Әлемді жайлаған індет елімізде де қауіпті көлемде етек алып отыр. Коронавирусты жұқтырғандар мыңдап есептеліп жатыр. Өмірмен қош айтысқандар да аз емес. Оның ішінде осы коронавирус індетінен зардап шеккендер негізінен. Бұл кіріспені нақты статистикалық деректерсіз-ақ жалпылама сөзбен бастап отырмын. Өйткені бұл деректерді телерадио, әлеуметтік желілер күнделікті жариялап жатыр. Менің оқырмандар назарын аудармақ болып отырғаным ақпарат саласы, сол ақпараттарға зейін қойып оқып, тыңдап, тәртіпке бағыну, бүгінгідей еліміз үшін, әрбір тұрғынымыз үшін, халқымыз үшін ауыр жағдайда ақ-адал пейілімізді сақтап, өз денсаулығымызды, алыс-жақын туысқандарымыздың амандығын сақтауға, елімізді індеттен арылтуға қолымыздан келер үлесімізді қалай қосамыз деген сауалдар төңірегінде.
Үлестің ең біріншісі – ол еш материалдық-қаржылық шығынсыз санитарлық тазалық шарттарды сақтай отырып, адамдар көп жиналатын жерлерге аяқ баспау және сондай жиындарды жасамау. Осы мәселеге тиым болмай тұрғаны өкінішті. Қарапайым есеп: жүз адам жиналған жерден 1 адам індеттен сау болмаса, сол жүздің кем дегенде онына жұқтыруы анық. Ол онның әрқайсы отбасы мүшелері, таныс-білісі бар, көрші-қолаңы бар, кем дегенде, тағы он адамға жұқтырады. Яғни 100 адамдық тойға барғандардан 100 адам індет «арқалап» таратады деген сөз. Орташа әлеуетті қазакем жүз адамға той жасауы мүмкін емес. Кемі 150, әйтпесе, 200-300-ге дейін барады. Байшікештердің тойы жайында айтпай-ақ қояйын. Осы жерде өз тәжірибемнен қоса кетейін. Жақсы көретін немерелес қызымның ұлы үйленетін болып, карантинге дейін «ағалап-жағалап» сырға салу дәстүріне баратын тізімге атымды енгізіп қойды. Ол – ақпандағы көрініс. Наурызда карантин басталды. Жазға көшірілген құдалықта карантинге тірелді. Әулетіміздің үлкен-кішісі болып, бір мәмілеге келдік: жастар азаматтық хал-ахуал жағдай бөлімінде тіркеле берсін. Індет аяқталғаннан кейін той тойланар. Сөйтіп, елімізде тағы бір отау «түтін түтетті». Бұл – қуанышты жағдай. Өкінішке қарай, қайғылы жағдай да болып жатқанын білеміз. Қазақстанның бір қиырындағы құдамыз қайтыс болды. Егер бәріміз жиналып барсақ, дүние тыныш заманда бір қауым ел болып барар едік қой. Қазіргі карантин жағдайында көңілімізді байланыс жүйесі арқылы жеткізіп, көмек қолын да осы жолмен созып, індет таратпау талабын орындауға тырыстық. Ешқандай өкпе де жоқ, ағайын арасындағы бірлік, татулық та орнында.
Ал осы әлемге жайылған індеттің өршіп тұрған қиын кезінде ындыны ақшадан кеуіп, көлденең табыс көзін пайдаланып қалушы мародерлер жайында қайтіп айтпай кете алармын.
Мародер деген сөздің мағынасын айқындай кетпек болсақ, сөздіктер оны былай түсіндіреді. «Мародерлік» дегеніміз – хал-хадері мүлде төмендеген немесе өмірден өтіп кеткен адамның мүлкін тонау деген сөз. Ал дәріхана аралап, індет жұқтырып алған жақынына дәрі таба алмай жанталасқан жандардың жанайқайы сол аптекалардан, қоймалардан арзан «оптовый» бағамен сатып алған дәрілерін еселеп өсірген бағамен сатып жүрген алыпсатарлардың құлағына жетер ме екен?! Мародерлікті «кәсіп» қылған қылмыскерлерге соғыс кезінде ату жазасына дейін жаза қолданылғаны тарих беттерінде сақталған. Ал дәрі-дәрмекті алып-сатарлық табыс көзіне айналдырғандар қанша жазықсыз жандардың обалына қалғанын білер ме екен? Білмесе, қатаң жаза арқылы білдіру керек!
Әлеуметтік желілерде еліміздің басшысының 13 шілдені коронавирустан қайтыс болғандарды аза тұту күні деп жариялауын сынаған болыпты. Әлі індет пандемиясы аяқталмай тұрып, аза тұтқанымыз дұрыс па деп күмәнданатын көрінеді бұл «сыншылар». Ондаған, жүздеген азаматтарымыздың о дүниелік болып жатқанын, мыңдаған тұрғындарымыздың бұл індетті жұқтырып алып жатқанына сенбейтіндер қайда? Неге топталып той-тойлап, дінбасылардың өлік шығару, жаназа тағы басқа діни рәсімдерге қатысушылар санына шектеу қойғанына қарамастан, үкіметтің заңына да қарамастан, діннің, шариғаттың шектеулерін де аяққа басып, індет таратушыларға не айтуға болады?
Бүгінгі таңда ақпарат «таратушылар» көбейіп тұр. Бір құлағымен тыңдап болмай жатып, екінші құлағын өсек-аяңға тосып әлеуметтік желіге қазіргі интернет тілімен айтқанда «фейковый» хабар таратушылардың біреуі биік лауазымды басшыны «өлгендер тізіміне» енгізіп үлгеріпті. Ол кісі ем-домын алып, айығып, апта басында қызметіне кіріскендігін хабарлады жуырда. Жүзге келіңіз! Абай тілімен айтсақ, ақпараттың да естісі бар, есері бар, айтушысы келіспесе, кеселі бар!
Хайролла АХМЕТЖАНОВ
Көк аспанда желбіреген көк туымыз бүгін төмен түсірілді. 13 шілде – Ұлттық аза тұту күні болып жарияланды. Оның себебі – бүкіл әлемді жалмаған аты жаман дерттің елімізде де дендеп кетуі.
Билік басындағылардың ескертулерін ерен санамай, таралып жатқан вирусты көпшілік ойын-күлкіге айналдырды. Тіпті жасырын той тойлап ұсталғандар қаншама. Сақтық шаралары мен пандемия кезіндегі жоғарыдан бекітілген талаптар сақталмады. Ал енді бүгін елдігіміз бен еркіндігіміздің символы – тудың төмен түсірілуі жағдайдың қаншалық қиын екенін көрсетудің жалғыз жолы болғандай көрінеді маған. Бұл – меніңше, дер кезінде қабылданған шешім. Өйткені, өкінішке орай, әлі күнге «Мен аман-есенмін. Демек, елдің даурығып жүргені – далбаса» деген ойдан ары аса алмайтын азаматтар жоқ емес. Ал бүгінгі бір минуттық үнсіздік аз да болса, ой салар деген үміт бар, әрине.
Арқаны кеңге салмай, ес жиятын кез келді. Соңғы екі-үш аптада ауруды жұқтырғандар саны күрт көбейіп, 59 899 болды. Бір жұмада 111 адам көз жұмды. Жан-жақтан қаралы хабар жеткізіп, жоқтау айтқан ағайын. «Жау жағадан алғанда, бөрі етектен тартады» дегендей, коронавирусқа пневмония да қосылып, өршіп тұр. Мұндайда тек бірлік жеңеді. «Бір жағадан бас, бір жеңнен қол шығарып», күш-жігерімізді біріктіре отырып, індеттің алдын алайық, ағайын!
Құралай МҰРАТҚЫЗЫ
Елдің ең үлкен байлығы – оның тәуелсіздігі. Еркін елдің таңы ақ, аспаны ашық, көңілі тоқ. Жоқшылық көрмей - тоқшылықта, бағынышты болмай - бостандықта өмір кешіп жатқан Қазақстан Республикасы Тәуелсіздігіне келесі жылы 30 жыл толады. Осыған орай арнайы логотип те бекітілген-ді.
Есік пен Шелек – ұлы тау бөктеріне жайғасқан құтты мекеніміз. Сонау бір зұлмат жылдары бастары қиыншылыққа тап болған талай ұлт пен ұлыс өкілдерін бауырына басты, оларды құшағына алды. Олардың тірлігіне нәр, қуат берген саясына, жайлы қонысына айналды. Жүректер қауышты, тілектер тоғысты.
Аудандар біріккенге дейін Шелектің шежірелерін хаттаған «Еңбек туы» - «Эмгэк туғи» газеті де 1934 жылы шыққан «Колхоз еңбегі» деген басылымнан бастау алады. Ол алғашқы санынан-ақ парасат пен адамгершілікті насихаттады. Елді жақсылыққа, имандылыққа үндеді. Достықты, туыстықты, бірлікті жалау етті. Біз бүгін көз майын тауысып, осы газетке жетекшілік жасаған Х.Розиев, М.Абдуллин,М.Насыров, Ә.Арзиев, Ө.Идрисов, К.П.Чуканов, Ш.Қонақбаев, Ә.Бөпебаев, Ә.Ысқақбаев, Б.Өтелбаев, Ж.Нұрғожаев, А.Рақымбаев сынды жаны жайсаң, қаламы ұшқыр қаламгерлерді ризашылықпен еске аламыз.
Шежіресіз уақыт жоқ. Адамзат ықылым заманнан бері құпияларын, дәуір оқиғаларын қағаз бетіне түсіріп келген. Оның айқын дәлелі аудандық басылымдар десек те болады. «Еңбек туы» газетінің тілшісі болып қызмет жолын бастаған, қоғам және мемлекет қайраткері дәрежесіне жеткен кешегі жас журналист Қуаныш Сұлтанов осыдан 56 жыл бұрын үш бірдей шопан баласын өлім аузынан, ажал тырнағынан құтқарып қалған дәрігер Николай Марковичтің шеберлігі мен біліктілігін дәріптеп жазыпты. Жақсы хабар тарих қойнауында осылай сақталып қалыпты. Осы күндері ақ халатты абзал жандардың қатерлі індетпен бетпе-бет келіп, онымен жан аямай күресіп жатқан ерлігі өткенмен үндесіп, жалғасын тауып тұрғандай. Дәрігерлер жайлы ақпарат құралдарында жазылып, айтылып жатқан мақала, хабарлар да – келер ұрпаққа қалдырылған эстафета аманатындай. Бұл да ұмытылмайды.
