Сайлауда елінің зор сеніміне ие болып, жеңіске жеткен ҚР Президенті Қасым-Жомарт Кемелұлы Тоқаевты салтанатты түрде ұлықтау рәсімін тамашаладым. Айырықша әсерге толы сәтте айтылған Президентіміздің тың бастамаларына шынайы ниетпен қолдау білдіремін. "Қазақстандағы халықтың 40 % ауылда өмір сүреді, қазақтың түп тамыры болған ауылды өркендетуге барымды саламын " дегені баршаға үлкен үміт сыйлады деп білемін. Ауыл тұрғыны және өнер өкілі ретінде Президентіміздің тапсырмаларына жауапкершілікпен қарар болсақ болашағымыз жарқын болады деп сеніммен айта аламын. Арайлым МАМЫРБЕКОВА, Қаракемер ауылдық мәдениет үйінің директоры.

Бүгін «халықтық» коалиция өкілі ретінде ел астанасындағы Тәуелсіздік сарайында өткен Қасым-Жомарт Тоқаевты ҚР Президенті ретінде ұлықтау рәсіміне қатыстым. Рәсім кезінде Орталық сайлау комиссиясы Қасым-Жомарт Тоқаевқа Қазақстан Республикасы Президентінің куәлігін тапсырды. Осыдан кейін Президент Қазақстан халқына ант берді. «Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепілдік беруге, Қазақстан Республикасы Президентінің өзіме жүктелген мәртебелі міндетін адал атқаруға салтанатты түрде ант етемін!» – деді Қасым-Жомарт Кемелұлы. Президент өз сөзінде Қазақстан халқы үшін жаңа дәуірдің…