ҚР Премьер-Министрі және Денсаулық сақтау министрі Алексей Цой бастаған үкіметтік делегация COVID-19 ауруымен аймақтағы ағымдағы жағдайды жіті зерттеу үшін Шығыс Қазақстан облысында болды. Бұл туралы министрліктің ресми сайтында хабарланды.

Облысқа 7 қарашада келген Үкіметтік делегация өңірдегі эпидемиологиялық ахуал бойынша кеңес өткізді.

А.Цой 31 қазаннан бастап облыста аурушаңдық деңгейі күн сайын артып жатқанын еске салды. Өйткені, аймақта тәулігіне 200-ден астам жаңа жағдай анықталып отыр.

6 қарашада коронавирус инфекциясымен 250 науқас тіркелсе, 7 қарашада - 353 адам вирус жұқтырған. Сонымен қатар, 20-дан астам адам індет жұқтырған 2 ірі ошақ анықталған.

«28 қазаннан бастап R репродуктивті саны 1,2-ден асады, бұл аурудың өсу жылдамдығының жоғарылағанын көрсетеді. Бұл апта сайынғы аурушаңдық деңгейінің өсуінен көрінеді. Жоғарыда көрсетілген индикаторлар ШҚО эпидемиологиялық жағдайды бағалау матрицасындағы «жасыл» аймақтан қазан айының басында «сары» аймаққа, содан кейін «қызыл» аймаққа көшуіне себеп болды», - деді министр.

Шығыс Қазақстан облысы ПТР тестілеу үшін 13 зертханалық лабораториямен қамтылған, тәуліктік сыйымдылығы 4048 құрайды.

«ПТР анализдерінің санын талдау және жаңа жағдайларды анықтау

Шығыс Қазақстан облысында аптасына 12000-15000 құрайды. ПТР-сынақтары науқастар үлесінің күрт өсіп жатқанын көрсетеді », - деді А.Цой.

Бүгінде Шығыс Қазақстан облысында инфекциялық және карантиндік ауруханалар орналасқан 30 денсаулық сақтау мекемесі бар. Облыста барлығы 3017 жұқпалы және 220 карантиндік төсек орналастырылған, оның ішінде 5 қарашадағы мәліметтер бойынша 767 жұқпалы және 42 карантиндік төсек орналастырылған: жұқпалы төсек-орындардың пайызы - 21%, карантиндік орындардың толуы - 5,3%.

Бүгін жұмыс сапарының екінші күні. А.Цой Ана мен бала орталығына барудан бастады. Аталмыш нысан былтыр 24 желтоқсанда пайдалануға берілген. Бүгінгі күні мұнда 444 адам жұмыс істейді, оның ішінде 92-сі дәрігер. Орталық стационарлық және мамандандырылған медициналық көмек көрсетеді. 2020 жылдың бірінші тоқсанында бос орындар саны 331 құрады.

Сонымен қатар, Денсаулық сақтау министрі облыстық мамандандырылған медициналық орталықта, дәрігерлік амбулаторияда және No4 қалалық аурухананың өкпе орталығында болды. Клиникада 136 төсектік инфекциялық аурухана бар, субинтенсивті терапия, анестезиология, реанимация және қарқынды терапия бөлімдері жұмыс істейді. Аурухана компьютерлік томографпен, ПТР-мен, клиникалық және жедел жәрдем зертханаларымен, операциялық бөліммен және рентген диагностикалық кабинетімен жабдықталған.

Бұдан соң А.Цой тәулігіне 115 орындық және стационарлық медициналық көмекке арналған 85 орындық Шығыс Қазақстан облыстық онкология және хирургия көпсалалы орталығының жұмысымен танысты. Орталықта 100 келушіге ауысымдық негізде қызмет көрсететін емхана бар, онда барлық қажетті қызмет түрлері көрсетіледі.

Сапар соңында үкіметтік делегация эпидемиологиялық жағдайдың ушығып тұрғанын және инфекциялық бақылау шараларын күшейту қажеттігін айтты, коронавирус инфекциясымен күресу бойынша кеңес өткізді.

Қамқорсыз қалған сәбилерге қорған болуға, отбасы жылуын сыйлап, бала асырап алуға бағыт-бағдар беруді көздеп, жетімдер үйін азайту мақсатында облыстық білім басқармасы 2016 жылы «Балалар үйінсіз Жетісу» атты жобаны қолға алған болатын.

