Ақ халатты абзал жандардың қоғамдағы, тіпті, адам өміріндегі орны ерекше. Олар науқастарды емдеп қана қоймай, дені сау ұрпақ өсіруде жетекші рөл атқарады. Гиппократша айтсақ, арыстандай айбатты, қыздай икемді, анадай мейірімді болған медицина қызметкерлері саламатты өмір салтын насихаттауда ешқашан тасада қалған емес. Дәріптеп қана қоймай, өзгелерге үлгі бола білуде.

30 мамырда ұлттық бірыңғай тестілеуді өткізу комиссиясының соңғы жиынында сынаққа дайындық сәттері пысықталды. Түлектерді тасымалдаудан бастап, оларға жан-жақты жағдай жасауды, сын сәтінде тыныштықтың қамтамасыз етілуі жайы сөз болды. Тіпті, қонуға келетіндердің жатын орны мен тамақтануын қатаң бақылауда ұстауды тапсырды комиссия төрағасы, аудан әкімінің орынбасары Алтай Досымбаев. Сондай-ақ, қандай жағдай болмасын мәдениеттілікті сақтауды ескертті. Ол турасында: «Алаң көңіл жас-тар автобусқа енгеннен бастап жүргізушінің өзі ерекше ықыласпен қарсы алсын. Адамның рухын көтеретін әуезді әндерді қойсын жол  бойында. Бұл процесс жатақханада да жалғасын табуы керек. Түлектер ерекше ыстық мейірімді сезінуі ләзім. Бұл олардың сынаққа психологиялық тұрғыда дайын болуына оң ықпалын тигізеді» деді комиссия төрағасы.

Тамырымда Көкбөрінің қаны бар,

Жүрегімде қас қыранның ары бар.

Ауылыма аттың басын бұрмастан,

Алдыменен мені жақсы танып ал.

Түрген ауылындағы Д.Қонаев атындағы орта мектепте соңғы қоңырау мерекесі аталып өтті. Оқушылар мен мектеп түлектері үшін маңызды шараға алаштың біртуар азаматы Дінмұхаммед Қонаевтың қарындасы Роза Қонаева (суретте), округ әкімі Бота Елеусізова, аудандық пошта торабының басшысы Зүлфия Әубәкірова және Д.Қонаевтың мемориалды мұражайының директоры Жанет Серікбаева, «Елім-ай» қоғамдық қорының төрағасы Жаңаберген Мұхамедов қатысты.

Көптен күткен «Жастар маусымы» атты аудандық жайдарман ойынының финалы жақында Есік қаласындағы мәдениет үйінде өтті. Қазақстан Республикасы Тәуелсіздігінің 25 жылдығына орай, қала мен ауыл жастарының арасында достық қарым-қатынас орнату мақсатында аудандық жастар ресурстық орталығының ұйымдастыруымен өткен сайыста 6 команда өзара әзіл жарыстырды.

Мектеп түлектері мәре сызығына жақындап келеді. Осыған орай, биылғы ұлттық бірыңғай тестілеудің өту тәртібі мен елең еткізер өзгерістер жайлы бірер әңгіме қозғауды жөн көрдік.

Адам өмірінде екі маңызды таңдау бар. Біріншісі жар таңдау болса, екіншісі мамандық. Бүгінде екінің бірі заңгер немесе банкир боламын деп кеуде қағады. Десе де, маман жетіспейтін салаларды да ескеру қажет. Өзінің сүйікті ісімен айналысқан адам ғана өмірде бақытты бола алады. Жақында осы мақсатта Қазақстан орта мектебінде «Мамандығым – мақтанышым» тақырыбында түрлі сала қызметкерлері мен мектеп оқушылары арасында кездесу өтті.

Жақында Есік гуманитарлық-экономикалық колледжінде «Бөбек» ҰҒПББСО және аталмыш колледж ұжымының ұйымдастыруымен «Білім беру ұйымдарының тұтас педагогикалық үдерісіндегі өзін-өзі танудың метапәндік рөлі» тақырыбында республикалық әдістемелік семинар өтті. Оған Алматы облыстық білім басқармасының және аудандық білім бөлімінің басшылары, Алматы, Қарағанды, Ақтөбе облыстары мен Алматы және Астана қаласы пилоттық мекемелерінің педагог қызметкерлері қатысты.

Жақында Білім және ғылым вице-министрі Елмира Суханбердиева Есік қаласындағы орталық мәдениет үйінде орта білім мазмұнын жаңарту бағдарламасы туралы түсінік берді. Оған аудан аумағындағы білім мекемелері басшыларынан бөлек Талғар, Ұйғыр, Панфилов, Райымбек аудандарынан да арнайы делегация ат басын тіреді. Келелі жиынды Алматы облысы білім басқармасының басшысы Ләззат Базарқұлова жүргізіп отырды.

«Тізерлеп жүріп түңілткеннен, тік жүріп өлген артық» деген елміз. «Жауға жалынба, досқа тарылма» деген де қазақ. Ендеше, дұшпанға тастай қатты болу, досқа балдай тәтті болу – қанымыздағы қасиет. Осындай құдіретті намыс сан соқпақта сүрінсе де, құламады. Қайта алмас қылыштай тас шауып қайралды. Ел мен жерге, ар мен ұжданға келгенде атқа қонды ерлерім айбарлы. Қазақ тарихында Қарқара көтерілісі атауымен қалған сонау 1916 жылғы оқиға ғасыр өтсе де жадымызда жаттаулы. Ұзақ Саурықов, Жәмеңке Мәмбетов, Жаңабай Құдайбергенов, Қазыбай Шарманов, Әбубәкір Сұлтанбеков сынды батырлар, Т.Бокин, Ж.Ниязбеков, Т.Рысқұлов, Ә.Жангелдиндей қазақ зиялылары патша жарлығына қарсы шықты. Себебі, жарлықтың көксегені отарлау еді. Демек, 1000-нан астам қол жинап, Ереуіл төбеге келіп ту тіккен ерлеріміздің есімі жадымызда мәңгі.