпионат өтті. Жыл сайын өтетін дүбірлі додаға шаңғы спортын жанына  серік  еткен 3 қала, 17 ауданнан келген 200-ден аса  спортшы қатысты. Бірнеше күнге созылған  жарыстың қорытындысы бойынша Еңбекшіқазақ ауданы жалпы командалық есепте биыл үш мәрте 1-орынды алып, облыс чемпионы атанып отыр. Ауданымыздың намысын қорғаған ұстаздарымыз – Мирас Ғаниұлы, Дулат Нұрмұхамбетов, Малика Базилқызы, Светлана Сляднева, Қанат Беримбаев, Қымбат Рахымжан, Абдрашид Бахтиев, Нұрбол Алпамысұлы, зейнеткер Алпыс Ермағанбетов, Нұрсара Жылгелдиева, Роза Күштібаева, Екатерина  Шамакова  сынды  спортшыларымыз  жеңіс туын желбіретті. Эстафета жарысында ерлер командасы  3-орын  алса,  әйелдер  командасы 2-орынды иеленді.

Қанат БЕРИМБАЕВ,

И.Шорманов атындағы мектептің дене шынықтыру пәнінің  мұғалімі.