Мемлекет басшысы елорданы абаттандыру жөніндегі жобалардың іске асырылу барысымен, сондай-ақ қаланың инфрақұрылымдық және әлеуметтік-мәдени нысандарының құрылыс жос-парымен танысты. Нұрсұлтан Назарбаев Астанада жаңа сәулет және логистика ғамараттарын салу кезінде қалақұрылысы саласындағы әлемдік жетістіктерді зерттеп, оларды қолдану қажеттігін атап өтті.

Елбасы «Астана Бас жоспары» ғылыми-зерттеу жобалық инс-титуты» жауапкершілігі шектеулі серіктестігінде болды.

Қазақстан Президенті қала-дағы өмір сүру сапасы мен жайлы тұрмыс деңгейін арттыруға бағытталған әлеуметтік жобаларды іске асырудың маңызды екенін айтты. Сонымен қатар, Мемлекет басшысы елорданың 20 жылдығына арналған мерекелік іс-шараларды ұйымдастырып, өткізу мәселесіне баса назар аударды.

– Біз 20 жыл ішінде Ұлы Даланың дәл ортасында бүкіл әлемге танылған жаңа әсем қала тұрғыздық. Бұл қала халқымыз-дың мақтанышына айналды. Әрине, бұл – қала әкімшілігінің, құрылысшылардың, сәулетшілер мен осы үдеріске атсалысқан көптеген адамның маңдай терінің жемісі. Біз биыл елордамыздың 20 жылдығын тойлаймыз. Қонақ-тарымыздың бәріне елорданың жиырма жылда қол жеткізген тартымдылығын, әсемдігін және тыныс-тіршілігінің жоғары дең-гейде екенін көрсетуіміз қажет, – деді Елбасы. Сондай-ақ, Астана қаласының әкімі елорданы одан әрі дамыту және қала тұрғындарының өмір сүру жағдайын жақсартудың негізгі көрсеткіштеріне қол жеткізу үшін атқарылып жатқан жұмыстар жөнінде баяндады. Соңында Нұрсұлтан Назарбаев бірқатар нақты тапсырма берді.

«Егемен қазақстан» газетінен алынды.

Н.Ә. Назарбаевтың «Президенттің бес әлеуметтік бастамасы» көңілге жаңа үміт бүршік жарғызып, сенімімізді сергіте түсті. Елбасы бас-тамаларының біріншісі «Әр-бір отбасына баспана алудың жаңа мүмкіндіктерін беру» делінген.

Шелек ауылында заманауи үлгіде бой көтерген біздің мектеп ұжымының 80%-ын жас-тар құрайды. Жастар мен жас отбасылардың табыс деңгейін көтеріп, баспана алудың қолжетімділігі арттырылса, онда жастардың жұмысқа деген ынта-жігері өсіп, талаптана түсер еді, – дейді жас ұстаздардың бірі Шыңғыс Өтежанов. Сондықтан, бұл бастама, әсіресе, жастарға жағымды жаңалық болды.

Екінші бастамада жалақысы төмен жұмысшылардың еңбека-қысын көбейту үшін олардың салық жүктемесін азайту көздел-ген. Мектебімізде аз қамтылған отбасынан 215 бала оқытылуда, олардың ата-аналары барлығы дерлік жалақысы төмен жалдамалы жұмысшылар. Шынында олардың еңбекақысынан алынатын салық төмендетілсе, жағдайлары жақсарып, еңбека-қылары нақты көбейе түсер еді.

Үшінші бастама халықтың жоғары білім алуына жағдай жасап, сапалы мамандық иелерін дайындау мен студенттердің жатақханадағы жағдайын жақ-сартуға бағытталды. Келер оқу жылында мемлекеттен қосымша 20 мың грант бөлуді президент тапсырып отыр. Бұл да жастарға мемлекет қамқорлығының айқын көрінісі. Қазіргі таңда сұранысқа ие болып отырған инженер, ақпараттық технология, робот техникасы, нанотехнология саласындағы жетіспейтін мамандардың грантының көбейтілуі, мекте-біміздің алғашқы түлектеріне үміт отын ұялатып отыр. Төртінші бастама шағын несие беру мәселесіне арналған. Жаппай кәсіпкерлікті дамыту үшін шағын несиеге бөлінетін қаржы көлемі 20 миллиардқа артып отыр. Жеңілдетілген шағын несие ауылдық жерлерде жұмыс орындарының көбеюіне ықпал етіп, ауыл тұрғындарын серпілтіп, халықтың материалдық жағдайы жақсаратын болды.

Президент ұсынған бесінші бастама елді газбен қамтамасыз етуді жалғастыру делінген, ауылымызда газ құбырлары тартылып, көгілдір отын - газдың келуі осы бастаманың жарқын көрінісі.

Елбасының бастамаларын ұстаздар қауымы, ауыл тұрғын-дары үлкен қуанышпен қарсы алдық. Тәуелсіздігімізді баянды ете түсу үшін осы істер игі қадам болары анық.

Б.Толегенова,

тарих және музыка пәнінің мұғалімі.

2018 жылы ҰБТ-ның қазіргі форматы сақталады. Былтырғы жылы енгізілген ҰБТ форматының басты ерекшелігі – емтиханның екіге бөлінуінде: Қорытынды аттестация және ҰБТ. Қорытынды аттестация мектеп түлектеріне, ал ҰБТ жоғары оқу орнына түсушілерге арналған.

Қорытынды аттестаттауды мектеп түлектерінің барлығы тапсырады. Ол 5 пәннен тұрады. 4-еуі міндетті, 1-еуі таңдау пәні. Олар: ана тілі және әдебиет – эссе (жазбаша) берілетін уақыт – 3 сағат; алгебра және анализ бастамалары – жазбаша, берілетін уақыт – 5 сағат; Қазақстан тарихы – ауызша, билеттерге жауап беру арқылы; Орыс, өзбек, ұйғыр және тәжік мектептерінде – Қазақ тілінен, қазақ мектептерінде – орыс тілінен тестілеу түрінде; Таңдау пәндеріне: физика, химия, биология, география, геометрия, дүниежүзі тарихы, әдебиет, информатика, шет тілі (ағылшын, француз, неміс) – тестілеу (оқу бейініне байланысты: қоғамдық-гуманитарлық, жаратылыстану-математикалық). Мектеп бітіру емтихандарының бәрі түлектердің өз мектептерінде өтеді. Қорытынды аттестат-таудың материалдарын ҚР Білім және ғылым министрлі-гінің Ұлттық тестілеу орталығы облыстық білім басқармала-рына жеткізеді. Ауызша, жазбаша емтихандарды мектептер-дегі емтихан комиссиялары бағалайды. Тестілеудің жауап парақшасындағы дұрыс жауаптар кодын да аталған комиссия тексереді.

ҰБТ тапсыру пәндерінің саны – 5 (3 міндетті пән және таңдаған мамандыққа байланысты 2 бейіндік пән). Олар: Математикалық сауаттылық – 20 тапсырма; Оқу сауаттылығы – 20 тапсырма; Қазақстан тарихы – 20 тапсырма; 2 бейіндік пән – 30 тапсырмадан.

«Алтын белгі» иелері, ғылыми жобалардың, республи-калық және халықаралық олим-пиадалардың жүлдегерлері мен жеңімпаздары ҰБТ жалпыға ортақ тәртіпте тапсырады. «Алтын белгі» иелерінің артықшылық-тары тек қатардағы талапкермен баллдары бірдей болғанда ғана ескерілетіні туралы Заң жобасы Парламентте қарастырылуда. Жалпы 120 тапсырма бар. Бірақ, максималды балл 140. Шекті деңгей – 50 балл. Тестілеу уақыты 3 сағат 50 минут.

Тестілеу өткізілетін уақыты ҚР Білім және ғылым министрлігінің бұйрығы арқылы бекітіледі. Шамамен, мерзімдері: Тестілеуге қатысуға өтініш қабылдау 10 нау-рыздан 10 мамырға дейін (ТКТ 1 маусымға дейін); Тестілеуді өткізу: ҰБТ – 20 маусым мен 1 шілде аралығында, ТКТ шілденің 17 мен 23 аралығында; Шығармашылық емтихандар: шілденің 8 мен 13 аралығында; Арнайы емтихандар 20 маусым мен 18 тамыз аралығында өткізіледі (педагогикалық қызмет-ке бейімділігін анықтау үшін педагогикалық мамандықтарға тапсырушылар); Қайта тапсыру 19-24 тамыз аралығында (ҰБТ-да шекті балл жинай алмағандар) және 20-24 қаңтар аралығында (ҚР жоғары оқу орнына шартты түрде қабылданғандар және шетелдік оқу орнынан ауысып келушілер).

Биыл тест тапсырмалары-ның базасы 50 пайызға жаңарды. Былтыр 80 мың тест тапсырмасы болса, биыл – 120 мың. 11 пайызы функционалдық сауаттылықты анықтауға бағыт-талған. 37 пайызының бір немесе бірнеше дұрыс жауабы бар. Бұл пәнді терең түсінуге ықпал етіп, жауаптарды жаттап алудан сақтайды. Биылғы жылы енгізілген жаңалық – мектеп бітірушілердің ҰБТ-ді ағылшын тілінде тапсыруына мүмкіндік бар. ҰБТ немесе кешенді тестілеуге қатысқысы келетіндер емтиханға дайын-дық барысында байқау-сынақ-тарынан онлайн және бланк арқылы тестілеу бойынша өтуіне болады. Бланк арқылы тестілеу түріндегі байқау-сынақтарынан ҰТО филиалдарында, ал онлайн режимдегі байқау-сынақтарынан ҰТО сайтында өтуге болады. www.https://prob-ent.testcenter.kz, www.testcenter.kz.

Барлық мектеп бітірушілерге сәттілік!

Қ.Қасымова,

ҰТО-ның №107 филиал жетекшісі.

«Болашаққа бағдар: рухани жаңғыру» мектепте жүзеге асуда. Көктемгі демалыс күндерінде оқушылардың демалысы мағы-налы да мәнді өтуіне мектеп ұжымы зор үлес қосуда. 5 сынып оқушылары мен сынып жетекші С.Ильясова «Фольклор әлемінде» тақырыбында дөңгелек үстел өткізді.

Балаларға халқымыздың ауыз әдебиеті туралы толық түсінік берілді. Сонымен қатар, балалардың ізденуіне ықпал ететін сұрақтар арқылы өз халқының ауыз әдебиетіне құрмет сезімін оятты. Оқушылар мақал-мәтелдерді, олардың қолдану ерекшелігін айтып, танымдық қабілеттерін арттырды. Оқушылар ауыз әдебиетінің тарихи мәнін ашып, ерте заманнан келе жатқан халқымыздың асыл мұрасы екенін сезінді. Жаңылтпаш, жұмбақ айтып, өз білімдерін дөңгелек үстел барысында көрсете алды.

Эльвира ОМАРБАЕВА,

Төле би мектебі директорының тәрбие

ісі жөніндегі орынбасары.