Аудандық газеттің шаңырағынан кімдер тәрбие алмады, кімдер түлеп ұшпады десеңізші! Бүгін олардың біреуі бар, біреулері мәңгілік сапарға аттанып кетті. Республикаға танымал болған Б.Әдетов, С.Садықбаев, С.Сариев, М.Әбдірахманов, Н.Мұрәділов, С.Бейісбаев, А.Байбатша, Б.Үсенбаев, М.Тоқашбаев, Б.Мәжитұлы, Ә.Батталғазиев, Е.Рақымбаев, И.Үмбеталиев, Б.Зәкіров, т.б. осылар сынды от ауызды, орақ тілді, ойы жүйрік журналистер – мақтанышымыз. Оларды біз ұмытпаймыз.
Газетті жасаушы журналистер болғанмен оның, шынайы иесі – халық. Жергілікті тілшілер тірегіміз, жанашырымыз болды. Олардың хат-хабары газет мазмұнын байытты. Кемшілікті сынға алды. Жақсылыққа үндеді. Толғақты мәселелерді қозғады. Тәуелсіздік алған мемлекетіміздің алғашқы қадамдарына қанат бітірді, талаптарына қолдау көрсетті. Оны көпшілікке ұғындырды. Оның бір айғағы – жаман әдет-ғұрыптардан сақтандырып, өнеге істерге бас-тамашы бола білді. Мәселен, Шелек ауданы ақсақалдар алқасының бастамасы, оның өнегелі істері облысқа, арысы республика жұртшылығына таратылды. «Қаламгер» шығармашылық бірлестігі, халық университеті секілді шығармашылық, өнерпаздық отаулары құрылып, «бұлақ көрсең, көзін аш» дегендей жас таланттар мен дарын иелеріне қолдау көрсетілді.
Сөз – ұлы қару. Оны ғұлама хакім Абай айтқандай, «жүректен тербеп» қолдана, пайдалана білсек жетістікке жол ашары хақ. Газет – тәрбие мектебі, аудан айнасы, оның хатталған шежіресі. Қуаныш қуанышқа ұласып, той құтты болсын, құрметті оқырмандар, қадірлі әріптестер.
Әбілбек АЙТАҚЫНОВ,
Бұрынғы Шелек аудандық «Еңбек туы»-«Эмгэк туғи» газетінің бас
редакторы, журналистер одағының мүшесі, Еңбекшіқазақ, Райымбек аудандарының «Құрметті азаматы»
Газет редакциясына бас сұққан зейнеткер ұстаз Ғалия Тоқтабулетова Қызылорда облысының бір ауданында жарияланған естелік әңгімені ұсынған еді. Біздің аумақтан қашықтағы оқиға болса да, өмір-дің осындай көріністері бүкіл елімізге ол кезде тән еді.
1942 жылдың қыс айы. Абай атындағы колхозда 1 сыныпта оқып жүргенмін. Сол қыста әкем аяғыма қара байпақ әкеліп берген-ді. Апам күнде жүн түтіп, ұршық иіріп, шұлық, қолғапты көп-көп етіп тоқи беретін. Сонда мен балалық қызығушылықпен анамнан:
– Неге күнде-күнде қолғап, шұлық тоқи бересің, – деп сұрағанымда ол:
– Ол керек, бәрі майданға ғой, майданға дейтін күрсініп.
Кісілер келген соң әкем маған қарап:
– Балам аяғыңдағы байпағыңды бере ғой, сен ауылда тоңбайсың ғой, тағы да алып беремін. Ал мынау майданға кетсін, – деп мені алдарқатты.
– Әке бұл солдаттың аяғына симайды ғой, оны не істейді? – дедім.
– Кейін түсінесің, балам.
Бұл кезде шешем көптен бері тоқып жүрген оншақты қолғап, шұлықтарын келген кісілерге қара байпағыма қосып беріп жатты.
Анамыз іс тігіп отырып та, бір мұңлы әнді ыңылдап, соғысқа аттанған екі баласын күнде ойлап отыратын. Ақыр соңында «қарғыс атқыр Гитлер» деп жалын ата күрсініп ұзақ-ұзақ жылап алатын. Біз бетіне жалтақ-жалтақ қарағанымызды байқаған ол дереу көз жасын сүртіп, шаруасына кірісіп кететін. Әрине, ол кезде анамыздың кімді қарғап жүргенін біле алмай, кейде мұның мәнісін сұрайтынбыз. Сонда ол:
– Ол – нағыз жауыз адам. Сол жауыз соғыс ашпаса, Әлмен, Әлменбет, Шайқыслам, Дүржан, Есжан және басқалар ауылда, өз колхозымыздың жұмысын істеп, ойнап-күліп жүрмес пе еді? – деп, ауылдан соғысқа аттанғандардың аттарын атап күрсінетін.
Әлмен, Әлменбет майданға аттанған ағаларым еді. Әлмен соғысқа 1942 жылдың наурыз айында алынып, сол жылдың 22 желтоқсанында Ленинград шайқасында хабарсыз кетті. Ленинград майданында жүрген әкеме талай рет саусағым майысып хат жазғаным да есімде.
1945 жылдың 9 мамыр күні болатын. 3 сыныпта оқимын. Жайлауға қонған 30-40 шақты қараша үйдің ішіндегі үлкендеуі – біздің мектебіміз. Үзіліске шыққан кезіміз еді. Жайдақ атқа мінген бір кісі қолын бұлғай «Біз жеңдік, жеңіс, жеңіс!» дегенін естіген ауыл адамдары тайлы-тұяғы қалмай мектепке жиналды. Мектеп директоры митинг өткізді. Сондағы жаулықтары желпілдеп мектепке келе жатқан аналардың талай жығылып-тұрғаны, сөйте тұра, келген кісіден әрқайсысы өз ұлдарының қашан келетінін сұрағаны әлі күнге көз алдымда.
Содан бері талай жылдар өтіпті. Сөз соңында айтайын дегенім, әкеміздің баласының аяғындағы соңғы киімін майданға жақын жердегі балаларға жіберуі Отанға деген шексіз сүйіспеншіліктің үлгісі ретінде елестейді де тұрады көз алдыма.
Қанымша НҰРМАШЕВА
Тарих деген ұлы жазбаның әр бетінде бедерленер тұлғалар болады. Олардың бірі көмейінен сөз нілін тамызған көсем, бірі кәрі еменнің тамырындай шатысқан дүниені бірауыз лепеспен шешер шешен, енді бірі аттың жалын жастанып, қара жұрттың қамы деп қара адырларда шашақты найзасына сүйеніп қалғыған батыр болуы бек мүмкін. Ал солардың қатарында ерен еңбектің көрігін қыздырған атан жілікті, қара нардай қажырлы тұлғалардың есімі қосарлана айтылып, қапталдаса таңбаланып жататыны бар! Міне, сондай тұлғамыздың бірі профессор, «Фармация» компаниясының президенті, медицина ғылымдарының докторы, Еңбекшіқазақ ауданының Құрметті азаматы Үшбаев Кеңесбай Үшбайұлының туғанына 80 жыл толды.
К.Үшбайұлы Алматы облысы, бұрынғы Шелек ауданы, Асы-Саға ауылында 1940 жылдың 2 шілдесінде ата жолын қуған шопан отбасында дүниеге келген. 1947 жылы 1 май ауылына /қазіргі Ащысай ауылы/ қоныс аударып, осы Ащысай ауылындағы сегізжылдық қазақ мектебінің бірінші сыныбына барып, 1958 жылы аудан орталығы Шелекте онжылдықты медальмен бітіріп шығады. 1960 жылы Алматы мемлекеттік медицина институтының фармацевтика факультетіне өз күшімен оқуға түсіп, оны 1965 жылы ойдағыдай бітірген. Атамыз білім жолында да, ғылым жолында да биік белестерге жеткенін бүкіл әлем біледі десек артық айтпаған болар едік. Ауылымыздың мақтанышы, келешек ұрпаққа үлгі тұтар тұлғамыз Кеңесбай Үшбайұлы тек қана еңбектегі табыстарымен ғана емес, ол өзінің адамгершілігімен, қайырымдылығымен де елге танымал азамат. «Жақсының жақсылығын айт, нұры тасысын» демекші 2019 жылы өзі оқыған Ащысай ауылындағы Ш.Уәлиханов атындағы орта мектебімізде мектеп директоры Нүркен Ыдырысұлы және мектеп ұжымының ұйымдастыруымен болған арнайы кездесу өтті. Кездесуде мектеп оқушылары өз өнерлерін көрсетіп, сұрақта-рын қойып, мәні зор жауаптарын алды. Кездесуге мектебіміздің бұрынғы директорлары Нұрманбетова Баян Қаппасқызы мен Төргеев Айдос мырза да келіп лебіздерін білдірді, атамыздың сыныптастары Асылбүбі апа мен Қайныш апа да кейіпкеріміздің балалық шағына саяхат жасады. Өмір жолын дәріптеуде «Ауыл мақтанышы» атты ғылыми жобасымен өлкетану бағыты бойынша аудандық білім бөлімі ұйымдастырған КҒА-на 2018-2019 оқу жылында қатысып мектебіміздің мәртебесін көтеріп аудандық, облыстық, республикалық және халықаралық деңгейде 1-орындарды иеленген Арай Абдрахман қызымыз атамызға өзінің шығарған өлең жолдарын оқып берді. Жетекшісі тарих пәні мұғалімі Ұлтуар Ерғали жоба жұмысы барысында Кеңесбай атамызбен арнайы кездесудегі бейнежазбаларымен бөлісті. Атамыз оқушылардың бойына сенімділік ұялатып, алдыларына үлкен мақсат қоя білулеріне үлкен үлесін қосып ақ батасын берді. Осы кездесудің соңына қарай атамыз өз ауылының түлектеріне сәттілік тілеп ҰБТ-да 100 балдан жоғары жинаған оқушыларға 100 мың теңгеден сыйақы беретінін және өте жақсы оқитын оқушыларға ай сайын 1 жыл бойы шәкіртақы тағайындап, ақшалай көмек көрсететінін айтқан болатын. Аталған оқу жылында 4 оқушы Бек Керімбек, Әсем Әліппек, Гаухар Кайымбек, Мирас Асқар 100 балдан жоғары жинап, атамыз өз сыйақысын табыс-тап және үздік 10 оқушыға шәкіртақы тағайындады. 2019-2020 оқу жылында 10 оқушыдан ауыспалы түрде шәкіртақысын ай сайын алып отырды. Бұл қайырымдылық бір ұшы ғана, айтылмағаны қаншама. Атамыздың еңбегі ауылымыз үшін де, мектебіміз үшін де өте зор.
