Баяғыда бір қарт кісі немересіне:

–       Әр адамның бойында қос қасқырдың таласындай үздіксіз арпалыс болады. Қасқырдың бірі жамандықты: қызғаныш, өкініш, менмендік, қулық, қастықты білдірсе, енді бірі жақсылықтың: адамгершілік пен сүйіспеншіліктің, сенім мен мейірімнің нышаны, – деген екен.

Ата сөзінің тереңіне үңілген немересі:

–       Түбінде қасқырдың қайсысы жеңеді? – деп сұрапты.

–       Өзіңнің асыраған қасқырың жеңеді, әрине, – деген екен ақсақал жымия.

Өз бойыңыздағы қай «қасқырдың» семізірек екенін білесіз бе?

Аударған: Құралай МҰРАТҚЫЗЫ