Бүгінде сол отбасылық балалар үйі кез келген білім мекемелерінің назарынан тыс қалған емес. Жақында Ш.Уәлиханов атындағы орта мектеп пен Қарағанды қаласындағы «Шахтер» футбол командасы бірілесіп, отбасылық балалар үйіне бағытталған фотбул ойынын өткізді. Есік қаласындағы Ломоносов көшесіндегі№ 66  үйдегі Ирина Ершова жетекшілік ететін отбасылық үлгідегі балалар үйіндегі балдырғандар кәсіби ойыншылармен бірге доп тепті. «Шахтер» футбол командысы ойыншылары балақайлардың шеберлігін шыңдауға көмектесетіндігін айтып, балаларды қуантты. Бүгінде өздеріне тисті қара шаңырақтың жылуын сезген балалар, армандарының асақ екендігін жасырмады. Тартысты футбол ойынын тамашалаған аудандық білім бөлімінің маманы Алмагүл Дүйсебекова отбасылық үлгідегі балалар үйіне арнайы келген ала доп шеберлері  мен ұстаздарға алғыс айтты. Тағдыры тәлкек болса да, талабы таудай балалардың қадамына нұр жауғай!

Айгүль КУНТУНОВА,

Ш.Уәлиханов атындағы орта мектептің

әлеуметтік  педагогі

Елімізде 6 қарашада 613 адамнан коронавирус індеті ПТР арқылы расталды. Бұл туралы coronavirus2020.kz хабарлады.

Коронавирусты жұқтырғандар жөнінен Шығыс Қазақстан облысы алды тұр. Одан кейін Нұр-Сұлтан, үшінші орында Алматы қаласы.

Аймақтар бойынша:
Нұр-Сұлтан қаласы - 45
Алматы қаласы - 32
Шымкент қаласы - 3
Ақмола облысы - 38
Ақтөбе облысы - 4
Алматы облысы - 9
Атырау облысы - 15
Шығыс Қазақстан облысы - 253
Жамбыл облысы - 5
Батыс Қазақстан облысы - 44
Қарағанды облысы - 16
Қостанай облысы - 55
Павлодар облысы - 64
Солтүстік Қазақстан облысы - 29
Түркістан облысы - 1

Жалпы ел бойынша ауырғандар саны – 115 439.

Ал кешегі күні емделіп шыққандар – 191 адам. 

Аймақтар бойынша:

Нұр-Сұлтан қаласы - 42
Ақмола облысы - 8
Ақтөбе облысы - 1
Атырау облысы - 31
Шығыс Қазақстан облысы - 56
Батыс Қазақстан облысы - 10
Қарағанды облысы - 7
Қызылорда облысы - 13
Павлодар облысы - 18
Түркістан облысы - 5

Қазақстан бойынша жазылғандар саны – 107 530.

Болған іске, жалғасып жатқан адами арды аяққа басып, заңды заң деп сыйламай, өзінен туған балаларын өзекке теуіп, ата-аналық міндетін атқаруға жарамай, кәмелетке толмаған шиеттей сәбилерін, оқу жасындағы балаларын тағдыр тәлкегіне салып қойған ата-аналардың әрекетсіздіктерін қарауға, кәмелетке толмағандар құқығын қорғау комиссиясының кезекті отырысы өтті қарашаның басында. Бірден айтып кететін жайт: бұл шолу мақалада сол балаларын асырап-бақпай, талапқа сай тәрбиелей алмай отырған ата-аналардың аты-жөні, тұрғылықты мекен-жайын да белгілі себептермен атамай, тек инициалын ғана көрсетіп отырғанымызды ескерте кетейік.

Азаматша Н-ның қарауындағы бес баланы қалай бағып-қағып жатқанын зерттеп-зерделеп қайтқан аудандық полиция басқармасының ювеналдық полиция тобының қызметкерлері бір бөлмелі үйде лас төсек орында, әбден кірлеген киіммен, кіші балалары тіпті жалаңаш күйімен уақытылы тамақтандырылмай жатқанын анықтап, ауылдық округ әкімдігінің басшыларының, амбулатория қызметкерлерінің қатысуымен анасы Н-ның агрессивті қарсылығына қарамай аудандық көпсалалы аурухананың балалар бөліміне орналастырылған екен. Бұл балалардың анасы өз перзенттерін адамға лайық күтіммен, тәрбиемен қамти ала ма деген сұраққа азаматша Н. мардымды жауап та бере алмады.

Комиссия отырысын жүргізіп отырған оның төрағасы аудан әкімінің бірінші орынбасары Айбек Бидаев көп балалы ананың мемлекеттен алып отырған әлеуметтік көмектері және отырысқа арнайы шақырылып, қатысып отырған бұрынғы күйеуі азамат Ғ-дан ортақ үлкен қызы үшін алимент төлемдері түсе ме деген сұрақтарына жауап ала отырып: - Өмірге келген бала неге осындай аянышты халге түсіп, қатарларынан кем қалу керек?! – деп күйіне сұрақ қойды Н-ға. Әрине жауап жоқ. Жауапсыздық жайлаған анада не жауап болуы мүмкін. Ең болмаса, кіші сәбилерін жуындырып, тамақтандырып, үстіне арзан да болса таза, бүтін киім әпере алмаған ананы ана деп атау да ыңғайсыз.

