Сәрсенбі, 02 Маусым 2021 11:29

Әке көрген оқ жонар

Бүгінде ауыл шаруашылығы саласының өркендеуі шаруа қожалықтарының дамуына тікелей байланысты. Əрине, Үкімет тарапынан оларға барынша көмек жасалып жатыр. Дегенмен, мал шаруашылығы саласында осы күнге дейін шешімін таппаған шетін мәселелер бар. Қорам ауылындағы шаруа қожалығына жасаған сапарымызда шаруаның жұмысымен танысып, түйінді мәселесін тыңдап қайттық.

«Қазына»  шаруа қожалығы құрылғанына 20 жылдан астам уақыт болған. Қорам ауылдық округінде орналасқан бұл шаруа қожалығы қазіргі кезде жүгері, жоңышқа егіп, 50 гектар жерді игеріп отыр. Қожалық жетекшісі Әлмұрат Әділбеков ауылдың әлеуетін көтеруге үлес қосып, қыруар жұмыстар атқарып келеді. Әкесі Төлеген Әділбекұлы Кеңес одағы кезінде қарапайым малшы болғандықтан, бұл кәсіп әкеден балаға мирас болып қалған.

Бүгінде қожалықтың иелігінде 150 бас Алатау ірі қарасы, 60 бас жылқы бар. Сондай-ақ 50 гектар жерді 1 трактор және 1 экскаватормен игереді. Мал жайылымын суару  үшін ағынды су арқылы  700 метрдей тереңдікте артезиан құдығы қазылған.

«Қазына» шаруа қожалығы «Фуд Мастер» жауапкершілігі шектеулі серік-тестігімен 1 жылдан аса уақыт мерзімге келісімшартқа отырып,  қазір сүт сатумен айналысады. Оған дейін жеке кәсіпкерлерді де сүт өнімімен қамтамасыз етіп отырған. Шаруа қожалығы күніне 400 литр сүт өндіреді. Көктем мезгіліне байланысты «Фуд Мастер» ЖШС 2 күнде 1 рет сүт өнімін алып кетеді.  Ал жаз айларында сүт күнделікті тасымалданады. Сауылған сүт сыйымдылығы 1100 литр көлемдегі тоңазытқышта (суретте) сақталады.

Қожалықта қазан – мамыр айлары қыстау мезгілі болып саналады. 15 мамыр – шаруа қожалығының қыстаудан жайлауға шығатын кезі. Сол мерзімнен қыркүйек айына дейін олар Түрген орманшылығының жерін жалға алып, сонда жазды өткізеді. Қыстаудан жайлауға шығатын кезде әртүрлі ауруларға (қарасан, топалаң, дерматид, іш құрт ауруына) қарсы төтеп беруі үшін Алатау сиырлары жылына 2 рет дәріленеді. Бүгінгі таңда шаруа қожалығы 5 адамды тұрақты жұмыспен қамтып отыр. 

Әлмұрат Әділбековтің айтуынша,  жер мәселесі шаруашылықтың  қанатын кеңге жаюға кедергі келтіріп тұр.

– Біздің шаруа қожалығы ауылдан шалғай орналасуы біраз қиындық туғызып отыр. Көктем мезгілінде жер лай, балшық болып көлік қатынасы қиындайды. Сондықтан ауылға жақын жер болса, мемлекеттен субсидия алып, қожалығымызды кеңейтетін ойымыз бар. Егіндік жер де біраз қиыншылық тудырып отыр. Жердің жартысы өзіміздікі болса, жартысын жалға аламыз. Қожалыққа баратын жол жарамсыз болғандықтан, «Фуд Мастер» компаниясы сүтті ауылдан алып кетеді. Ал біз тоңазытқышты ауылға қойып, сүтті сонда тасымалдаймыз. Егер ауыл маңынан жер телімі берілсе, бізге сол тиімді болар еді. Қожалықты кеңейтсек, ауыл тұрғындарын жұмыспен қамтуға мүмкіндік туар еді, – дейді Әлмұрат Төлегенұлы.

«Әке көрген оқ жонар» дейді халық даналығы. Әке жолын жалғап, кәсібін дөңгелетіп отырған шаруа қожалығының төрағасы қайырымдылықпен айналы-сады. Жағдайы төмен отбасыларға көмек көрсетіп, ауылдың гүлденуіне барынша үлес қосып келеді.

 

Ілия СҰЛТАН

Оқылды 904 рет

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет