Еңбекшіқазақ ауданының мәдениет жә-не тілдерді дамыту бөлімінің ұйымдастыруымен Жаңашар ауылдық округінде «Тіл тазалығын сақтайық!» акциясы өтті.
Жаңашар ауылдық округі бойынша халыққа қызмет көрсету мекемелері мен қоғамдық орындарда тіл нормаларының Қазақстан Республикасының «Тіл туралы» және «Жарнама туралы» Заңдарының талаптарына сәйкес рәсім-делуі, олардың сауатты жазылуы қадағаланды. Аталған шара аясында округ бойынша 13 нысанның маңдайша атаулары мен жарнамаларында сәйкессіздіктер анықталып, түсіндірме жұмыстары жүргізілді және ескерту қағаздары берілді.
А.Бугенбаева,
Жаңашар ауылдық округінің
жетекші маманы.
Қазіргі жағдайда кез келген мемлекеттік орган қоғам тарапынан нақты және пәрменді қолдау арқылы ғана табысқа жете алады. Сыбайлас жемқорлыққа қарсы тиімді іс-қимылды, атап айтқанда, халықтың белсенді қатысуымен ғана жүзеге асыруға болады.
Бүгінгі таңда сыбайлас жемқорлыққа қарсы іс-қимыл агенттігінің «1424» Call-орталығы азаматтарға тегін ақпараттық-консультациялық қолдау көрсетеді. Операторлар агенттіктің қызметі туралы сұрақтарға жауап береді, сыбайлас жемқорлыққа қарсы қызмет пен оның қызметкерлерінің жұмысына шағымдар, ұсыныстар мен пікірлерді қабылдайды. Орталық сыбайлас жемқорлық фактілері, оның ішінде жасалған немесе дайындалып жатқан құқық бұзушылықтар жөнінде, сондай-ақ кәсіпкерлік қызметке кедергі келтіру жағдайлары туралы телефон хабарламаларына тәулік бойы ден қояды. Егер бұрын қылмыстық істер бақылау-қадағалау органдары тарапынан жедел әзірлемелер мен құжаттық тексеру материалдары негізінде қозғалса, бүгінгі таңда агенттіктің, сондай-ақ бей-жай емес азаматтардың хабарламаларына да сүйеніп отыр.
Сыбайлас жемқорлық құқық бұзушылық жасады деген күдік туралы қоңырау түскен кезде оператор абонентті агенттіктің кезекші офицерімен дереу қосады, ол хабарламаны тіркейді және жедел ден қою шараларын қабылдайды. Осылайша, әрбір хабарлама уақтылы тексеріледі. Жеткілікті негіздер болған жағдайда сотқа дейінгі тергеп-тексеру басталады.
Биылғы жылы агенттіктің «1424» Call-орталығына заңсыз іс-әрекеттер және сыбайлас жемқорлық құқық бұзушылықтар жасады деген күдік бойынша 378 қоңырау тіркелген. Бұл туралы брифинг барысында агенттіктің 1-ші департаментінің аға тергеушісі Данияр Бигайдаров айтты:
– Call-орталығына келіп түскен хабарламалардың басым бөлігі Ішкі істер органдары қызметкерлерінің (181), жергілікті атқарушы органдар қызметкерлерінің (88), білім беру (45), денсаулық сақтау (28), жұмыспен қамту және әлеуметтік қорғау (20) саласындағы қызметкерлердің пара алу фактісі. Call-орталық арқылы келіп түскен хабарламалардың нәтижелері бойынша тіркелген қылмыстық істердің саны ұлғаюда – деді аға тергеуші.
Ресми мәліметке сүйенсек, хабарламалар негізінде өткен жылдың ішінде 32 іс тіркелсе, ағымдағы жылдың 7 айында 31 іс тіркелді.
Сall-орталыққа азаматтардың келіп түскен хабарламалары бойынша пара алу кезінде 15 адам ұсталды. Олардың арасында құқық қорғау органдарының, сондай-ақ жергілікті атқарушы органдардың және білім беру саласының қызметкерлері бар. 5 адам сотталды. Мысалы, Қарағанды облысында ағымдағы жылдың 16 мамырында Қарағанды қаласы полиция басқармасының қызметкері Н.Халенге алынған пара сомасының (70 мың теңге) 30 еселенген мөлшеріндегі (2 млн. 100 мың теңге) айыппұл түрінде үкім шықты. Алматы облысында ағымдағы жылдың 17 сәуірінде Талдықорған қаласы полиция басқармасының анықтаушысы Б.Ержановқа 10 мың теңге көлемінде пара алғаны үшін сотпен 25 еселік айыппұл салынды, яғни 250 мың теңге мемлекетке қайтарады. Батыс Қазақстан облысында АШМ Орман шаруашылығы комитетінің «Охотзоопром «ӨБ» РМҚК Батыс аймақтық филиалы басшысының м.а. Қ.Әлімқұлов өзінің қарамағындағы қызметкерден жұмыстан босатпағаны және одан әрі қызмет бабында қамқорлық жасағаны үшін 50 мың теңге сомасында пара алған, ағымдағы жылдың 15 шілдесінде сот 10 есе мөлшерде, яғни 500 мың теңге көлемінде айыппұл салды. Кеше ғана Павлодар облысында Call-орталыққа түскен хабарлама бойынша түзеу мекемелерінің бірінің екі қызметкері қолға түсті. Олар сотталушыдан есірткі затын анықтау фактісін жасырғаны үшін 50 мың теңге көлемінде пара алған.
Сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзге де жолмен жәрдемдескен адамдарға, егер кінәлі адамға қатысты әкімшілік жаза қолдану туралы сот қаулысы немесе айыптау үкімі заңды күшіне енген болса, біржолғы ақшалай сыйақы төленеді. Айталық, сыбайлас жемқорлық құқық бұзушылық туралы әкімшілік істер бойынша – 30 АЕК; сыбайлас жемқорлық қылмыстар туралы қылмыстық істер бойынша – 40 АЕК; сыбайлас жемқорлық қылмыстары бойынша орташа ауырлықтағы қылмыстық істер бойынша – 50 АЕК; ауыр санаттағы сыбайлас жемқорлық қылмыстар туралы қылмыстық істер бойынша – 70 АЕК; аса ауыр санаттағы сыбайлас жемқорлық қылмыстар туралы қылмыстық істер бойынша – 100 АЕК.
Мысалы, сыбайлас жемқорлыққа қарсы іс-қимыл агенттігінің call-орталығына полиция қызметкерінің пара алу фактісі туралы хабарлаған Т. азаматы 70 АЕК (176750 теңге) көлемінде ақшалай сыйақымен марапатталды. Биылғы жылы сыбайлас жемқорлық құқық бұзушылықтар туралы хабарлаған 116 азамат қаржылай сыйақыға ие болды. Оның ішінде, call-орталық арқылы 17,7 млн.теңге.
Сонымен қатар, агенттік ағымдағы жылдың 20 мамырында сыбайлас жемқорлыққа қарсы іс-қимыл мәселелері жөніндегі кеңесте берген Мемлекет басшысының тапсырмалары бойынша заңнамалық бастамалар шеңберінде халықаралық тәжірибені ескере отырып, сыбайлас жемқорлық фактілері туралы хабарламалары үшін азаматтарды көтермелеудің сараланған жүйесін енгізу мәселесін пысықтауда.
Пара немесе залал сомасы 2,5 млн.теңгеден асатын қылмыстар бойынша сот үкімімен белгіленген пара немесе келтірілген залал сомасының 10%-ын, бірақ шекті деңгейден аспайтын көлемде (мысалы, 10 млн. теңге) белгілеу ұсынылады.
Мемлекеттік қызмет
істері және сыбайлас
жемқорлыққа қарсы іс-қимыл агенттігінің Алматы
облыстық департаменті.
Государственная корпорация «Правительство для граждан» запустила пилотный проект по оформлению выхода на пенсию через «электронное правительство». Приказ о запуске совместного проекта был подписан между Министерством цифрового развития, инноваций и аэрокосмической промышленности РК и Министерством труда и социальной защиты населения РК.
Многие услуги переходят в электронный формат, сокращается время их получения. Дошла очередь и до электронного оформления пенсий. В скором времени в Казахстане лица, достигшие пенсионноговозраста, смогут делать это с помощью СМС-сообщения.
Если раньше будущим пенсионерам необходимо было в обязательном порядке посещать ЦОН для оформления услуг по назначению пенсионных выплат по возрасту, государственной базовой пенсионной выплаты и пенсионных выплат из единого накопительного пенсионного фонда, то сейчас за 10 дней до достижения пенсионного возраста потенциальному пенсионеру будет приходить СМС с предложением оформить услугу проактивным способом. При согласии будущему пенсионеру необходимо просто ввести слово «да» и отправить ответное СМС.
Стоит отметить, для того, чтобы оформить услугу проактивно, гражданину необходимо заранее предоставить сведения о своей трудовой деятельности в отдел кадров по месту работы для внесения их в Единую систему учета трудовых договоров (ЕСУТД).
На первом этапе проект реализуется среди работников госкорпорации «Правительство для граждан».
По результатам пилотного проекта будет рассмотрена возможность его распространения на другие организации и учреждения. Дальнейшая реализация программы «Цифровой Казахстан» позволит еще более расширить доступ граждан к цифровым сервисам.
Центр обслуживания
населения района.
Қазақстан Республикасының Тұңғыш Президенті Н.Назарбаевтың қолдауымен 2005 жылдан бері республика көлемінде жүзеге асырылып келе жатқан «Жасыл ел» бағдарламасы жыл сайын дәстүрлі түрде біздің ауданда да қарқынды дамуда. Бұл бағдарламаның негізгі мақсаты – ауылдық елді мекендердегі жұмыссыз жастарды мезгілдік жұмыспен қамти отырып, жастар арасындағы жұмыссыздықты жою. Сонымен қатар, жасақшылар арасында әлеуметтік жағдайы төмен, жетім немесе жартылай жетім және мүгедек жастарды да жұмысқа жұмылдыру.
Ауданымызда маусым айында бас-тау алған «Жасыл ел» жұмысы маусым, шілдеде Рахат, Түрген, Тескенсу, Балтабай ауылдық округтері бойынша жалпы 35 жасақшы жұмыспен қамтылса, тамыз айында Малыбай, Асы, Қаракемер ауылдық округтерінен 20 жас жасақшы атанып, үстіміздегі айдың яғни қыркүйек айында облыстық «Жасыл ел» штабының өтініміне сәйкес, Асы ауылдық округі бойынша 10 жас жұмыспен қамтылады. Қыркүйек айының жасақшылары өз жұмыстарына кірісіп те кетті. «Жасыл ел» жасақшыларының атсалысуымен әр түрлі бағыттарда іс-шаралар ұйымдастырылып, аталған ауылдық округтердегі жастар ісі жөніндегі әдіскер нұсқаушылардың бас-тамасымен эстафеталық видео-фото жарыстар да өткізілді. Сондай-ақ, «Таза өзен», «Таза ауыл», «Бұлақ көрсең, көзін аш», «Жастар тазалық үшін!», «Тазалық бізден басталады» атты бірқатар тазалық акциялары арқасында ауылдардағы көше бойлары мен ескерткіштер маңайы, мәдениет үйлері мен мектеп, балабақша аулаларының тазаланып, үлкен жол жиегіндегі ағаштар мен теректер әктеліп, сырланды. «Жасыл ел» жасақшылары тек қана тазалық жұмыстарымен ғана емес, «Ардагерлерді ардақтайық!» ат-ты ҰОС және тыл ардагерлері мен жалғызбасты қарт кісілерге үй шаруашылығында көмектесу мақсатында қамқорлық-қайырымдылық шараларын да өткізді. Алда жасақшылармен атқарар жұмыстар толағай. Әрбір ауданның жасы «Жасыл ел» бағдарламасы арқылы жасақшы атанып, өзінің туған ауылының көркейіп, гүлденуіне үлесін қоса алады.
Айжан Әбіт,
Еңбекшіқазақ ауданының жастар
ресурстық орталығының маманы.
Еліміздегі тұрмысы төмен, мүмкіндігі шектеулі балалары бар отбасылар мен көпбалалы жанұяларға берілетін атаулы әлеуметтік көмекті рәсімдеуге бірнеше өзгерістер енгізілді. Бұл туралы Есік қаласының әкімдігінде өткен жиын барысында айтылды.
Аудандық жұмыспен қамту және әлеуметтік бағдарламалар бөлімінің басшысы Қалдыгүл Айсина, жұмыспен қамту орталығының директоры Берік Иманбаев, округ әкімдері, орынбасарлары мен мамандары қатысқан шара барысында атаулы әлеуметтік көмек алушылар жайында сөз қозғалды. Құжаттарды рәсімдеудегі өзгерістерге тоқталған Қалдыгүл Айсина негізгі мәселелерге тоқталды:
– ҚР Денсаулық сақтау және әлеуметтік даму министрлігінің «Мемлекеттік атаулы әлеуметтік көмекті тағайындау және төлеу қағидаларын бекіту туралы» Бұйырығына 26 тамызда өзгерістер енгізілді. Бұдан былай басқа ауданда тіркелген азамат атаулы әлеуметтік көмекке құжат өткізу үшін 6 ай ауданымызда уақытша тіркеуде тұруы міндетті. Сонымен қатар, АӘК алушылар мекен-жайы немесе жұмыс орны секілді әлеуметтік көмекке әсер етуші факторларды ауыстырған жағдайда, 10 күннің ішінде құзырлы органға ескертуі тиіс. Бұл АӘК-тің көлемін қайта есептеу үшін қажет – деді. Яғни, бұрындары азаматтарымыз бүгін уақытша тіркеуге тұрып, келесі күні құжаттарын өткізе беретін. Ендігі кемінде ауданымызда жарты жыл уақытша тіркеуде тұруға міндеттеледі. Сондай-ақ, бұрындары атаулы әлеуметтік көмек айдың соңында берілсе, жаңа өзгерістер бойынша, әр айдың 10-на дейін берілетін болады. Яғни, қыркүйек айының ақшасы қазанның 10-шы жұлдызына дейін есеп-шотқа түседі. Осылайша, заңсыз әлеуметтік көмек алушыларға тосқауыл қойылады.
Қалдыгүл Оспанәліқызы атаулы көмек алушылардың табысы туралы жаға ұстатарлық цифрларды мысалға келтірді. Сөзіне сүйенсек, жеке кәсіпкер ретінде тіркелген, алайда, табысы төмен деп есептелген 31 отбасының 6 айдағы кірісі 1,5 млн теңгден басталады. Ең жоғарғысы 18 млн теңге. Мұндай ақпараттарды құзырлы орган мемлекеттік кірістер басқармасынан алған. Қазіргі таңда 31 отбасының тізімі жасалып, тексеру жұмыстары жүргізілуде.
Сонымен қатар, соңғы айда 1500-ге жуық отбасы мемлекеттен берілетін көмекті ала алмады. Себебі, аудан бойынша 403 отбасына атаулы әлеуметтік көмек көрсетілу тоқтатылды. Ал 314 жанұяныкі қайта есептелуде. Әлеуметтік көмек алатын 716 адамдікі уақытша тоқтатылған. Осы бойынша учаскелік комиссия төрағаларына қайта тексеру актісін жасау тапсырылды. Оған қоса, ауданда 100 шаршы метрден асатын баспанада тұрып, мемлекеттен көмек алып жатқандар да бар. Ол да қайта тексеріледі.
Соңғы кездері жағдайы жақсы отбасылар да табысын жасырып, мемлекетке қол жайып отыр. Бұл турасында округ әкімдері айтып қалды. Айталық, бірнеше гектар алма бағы бар азамат, жеке кәсіпкерлік арқылы табысын 42 500 теңге деп көрсеткен. Тіпті, әйелі студент полиция қызметкері өзін бала күтімінде деп көрсетіп, құжаттарын өткізген. Тексерсе, еш жерден табысы шықпайды. Себебі, полиция қызметкерлері айлығының 10 пайызын зейнетақы қорына аудармайды. Қалдыгүл Оспанәліқызы мұндай сәтте жұмыс орнына арнайы сұраныс хат жіберіп, анықтау керектігін айтты.
Жиын соңында осы күнге дейін атаулы көмекті заңсыз алып келген отбасыларына әкімдік тарапынан қаржыны қайтару туралы ескерту жасалатындығы айтылды. Олай болмаған жағдайда, мемлекет сот арқылы өндіріп алады.
Сардарбек НҰРАДИН.
Көзмоншақ көлі, тұп-тұнық Түргендей белі, қонақжай елі, шыбық ексең тал өскен жері бар Еңбекшіқазақ ауданы туризмді дамытудың қайнары-ақ. Әйткенмен, сан соғудың қажеті жоқ, уақыт ырғағымен бұл сала да дамуға бет алған. Дәлел десеңіз айтайық, осы жылдың тоғыз айының өзінде 75 729 турист ауданға ат басын бұрған. Сәйкесінше, 106,3 млн теңгеге ақылы қызмет көрсетілген. Бұл туралы блог-турда белгілі болды.
Елбасының «Рухани жаңғыру» бағдарламасы аясында жүзеге асқан шарада аудандық ішкі саясат бөлімінің басшысы Момунжан Исламов, «Еңбекшіқазақ» газетінің бас редакторы Хайролла Ахметжанов, ардагер журналист Мұрат Нақатаев және бірнеше БАҚ өкілдері болды. Мақсат айқын: ауданымыздың киелі жерлерін көпшілікке насихаттау, туризмді дамытуға ықпал ету.
Алдымен журналистер Республикалық «Алтын адам» археологиялық мұражайын аралады. Оларды арнайы аудан делегаттары күтіп алып, қазба жұмыстары жүргізіліп жатқан өңірге апарды. Онда музей директоры Тасқын Тойбаев қазба жұмыстарының жай-жапсарын әңгімелеп берді.
Кейіннен бір топ тілшілер қауымы Есік көліне жол тарты. Кеңес үкіметі тұсында туристердің ерекше ықыласына бөленген көзмоншағымызға 1963 жылғы қайғылы оқиғадан кейін келушілер саябырлаған. Ауданның тізгінін Алханбек Мәлкеев ұстаған тұста көлге дейін жол салынып, теңіз деңгейінен 1700 метр биіктікте тұрған Іле Алатауының көзмоншағына жан бітті. Көл тарихын жан-жақты Хайролла Ахметжанов және Мұрат Нақатаев әңгімелеп берді тілшілер қауымына.