Адамның малдан, басқа да тірі мақұлықтардан айырмашылығы ақыл-ой мен сана иесі болуында. Өмірге әкелген ұрпақтарын асырап-бағу, тәрбиелеу – жазылмаған заң, сол сананың-ардың алдындағы міндеті. Мемлекетте «Әкімшілік құқық бұзушылық туралы» Кодекстің 127-бабында «Ата-ананың немесе басқа да заңды өкілдердің кәмелетке толмаған балаларды тәрбиелеу және оларға білім беру, олардың құқықтарын және мүдделерін қорғау жөніндегі, сондай-ақ оларға күтім жасау және күтіп-бағу жөніндегі міндеттерді орындамауы ... айыппұл салуға алып келеді» делінген. Айыппұл мөлшерінің орнына көп нүкте қойып кетуімнің себебі көп жылдар бойы осы комиссия құрамында болып келе жатып, айыппұл салынған, не әкімшілік қамаққа алынған ата-ананы көріп-білмеген екенмін. Бұл да гуманитарлық көзқарастан туындаған әрекет көрінісі. Ал бес баласын күтімсіз қалдырған азаматшаға да кеңшілік жасалып, жағдайды түзетуге уақыт берді комиссия. Бұдан кейін де балалар аш-жалаңаш күйде болса, азаматша Н. аналық құқығынан айырылып, балалар мемлекет қарауына беріледі.

Айта кетерлік бір мәселе комиссия отырысына арнайы шақырылып, қатысып отырған балалардың сегіз жастағы үлкенін Н. азаматшадан ажырасып кеткен Ғ. соттың шешімі өзгертілсе, өз қарауына алуға ниет білдірді. Заң да, мемлекет те әрқашан ананың жағында болатыны рас. Сол ананың аналық сезімі, ұмтылысы мен іс-әрекеті сәбилерінің заңды құқықтары мен мүддесіне сай келсе...

Комиссияның қарауына ұсынылған тағы бір мәселе кәмелетке толмаған 8-сынып оқушысы М-ның мәселесі. Бұдан бұрынғы отырыстарда да комиссия ата-анасымен келіспей, үйінен қашып, өз басын қауіп-қатерге байлаған «өтпелі жастағы» жасөспірімдерге «шамалары» келмей жатқан ата-аналардың, балалардың мәселелерін талқылап, шешімдер қабылдаған болатын.

Бұл да бір үлкен тақырып, өткір мәселе. Бала есейіп, сол «өтпелі» деген жасқа келгенде, оң-солын тани бастаған сәттекейбір үлкендердің өзі әділетсіз деп тапқан мінез-құлықтарына сай әрекет етіп оқудан, үйден қашып жататын жағдайлар да кәмелетке толмағандар құқықтарын қорғау комиссиясының назарында. Мысалы, сол М. атты оқушының «жоғалып» кету себебі – анасы мен өгей әкесінің арақатынасынан туған түсінбеушіліктер. Осындай ересек ер баласы «қашқындыққа» бой ұрған жұмысбасты болған бір әке ұлын мектеп-интернатқа алуды өтінгенінің де куәсі болды комиссия мүшелері.

Ал отбасындағы келеңсіздік салдарынан анасы қайтыс болған, әкесі сотты болып, бостандығынан айырылу алдында тұрған кәмелетке толмаған бес бала жетімдік күйге түскен жағдай қаралған болатын комиссия отырысында. Бір сәтте ата-анасыз қалған балаларды бағып-қағуды кімге тапсырамыз деген сұрақ туындағанда балалардың көрші аудандарда тұратын нағашылары, яғни қайтыс болған ананың әпкесі мен ағасы, біздің аудан тұрғыны сотты болған азаматтың шешесі, яғни балалардың әжесі шақырылып, комиссия отырысына қатысты. Нағашылар жағы өз бала-шағасы бар толыққанды отбасылар бола тұрса да өз үйлерін тастап, басқа аумақтардағы марқұм анасының туысқандарының үйлерін паналаған балалар.

Комиссия отырысында үлкендер мен балалардың үш ересектеуінен сұралды: кіммен тұрғысы келетіндерін. Бірауыздан қалағаны анасының туысқандары болды.

Комиссия балалардың қалауын құптап, шешім шығарды. Әже жағынан наразылық болғаны да рас. Аздап шу шығарып, балаларды өзіне бұрып алғысы келген әжеге «Баланы ақырып үйретпе, баланы ақырын үйрет» деген халық мақалын алға тартып уәж айтсақ та жеткіліті болар.

Х. Ахметжанов,

комиссия мүшесі