Аудан жастарын тазалыққа шақыру мақсатында, аудандық жастар ресурстық орталығының ұйымдастыруымен 2021 жылдың 15 мамыр күні «Киелі табиғат» жалпыреспубликалық экологиялық жобасы аясында, тазалау – көгалдандыру акциясы өткізілді.

Тазалық жұмыстары Есік қаласындағы Жамбыл атындағы жастар саябағында жүргізілсе, сонымен қатар, Алтын Адам аллеясы мен Ш.Уәлиханов көшелерінің қиылысына гүл көшеттері отырғызылып, көгалдандыру жұмыстары жұргізілді. Бұл шараға Алматы облысының жастар саясаты мәселелері басқармасының басшысы Елдар Сапаров арнайы іс сапармен келіп, аудан жастарына өзінің жылы лебізін білдіріп, сенбілікке сәттілік тіледі. Тазалық жұмыстарына орталық мамандары, ерікті жастар, эковолонтерлер мен жастар ісі жөніндегі әдіскер нұсқаушылар атсалысты.
«Тазалық – саулық негізі,
Саулық – байлық негізі» - деген сөз бар халық даналығында. Тұрғылықты жердің тазалығын сақтау – әрбір тұрғынның азаматтық борышы деп білеміз.

Арайлым Бақбергенқызы,

Еңбекшіқазақ аудандық жастар орталығының маманы