Әлемдегі халықтар бір-бірінен тілі мен діні, мәдениеті, салт-дәстүрі арқылы ерекшеленеді. Осы орайда, Елбасы Н.Ә.Назарбаев: «Мәдениет – ұлттың бет-бейнесі, рухани болмысы, ақыл-ойы, парасаты. Өркениетті ұлт ең алдымен тарихымен, мәдениетімен, ұлтын ұлықтаған ұлы тұлғаларымен, әлемдік мәдениеттің алтын қорына қосқан үлкенді-кішілі үлесімен мақтанады. Сөйтіп, тек өзінің төл мәдениеті арқылы ғана басқаға танылады» – деген ой орамдары еске түседі. Шынында, қазақ халқы әрқашан мәдениетті жоғары бағалаған. Өнерге ерекше ден қойып, осы саланың адамдарына құрметпен қараған. Бүгінгі таңда да солай. Оның бір дәлелі, Алматы облысында өтіп жатқан аудандар мен қалалардың мәдениет күндері. Бұл шара тек мәдениетті насихаттап қана қоймай, этносаралық татулықты көрсетіп, отансүйгіштікке баулиды. Өткен аптада аудан орталығында Тәуелсіздіктің 25 жылдығы мен Қазақстандағы ұлт-азаттық көтерілісінің 100 жылдығы аясында «Егеменді елдігім – Тәуелсіздік теңдігім» тақырыбында ұйымдастырылған ауданымыздың мәдениет күндерінің де мақсаты осы.

Сәрсенбі күні аудандық әкімдіктің мәжіліс залында салық жүйесіндегі өзгерістер мен түзетулерді түсіндіру мақсатында семинар өтті. Жиынға Алматы облысы бойынша мемлекеттік кірістер департаменті Үшінші елдердің және Кеден одағының импортын әкімшілендіру бөлімінің басшысы Жеңіс Ердәулетұлы, Жанама салықтарды әкімшілендіру басқармасының басшысы Кенжеғазы Есембеков, аудандық мемлекеттік кірістер басқармасының  басшысы Аманқұл Садиров және салық төлеушілер қатысты.

«Тәуелсіздікке қол жеткізгеннен гөрі, оны ұстап тұру әлдеқайда қиын. Бұл – әлем кеңістігінде ғұмыр кешкен талай халықтың басынан өткен тарихи шындық. Өзара алауыздық пен жан-жаққа тартқан берекесіздік талай елдің тағдырын  құрдымға жіберген. Тіршілік тезіне төтеп бере алмай жер бетінен ұлт ретінде жойылып кеткен елдер қаншама. Біз өзгенің қателігінен, өткеннің тағылымынан сабақ ала білуге тиіспіз». Байлығымыз – берекеміз, бақытымыз – бірлігіміз екенін осылай жеткізген еді Елбасымыз «Қазақстан – 2050» стратегиясында. Расында, Тәуелсіздігіміздің ғұмырын мәңгілік ету үшін татулығымыздың шарайнасына сызат түсірмеу керек.

Газетіміздің өткен санында жариялағанымыздай аудандық қоғамдық кеңестің кезекті отырысында жергілікті полиция қызметінің жұмысы  талқыланған болатын.  Кеңес мүшелеріне атқарылып жатқан жұмыстары  жөнінде  жергілікті полиция қызметі басшысының орынбасары баяндап берді. Орыс тілінде. Рас, кіріспесі мен қорытындысын мемлекет тілінде оқыды полиция подполковнигі Мақсат Карибаев. Неге қазақ тілі полиция жұмысында қолданылмайды? – деген сұрақты қоғам кеңесінің мүшесі Қазыбай Жылқыбеков те қойды, отырысты жүргізіп отырған төраға Әділбай Талқанбаев та бұл мәселеге қатты шұқшиды: «Осы  залда кеңес мүшесі Карасавидиден басқа орыс тілді адам жоқ, Савелий Савельевич қазақша сөйлемейді демесең, мемлекет тілін жүз пайыз түсінеді. Ал неге біз өз ана тілімізді кем ұстауымыз  керек?».

