Өткен жұмада Түрген ауылдық округіне  қарасты егістік алқабында «ЧАФ «Түрген» ЖШС-нің басшысы Маншүк Жексембекованың  және «АгроТехСила» ЖШС-нің  ұйымдастыруымен жыл сайын өтетін ауылшаруашылығына арналған мерекелік жиын өтті. Аталған саланың қызметкерлері бас қосқан шараға ауданнан,  облыстан, шетелден келген фермерлер, ірі аграрлық компания өкілдері, өсімдік және микробиология институтынан 70-ке жуық  делегаттар  қатысты.

Жақында Ақши орта мектебінде Қарашеңгел сайлау округіне аудандық мәс-лихаттың депутатын сайлау мақсатында ішкілік партиялық сайлау өткізілді.

Есік өзенінің жоғарғы оң жағасынан бастау алатын қаламыз төмендеген сайын жайыла кеңіп Рахат, Бөлек округтерінің аумағындағы сая-жайларды «бауырына» баса Үлкен Алматы каналына беттей өсіп келеді. Келесі ұрпақтарға тұрғын үй, мектеп, спорт алаңда-рын басқа әлеуметтік нысандар салу үшін Құлжа жолына дейінгі аумаққа да жетері сөзсіз. Есіктің бүгіні мен ертеңі жайлы қала тұрғындары өкілдерімен, кәсіпкерлермен, ауданның, қаланың құрылыс, жобалау, сәулет, қаржы, бюджет салалар басшыларының, бұқаралық ақпарат құралдары өкілдерінің қатысуымен өткізген аудан әкімі Бинәлі Ысқақтың пікір алмасу жиынында туған ойларды Есіктің кешегісімен бастағанды жөн көрдім. Өйткені өткеніміз бен бүгінімізді салыстыруға құмар жандар бар. Бұл жайында да кіріспе сөзінде аудан әкімі де айтып өтті.

Бүкіл мұсылман халқының ұлы мерекесі – Құрбан айт күні Шелек ауылындағы жаңа «Нұрмұхамет» мешітінде округ әкімдігінің ұйымдастыруымен ауқымды қайырымдылық шара өтті. Имамдар мен жамағат бас қосқан бұл ұлы мерекеде берекелі дастархан жайылды.

Жақында Қазақстан Республикасының Ұлттық ұланы 6654 әскери бөлімінде «Отанды сүю – иманнан» тақырыбында тағылымды жиын өтті. Оны әскери бөлім басышылығы мен Еңбекшіқазақ аудандық ішкі саясат бөлімі ұйымдастырды. Мақсаты – жеке құрамға дәстүрлі дін және дәстүрлі емес діни ағымдар жайын кеңінен түсіндіру, Отанды қорғау турасында дәстүрлі дініміз нендей жауапкершіліктер жүктейді?. Жат ағымдардан қорғанудың жолы... Аталған жиын дәл осы тақырыптарды кеңінен қамтыды.

1 қыркүйек күні Қазақстан ауылындағы Ж.Қайыпов атындағы орта мектепте салтанатты  жиын өтті. Жиынға мектеп оқушылары, ауыл тұрғындары, ауданның құрметті азаматтары қатысты.

Жиын барысында  алғашқы сөз  сөйлеген мектеп  директоры  Тасирова Ұлболсын  Рахымқызы биылғы оқу  жылымен құттықтап, мектеп табалдырығын аттаған  бүлдіршіндерге ақ жол,  ұстаздарға шығармашылық табыс тіледі. Сонымен қатар,  аудандық тұтынушылар құқығын қорғау басқармасының басшысы Мұхтар Калмаканбетов, ауылдық ақсақалдар кеңесінің  төрағасы, ауданның  құрметті  азаматы  Едіге  Сапаев мерейлі күндегі салатанатты жиында қазақстандықтарды құттықтап, оқушыларға  сәттілік тіледі.

Осылайша  Ұлы  Отан соғысы ардагерінің атымен аталатын орта мектептің  оқушылары мерекелік ертеңгілікте өлең оқып,  поэзиядан сыр шертті. Жиынның ең маңызды сәті  әрине, ол сыңғырлаған алғашқы күміс қоңырау  үні болды. Қошеметпен соғылған  қоңыраудан  соң оқушылар сыныптарына кіріп, орындарына  жайғасты.

Ботакөз Әбішева.

Қазақстан Республикасы Тәуел-сіздігінің 25 жылдығы аясында, Дүние-жүзілік туризм күніне орай, Еңбекшіқазақ ауданында туризмді дамытуды қамтамасыз ету мақсатында, «Орталық Азия Ассоциациясының нұсқаушылары» қоғамдық қорының (Сноуборд және шаңғы мектебінің) ұйымдас-тыруымен Түрген өзенінің бойында ауыл жастары арасында «Надежда» регатасы өткізілді.

Елбасы Н.Ә.Назарбаев: «Дағдарыстар өтеді, кетеді. Ел тәуелсіздігі, ұлт мұраты, ұрпақ болашағы сияқты ұлы құндылықтар ғана ғұмырлық» – деген болатын. Осы қастерлі ұғымдар санадан сырт қалған емес. Осыған сәйкес, бүлдіршіндердің заманға сай білім алуы да басты назарда. Президент Н.Назарбаев Жолдауларында үш ауысымда білім беретін және апатты жағдайдағы мектептердің мәселесін тез арада шешуді тапсырды. Мемлекет басшысының тапсырмасы орындалып, ел болашағы – жастарды тәрбиелейтін оқу ордаларының мәселесі жыл өткен сайын оң шешімін табуда. Оның айқын дәлелі – мектеп оқушыларының асыға күткен мерекесі – білім күнінде Азат ауылындағы 300 орындық жаңа мектеп қолданысқа берілді. Азаттық ұстаздар мен оқушылар қауымының қуанышына ортақтасуға облыс әкімінің орынбасары Бақтияр Өнербаев, аудан әкімі Бинәлі Ысқақ, аудандық мәслихат хатшысы Бекет Ахметов, «Нұр Отан» партиясы аудандық филиал төрағасының бірінші орынбасары Қуат Байғожаев, аудан әкімі орынбасарының міндетін атқарушы Айбек Бидаев, ауданның құрметті азаматтары және ауыл тұрғындары қатысты. 

Жақында аудандық дене шынықтыру-сауық-тыру кешенінде ел Тәуелсіздігінің 25 жылдығы мен спортшылардың төл мерекесіне орай 2004-2006 жылы туылған жасөспірімдер арасында аудан біріншілігі өтті.

Қай саланы болмасын білікті маман дөңгелетпесе өрге емес керіге кетері сөзсіз. Себебі, көзсіз ерлік жасай беретін жабайы орманда емес, алға қарай қарыштап дамып келе жатқан мемлекетте өмір сүріп жатырмыз. Атағанымыздай, мемлекеттің титтей болсын тетігін бітеуге

атсалысады білімді кадр, сол арқылы өзінің қажеттілігін білдіреді қоғамға. Бүгінгі таңда «Қай салаға қандай маман қажет? Қандай мамандық иелері жұмыс таппай бос сенделіп жүр?» деген сұрақтарға жауапты нақты дөп басып айту – қиынның қиыны болып отыр.

Кей мекемелер кадр тапшылығы салдарынан кеңге етек жая алмай отырса, кей мамандық иелері сонша уақыттарын босқа өткізіп білім алғандарына өкініп жүр. Кішігірім сараптама жүргізіп көрелік...