Табиғаты таңғажайып Таутүрген даласында сұлулықтың сырымен қоса, ерліктің өшпес жырына айналған тарихтың ізі жатыр. 1941 жылы Ұлы Отан соғысы басталғанда Таутүрген ауылынан 128 адам елін қорғауға аттанса, 65 адам Ұлы Отан соғысынан аман-есен еліне оралды. Майданда атой салған ардагерлерміз соғыстан кейін де ел өміріне араласып, аянбай тер төкті.
Бүгінде ауылымыздағы орталық көшелердің біріне Әбілда Бөркеевтың есімі берілген. Әбілда Бөркеев ел басына күн туған кезде бар күш жігерін аямай, табандылықпен еңбек етіп, өз қалтасынан танк жасауға 100 мың сом ақша берген. Осылайша, соғыс жылдарында нағыз жомарттық үлгісін көрсеткен жан.
Ауылымыздан соғысқа қатысқан арадагеріміздің бірі Әбдіхани Жайлаубаев ерліктің ескерткішіне мәңгілікке есімін қалдырды. Өйткені батыр бабамыздың Рейхстаг қабырғасына «А.Жайлаубаев, Алматы» деп аты-жөнін жазған. Соғыстан оралған соң Әбдіхани Жайлаубаев агроном қызметін атқара жүріп, ең алғаш алма бағын отырғызды. Бүгінде ардагер атамыздың ізін жалғаған бағбандар ауыл аумағын жасыл бақпен жайқалтып келеді.
Ұлы отан соғысының ардагері, ұлағатты ұстаз Сәрсен Әбдіхалықовтың өмірі жас ұрпаққа мәңгі өнеге. Сәрсен Әбдіхалықов Ұлы Отан соғысына алғашқы күннен қатысқан. 1945 жылы 24 маусымда Мәскеуде Қызыл алаңда Ұлы Жеңіс парадына қатысып, додан мотоциклмен шеруден өткен жалғыз қазақ десек те болады. Соғыстан кейін Сәрсен Әбдіхалықов Таутүрген сегіз жылдық мектебінде 40 жылға жуық еңбек етіп, оның өсіп-өркендеуіне мол үлес қосты. Қатардағы мұғалімнен мектеп директоры қызметіне дейін өскен. Соның ішінде жиырма бес жылдай уақыт мектеп директоры қызметін абыройлы да жемісті атқарды. Ауданның Құрметті азаматы, Қазақ КСР оқу-ағарту ісінің үздігі атанды. Таутүрген мектебіне іскерлікпен басшылық жасап, онда оқу-тәрбие жұмысын жоғары деңгейге көтерді.
Туған елін қорғаудың үлгісін көрсеткен ардақты жанның бірі Халық Сегізбаев. Ардагер Ұлы Отан соғысында көрсеткен ерлігі үшін орден, медальдармен мара-патталған. Ол 1962 жылдан бастап колхоздың қойын бағып,100 саулықтан 180 бас қозы алғаны үшін Москваға делегат болып қатысып, «Москвич – 412» жеңіл машинасын тегін сыйға алғаны да әлі күнге ел есінде. Мұнан өзге Халық Қашағанов Ұлы Отан соғысы кезінде «Қызыл жұлдыз» орденімен марапатталса, бейбіт өмірде ерен еңбектің үлгісін көрсеткен. Қазір ауылымызда Халық Қашағанов атындағы көше бар. Сондай-ақ Ысқақ Нұрғазин атаның ел басына күн туған кезде көптеген медаль мен ордендермен марапатталғаны ел жадында. Биылғы Ұлы жеңістің 76 жылдығына орай батыр бабалармымыздың рухына тағзым етеміз. Олардың ерліктің ескеркішіндей болған есімдері мәңгі өшпейді.
Г.АНАРҚҰЛОВА,
Таутүрген негізгі орта мектебі директорының
тәрбие ісі жөніндегі орынбасары