«Біз тәуелсіздікпен бірге тілімізді түлеттік, дінімізді өркендеттік, тамырымызды жалғап, салт-дәстүрімізді жаңғырттық. Ұлттық жаңғыртуды жүзеге асырып, жаңа құндылықтар қалыптастырдық. Ғасырлар қойнауынан асылдарымызды аршып алдық». Елбасының бұл сөзі тәуелсіздіктің арқасында талай биіктерге қол жеткізгендігімізді айғақтайды. Міне, жоғымызды түгендеткен егемендікке биыл ширек ғасыр толып отыр. Осыған орай және Қазақстандағы ұлт-азаттық көтерілісінің 100 жылдығы аясында «Егеменді елдігім – Тәуелсіздік теңдігім» тақырыбында Алматы облысы аудандары мен қалаларының мәдениет күндері ұйымдастырылды. Ауқымды шара аудан орталығында жалғасын тауып, сәрсенбінің сәтінде «Тәуелсіз ел тарландары болу керек талантты» атты ауданымыздың мәдениет күні өтті.

Жақында аудандық мемлекеттік кірістер басқармасында жалған кәсіпкерліктің алдын алу мақсатында дөңгелек үстел өтті. Жиынға «Нұр Отан» партия-сы аудандық филиал төрағасының бірінші орынбасары Қуат Байғожаев қатысты. Дөңгелек үстелді мемлекеттік кірістер басқармасы басшысының міндетін атқарушы Батырбек Бектібаев жүргізді.

Жыл сайын ұйымдастырыла-тын футболдан Алматы облысының чемпионаты өз мәресіне жетті. Өңірдің кіл мықтылары бақ сынаған сайыста ауданымыздың құрамасы финалға жолдама алып, Қарасай ауданының футболшыларымен чемпиондыққа таласты.

Бүгінгі таңда кез-келген сын-қатермен түйіткілді мәселелердің үнемі алдын алып отыру өте маңызды. Халықтың әлеуметтік жағдайын арттырып, саяси көзқарастарын қалыптастыруда мәслихат депутаттарының атқарар рөлі орасан зор. Осы орайда, жақында аудандық әкімдіктің мәжіліс залында ағымдағы жылдың 9 айын қорытындылайтын тұрақты комиссиялардың кезекті біріккен отырысы өтті. Басқарма, бөлім басшылары мен округ әкімдері есеп берген жиынды аудандық мәслихат хатшысы Бекет Ахметов жүргізді.

Дүйсенбіде өткен кезекті аппарат жиынында ағымдағы жылдың сегіз айының салық базасын ұлғайту тақырыбында жауапты қызметтерге, округ әкімдеріне берген тапсырмаларын естеріне салды аудан әкімі Бинәлі Ысқақ. Ол тапсырманың мазмұны кәсіпкерлік, өндіріс нысандары округ аумағына қарасты елді мекендерде жұмыс атқарып жатыр екен – Еңбекшіқазақ аудандық мемлекеттік кірістер басқармасында тіркеліп, салықты аудан бюджетіне түсіруі керек.

Егемен еліміздің ертеңі жарқын, Тәуелсіздігіміздің тұғыры мығым болу үшін тер төгу – әрбірімізге міндет. Әсіресе, бүк-шігі беймәлім жаһанданған бүгінгі қоғамда. Бұл тұрғыда Елбасымыз: «Тәуелсіздікті алудан оны ұстап тұру ауырға соғады» деген еді. Расында, ес жиып, етек жиған тұсымызда құнсыздану кеңірдекке жабыс-ты. Ол аз десеңіз, сыртқы идеологияның  күйін күйттеген шолақ балақтылар ата дінімізден жастарымызды адастырып әлек. Осы тұрғыдан ой өрсек, жақында Есік гуманитарлық-экономикалық колледжінің мәжіліс залында кеңейтілген кездесу өтті. «Жаңа діни ұйымдардың мәні және ерекшеліктері» деп айдар таққан жиынға ұйытқы болған «Елім-ай» қоғамдық қоры, қолдау білдірген аудандық ішкі саясат бөлімі. Жастармен кездесуде аталмыш колледж директоры Гүлнар Жошыбаева, Республикалық, облыстық ақпараттық түсіндіру тобының мүшесі, дінтанушы, заңгер Тимур Нүсіпханұлы, Қызылжар ауылдық «Қалыбек батыр» мешітінің имамы Сұлтанбек Карибаев, «Елім-ай» қоғамдық қорының төрағасы Жаңаберген Мұхамедов сөз сөйлеп, төрден орын алды. Келелі жиынды аудандық ішкі саясат бөлімінің бас маманы Қайсар Асқарұлы жүргізіп отырды.