Қазір көлдің жан жағында арнайы автотұрақ, жалға берілетін шатырлар келушілерге жұмыс істеуде. Тұмса табиғатты көремін десеңіз, Есік көлі есігін айқара ашып тұр.
Түс ауа журналистер Түргендегі кіші сарқырамаға бет алды. Аюсай деп аталған сарқырама 50 метр биіктіктен құлай аққан. Тас жолдан 1300 метр тау жағалай жүріп жеткен журналистер мұндағы сұлулыққа тамсанбай қоймады. Құлай аққан судың гүрілі құлақ тұндырады. Арыны қатты су екпіні түскен жеріндегі тастарды ойып, мүжіп, кішігірім көлдің пайда болуына жағдай жасаған. Күннің ыстықтығына қарамастан ондағы су мұздай. Осынау табиғат тылсымдарына қаныққан тілшілер қауымы естелік суретке тоқтаусыз түсіп жатты...
Бүгінде ауданда туризмді дамыту бойынша кешенді жоспарлар жүзеге асуда. Ол турасында аудандық кәсіпкерлік бөлімінің басшысы Нұрболат Серғали әңгімелейді: – Ауданда табиғи қорықтар мен мұражайлар және археологиялық ескерткіштерді аралатудан бөлек туристерді қызықтыратын ауданда басқа да нысандар қызмет көрсетеді. Ауданда барлығы 12 туристік бағыт бойынша туристер қабылдануда. Ауданда туристерді орнықтыруға арналған нысандар жеткіліксіз болғандықтан, олардың санын көбейту мақсатында инвесторларды тартуда бірқатар жұмыстар жүргізілуде. Атап айтсам, «Ескене» ЖШС «Батыс Еуропа-Батыс Қытай» республикалық тас жолының бойында ауданға келген туристерді және жол жүрушілерді қабылдауға арналған заманауи, стандартқа сай жол бойындағы қызмет көрсету кешенін салу жобасы облыстық комиссиядан инвестициялық жоба ретінде оң шешім алып, бүгінгі таңда сұралған жерінің құжаттары рәсімделуде. Жоба құны 600 млн теңгені құрайды, – дейді.
– Бүгінгі блог-турдың маңызы зор. Бұлай дейтініміз, ішкі туризмді дамыту – аудан әкімі Бинәлі Ысқақтың күн тәртібінде тұрған мәселе. Екіншіден, Елбасының «Рухани жаңғыру» бағдар-ламасы шеңберінде іргелі өңіріміздегі киелі жерлерді насихаттау – журналистер құзырындағы іс. Осы ретте аудан әкімдігі қолдау білдіріп, «Мәңгілік Ел тұғыры» қоғамдық қоры ұйытқы болып отырған кездесудің жемісін көреміз деген ниеттеміз. Әрине, бүгінгі аралаған жерлеріңіз біздің ауданның киелі де көркем нысандарының оннан бір бөлігі десек артық айтқандық емес. Ауданымыздағы 79 елді мекеннің әрбірінің киесі бар, мақтанып, марқайып көрсететін құндылықтары да жетерлік. Алдағы уақытта әрбірін жеке-жеке көрсетеміз, елге танытамыз. Бұл аудан әкімінің тікелей қамқорлығында тұрған жайт, – деді аудандық ішкі саясат бөлімінің басшысы Момунжан Исламов журналистерге берген сұхбатында.
Қайнар ЖҰМАҒОЖА.
«Ұлттың сақталуына да, жоғалуына да себеп болатын нәрсенің қуаттысы – тіл» деп қазақ халқының тағдыры мен тілі үшін күрескен алаш арысы, ұлт ұстазы А.Байтұрсыновтың туған күніне сәйкес келетін «Тілдер мерекесі» өз деңгейінде аталып өтті.
Райымбек батыр атындағы орта мектепте мектеп кітапханашысы Л.Еділбаева мен мен бастауыш сынып мұғалімі Г.Абдрахманованың ұйымдастыруымен «Үш тұғырлы тіл – жарқын болашақтың кепілі» атты бастауыш сынып оқушылары арасында үш тілде тақырыптық мәнерлеп оқу мен білім сайысы өткізілді. Бастауыш сынып оқушылары белсене қатысып, жан-жақты білімдерін паш етті.
Бастауыш сынып бірлестігі.
