Кезекті сессия жұмысында халық қалаулылары аудандық мәслихат хатшысының 2019 жылы мәслихаттың қызметін ұйымдастыру бойынша атқарған жұмыстары туралы есебін тыңдады.
Кезекті сессия жұмысында халық қалаулылары аудандық мәслихат хатшысының 2019 жылы мәслихаттың қызметін ұйымдастыру бойынша атқарған жұмыстары туралы есебін тыңдады.
Мінберге көтерілген Бекет Ахметов атқарылған істердің бәрі де аудандық мәслихат депутаттарының біріге іс қылуы-ның нәтижесі деді. Кейіннен жүйелі жұмысқа жіті тоқталды: – Құрметті әріптестер, заңға сәйкес мәслихаттардың қызметінің негізгі нысаны сессия болып табылады және дәл сессия арқылы біз атқарушы органдармен бірлесе отырып, Жолдауда белгіленген міндеттердің, мемлекеттік бағдарламалардың іске асырырылуы мен орындалуын қарастырып, көзделген мұраттарға қол жеткізе аламыз. Сессияларға депутаттардың орташа қатысуы 90,9% құрайды.
VI шақырылымның жұмыс кезеңіндегі алғашқы 3 жылында (2016 – 2018 ж.ж.) жалпы 40 сессия өтіп, 208 шешім қабылданса, есепті аралық - 2019 жылы 17 сессия өткізіліп, 63 шешім қабылданды. Бүгінгі таңда «Нормативтік құқықтық актілер туралы» Қазақстан Республикасының Заңына сәйкес құқықтық нормаларын белгілейтін аудандық мәслихаттың 20 нормативтік құқықтық шешімі қолданыста.
«Қазақстан Республика-сындағы жергілікті мемлекет-тік басқару және өзін-өзі басқару туралы» Қазақстан Республикасы Заңының 12-бабы 1-тармағына сәйкес мәслихат өзінің өкілеттік мерзіміне 4 тұрақты комиссия құрды. Оны бәріңіз жақсы білесіздер.
Есепті кезең бойынша (2019 жылы) тұрақты комиссиялардың 6 отырысы (оның ішінде1 көшпелі, 5 біріккен) өткізілді. Онда 30 есеп тыңдалды. Олардың басым көпшілігі тұрғындарды әлеуметтік қорғау, бюджеттік заңдылықтар, азаматтардың құқықтары мен мүдделерін қорғау, жер заңдылығы, аудан тұрғындарын азық-түлікпен қамтамасыз ету жайларын қамтиды, аталғандар бойын-ша тиісті қаулылар қабылданып, орындалу үлесі 74,3 пайызды құрады.
Жалпы комиссиялардың құрылған уақытынан бері 27 отырыс (жеке – 3; көшпелі – 6; біріккен - 18) өтіп, 128 есеп қаралды, – деді.
Мәслихат хатшысының мәліметінше, есепті жыл ішінде түрлі бағытта 6 депутаттық сауал жолданған. Бұл ретте «Нұр Отан» партиясы аудандық филиал төрағасының бірінші орынбасары Қуат Байғоджаев: – Құрметті әріптестер, депутаттық сауал жолданғаннан кейін нақты жауабын қолдарыңызға алып отырыңыздар. Себебі, бұл біздің яғни, депутаттардың негізгі атқарар жұмыстары. Бұл арқылы біз партиямыздың беделін арттырамыз, өз жұмысымызды жақсы қырынан көрсете аламыз – деді.
Шынын айту керек, 6-шақырылымдағы депутаттардың тыңнан түрен салған тұсы – әр елді мекенді жіті аралап, зерделеуі. Бұл ретте 75 елді мекен мен аудан орталығында болып, еңбек ұжымдарымен, халықпен кездесулер ұйымдастырылған. Нәтижесінде, 356 сұраныс түсіп, олар маңыздылығына қарай 204 мәселеге топтастырылған. Қалғанына сол жерде тікелей жауап берген халық қалаулылары. Осы аясында кеңінен әңгімелеген Бекет Төлегенұлы: – Көп жұмыс атқарылды, бірақ алда да істелінетін істер мол. Жұмысымыздың жағымды жақтарынан басқа, кемшіліктеріміз де бар, оларды біз дер кезінде жетілдіріп және жақсарту бойынша тиісті шаралар қабылдайтын боламыз, – деді.
Сондай-ақ, сессия барысында бірқатар шешімдерге өзгерістер мен толықтырулар енгізілді.
Сессия қорытындысында аудандық мәслихат хатшысы Бекет Ахметовтың жұмысына депутаттар жоғары баға берді.
Қайнар ЖҰМАҒОЖА,
аудандық мәслихат
депутаты