Міне осындай аты дүние-жүзіне белгілі Кеңесбай Үшбайұлының еңбек жолын келер ұрпаққа мақтанышпен жеткізе аламыз. Кеңесбай Үшбайұлы достың, туыстың қадіріне жете білген тұлға, өз замандастарымызға үлгі ретінде мақтанышпен көрсете аламыз. Дара тұлғаның туған ауылымыз Ащысай үшін еңбегі айтып жүрерліктей. Ауылымыздан осындай үлкен, кереметтей жетістіктерге жеткен, өмірдің зор белестерін бағындыра білген ел мақтанышы деп атауға лайықты тұлғаны сұраса біз осы Кеңесбай Үшбайұлын айтар едік. Әрқашанда жадырап, жарқырай беріңіз! Аман болыңыз Кеңесбай ата!
Ш.Уәлиханов атындағы орта мектеп ұжымы
Дәстүрлі ұйымдастырылатын түрлі іс-шаралар биылғы пандемияға байланысты бір-қатар өзгеріске ұшырағаны белгілі. Алайда, ұлтаралық татулықты насихаттауда шектеу жоқ.
Осы ретте аудандық ішкі саясат бөлімінің қолдауымен, «Мәңгілік Ел тұғыры» қоғамдық қорының ұйымдастыруымен «Біз біргеміз!», «Біргеміз, берік іргеміз!» акциялары аясында арнайы видео-ролик түсіріліп, әлеуметтік желілерге кеңінен таратылды. Бұл өз кезегінде ынтымақты – ырысымыз, бірлікті – табан тірер тұғырымыз деп түсінген тұрғындарымыздың ыстық ықыласын тудыруда.
Айталық, enbekshikazak_audan_akimdigi, mezet.kz желілік басылымы, enb_shelek_akimat, enbekshikazakh_zhastar инстаграм аккаунттарына салынып, аз уақыт ішінде аудандағы 54 ұлт пен ұлыс өкілдерінің татулығын насихаттайтын роликті 2000-ға жуық адам көріп үлгерген.
Сол секілді ауданымыздың қасиетті өлкелерін кеңінен насихаттау мақсатында да аталмыш қоғамдық қордың ұйытқы болуымен «Тарихыңды таны, жас өркен!» атты ауданның көрікті, тарихи жерілерін бейнелеген тағылымдамалық видеоролик түсірілді.
Рас, Еңбекшіқазақ – қойнауы кенге, жайлауы малға толған қасиетті мекен. «Әркімнің туған жері – Мысыр шаһары» демей ме көнекөздер. Ауданның киелі, көрікті жерлеріне саяхаттау нәтижесінде түсірілген роликті жоғарыда бейнеленген сайттар, желілік басылым арқылы 3000-ның үстінде адам көрген.
Ал биылғы Конституцияның 25 жылдығына орай түсірілген «Ата заңым – айбыным!» видеоролигі тарих пен шежіреге толы. Оны көру арқылы Конституцияның шығу тарихы мен осы күнге дейінгі орын алған өзгерістерді айқын барлай аласыз. Әлеуметтік желілер арқылы таратылған роликті қазірдің өзінде 2000-ның үстінде тұрғындар көріп үлгерген.
– Әр мәселенің екі ұшы бар. Шынын айту керек, биылғы елімізде орын алып жатқан пандемия қалыпты өмірімізге айтарлықтай өзгеріс енгізді. Алайда, осы уақыт аралығында жаңалыққа жақын болу арқылы біз өзімізді дамытуға жол аштық. Мойындауымыз қажет, онлайн іс-шаралардың артықшылығы өте көп. Біріншіден, аудиторияны қамтуда ауқым кең. Айталық, осы уақытқа дейін арнайы тақырыптарда өткен семинарларда ауылдық жерлерде асып кетсе 50-70 адамның басын қосса, қазір 1000-2000 адам көруде. Екіншіден, қазақта сөз бар, «Он рет естігеннен, бір рет көр» деген. Міне, қазір арнайы тақырыптық видеороликтер арқылы тұрғындар эмоциясын ашық көре аласыз. Түрлі көңілге қонымды жазбалар да қалдырып жатыр. «Заманың түлкі болса,тазы боп шал» демей ме көнекөздер. Ендеше, біз де өзгерістерге тез бейімделуіміз тиіс. Бұл заман талабы, қоғам талабы» – дейді «Мәңгілік Ел тұғыры» қоғамдық қорының төрағасы Қайнар Жұмағожа.
С.НҰРАДИН
Әріптесіміз Сардарбек Нұрадин өзгелерден оза шапты. Алматы облысының тілдерді дамыту жөніндегі басқармасы ұйымдастырған «Мемлекеттік тіл және бұқаралық ақпарат құралдары» атты облыстық байқауда І орын иеленді.
Байқау ұйымдастырушылары мемлекеттік тіл саясатын бұқаралық ақпарат құралдарында насихаттауды, әрі қазақ тілінің қолданылу аясын кеңейтуді мақсат еткен. Осы орайда айта кетерлігі, «Еңбекшіқазақ» газетінде мемлекеттік тіл саясатын насихаттау мәселесі күн тәртібінен ешқашан түскен емес. Қазақ тілінің мәртебесін көтеру, мемлекеттік тілімізді өз дәрежесіне шығару турасында кең көлемді мақалалар үнемі жарияланып келеді. Сардарбекке де байқауда жүлде алып берген – тілдің ахуалы туралы өзіміздің аудандық газет беттерінде жарық көрген өткір де өзекті, сыни мақалалары. Бұл тұрғыда газет редакциясы, әріптестеріміз мемлекеттік деңгейде де жүлделі орындарға қол жеткізіп жүргенін атап өткен жөн.
Әріптесіміздің жеңісі – біздің жеңісіміз. Сүйіншілеп айтар жаңалығымыз көп болсын, ағайын!
В 2020 году в календаре культурной и общественной жизни района сразу три «круглых» даты: 50-летие открытия некрополя «Алтын Адам», 10-летие музея-заповедника на сакских курганах «Есік» и 85-летие со дня рождения ныне покойного археолога-популяризатора и исследователя древней истории Казахстана, подвижника казахстанской исторической науки Бекена ага Нурмуханбетова, участника раскопок Есикского могильника в 1970 году.
Есикский некрополь – убедительное свидетельство тому, что в VI-IV веках до н.э. сакские племена создали свое первое государство, центр которого находился в Семиречье. Захоронение сакского правителя в костюме из чистого золота – шедевр ювелирного искусства древних мастеров Великой Степи. Изучение Есикского могильника подтвердило, что саки не только создали прикладное искусство мирового уровня, но также имели свою письменность. На дне обнаруженной в Есикском кургане серебряной чаши высечена надпись из 26 знаков. В научном мире существует аргументированная точка зрения, согласно которой сакские племена говорили на прототюркских языках и были предками казахских племен. В любом случае, именно в этот период начинается формирование облика и языка современных казахов, их культуры, быта, народных обычаев.
Человек-легенда, который выдвинул идею создания музея на Есикских курганах и более сорока лет посвятил ее осуществлению - старший научный сотрудник Института археологии им. А.Х. Маргулана, исследователь археологических памятников Кок-Мардана, Отырара, Баянжурека – Бекмуханбет Нурмуханбетов.
В 1969-1970 годах он был непосредственным участником раскопок на кургане Есик, в ходе которых был обнаружен «Золотой человек». Именно с тех пор Бекен ага продвигал идею о консервации земель Есикского могильника и открытия на его базе музея под открытым небом. В 1992 году он устроил первую экспозицию древностей в помещении аптеки напротив есикского почтамта, привез для демонстрации есикчанам реконструкцию Золотого Человека. Его поддержала наша скромная районка «Еңбекшіқазақ». Из номера в номер она публиковала хронику небывалой выставки. При содействии главного редактора газеты «Еңбекшіқазақ» Х.Ахметжанова в Есик с визитом прибыл сам Первый Президент Казахстана Нурсултан Назарбаев. Именно после встречи Первого Президента РК и аксакала-археолога крылатые кони – элемент костюма Золотого Человека, украсили герб молодого суверенного государства.
газета "Еңбек жалыны" ("Еңбекшіқазақ") 1992 г
Итогом долгой беседы Елбасы с Бекеном ага было еще одно решение: музею быть! Но прошло еще немало лет, прежде чем состоялось его открытие. Между тем Бекен ага из года в год устраивал самостоятельные экспедиции, с помощью добровольцев вел раскопки и добился, чтобы курганы, уже «обраставшие» дачами, крестьянскими хозяйствами, были спасены от уничтожения и вошли в госпрограмму «Возрождение историко – культурного наследия». Тогда же на основе его рекомендаций был разработан проект «Музей под открытым небом «Есикские курганы (Есикский могильник и городище Рахат)». В 2010 году, в год своего 75-летия и 40-летия обнаружения некрополя «Алтын Адам», аксакал увидел исполнение своей мечты – на курганах начал работу музей-заповедник «Есік», в котором он до самых последних дней был главным консультантом.
В 2010 году по инициативе Первого Президента РК страны Н.Назарбаева, в рамках общенациональной программы «Культурное наследие» свершилось долгожданное событие – был создан государственный музей-заповедник «Есік», в охранную зону которого ныне входят Есикские курганы, городища Тальхир (Талгар), Рахат, Орикты.
Раскопки вблизи села Рахат
Визит-центр музея в стиле восточного дворца расположен на северо-западной окраине г.Есика. Значительная часть представленных экспонатов – археологические находки из сакских поселений и могильников в Алматинской, Южно-Казахстанской и Восточно-Казахстанской областях, а также подлинные предметы из захоронения «Алтын Адам». Самый большой интерес посетителей вызывает реставрация Золотого Человека. Реставратор В.Садомсков в 1970-73 годах воссоздал одежду, головной убор, обувь и оружие сакского правителя. В 1995 году художник-реставратор А.Танабаев изготовил другой вариант одеяния Золотого Человека. А в 1997 г. реставратор Крым Алтынбеков произвел третью, новейшую реконструкцию, которая теперь экспонируется в визит-центре музея «Есік».
Музей-заповедник «Есік» выступает в роли базы научных исследований казахстанских и зарубежных ученых. На могильниках и городищах совместно с казахстанскими археологами приезжают работать коллеги из Китая и Кореи: ведь тюркский мир средневековья охватывал огромную территорию от Японии до Адриатики. Именно в районе сакских курганов берет начало история всего Центральноазиатского региона. Здесь истоки современного Казахстана как наследника древних государств саков, тюрков и Золотой Орды. В 2020 году собственными силами музея продолжаются исследования городища Рахат, где обнаружен средневековый некрополь. В местах поселений, насчитывающих до десяти культурных слоев, найдены осколки керамики и фрагменты металлических изделий. Курирует раскопки директор музея, кандидат исторических наук Гульмира Мухтарова, под руководством которой коллектив молодых сотрудников продолжает дело Бекена ага, восстанавливая историческую память о значении Великой Степи в мировой истории.
И.ТУРАНИН
Қазақ елінің мемлекеттігі болған жоқ деп көкіді Алматының мөлдір суынішіп, қып-қызыл апорт алмасын, Қазақ Республикасының миллиард пұттап алған әлемде теңдесі жоқ астығының нанын жеп өскен Жириновский. Қазақстан тұрған жерде мемлекет болмаған деп, тіпті Ресейдің басшысы да жаңсақ «жаңалық» ашты. Ал тарихи шындық саяси астарлы жалған сөздерді жоққа шығарды.
Сауаттылығы Ресей тұрмақ, Еуропа, Америка құрлықтарының саясаткерлерінен артық болмаса, кем емес алаш ардақтылары текті де терең білімді азаматтарымыз ақпан және қазан революцияларының нәтижесінде құрылған федерацияның құрамына 1918 жылы Қазақ автономиясын кіргізуге қол жеткізгені – тарихи шындық. Бұдан кейін 1936 жылы Қазақ елі сол Ресеймен, Белорусь, Украинамен тағы басқа, жалпы, он бес республикамен тең құқылы Республика болып кірді Одаққа. Әрине, Ресейді метрополия демесек те, қалғандары колония деп аталмағанымен, соған жақын күй кешкеніміз де ақиқат.
Ал мемлекет қазақта болмаған деп шатаса бергендерге Керей, Жәнібек хандар осыдан 550 жыл бұрын іргесін қалаған Қазақ хандығы мемлекет емей, тайпа, не ру ғана деп кім айта алады?!
Түбіміз бірге түркілерден де әрі тереңдесек, осыдан мыңдаған жыл бұрынғы сақ бабаларымыздың іздері тек қана тасқа қашалған петроглифтерде ғана емес, тағы жылқыны көлік қып мініп, етін азық, сүтін сусын қылып пайдаланғын Ботай қазбалары дәлелдеп берді.
Ал біздің өзімізді де, бабаларымызды да өркениеттен ада, тек көшпелі малшылар ғана болған деген «болжамды» Жетісу өлкесіндегі көне сақ обаларынан табылған құнды өнер туындылары, металл бұйымдар-ақ жоққа шығарды ғой.
Есік қаласының іргесіндегі ежелгі сақ қорғандарының бірінен археологтарымыз КемалАқышев, Бекмұханбет Нұрмұханбетов бастаған ғалымдардың тапқан алтынға, «оранған ханзада» «Алтын адам» деген атпен әлемді дүр сілкіндіріп, нағыз сенсация жасаған еді ғой. Осыдан екі жарым мың жыл бұрын ғұмыр кешкен сол бабалардың өткен жолын, құрған мемлекеттері мен салған қалаларын тарихшыларымыз әлі де ашып, зерттеп-зерделеп үлгере алмай жатқаны да – бүгінгі күннің шындығы.
Мыңдаған жылдар бұрын тағы жылқыны әскери көлік, жауынгер аты қылып үйретіп, үстіне ер, сарбазға ат үстінен шіреніп тұрып садақ атуға болаттан үзеңгі, қолына акинак қанжар, кеудесіне кіреуке сауыт кигізу үшін сол 25 ғасыр бұрынғы ұстахана шеберлері металлургияны қай деңгейде меңгергенін көрсетіп тұрған жоқ па?! Аң стиліндегі өнер туындыларын, сол Алтын ханзаданың алтын бешпеті мен бас киіміндегі төрт мыңнан аса алтын детальдарын айтпағанда.
