Ауа тамшылы жұқпалар - бұл ауада қоздырғыштармен (микроорганизмдермен) ластанған кішкентай тамшылар арқылы тарайтын инфекциялар. Бұл тамшылар әдетте науқас адам жөтелгенде, түшкіргенде немес сөйлегенде ауаға тарайды, осы кезде сау адамға жұғуы мүмкін. Мысалға ауа тамшылы жұқпаларға: тұмау, жіті респираторлы вирустық инфекция, COVID 19 коронавирустық инфекция, көкжөтел, қызылша, қызамық т.б. инфекцияларды жатқызуға болады.
Ауа тамшылы жұқпалардың алдын алу үшін бірнеше шараларды қолдануға болады. Оның ішінде:
- Қолды жиі жуу: Күнделікті қолды сабындап, ағынды сумен кем дегенде 20 секунд бойы жуып отыру қажет.
- Маска тағу: жұқпалы аурулар таралмауы үшін маска тағу, әсіресе қоғамдық орындарда, өте маңызды.
- Әлеуметтік арақашықтық сақтау: Адамдар арасындағы қашықтықты кем дегенде 1 метр ұстап тұру, жұқпалы аурулардың таралу мүмкіндігін азайтады.
- Науқас адамдармен қарым қатынас жасамау: Суық тиюдің немесе басқа да жұқпалы аурулардың белгілері бар адамдармен тікелей қарым-қатынас жасамау.
- Ауа алмастыру: Өзіңіз тұратын бөлмелерді жиі желдетіп тұру ауада бактериялар мен вирустардың таралауын азайтады.
- Дезинфекция: Тұрмыста жиі қолданатын есік тұтқалары, телефон, тұрмыстық техниканың қашықтықтан басқару тетіктерін және басқа да заттардың бетін дезинфекциялаушы заттармен зарасыздандырып отыруды.
- Иммундық жүйені нығайту: Вакцина арқылы басқарылатын жұқпалардан (көкжөтел, қызылша, тұмау т.б.) осы ауруға қарсы арнайы вакцинаны қолдануды. Сол сияқты, саламатты өмір салтын ұстану, дұрыс тамақтану және жұмыс пен демалыс ережесін сақтау, таза ауада жиі серуендеу адамның иммунитетін жақсартады.
Бұл шаралар жалпы ауа тамшылы жұқпалардан қорғануға көмектеседі.
Еңбекшіқазақ аудандық СЭББ
басшысының орынбасары Д.Бақберген
