Халықаралық қарттар күні еліміздің барлық елді мекендерінде аталып өтті. Соның бірі – Шелек аулының мәдениет үйінде қарттарға арналған іс-шара.

Қадірменді қарттарды құттықтап ауылдық  округ әкімі Айдарбек Дауытқұлов, ардагерлер кеңесінің төрағасы Әбілбек Айтақынов, тағы басқалары сөз сөйлеп, жылы лебіздерін білдірді. Одан кейін аудан әкімдігінің ұйымдастыруымен «Алатау әуендері» ансамблінің «Қарттарым – асыл қазынам» атты концерттік бағдарламасын тамашалатты.

Ал Шелек тарихи-өлкетану музейінің ұйым-дастыруымен, музей педагогикасын дамыту мақсатында тоқыма мен бейнелеу өнеріне арналған шеберлік сағаты өтті. Ы. Алтынсарин атындағы мектеп оқушылары қатысқан шарада Қазақстан этнодизайнерлер одағының мүшесі, ардагер ұстаз Анаят Акимбеков пен музей қызметкері Ақерке Жұмабай халқымыздың ұмытылып бара жатқан тоқыма өнері, оны тоқу технологиясы, түрлі тоқу әдістері жайлы және сурет салудың қыр-сыры туралы мағлұматтар берді. Шебер өнершілердің жұмыстарын оқушы-лар қызыға тамашалады. Ардагер суретші Анаят Жексембайұлын қарттар күнімен құттықтап, иығына шапан жапты.

Сондай-ақ Шелек модельді ауылдық кітап-ханасының ұйымдастыруымен политехника-лық колледждің 1 курс студенттерінің арасында қарттар күніне орай «Қарттарын қадірлеген ел озады» деген тақырыпта   үлкендерді құрметтеу, еңбектерін елеп, ақыл-кеңестерін тыңдап, өнеге алу мақсатында информ дайджест өттіі.

Анарбек МӨКІШҰЛЫ.