Жастарды тәрбиелеу мектеп пен мекемелердің ғана емес, ата-ананың да міндеті. Баланың бос уақыты көп болған сайын жаман нәрселерге ұрынады. Қадағалаусыздық, түнгі уақытта беймезгіл жүру еліктегіш балаларды қылмысқа итермелейді.
Осыған орай, жуырда Түрген ауылдық округінде түнгі рейд өткізілді. Ондағы басты мақсат – жасөспірімдер арасындағы қылмыстың алдын алу және ескерту, спирттік ішімдіктерді пайдаланатын кә-мелетке толмағандарды, сонымен қатар, оларға алкогольдік ішімдіктер мен темекі өнімдерін сату арқылы қоғамға қарсы іс-әрекеттерге итермелейтін ере-сектерді, түнгі мезгілде ойын-сауық мекемелерінде, тұрғын жайдан тыс жерлерде ата-аналарының қарауынсыз жүрген кәме-летке толмағандарды анық-тап, ойын-сауық мекеме иелеріне және ата-аналарына әкімшілік шаралар қолдану.
Түнгі рейдке аталмыш округтердің жастар ісі жөніндегі нұсқаушылары және Еңбекшіқазақ ауданы ішкі істер басқар-масының жергілікті полиция қызметінің ювиналдық полиция тобының учаскелік полиция инспекторлары қатысты.
Рейд барысында Түрген ауылдық округінің кафелері мен ойынханалары т.б. жастар жиі жиналатын орындар тексерілді. Қазақстан Республикасының әкімшілік құқықбузушылық заңы-ның 132.1 және 442.2 бабы бойынша ешқандай құқықбұзушылық фактілері тіркелген жоқ.
Түрген ауылдық округі әкімі аппараты.
Жақында №1 Рахат орта мектебінде ҚР Президенті әкімшілігінің жанынан құрылған балалардың құқықтарын қорғау жөніндегі республикалық кеңес мүшелерінің қатысуымен жиын өтті. Шараға қатысқан «Nur Otan» партиясы жанындағы балалардың құқығын қорғау жөніндегі кеңестің мүшесі Мансия Исказина, облыстық жұмыспен қамтуды үйлестіру және әлеуметтік бағдарламалар басқармасының бөлім басшысы Ақзира Нұрдуллаева, ҚР Денсаулық сақтау министрлігі Ұлттық денсаулық орталығының маманы Шыңғыс Байкубеков, аудан әкімінің орынбасары Айбек Бидаев, «Nur Otan» партиясы аудандық филиалы төрағасының бірінші орынбасары Қуат Байғоджаев тақырып аясында қордаланған мәселелерді көтерді.
Осы уақытқа дейін жұмыс тобының 7 өңірді аралағандығын айтқан Мансия Исказина Алматы облысы кәмелеттік жасқа толмағандар арасындағы суицидтен бірінші орында екендігін жеткізді:
– Бүгінде Алматы облысы өз-өзіне қол салатын жасөспі-рімдерден көш бастап тұр. Ағымдағы жылдың 8 айында 18 оқиға тіркелген. Бұл – өте үлкен көрсеткіш. Олардың суицидке баруының негізгі себебі, ата-ана мен бала арасын-дағы кикілжің және жауапсыз махаббат. Оған қоса, қыз балалардың ерте бала көтеруі де жиі кездеседі. Бұрындары 16 жастағы қыздар екіқабат болса жағамызды ұстаушы едік. Қазіргі таңда 13 жастағы балалар жыныстық қатынаспен айналысып, бала көтеріп жүр. Сондай-ақ, кәмелеттік жасқа толмағандардың және оларға жасалатын қылмыс көрсеткішінің артып келеді – деген Мансия Аяпбергенқызы мәселенің алдын алу жолдарын айтты. Сөзіне сүйенсек, бүгінде құзырлы органдар бірлеспей, жеке жұмыс жүргізеді. Бұдан нәтиже шамалы. Балалардың құқықтарын қорғап, олармен жақын қарым-қатынаста болу үшін мекемелер бірігіп жоспарлы жұмыс жүргізуі тиіс.
Аудандық аурухананың мәліметінше, 2018 жылы кәмелеттік жасқа толмаған 48 қыз жүкті болған. Ал ағымдағы жылдың 8 айында 36 жасөспірімнің жүктілігі анықталған. Ең жасы 15-16 жас-та. Десек те, басым көпшілігі некеде тұрғандар. Аурухана қызметкерлерінің айтуынша, ауданымызда тұратын кейбір ұлт өкілдері қыздарын 9 сыныпты бітіргеннен кейін тұрмысқа береді. Нәтижесінде, ерте ана атанып жатыр.
Жиын барысында тікелей жасөспірімдердің ісімен айналысатын ювеналды полицияның да жұмысы талқыланды. Бүгінде ауданымызда мектеп инспекторлары тапшы. 84 мектепке – 20 инспектор. Демек, әр инспекторға 4 мектептен келеді. Оның ішінде мың, екі мың бала оқитын мектептер бар. Шара барысында ювеналдық полиция қызметкерлерінің санын арттыру мақсатында сұраныс берілетіндігі айтылды.
Сонымен қатар, Мансия Аяпбергенқызы тікелей отбасы және балалармен айналысатын құзырлы органдардың жоқтығын алға тартты. Аудандағы 90 мыңға жуық балалардың жұмысымен әкімдікте бір адам ғана айналысады. Осыған орай, өңірлерде отбасы, бала және жастар мәселесі жөнінде басқарма құру туралы ұсыныстар да айтылды. Кеңес мүшелері аталған ұсынысты республикалық деңгейде көтеріп, тіпті, министрлік құрылуы мүмкін екендігін жасырмады. Себебі, отбасы мен бала төңірегінде қордаланған мәселелер шаш-етектен.
Көпбалалы аналарды тұрғын үймен қамту мәселесі де сырт қалмады. Ауданда 161 көпбалалы ана пәтер кезегінде тұр. Айбек Бидаевтың айтуынша, олардың жеке тізімі жасалған. Бүгінде Есік пен Шелек өңірлерінде көпқабатты үйлер салу үшін жобалық-сметалық құжаттар әзірленген.
С.НҰРАДИН.
Быть готовым к любым неожиданностям, уметь адекватно и грамотно реагировать на террористические атаки – главная задача правоохранительных служб и ведомств. В связи с этим районный оперативный штаб по борьбе с терроризмом 28 августа провел плановые ученья, которые были приближены к реальным условиям и включали в себя различные элементы сложности. Проверку готовности к выполнению антитеррористических мер правоохранители выполнили успешно, оперативный штаб полностью справился с возложенными на него обязанностями.
Соб.инф.
Түрген ауылдық округінде «Тіл туралы» және «Жарнама туралы» Заңдарының талаптарына сәйкес сауатты жазылуын тексеру мақсатында «Тіл тазалығын сақтайық!» акциясы жүргізілді. Түрген ауылдық округі әкімі аппаратының ұйымдастыруымен округіміздегі халыққа қызмет көрсету нысандары тексеріліп, жеке кәсіп-керлерге әдістемелік көмек көрсету жұмыстары іске асты. Шара барысында Қ.Құлмамбет көшесі бойында орналасқан мейрамханалар мен асханалар, дүкендер, автобөлшек сататын дүкеншелер иелеріне «Қазақстан Республикасындағы Тіл туралы» Заңының 21-бабы талаптарын түсіндіріліп, барлық ақпарат жазылған парақшалар мен сөздіктер таратылды.
Сондай-ақ, акция барысында нысан иелеріне заң бұзушылықтарды түзетуге тамыз айының соңына дейін уақыт берілгенін және де белгіленген мерзімде түзетілмеген жағдайда Қазақстан Республикасының «Әкімшілік құқық-бұзушылық туралы» кодексінің 75-бабына сәйкес әкімшілік шара қолданылатыны туралы ескертілді.
Түрген ауылдық округі
әкімі аппараты
Сель - грозное стихийное явление, обладающее огромный разрушительной силой, имеющее большое распространение в горной местности. Более полное понятие «сель» можно определить так - временный горный поток с большим содержанием наносов от мельчайших частиц до крупных камней и глыб.
Селевые явления, наряду с оползнями, обвалами, землетрясениями и другими видами денудации, относятся к числу активных экзогенных процессов, производящих за короткий промежуток времени значительные изменения формы долины и русла горных речных бассейнах и накопления селевых отложении.
Основными причинами возникновения селей являются ливневые дожди, прорывы морено-ледниковых озер и землетрясения.
Селевые потоки характеризуется внезапностью возникновения, масштабностью размеров и огромной разрушительной силой. Они являются грозной стихией гор.
Меры безопасности:
- постоянно следите за сообщениями средств массовой информаций об обстановках в горных районах;
- при обнаружений признаков селевого потока покиньте селеопасное русло. (если в верховьях селеопасного бассейна наблюдается интенсивный ливневый дождь и помутнение воды в русле)
- не останавливайтесь на отдых и не разбивайте палаточный лагерь вблизи селеопасных русел;
- не спускайтесь селевое русло после прохождение селевого вала.
Учитывая месторасположение города Есик и населенных пунктов Енбекшиказахского района. Филиал ИАТЭТУ ГУ «Казселезащита» КЧС МВД РК оповещает население, гостей и отдыхающих, находящихся в селеопасных зонах горного хребта Иле Алатау, быть предельно внимательными.
А также предупреждает об опасности купания на реке Есик и озере Есик.
А.Копжасаров,
руководитель ДСМиО филиала
ИАТЭТУ ГУ «Казселезащита».
Атақты ақынымыз әрі «Педагогика» кітабының авторы М.Жұмабаев «Алты алаштың баласы жиналса, төрдегі орын мұғалімдікі» деп ұстаздардың мәртебесін әйгілеп кеткен еді. Иә, ұстаз болу білімділік пен тәрбиелілікті, адамгершілік пен мейірімділікті, төзімділік пен туралықты, әділдік пен адалдықты, өзін-өзі күнде қамшылап отыратын талап пен жалықпай, талмай ізденгіштікті қажет ететін ерекше қастерлі ұғым. Ұстаз болу – өзгенің бақыты үшін өзіңнің алтын уақытың мен күш-жігеріңді сарп ету. Мұндағы ұстаз деген сөзді мектепте, колледждер мен университетте сабақ беретін жалпы мұғалімдермен шатыстра көрмеңіз. Өйткені, мұғалім болу – мамандық, ал ұстаз болу кез келгеннің қолы жетпес асқар шың секілді. Сол себепті сонау көне замандардан бері ұстаздардың қадірі мен қасиеті, абыройы мен беделі ешқашан төмендеген емес. Осындай ұстаз деген атқа лайықты жандардың бірі – Шелек ауылындағы Ы.Алтынсарин орта мектебінің қазақ тілі мен әдебиеті пәнінің мұғалімі Гүлмира Қалитқызы Адамова.
Ы.Алтынсарин атындағы орта мектебі Шелек ауылында ғана емес, жалпы аудан бойынша ең үздік әрі білім беру деңгейі өте жоғары мектеп. Мектеп шәкірттері жыл сайын өтетін білімділік пен өнер бәсекелерінде топ жарып, жүлделі орындардан көрініп жүр. Ал бітіруші түлектерінің барлығы дерлік еліміз бен шетелдердегі танымал жоғары оқу орындарының студенттері атануда. Мектептің осындай ірі жетістіктерге жетуінің кілті ең алдымен өз ісіне зор жауапкершілікпен қарайтын білімді ұстаздардың арқасы болса керек. Осындай білікті ұстаздардың басында Гүлмира ұстаз жүретіні анық.
Кейіпкеріміздің дайындаған талай шәкірті аудандық, облыстық, респуб-ликалық шығармашылық байқаулар мен педагогикалық оқулардан, мәнерлеп оқудан, эссе жазудан, ғылыми жобалардан тағы басқа додаларда жүлделі орындар алып, мектебі мен ауданымыздың атын шығарып жүр. Олардың қатарында Назерке Ербосынова, Гүлдана Ералы, Темірлан Біржанұлы секілді талантты шәкірттері бар. Бұл жағынан тізе берсек тізіміміздің бірталай болатыны анық. Ең бастысы, оқушылардың жоғарғы оқу орнына түсуіне жолдама беретін ҰБТ пайда болғаннан бері бүгінге дейін Г.Адамованың тестке дайындаған шәкірттері жыл сайын 100% үлгерім көрсетіп, мектеп сапасын көтеруде. Және бұл дәстүрден ешқашан жаңылған емес.
Г.Адамова бүгінде талай жылғы еңбегі еленіп, төккен терінің қайтарымы мен жемісін көруде. Сондықтан жасаған істеріне орай марапаттар мен мақтаулардан кенде емес. Олардың бас-тылары 1999 жылы «ҚР Білім беру ісінің үздігі» төсбелгісімен, «ЮНЕСКО» (сыртқы істер министірлігінің) Шығармалар жарысында мақтау қағазымен, 2010 жылы ҚР «Білім және ғылым министрлігінің» алғыс хатымен, 2018 жылы «Қазақ елінің үздік ұстазы» төсбелгісімен марапатталған. Г.Адамованың ие болған аудандық, облыстық, республикалық марапаттарының қатары мұнымен аяқ-талмайды. Бізде оның бәрін тізіп жазуды қаламадық. Өйткені, газетіміздің алдағы сандарында Гүлмира Қалитқызы Адамова туралы толыққанды сұхбат-мақаламызды жариялайтын боламыз. Әрқашан ұстаз деген ұлы атқа дақ түсірмей, соған сай лайықты қызмет етіп жүрген апайымыздың қызметіне табыс, отбасына береке, басына бақыт тілейміз!
Нұрсерік ТІЛЕУҚАБЫЛ.