- +77277540900
- +77002724204
- enkaz.kz@gmail.com
- 040400, Алматы облысы, Еңбекшіқазақ ауданы, Есік қаласы, Алматы көшесі, № 112.
қоғамның әлсіз топтары – мемлекет назарында
Қалдыгүл айсина:
Мемлекетіміз қоғамның әлсіз топтарын назардан тыс қалдырған емес. Қазынадан жыл сайын қомақты қаржы бөлініп, көп балалы аз қамтылған отбасыларға, мүмкіндігі шектеулі жандарға, соғыс ардагерлеріне, жалғызбасты кісілерге әртүрлі жәрдемақылар тағайындалады. Ал сол көмекті халыққа жеткізетін, көмекке мұқтаж, қолдауға зәру жандардың қасынан табылып, оларға демеу болатын – әлеуметтік қызметкерлер. Аудандық жұмыспен қамту және әлеуметтік бағдарламалар бөлімінің басшысы Қалдыкүл Оспанәліқызы Айсинамен сұхбаттасып, салада атқарылып жатқан жұмыстармен таныстық.
– Қалдыкүл Оспанәліқызы, Сіз басқарып отырған бөлім арқылы мемлекет тарапынан қандай отбасыларға жәрдемақы беріледі?
– Орташа табысы кедейшілік шегінен төмен отбасыларға мемлекеттік атау-лы көмек, сондай-ақ, орташа табысы азық-түлік себетінен төмен балалы отбасыларға мемлекеттік жәрдемақы төленеді. Әрине, бұдан бөлек, мүгедек жандарға төленетін, мүгедек баласы бар азаматтарға, туберкулезбен ауыратын кісілерге әлеуметтік көмек, олардың жеке көмекшілеріне жалақы, соғыс ардагерлеріне қосымша жеңілдіктер тәрізді мемлекет тарапынан көрсетілетін көмектің түрлері көп.
– Биылғы жылы жәрдемақы көлемі қандай болды?
– 2017 жылдың 1 қазанындағы есеп бойынша, орташа табысы кедейшілік шегінен төмен 146 отбасына 25 млн 102 мың 600 теңге көлемінде мемлекеттік атаулы көмек, 1891 отбасына 102 млн 986 мың теңге көлемінде орташа табысы азық-түлік себетінен төмен балалы отбасыларға берілетін жәрдемақы берілді. Өздері жылытатын үйде тұратын тұрмысы төмен 1762 отбасына тұрғын үй көмегін көрсету үшін 78 миллион теңгеге жуық төленді. Үйде тәрбиеленетін және оқытылатын 224 мүгедек баланың ата-анасына жергілікті бюджеттен 6 млн 996 мың теңге, туберкулез індетімен ауыратын адамдарды әлеуметтік қолдау мақсатында 91 адамға 4 млн 38 мың 800 теңге көлемінде әлеуметтік көмек берілді. Ұлы Отан соғысының қатысушылары мен мүгедектеріне тұрғын үй-коммуналдық қызметтер бойынша қосымша жеңілдіктер көрсету барысында 571мың 400 теңге төленді. Жеке оңалту бағдарламасы бойынша 258 мүгедек азаматқа жеке көмекші қызметі мен ымдау тілі қызметін көрсететін 224 қызметкерге 55 млн 800 мың теңге төленді. Ұлы Жеңістің 72 жылдық мерейтойы қарсаңында Ұлы Отан соғысының ардагерлері мен мүгедектеріне 1 млн 600 мың теңге, 203 ауған соғысының ардагерлері мен 3 ауған соғысында қаза болғандардың отбасыларына 10 млн 200 мың теңге, 72 Чернобыль апатынан зардап шеккен азаматтар мен 1 қаза болған отбасына 3 млн 700 мың теңге бір жолғы әлеуметтік көмек көрсетілді. 257 мүгедек азаматқа ортопедиялық бұйымдар заводына жолдама, 24 мүгедекке тифлотехникалық, 38 мүгедек азаматқа сурдотехникалық құралдар, 141 мүгедекке қол арбалар берілсе, 503 мүгедекке 61 млн теңгенің гигиеналық құралдары берілді.
– Аудандағы жұмыссыздық деңгейі қалай?
– Жұмыссыздық деңгейін орташа деуге болатын шығар. Жыл басынан жұмыспен қамту орталығы арқылы 3782 жұмыссыз адам тіркеліп, 1316 адам жұмысқа орналастырылды. 785 азамат ақылы қоғамдық жұмысқа тартылды, 1006 жұмыссыз кәсіби даярлау курсына оқуға жіберілді. Ауданда 2245 жаңа жұмыс орны құрылды.
– Мүмкіндігі шектеулі жандардың жұмыспен қамтылуы туралы не айтасыз?
– Жыл басында 73 мүгедек азамат жұмыссыз ретінде тіркелген. Олардың сегізі тұрақты жұмысқа орналастырылды, алтауы әлеуметтік жұмыс орнына жіберілсе, жиырма сегізі қоғамдық жұмысқа тартылды. 23 мүгедек азамат кәсіби даярлау курстарында білім алды. Сондай-ақ, екі мүгедек жастар тәжірибесінен өтуде.
– Ауданда жалпы қанша мүгедек азамат бар? Оларға қандай қамқорлықтар көрсетілуде?
– Аудан бойынша 6682 мүгедек бар, оның ішінде І, ІІ топтағылар – 3704, ІІІ топтағылар – 2523, 16 жасқа дейінгі мүгедек балалар – 989. Жыл басынан Ұлы Отан соғысының қатысушылары мен мүгедектеріне, жалпы мүгедектер мен мүгедек балаларға санаторлық-курорттық емделуге «Текелі», «Спутник», «Қаратал» республикалық пансионаттарында емделуге 105 жолдАма берілді. Ауданда жалғызбасты қарттар мен мүгедектерге үйде әлеуметтік көмек көрсететін 4 бөлімше және кемтар балаларға үйде әлеуметтік көмек көрсететін 2 бөлімшеде барлығы 51 қызметкер 208 жалғызбасты қарттар мен мүгедектерді және 84 мүмкіндігі шектеулі балаларды күтуде.
– Осы салада жүрген маман ретінде аудан тұрғындарының әлеуметтік жағдайына қандай баға берер едіңіз?
– Аудан тұрғындарының әлеуметтік жағдайы салыстырмалы түрде алғанда жақсарып келеді. Бір ғана мысал, бізде 2016 жылы орташа табысы кедейшілік шегінен төмен 212 отбасында 1037 адам бар болатын. Биыл бұл көрсеткіш, жоғарыда айтқанымыздай 730 адамы бар 146 отбасыны құрап отыр. Жалпы, халықтың тұрмысы жаман емес. Ауданда тұрғындардың әлеуметтік жағдайын жақсарту үшін мемлекет тарапынан шаралар жүргізіліп келеді. «Өрлеу» пилоттық жоба ретінде 2015 жылы осы Еңбекшіқазақ ауданында ғана жүзеге асырылды. Өткен жылы Панфилов ауданы мен біздің аудан осы жобаны іске асырдық. Биыл ғана Алматы облысының барлық аудандарына пилоттық жоба ретінде енгізілді. «Өрлеу» жобасының мақсаты – орташа тұрмысы төмен отбасылардың жағдайын жақсартуға көмектесу. Яғни, оларға балық емес, балық аулайтын қармақ беру. Жыл басынан «Өрлеу» жобасына қатысуға өтініш берген 180 аз қамтылған отбасылардың 972 адамына барлығы 31397, 0 мың теңге төленді. Оның ішінде республикалық бюджеттен 20497,0 мың, жергілікті бюджеттен 10900,0 мың теңге. Аталмыш жоба арқылы берілген шартты ақшалай көмекке кейбір отбасылар сиыр сатып алды, кейбірі табыс әкелетін басқа заттар сатып алды. Жоба аясында осы отбасылардың ішінде еңбекке жарамды 182 адам тұрақты жұмысқа орналастырылды. 10 адам әлеуметтік жұмыс орнына жіберіліп, 16 адам қоғамдық жұмыспен қамтылды.
– Салада алдағы уақыттарда қандай өзгерістер күтілуде?
– 2018 жылы жәрдемақылар мен атаулы әлеуметтік көмек жаңа форматта болады деп күтілуде. Сондай-ақ, 2015 жылы жоғарыда аталған «Өрлеу» жобасын халық арасында түсіндіру үшін 3 округқа бір ассистенттен, барлығы 2 консультант, 10 ассистент келісім-шарт бойынша бекітілген еді. Келесі жылдан осы мамандарымыз жұмыспен қамту орталығына штатқа қабылданады. Бұл да тұрғындардың орташа табысының кедейшілік шегінен шығып, тұрмысының жақсаруында өз ықпалын тигізеді деп ойлаймын.
Нұрбану КАМАЛ.
Музеи – заповедники культуры
Историко-культурный музей-заповедник на сакских курганах «Есік» со дня открытия в 2010 году стал мега-площадкой для реализации республиканских и международных проектов, таких как «MUSEUMstan» в Центральной Азии, совместных исследований с Научно-исследовательским центром культуры Mahan и Институтом культурных ценностей Республики Корея. В канун ЭКСПО-2017 музей принял участие в масштабном проекте «Золотая карта музеев Алматинской области».
Министр культуры РК Арыстанбек Мухамедиулы, в июле текущего года посетил музей «Есік» и отметил, что за семь лет коллективом под руководством кандидата исторических наук Гульмиры Мухтаровой сделано все возможное, чтобы музей вошел в число лучших историко-культурных объектов, созданных по стратегическому проекту «Мәдени мұра», и прочно вошел в состав туристических маршрутов по Великому Шелковому пути.
Продолжая традицию ежегодных научно-исследовательских семинаров для музейных работников, 20-21 октября 2017 года на базе музея в рамках программы «Рухани жаңғыру» был организован республиканский семинар «Векторы модернизации: от стандартов хранения до развития туристического потенциала». По своему содержанию данное мероприятие можно смело назвать научным форумом. В программу вошли презентации музеев республики, лекции и практикумы по проведению археологических экспедиций, хранению музейных фондов, обсуждение планов в контексте проекта «100 новых лиц Казахстана», заседание «Клуба директоров», экскурсия по экспозиции музея «Есік». Открытие семинара и его лекционная часть были проведены в школе с.Рахат. В приветственном слове заместитель директора департамента по делам культуры и искусства Министерства культуры и спорта РК Абил Жоламанов и представитель ЮНЕСКО Айгуль Халафова подчеркнули актуальность таких семинаров. Их результатами становятся новые совместные проекты, такие как «Золотая карта музеев», пользующийся большим успехом у посетителей, пользователей социальных сетей. Музей «Есік» играет ключевую роль в реализации государственных историко-культурных программ, во внедрении информационных smart-технологий, обеспечивающих удаленный доступ к музейным экспозициям.
Результатом сотрудничества с другими музеями Казахстана являются экспонаты древней и средневековой тюркской культуры, представленные на временных и постоянных экспозициях, археологические находки эпохи саков. Территория музея под открытым небом занимает свыше 400 га, на которых расположились 80 курганов, еще ждущих своих исследователей. Кроме того, терра инкогнита остается Рахатское городище, хранящее немало тайн.
На второй день семинара состоялся выезд его участников на курганный могильник Бесшатыр, находящийся на территории государственного национального природного парка «Алтын-Эмель». Посещение памятника истории эпохи саков, не имеющего аналогов в Центральной Азии, завершило встречу руководителей и научных работников 10 ведущих музеев Казахстана.
И.ВИКТОРОВ.
Аталар ақылы – алтын қазына
Жақында аудандық кітап-ханада ауданымыз-дың ардагер-лері мен мектеп оқушылары арасында кездесу өтті. Жастарға ардагер ата-әжелердің өнегелі әңгімелерін, ақыл-кеңестерін тың-датып, өскелең ұрпақты кітап оқуға шақыру, ұлттық тәрбие беру мақсатында өткізілген кездесуге ардагер ұстаздар – Жұмахан Бұқаев, Алтын Найманбаева, Күлімкөз Шаяхметова, Хадиша Ережепова, ауданымыздың құрметті азаматы, аудандық қоғамдық кеңес төрағасы Әділбай Талқанбаев, «Еңбекшіқазақ ауданының әйелдері одағы» қоғамдық қорының төрайымы Роза Исатаева, танымал ақын Шаяхмет Құсайынұлы қатысты.
Кездесуді ашқан Күлия Саурықова жиналғандарға қонақ-тарды таныстырып, алғашқы сөз кезегін ұзақ жылдар білім беру саласында басшылық қызметтер атқарған, зейнеткерлікке шыққан соң да ауданның қоғамдық өміріне белсене араласып келе жатқан қарт ұстаз Жұмахан Бұқаевқа берді.
Өз сөзінде мектеп оқушыла-рына кітап оқудың маңыздылығы жөнінде әңгімелеген ардагер:
– «Жасымда ғылым бар деп ескермедім, пайдасын көре тұра тексермедім», – деген еді Абай аталарың. Ыбырайдың «Кел, балалар, оқылық!» өлеңінің өзі қандай?! Осы аталарыңның айтқанын істеп, жас күндеріңде көп оқып, білім алсаңдар, сендерден асқан ақылды, бақытты адам болмайды, – деген аталық ақылын айтты.
Ауданымыздың дамуына елеулі еңбегі сіңген, бірқатар басшылық қызметтерді атқарып, қазіргі уақытта халқының алғысына бөленіп отырған Әділбай ағамыз Елбасының «Болашаққа бағдар: рухани жаңғыру» мақаласының мәнін балаларға түсіндірді. Сондай-ақ кітапхананың негізін қалап, еңбегімен ел есінде қалған азаматтарды еске алды.
– Мен екі кезеңде – Кеңестік дәуірде және Тәуелсіздік жылдары еңбек еттім. КСРО тұсында біз білмеген жымысқы саясат – қазақты ұлтсыздандыру, ұлттық салт-дәстүрден, менталитеттен алыс-тату ісі астыртын жүргізіліп келген екен. Егемендіктің арқасында біз ұлттық санамызға қайта оралдық. Елбасының биылғы жылғы «Болашаққа бағдар: рухани жаңғыру» мақаласында ұлттық код туралы айтылады. Ұлттық код дегеніміз – қазақ халқының болмыс-бітімі – салт-дәстүрі, тілі, ділі, діні. Міне, осының бәрін сақтап, барлық этнос өкілдерімен бірге тату-тәтті өмір сүруіміз керек, – деді Әділбай Талқанбаев.
Бұдан соң сөз сөйлеген қонақтар да балаларға ғибратты әңгімелер айтып, кітап оқудың пайдасы, білім алудың қажеттілігі жөнінде мазмұнды сұхбат өткізді. Кітапханашылар балаларға ақсақалдар ақылы – шамшырақ болар алтын қазына екенін айтты. Кездесу барысында Рахат ауылдық округінің №1 орта мектебінің, В.Терешкова атындағы, Р.Тоқатаев атындағы орта мектептердің оқушылары ән айтып, кейбірі өз жанынан шығарған өлеңін оқып, өнерлі жас-тар екенін көрсетті. Кездесуге Абылайхан атындағы орта мектептің оқушылары қатысты.
Нұрбану КАМАЛ.
Ағым және алаңдаушылық
Өткен аптада Есік гуманитарлық-экономи-калық колледжінде «Ағым және алаңдаушылық» та-қырыбында ауданымыз-дың бас имамы Сапархан Төреқұлов пен колледж сту-денттері арасында кездесу өтті.
Студенттерге ислам дінінің тарихын ұғындыру, олардың теріс ағымдарға бағытталған көзқарастардан аулақ болуына, өзіндік діни дұрыс бағдар таңдауына ықпал жасау, дәстүрлі емес түрлі діни ағымдардан сақтандыру, адам-гершілік қасиеттерді қалып-тастыра отырып, имандылыққа тәрбиелеу мақсатында өткен кездесуде сөз сөйлеген колледж директорының тәрбие ісі жөніндегі орынбасары Гүлнәр Байтукенова қонақтарды таныс-тырып, шараны ұйымдастырған психологтар – Жеңісгүл Хабаева мен Индира Қаңлыбаеваға алғыс білдірді.
Алдымен «Ағым және алаңдаушылық» тақырыбында ҚМДБ тапсырысымен дайын-далған бейнесюжет көрсетіліп, онда жат ағымдардың жетегінде кеткен жастардың тағдыры, қара ниетті миссионерлердің жымысқы әрекеттері туралы айтылды. Сюжет мәліметі бойынша, елімізде шет елдерге кетіп, діни білім алып жатқан жастардың 90 пайызы бейресми орындарда оқитын көрінеді. Әсіресе, жеке пәтерлерде бар-жоғы 3-4 ай оқытып, шәкірттерін «жиһадқа барасың» деп алдап, Сириядағы соғысқа айдап салатын дәстүрлі емес діни ұйым басшылары ел жастары үшін үлкен қауіп тудыруда.
Кездесуде сөз алған ауданы-мыздың бас имамы Сапархан Айдарханұлы Пайғамбарымыз Мұхаммедтің (с.ғ.с) «Отанды сүю – иманнан» деген хадисін айтып, жастарға имандылықтың, мұсылмандықтың басты шарттарының бірі – ата-ананы, Отанды сүю, қастерлеу екенін ұқтыруға тырысты.
– Біз Алла берген ұлы нығмет – ақылымызды пайдаланар болсақ, ешқашан адаспаймыз. Көрінгеннің соңынан еріп, әртүрлі ағымдардың жетегіне ілесу – ақылсыздық. Пайғамбарымыздан (с.ғ.с) кезінде бір сахаба: «Ата-анам әлі мұсылмандықты қабылдаған жоқ, менің олармен қарым-қатынасым қандай болуы керек?» – деп сұраған екен. Сонда Алла елшісі (с.ғ.с): «Ата-анаң кәпір болса да оларды сыйлап, ардақтау – парыз. Өйткені, олар сенің дүниеге келуіңе себепші болған жандар», – деп жауап берген. Ал қазіргі адасқан жастар әке-шешесіне «кәпірсің» деп, ауыр сөздерді айтып, олармен қарым-қатынасын үзуде. Осындай арсыздыққа, жауыздыққа шақыратын жат ағымдардан жас-тар саналы түрде бас тартып, аулақ болуға тырысулары керек, – деді Сапархан Айдарханұлы.
Бас имамның әңгімесінен кейін жастар өздерін толғандыр-ған сауалдарын ортаға салды. «Пайғамбарымыздың туған күні әр кітапта әртүрлі жазылады, қайсысы дұрыс?» дегеннен бас-тап, «Мекке, Мәдинеге қандай адамдардың барғаны жөн?», «Салафи, жиһад» дегеніміз не?» «Әнге, биге діннің көзқарасы қандай?», «Бақсыға бару дұрыс па?» тәрізді ондаған сұрақтар қойып, бәріне тұшымды жауаптар алды. Кездесу соңында әнші-термеші Дәурен Сәрсенбаев «Алладан басқа жоқ Тәңір» әнін орындады.
Нұрбану КАМАЛ.
Новый импульс развития двухсторонних отношений
Посольства РК в Швейцарии с 10 по 13 октября состоялся визит делегации Алматинской области во главе с акимом области Амандыком Баталовым в кантон Тичино.
В состав делегации вошли сотрудники акимата, руководство Жетысуского государственного университета им. И.Жансугурова, АО «Алатау по развитию Алматинской области», АО «НК «СПК «Жетысу» и представители деловых кругов области.
Налаживание торгово-экономического, финансового и научно-технического сотрудничества с кантоном, ознакомление с инвестиционными преференциями, благоприятными условиями ведения бизнеса в РК, а также совместный поиск путей расширения действующих и новых сфер взаимодействия в рамках подписанного в ходе визита Федерального Президента Швейцарии Д.Лёйтхард в Казахстан в августе текущего года меморандума о сотрудничестве между регионами двух стран стали основными задачами визита.
По сообщению Посольства Республики Казахстан в Швейцарии, в рамках визита состоялись встречи с Президентом кантона Мануэле Бертоли, Министром экономики и финансов Кристианом Витта, Государственным канцлером АрнольдоКодури, мэром г.Лугано Марко Боррадори, председателем Совета директоров кантонального банка ТичиноФабрициоЧислаквичем, заместителем директора по исследованиям и инновациям Университета прикладных наук и искусств Южной Швейцарии (SUPSI) профессором ЖанбатистоРавано, а также главами более 20 швейцарских компаний. Наряду с этим, делегация Алматинской области посетила крупнейшие в регионе компании по переработке мусора «AziendaCantonaledieRifiuti», производству шоколада «ChocolatStella», энергетическому машиностроению и информационным технологиям «ABB», а также ознакомилась с деятельностью горнолыжного комплекса, фермы племенных коров и завода по производству сыров и молочных продуктов в г.Айроло.
Следует отметить, что «AziendaCantonaledieRifiuti» является самым крупным заводом по глубокой переработке мусора и отходов в кантоне Тичино мощностью свыше 100 тонн в сутки, при этом вырабатывающей 10 мегаватт энергии и более 2 мегаватт тепла.
В ходе переговоров с руководством кантона Тичино обсуждались вопросы развития торгово-экономического сотрудничества, а также пути взаимодействия в области образования, науки, туризма, сельского хозяйства и финансов. Президент кантона Мануэле Бертоли подчеркнул, что Алматинскаяобласть и кантон Тичино имеют широкий потенциал для двустороннего сотрудничества и выразил уверенность, что визит акима области Амандыка Баталова будет содействовать практической его реализации.
Особый интерес у швейцарских деловых кругов вызвали широкие инвестиционные преференции в Казахстане, упрощенные условия ведения бизнеса и преимущества от членства РК в ВТО и общего экономического пространства Евразийского экономического союза.
По итогам визита стороны договорились подробно изучить возможности реализации инвестиционных проектов в Алматинской области, наладить обмен опытом, особенно в сфере образования и науки с Университетом прикладных наук и искусств Южной Швейцарии (SUPSI). Также руководство кантона и представители бизнес-сообщества были приглашены посетить Алматинскую область с ответным визитом.
Стоит отметить, что Кантон Тичино является одним из крупных финансовых центров Швейцарии с развитым сектором информационно-коммуникационных технологий, образования, туризма, строительства, машинного оборудования, фармацевтики и биомедицины. ВВП кантона составляет 28,6 млрд. долл. США, ВВП на душу населения – 82,1 тыс. долл. США, а доля в ВВП Швейцарии - 4,5%.
Алматинская региональная служба коммуникаций
Екі миллионыншы келуші тіркелді
Астана уақыты бойынша, сағат 20:21-де есепке алу жүйесі ЭКСПО-2017 көрмесінің екі миллионыншы келушісін тіркеді. Ол 34 жастағы оралдық кәсіпкер – Ғайса Жұмалиев. Лондон бизнес мектебінің түлегі атап өткендей, ол бизнес саласында еңбек етіп жүргеніне биыл бес жылдың жүзі болыпты. Бұл оның көрмеге бірінші келуі емес. Көрме келушісі Астанаға жұмыс сапарымен ат басын бұрыпты. Бүгін ол «ЭКСПО-2017» көрмесі аясында өтіп жатқан Батыс Қазақстан облысының мәдениет күндеріне орай жерлестерін қолдауға келген. Ғайсаның айтуынша, бұл оқиға ол үшін күтпеген жағдай болды, әсіресе оны үйде күтіп отырған отбасына әйелі және егіз ұлдары таңқалады.
«Жекеменшік сектордың өкілі және Қазақстанның азаматы ретінде, Қазақстанда осындай жоғары деңгейде көрменің өткізіліп жатқаны, мені әрине, қуантады. Мен бірнеше жыл шетелде тұрдым,оның екі жылында оқыдым, төрт жыл жұмыс істедім. Жүзден аса мемлекет өз павильондарын көрсеткені мен үшін қуантарлық жайттардың бірі болды. Біз көпке танылдық, сонымен қатар, жетекші мемлекеттердің жаңа инновациялық технологияларын өзімізге қабылдай аламыз. Қазіргі уақытта, көріп тұрғанымыздай, көптеген турис-тер бізде қонақта және бүкіл әлем біздің елімізді жақсы қырынан көруге мүмкіндік алды. Қазақстанға «ЭКСПО-2017» көрмесін өткізуге мүмкіндік туғанына менің туған жеріме деген мақтаныш сезімін оятты», – деп атап өтті екі миллионыншы келуші.
Сонымен қатар, «Астана ЭКСПО-2017» ҰК АҚ Басқарма Төрағасы Ахметжан Есімов көрме келушісін құттықтап, оған естелік сыйлықтарды тарту етті. Ұлттық компания басшысы өз сөзінде атап өткендей, жоспардағы меже уақытынан бір ай бұрын орындалды.
«Ғайса бізді бақытты етті деп айта аламын. Көрме, бәріңіз білетіндей, бұл Елбасымыздың салиқалы саясатынан туған үлкен жоба. ЭКСПО-2017 көр-месінің әрбір қатысушы өз елінің тек жақсы қырларын көрсетуге тырысады. Біз көрме соңына дейін 30 күн қалғанда жоспарлы көрсеткіш – екі миллион келушіге қол жеткіздік. ЭКСПО-2017 көрмесінің халы-қаралық павильондар мен нысандарының келуші санына тоқталатын болсақ,олардың көрсеткіші 15 млн-нан асып кетті», – деп атап өтті Ахметжан Есімов.
Сондай-ақ, ұлттық компания басшысы атап өткендей, «ЭКСПО-2017» арқасында, Астанамыздың экономикалық жағдайы жақсара түсіп, айтар-лықтай өсім көрді.Сонымен қатар, Астана тұрғын-үй жалға беру 33%-ға, қонақүйлердің сұранысы 28%-дан 60%-ға дейін өсті. Туризм саласының дамуына келсек, көрменің өту барысында туроператорларға жүгіну 78%-ға дейін жетті.Күн сайын Астанаға тікұшақпен ұшатын адамдар саны 7 мың және 16 мың адам темір жолмен келеді. Бұл ретте тауар айналымы Астанада 20%-ға өсті, ал қызмет көрсету саласына сұраныс 2,5%-ға дейін көтерілді.
Айта кетейік, 11 шілде күні Халықаралық мамандандырыл-ған ЭКСПО-2017 көрмесі миллионыншы келушіні қарсы алған болатын. Бұл қуанышқа Астана қаласының 27 жастағы тұрғыны ие болды.
Қоғаммен байланыс департаменті.
Жан рахаты — су
Жақында Малыбай ауылындағы «Алуа» балабақшасында «Нептун күні» атты шара өтті.
Жаз айындағы аптап ыстықта жан рахаты – су. Әдіскер Шахидам Раши-тованың жүргізуімен бұл балабақшада тәрбиеленіп жатқан 6 топтың 120 бүл-діршіні өз тәрбиешілерімен, мейірбикемен бірге қауыздарға шомылып, күнге қызды-рыну мен суға шомылудың пайдасынан мәлімет алумен қатар, қызықты жарыс ойындарын өткізді. Атап айтар болсақ, әр топ балалар арасында шелекпен су тасу, су толтырылған целлофанмен нысана көздеп ату, ал тәрбиешілер арасында қасықпен су тасу сияқты қызықты ойындар ұйымдастырылды. Мейірбике Ранагүл Нұрхалықова денсаулыққа пайдалы кеңестер берді. Қызықты шарада Гузаль Касимова, Гүлзат Избуллаева және тәрбиешінің көмекшісі Бувинур Абдрашитованың қарауындағы «Ертөстік» тобының бүлдіршіндері ұйым-шылдығымен, ептілік, жылдамдығымен көзге түсті. Балабақша меңгерушісі Гүлнәр Заирова шараның тартымды әрі көңілді өткенін атап өтіп, жылы лебізін білдірді.
Өз тілшіміз.
На каникулах — в Астану
В СШ имени Х.Абдуллина с 1 июня досуг учащихся организован в пришкольном лагере «Куншуак». Также благодаря спонсорам, акимату Ташкенсазского округа, педколлективу и родителям одна ученица отдыхала в лагере «Тау-Жанашар», три ученика были отправлены в лагерь «Алтын Адам», еще четверо в лагерь «Салем». За счет фонда всеобуча 7 учащихся побывали в лагере «Алтын Адам», а 16 - в лагере «Салем». Также за счет фонда всеобуча 10 учеников посетили Всемирную выставку ЭКСПО-17 в г. Астане. Учебный год наши ребята встретят с приятными воспоминаниями и впечатлениями.
Р.АКБАРОВА,
заместитель директора по воспитательной работе СШ имени Х.Абдуллина, с.Ташкенсаз.
Жайдары жаз
«Т.Әубәкіров атындағы орта мектеп-мектепке дейінгі шағын орталығымен» коммуналдық мемлекеттік мекемесінің мектеп жанындағы «Ғарышкер» жазғы демалыс лагері балаларға жазды есте қалдыратындай іс-шаралар ұйымдастырды.
Лагерьге ең алдымен жетім, жартылай жетім, әлеуметтік жағдайы төмен, көпбалалы отбасылардың балалары қамтылды. Лагердің IV-ші кезеңінде топ жетекшілері Д.Нүсіпова, А.Ибрагимова, С.Ибраимқұлова, спорт жетекшісі Е.Молбосынов бекітілді. Сонымен қатар мектеп жанынан қазақ, орыс, ағылшын тілдері бойынша тілдік лагерь ұйымдастырылды. Балалар демалысына барлық жағдай қарастырылып, мектеп асханасынан бір мезгілдік ыстық тамақпен қамтамасыз етілді. Әртүрлі ұлттық ойындар, суреттерден түрлі көрмелер ұйымдастырылып, сайыстар өткізілді. Жүзден жүйрік шыққандар жүлделермен марапатталды.
Айнаш Абдулла,
орыс тілі пәнінің мұғалімі.
ҚЫЛМЫС ХРОНИКАСЫ
Тәртіпсіздік жазасыз қалмайды
Бүгінде елімізде «Тәртіпсіздікке мүлдем төзбеушілік» акциясы қолға алынып, ұсақ құқық бұзушылықтардың алдын палуға септігін тигізуде.
Оған дәлел, 1979 жылы туылған аудан тұрғыны араққа сылқия тойып, өз үйінде жанжал шығарған. Өзінің туған ағасын жаман сөздермен балағаттаған оны ҚР әкімшілік құқық бұзушылық туралы кодекстің 73 бабы бойынша тәртіп сақшылары 3 тәулікке қамаған. Сонымен қатар, Түрген ауылы Мира көшесінің бойында қоғамдық орынды ластағаны үшін 52 жастағы азамат аталған кодекстің 434 бабы бойынша 1 тәулікке қамауға алынған.
Жаяу жүргіншіні
қағып кеткен
Алматы – Көкпек – Көк-тал тас жолының бойында «Митсубиси Паджеро» көлігі жаяу жүргіншіні қағып кеткен.
Аталған жолдың 32 шақырымында жол талғамайтын көлікті тізгініне ие бола алмай қалған 1986 жылғы жүргізуші 22 жастағы жігітті қаққан. Соққыдан жарақат алған жігітті жедел жәрдем қызметкерлері дереу Есік қаласындағы емханаға жеткізген. Қазіргі уақытта жол-патрульдік полициясы оқиғаның мән-жайын анықтауда.
Ұрылар құрықталды
«Ұрлық түбі – қорлық». Бұл нақыл бекер айтылмаса керек. Бүгінде өзгенің ала жібін аттап, жаттың мүлкіне қол сұққандар жазасыз қалмайды.
Жақында Саймасай ауылындағы «Айдана» дүкенінен азық-түлік ұрлаған сол ауылдың 66 жастағы тұрғыны қолға түсті. Дүкен иесіне 2 мың теңгеге жуық залал келтірген азаматтың үстінен іс қозғалған. Осыған ұқсас оқиға Есік қаласында тіркелген. Аудан орталығындағы техникалық колледж ауласынан белгісіз біреу құрылыс темірлерін ұрлап кеткен. Дереу іске кіріскен тәртіп сақшылары 1975 жылғы Есік қаласының тұрғынын құрықтаған. Келтірілген материалдық шығын көлемі 15 мың теңгеге жуық.
Нәрестені жарақаттаған
Өз баласын соққыға жыққан деген күдікпен Ават ауылының 42 жастағы тұрғыны уақытша қамауға алынды.
21 шілде күні Есік қаласын-дағы орталық ауруханаға дене жарақат-тарымен және миы шайқалған 2017 жылы туылған бала жеткізіледі. Кейіннен анықталғандай, нәрестені өзінің анасы соққыға жыққан. Қазір «Денсаулыққа қасақана ауыр зиян келтіру» бабы бойынша іс қозғалып, оқиғаның жай-жапсары анықталуда.
Бұзақылар іздестірілуде
Аудандық ішкі істер басқармасының қызметкерлері Бәйдібек би ауылында ер адамды соққыға жыққан бұзақылар-ды іздестіруде.
19 шілдеде Бәйдібек би ауылындағы Байболов көшесінде орналасқан балабақшаның маңына белгісіз адамдар сол ауылдың 42 жастағы тұрғынын соққыға жыққан. Оқиға түнгі 23:00 шамасында болған. Қабырғалары сынып, өкпесі жарылған жәбірленуші дереу емханаға жеткізілген. Қазіргі уақытта «Бұзақылық» бабы бойынша қылмыстық іс қозғалып, бұзақылар іздестірілуде.
Материалдарды аудандық
ІІБ-ның берген мәліметі негізінде баспаға әзірленді.
Толығырақ ...
Ұрпаққа үлгі ғұмыр
Жақсымен өткен әр күнің
Жасыңа қосқан жыл болар.
Еліңе қосқан үлесің
Ұрпаққа кейін жыр болар, – деген ұлағатты сөздер айшықталып ілінген екен Мәдениет үйінің спорт залында.
Қ.Орынбетов атындағы мектепте өткен жиынында аудан басшысы Бинәлі Ысқақ осы тұрғыда ауданымызды абыроймен басқарып, айшықты із қалдырған Құдайберген Әбиірұлын еске ала тұрып, оқу орнының фойесіне қойылған Қ.Орынбетовтың бюстіне гүл шоқтарын қою рәсімін жасады.
Тәжік баласындай болмағанымыз ба?
Осыдан бірер күн бұрын Есіктегі орталық базарға бас сұқтым. Күнделікті әдетіммен көлік тұрағына беттеп, түскенім сол еді тәжіктің кішкентай баласы қайыр сұрады. Шамасы 8 бен 10 жас аралығында. Бізге беймәлім тілмен бірдеңені шүлдірлетіп жатыр. Ортасында Алла деген сөзін ғана ұқтым. Содан мен де: «Маған қазақ тілінде сөйле. Сосын сұрағаныңды берейін» дедім. Ал ол болса, ләм-мим жоқ, тек басын шұлғи берді. Содан сұраққа тарттым.
– Ұлтың қандай?
– Тәжік – деді зор дауыспен.
– Қазақ тілін білесің бе?
– Иә, – деді.
– Енді неге маған қазақ тілінде сөйлемейсің? дегенім сол еді үнсіз бетіме қарап тұрып алды.
Дәулет ШОҚПАРОВ: «Бір әкенің тәрбиесін жүз мектеп бере алмайды»
«Әке – асқар тау, ана – бауырындағы бұлақ, бала – жағасындағы құрақ». Әулетіне пана болған әке мен адалдық, мейірімділіктің символына айналған ананың отбасындағы рөлін осынау бір ауыз сөзге сыйғызған қазақ халқы ежелден шаңырақ пен оның құндылықтарын биік бағалаған. Отан отбасынан басталатындығын айтып, ұлт болашағы үшін де, мемлекеттің тұтастығы үшін де маңызы зор екендігін алға тартқан. Сондықтан да ұл-қыздарын тәрбиенің тал бесігінде тербетіп, иманды, адал, еңбекқор болуға баулыған. Осы орайда, қыркүйектің екінші жексенбісі отбасы күні болып белгіленіп, республикалық «Мерейлі отбасы» ауқымды жобасы қолға алынды. Мереке қарсаңында аталған жобаның қатысушылары Шоқпаровтар әулетінің отағасы, белгілі қолөнерші Дәулет Шоқпаровпен отбасы құндылығы мен құндылықтың негізі – бала тәрбиесі жайында аз-кем әңгімелескен едік.
– Дәулет Дәркембайұлы, сіздің ойыңызша, отбасындағы әкенің рөлі қандай болу керек?
– Қазақ халқының ұғымында әке – отбасының тірегі, балалардың ақылшы, үлгі тұтар азаматы. Сондықтан да біз әкемізді шыңына көз жетпейтін, пана болған асқар тауға теңейміз.
Тарихқа көз салсақ, отбасындағы бала тәрбиесімен, әсіресе, ұл өсіруде әке негізгі рөлді атқарған. Бала күнінен атқа мінуді үйретіп, ерлікке тәрбиелеген. Үлкен кісілерге сәлем беріп, ақ батасын алған баланың көсегесі көгеретіндігін баланың құлағына құйған. Әкесінен осындай тағылымды тәрбиені көріп өскен ұл – ешқашан біреудің ала жібін аттамаған. Ал қазіргі ақпараттық технология мен интеллектуалды білім салтанат құрған уақытта әкенің балаға берер тәрбиесі де заман ағымына қарай өзгеруі керек.
Америкалық жазушы Марк Твен: «Жасым он төртте болғанда әкем өте ақылсыз, ақымақ еді. Мен оны әзер түсінетінмін. Ал, менің жасым жиырма бірге келгенде, сол жеті жыл аралықта әкем өте ақылды, өзіме ақылшы-тіреу, одан артық адам жоқ болды» – деген. Расында, баланың өтпелі кезеңінде үлкендерді түсінуі қиындайды. Сондықтан онымен өз дәрежесінде сөйлесіп, сырласа білу керек.
– Сіз балаларыңызбен жиі сырласасыз ба?
– Әрине, балаларымның тәрбиесі, мен үшін, бірінші орында. Аллаға шүкір, бүгінде 3 ұл, 1 қыз тәрбиелеп отырмын. Үлкен екі ұлым Алматыдағы Т.Жүргенов атындағы өнер академиясының колледжінде оқиды. Үйден жырақта білім алып жүрсе де, оларға үнемі ақылымды айтып, қадағалап отырамын. Осы жылы көктемде коронавирус індетіне байланысты карантин басталып, демалысқа ерте шықты. Мәдениет саласына еңбек етіп жүрген соң мен де жұмысымды уақытша тоқтатып, үйде болдым. Осы уақыт аралығында отбасымызбен уақытымызды тиімді өткіздік. Ата жолын таңдап, сол бағыттағы білімін шыңдап жүрген қос ұлыма қолөнердің қыр-сырын үйреттім. Ер бала болған соң, олар да – болашақта бір отбасының тірегі. Сондықтан демалыста үйдегі құрылыс жұмыстарына да араласып, өздеріне бассейн жасап алды. Футбол алаңын жасақтап, дене шынықтыруға да уақыт бөлдік.
– Ал қызыңыздың тәрбиесі анасының мойнында ма?
– Иә, қыз баланың тәрбиесімен анасының айналысқаны жөн ғой. Анасының бойындағы адалдық, мейірімділік пен имандылықты сіңірген қыз болашақта жаман болмасы сөзсіз. Сол үшін де қазақ халқы әрқашан қыз баласына құрметпен қарап, төрден орын берген. Оған ұлтты тәрбиелейтін болашақ ана ретінде қараған. Біздің отбасымызда да қызымыздың орны бөлек. Мені де оның тәрбиесі бей-жай қалдырған емес. Қыз бала әкесіне жақын болып өседі емес пе? Үнемі менің жанымда жүріп, кішкентай болса да, маған алаңдаушылық білдіреді. Мәдениет қызметкері болған соң іс-сапармен алыс жолдарға шығамыз. Шыны керек, сыртта жүргенде қызым ғана телефон соғып, жағдайымды сұрап, уақытылы тамақтанғанымды қадағалап тұрады.
– «Әке көрген – оқ жонар». Әкеңіз Дәркембай Шоқпарұлы елімізге белгілі қолөнер ұстасы болған. Сіз де ата жолын қуып, ұлттық өнерді жаныңызға серік етіп келесіз. Бұған әке тәрбиесінің ықпалы бар ма?
– Хакім Абай: «Балаға үш мінезі алуан адамнан жұғады. Біріншісі ата-анадан, екіншісі ұстаздан, үшіншісі құрбыдан» – деген екен. Қай бала болса да, құрбысы мен ұстазынан гөрі отбасында көбірек болғандықтан, ата-анасының үйдегі өнегесі, мәдениеті мен ішкі жан дүниесі балаға айтарлықтай ықпал етеді. Маған да отбасымдағы тәрбие ықпал етсе керек, ата жолын таңдадым.
Мен кішкентай кезімнен Қазаткомдағы нағашы атам мен апамның қолында өстім. 7 жасқа толғанда әке-шешем өз қолдарына алып, Алматыдағы қазақ мектебіне оқуға берді. Алматыдағы үйіміздің жанында әкемнің шеберханасы болатын. Мектеп жасымнан-ақ сол жерде оған қолғабыс етіп, тапсырмаларын орындап жүрдім. Басқа балалар секілді менің көше қыдырып, ойнауға уақытым да болмайтын. Қолым босай қалса, шеберханаға барып, өзімше бір нәрсемен айналысатынмын. Әкем отбасында әзілқой, жұмсақ кісі болғанымен, жұмыста жауапкершілік пен еңбекқорлықты талап ететін. Сол себепті де бала күнімнен мамандығымның іргетасы қаланды. Мектеп бітірісімен қандай мамандыққа баратындығым айқын еді. Осылайша, Абай атындағы ҚазПИ-ге оқуға түсіп, атам мен әкем салған жолмен жүріп келемін.
– Балаларыңыздың осы өнер жолын таңдауына сіз себеп болдыңыз ба?
– Қолөнер шеберлігі – біздің отбасымызда қанға сіңген қасиет десем, артық айтқандық емес. Атам, әкем, мен, енді менің балаларым да ұлттық өнер жолын таңдады. Ұлдарым кішкентай күнінен жанымда жүріп, шеберханада өскендіктен, өздері де қолөнерге бейімделді. Өсе келе өз таңдауларымен ағаш ұстасы мамандығы бойынша оқуға түсіп, қазіргі таңда Т.Жүргенов атындағы өнер академиясында оқуларын жалғастыруда. Шынымды айтсам, олардың бұл таңдауларына іштей қатты қуанып, қолдау білдірдім.
– Өкінішке қарай, қазіргі қоғамда отбасы құндылықтары ескерусіз қалып, ата-ана мен бала арасы алшақтап бара жатқан секілді. Бұған не дейсіз?
– Оныңыз рас, отбасының қамы, бала-шағаның бір үзім наны үшін таңнан кешке дейін жұмыста жүретін кейбір ата-аналар балаларының бос уақытында немен айналысатындығын да білмейді. Баланың тәрбиесін мектепке сілтеп, бейқам жүретіндер де кездеседі. Меніңше, бұл дұрыс емес. «Адамға ең бірінші білім емес, тәрбие берілуі керек, тәрбиесіз берілген білім – адамзаттың қас жауы, ол келешекте оның барлық өміріне апат әкеледі» деген екен әл-Фараби. Әлемнің екінші ұстазы айтқан тәрбиені бала отбасынан алуы керек. Себебі бір әкенің тәрбиесін жүз мектеп те бере алмайды.
Күні бойы күйбең тіршіліктің соңынан жүрген азаматтардың балалары не істейді? Әй дейтін әже, қой дейтін қожа жоқ, уақытын бос өткізеді. Жаман әдеттерге еліктеп, бұзақылыққа баруы мүмкін. Сондықтан бір сәт болсын, баланың тәртібіне, тәрбиесіне, сабағына көңіл бөліп, онымен сырласу керек.
– Жастар арасында ажырасу қалыпты дүниеге айналып бара жатқандай...
– Бұл да – бүгінгі қоғамның келеңсіз көрінісі, жағымсыз жағы. Әсіресе, жаңадан отау тіккен жас отбасылардың көп ұзамай, шаңырағы шайқалып, екі бөлініп жатқандығын естисің. Бұның барлығы, меніңше, сананы тұрмыс билегендіктен орын алып жатыр. Көбіне қаражаттың жетіспеушілігі, баспананың болмауы, басқа да тұрмыстық мәселелер жас отбасының бұзылуына әкеп соғады. Үйленуді жоспарлаған кезде оларға барлығы дайын болып тұратындай көрінеді. Кейде болмайтын бір дүние үшін ажырасып жатқандарды естіп, жағамызды ұстаймыз. Оларға тұрмыс тауқыметін тартса да, қаншама баланы осы күнге жетелеп жеткізген ата-апаларымыздың өмірінен үлгі алу керек.
Біз отбасымызбен Алматыдан Ақшиге 90-жылдардың ортасында, өтпелі заманда көшіп келдік. Ондағы әкемнің мақсаты – ауылда музей ашу еді. Алматыдағы барлық жағдайы жасалған баспанадан, ауылдағы ескі үйге келгеніне анам ешқашан кейіген емес. Әкемнің шешімін қолдап, оған сенім артты. Көшіп келгеннен кейін де, елде қиын жағдай орнап, тіпті, жеуге нан таппай қалатын күндер болған. Әкеміз ұстахананың жұмысын жүргізіп, анам, інім, қарындасым мен мені бағып-қақты. Бұл жағдай сол кездегі барлық отбасының басынан өтті. Ешкім мойыған жоқ, болмашыға ажырасып, балалар жетім қалмады. Қолда бардың қадірін білуді үлкендерден үйренген жөн секілді.
– Сұхбатыңызға рақмет.
Тілдескен
Сардарбек НҰРАДИН
ЖОЛДАУҒА ҚОЛДАУ. Аудан активі өтті
Бүгін аудан әкімі Қ.Кашкинбаевтың төрағалығымен Мемлекет басшысы Қ.К.Тоқаевтың Қазақстан халқына жасаған Жолдауын талқылау мақсатында ZOOM платформасы арқылы қашықтықтан аудан активі өткізілді.
Жолдауда Мемлекет басшысының сайлауалды бағдарламасында белгіленген ұсыныстары мен бастамалары жалғасын тауып, қоғамның дамуы үшін алдағы кезеңде атқарылуы тиіс жұмыстарға нақты бағыт-бағдар көрсетілді.
Күн тәртібінде бір мәселе қаралды.
Активте аудан әкімі Қ.Кашкинбаев «Қазақстан Республикасы Президенті Қасым-Жомарт Кемелұлы Тоқаевтың Қазақстан халқына Жолдауында белгіленген тапсырмаларды іске асырудағы ауданның атқарушы органдарының жұмысы туралы» баяндама жасап, қаралған мәселе бойынша тиісті мекеме мен бөлім басшыларына бірқатар тапсырмалар берді.
Сондай-ақ, аудан әкімі берілген жұмыстарды жалғастырып, Мемлекет басшысының тапсырмаларын жүзеге асыру басты міндетіміз екендігін жеткізді.
Актив жиналысына аудандық бөлім, басқарма басшылары, аудандық мәслихат депутаттары, аудандық «Нұр Отан» партиясы филиалының бірінші орынбасары, Есік қаласы және ауылдық округ әкімдері, аудан тұрғындары, этно-мәдени бірлестіктердің жетекшілері, үкіметтік емес ұйымдар мен бұқаралық ақпарат құралдарының өкілдері қатысты.
Соңғы жаңалықтар
ПАРИЖСКОЕ СОГЛАШЕНИЕ И ПАРНИКОВЫЕ…
️ЭТНОМӘДЕНИ БІРЛЕСТІК ӨКІЛДЕРІМЕН…
Бүгін Халықтық штаб өкілдері…
Энергетиканы дамытудың бір жолы- АЭС…
Жас ақындар мен жазушылар арасында…
АЭС салудың халықаралық тәжірибесі
Безопасность АЭС для Балхаша: мнение…
Хайрушев: Если мы откажемся от АЭС,…
Мнение эксперта: потенциал развития…
