Жұма, 31 Мамыр 2019 16:15

«Альтаир» – суперкубок иегері

«Альтаир» –  суперкубок иегері mezet.kz

Өткен демалыста Алмалы ауылындағы стадионда футболдан ауданымыздың суперкубок ойыны өтті. Жарыста былтырғы 1, 2 лиганың чемпиондары Рахат ауылының «Рахат» және көктөбелік «Альтаир» командалары өнер көрсетті. Ауданның бас төрешісі Наурыз Сетнасипов ойынға төрелік етті.

Жарысты тамашалауға көрші ауылдардың жастары жиналып, спорт ардагерлері де қалыс қалмады. Сонымен қатар, ауданымыздан шыққан белгілі волейболшы, «Алтай» клубының ойыншысы Татьяна Фендрикова, спорт жанашыры, аудандық мәслихат хатшысы Бекет Ахметов, аудан әкімінің орынбасары Айбек Бидаев, бөлім басшылары мен аталған қос округ әкімдері де ойыншыларға жанкүйер болды.

Жарыстың ашылу салтанатында қатысушыларға сәттілік тілеген Бекет Ахметов футбол ойынының жастар арасындағы маңызына тоқталып өтті:

– Алғашқыда ауданымыздың чемпионатында санаулы ғана команда ойнайтын. Қазір, міне, 30-дан астам команда чемпиондыққа таласады. Яғни, еліміздің болашағы – жастар спортты қолдайды, салауатты өмір салтын ұстанады. Спорт – денсаулық кепілі. Сонымен қатар, жастар арасындағы достықтың көпірі, – деді

Төрешінің ысқырығы берілісімен командалар теңбіл допты ұршықша иіре жөнелді. Бапкерлерінің айтуынша, футболшылардың жартысы ораза ұстаған, соған қарамастан қос чемпион да тамаша ойын үлгісін көрсетті. Осылайша, 1 таймда есеп ашылмады. Ойынның екінші бөлімі де командалардың бір-бірінің қақпасына жасаған қарымта шабуылдарымен басталды. Өз қақпасының жанында рахаттық футболшы ойын ережесін бұзып, көктөбеліктер айып добын соғып, есеп ашты. «Рахат» командасына да талай мүмкіндіктер беріліп, алайда, орайлы сәтті оңтайлы пайдалана алмады. Осылайша, тартысты ойын 1:0 есебімен, «Альтаир» командасының пайдасына шешілді.

Алмалыда өткен суперкубок ойыны биылғы аудан чемпионатының шымылдығын ашты. Сол күні алғашқы ойындары басталды. Аудандық спорт және дене шынықтыру бөлімінің басшысы Ерболат Сарабековтың айтуынша, осы жылғы чемпионатқа 30-дан астам команда қатысып, өз бақтарын сынайды.

Сардарбек НҰРАДИН.

Оқылды 1192 рет
Осы категориядағы басқа материалдар: « Турнир С.Тынысбекова «Альтаир» – суперкубок иегері »

Соңғы жаңалықтар

Сәу 19, 2024

Жастарды жат ағымдардан сақтау –…

Дін саласы – қоғамдағы күрделі әрі нәзік дүние. Сондықтан дін айналасындағы мәселелер де…
Сәу 19, 2024

Мәһір маңызды ма?

Соңғы кездері әлеуметтік желіде жастар арасындағы мұсылмандық неке қию рәсімінде…
Сәу 19, 2024

Науқан жалғасуда

Тазалық – саулық кепілі. Иә, тәнімізді һәм жанымызды таза ұстаумен қатар, өзіміз өмір…
Сәу 19, 2024

Тазалық – ұлы істердің бастамасы

Елбасымыз Қасым-Жомарт Тоқаев бастамасымен елімізде «Таза Қазақстан» экологиялық акциясы…
Сәу 18, 2024

Алматы облысы Еңбекшіқазақ ауданы…

Мен, Қасымшалов Дулат Сарсенбекұлы, 1990 жылы 12 наурызда Еңбекшіқазақ ауданы Шелек…
Сәу 18, 2024

Алматы облысы Еңбекшіқазақ ауданы…

Мен Әлімжан Жасұлан Сәбитұлы, 1992 жылы 8 шілдеде Райымбек ауданында дүниеге келдім. 2014…
Сәу 18, 2024

Алматы облысы Еңбекшіқазақ ауданы…

Құрметті Малыбай ауылдық округінің сайлаушылары! Мен, Бектасов Мәди Мәдиярұлы 1982 жылдың…
Сәу 17, 2024

Горнодобывающий сектор – стимул для…

Вольфрам входит в первую десятку редких металлов, незаменимых в современном промышленном…
Сәу 15, 2024

Зоя МАГАМАДОВА, заместитель…

Акцию «Таза Қазақстан» школа имени Толе би проводит с начала апреля. Учащиеся 5-11…

Күнтiзбе

« Сәуір 2024 »
Дс Сс Ср Бс Жм Сб. Жк
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет