“Әбіл” фильмі - Совет Одағы құлап, колхоз-совхоз тарап, мал-мүлік бөліске түсіп, елде приватизация орын алған кезеңдегі қиянатқа ұшыраған қарапайым адамдар мен қараусыз қалған қазақ ауылындағы бейрекетсіздікті суреттейді. Сол арқылы, кинотуынды тәуелсіздік басындағы күрделі уақыт аясындағы қазақ халқының рухани кейпіне, психологиялық күйіне әлеуметтік талдау жасайды. Фильмде советтік жүйе кезіндегі адам өмірінің құнсыздығы, қазақ халқының бастан кешкен жағдайы, тұрмыстық қалпы, өз елінде өз жерінде дискриминацияға түскендігі, социализмнен капитализмге ауысу кезіндегі екіұдай сезім, басқа сыбайлас жемқорлықтың пайда болуы жайлы да ой қозғайды.
