Әр заманда өз елінің болашағы үшін қызмет ететін ұлы ақын Абайдай, «Оян, қазақ» деп жырлайтын ұлт жанашыры Міржақыптай азаматтар болары сөзсіз. Тек сол жастардың рухын көтеріп, жігерлендіру, дұрыс жол сілтеу  – көпті көрген ақсақалдардың парызы. Өйткені бүгінгі жас – келер болашақтың көркеюіне үлес қосар алтын діңгек. Жас болса да, еліміздің дамуына өз күштерін салып жүрген жастар аз емес. Заман талабына сай, озық технологияларды меңгеріп, ғылымға тың идеяларды қосып жүрген жас азаматтар – нағыз  мақтанар тұлғалар екені сөзсіз.  12 тамыз Халықаралық жастар күніне орай, Еңбекшіқазақ ауданының жастары үшін Т.Молдағалиев атындағы мәдениет үйінің алаңында «Next Jastar» атты  мерекелік іс-шара өткізілді.

 Шараны аудандық жастар ресурстық орталығы ұйымдастырды. Мерекелік кештің негізгі мақсаты – жастардың мәдени шығармашылық және азаматтық белсенділігін арттыру, бірлік пен патриоттық құндылықтарды дәріптеу. Кеш-те жастар арасында белсенді қызмет етіп жүрген мамандар алғыс хатпен марапатталды.

Іс-шараға аудан жастары, өнерпаздар, еріктілер және жастар ұйымдарының өкілде-рі қатысты. Мерекелік  бағдарламада концерттік нөмірлер, би баттл, ойын-сауық конкурстар, креативті көрмелер ұсынылып, көңілді кеш өз жалғасын тапты.

Қымбат ДӘУКЕ.