Бүгін мен неге жоғары пафоспен қазақтың, бабаларымыздың ұлан-ғасыр даланы қорғап, меңгеріп қана қоймай, айшықты іздерін бай тарихи деректерін қалдырғанын. Біріншіден, сол Есіктің Алматы қаласы жағынан кіре берісіндегі обадан табылған Алтын Ханзадамыздың әлемге айғақталғанына елу жыл толып отыр. Сол сенсация авторының бірі Бекмұханбет Нұрмұханбетұлы тірі болғанда сексен беске толып отырған кезінде өткен ғасырдың тоқсан екінші жылы «Еңбекшіқазақ» газетінің ақпараттық та, тікелей де қолдауымен ұйымдастырған Алтын адам көрмесіне Нью-Йорктен келген іскер қонағына бірінші Президентіміз Н.Назарбаевтың өз айтуынша экзотикалық бір жәдігерін көрсеткен эпизодты еске алып отырар ма еді?!
Сондағы Бекен ағамыз көрме қонақтарының, Елбасының Алтын адамның алтын бас киіміндегі мифтік қанатты аттар қандай мағына береді деген сұрағына: «Сақ бабаларымыздың алға, болашаққа ұмтылуының символы деп жауап берген еді. Сонымен қоса Бекен аға музей туралы да сұрағын қойған-ды. Алғашқы музей сол кездесуден кейін құрылды. Ал екіншісі – Есік қорық мұражайының эксклюзивті жобамен салынып, қызмет атқарып жатқанына да он жыл болыпты. Бұлнысан да Елбасының тікелей тапсыруымен тікелей бақылауымен салынған.
Өтпелі тоқсаныншы жылдар ұлы бастамалар, ұлы істер жылдары десек, Ұлы бабаларымыздың басқан іздерін жаңғырту жылдары деп те айтуға тұрады.
Бір классик өз кейіпкерінің аузына: «Ашкөзіңді, принц, алғақара – сізді ұлы істер күтіп тұр» деген мағынадағы сөздерді салған екен. Бұл сөздерді бүгінгі ұрпаққа қарата айтсақ: тарихымызды таразылап ұлыларымыздың ұлы істерін алға бастырайық.
Хайролла Ахметжанов,
Қазақстанның құрметті журналисі
«Дипломмен ауылға» бағдарламасы қабылданған 11 жыл ішінде ауданымызда 287 маман пайызсыз бюджеттік несие алып, тұрғын үйге қол жеткізді. Биылдың өзінде 48 маманға тұрғын үй сатып алуға 200 млн теңге, 60 маманға көтерме жәрдемақы төлеуге бюджеттен 16,7 млн теңге бөлінген. Бұл туралы аудандық мәслихат жанындағы тұрақты комиссиялардың біріккен отырысында аудандық экономика және бюджеттік жоспарлау бөлімінің басшысы Бағлан Мушаева мәлімдеді.
Сонымен отырыс күн тәртібінде үш мәселе көтерілді. Алғашқысы, жоғарыда атағанымдай, «Дипломмен ауылға» бағдарламасының жүзеге асырылуы және осы бағытта бөлінген қаражаттың нысаналы игерілу дәрежесі», екінші – ауданда жаппай кәсіпкерлікті дамыту бойынша атқарылған жұмыстар, үшінші – «Нұрлы жер» мемлекеттік бағдарламасын жүзеге асыру мақсатында ауданда тұрғын үйге мұқтаж азаматтарға тұрғын үй салу бойынша атқарылған жұмыстар. Әр мәселе бойынша жауапты бөлім басшылары есеп берді халық қалаулылары алдында.
Алғаш мінберге көтерілген Бағлан Сатбайқызы: «Дипломмен ауылға» жобасы жүзеге асырылғаннан бастап ауылдық елді мекендерге келген мамандар саны артты. Олардың 79%-ы әйелдер, 21%-ы ерлер, ал 63%-ға жуығы 30 жасқа дейінгі жастарды құрап отыр. Ауданымыз бойынша 2009-2020 жылдар аралығында 587 маман (оның ішінде 449 – мұғалімдер, 119 – денсаулық сақтау саласының қызмет-керлері, 14 – ветеринария мамандары және 5 – мәдениет саласындағы мамандар) бір реттік көтерме жәрдемақы алса, 287 маман (оның ішінде 216 – мұғалімдер, 58 – денсаулық сақтау саласының қызметкерлері, 9 – ветеринария мамандары және 3 – мәдениет саласының мамандары) пайызсыз бюджеттік несие алып тұрғын үйге қол жеткізді. Осындай жолмен кадр тапшылығы мәселесі де өз шешімін тауып жатыр.
Жоба жүзеге асырылғаннан бастап республикалық және жергілікті бюджеттен 961,8 млн. теңге бөлінді, оның ішінде: 86,5 млн. теңге - көтерме жәрдемақыларын төлеуге және 875,3 млн. теңге тұрғын үй алуға арналған бюджеттік несиелер. 2020 жылға 48 маманға тұрғын үй сатып алуға 200 млн. теңге және 60 маманға көтерме жәрдемақы төлеуге бюджеттен 16,7 млн. теңге қаражат бөлінді. Қаражат жылдың соңына дейін 100%-ы игерілетін болады» – деді.
Ал кәсіпкерлікті дамыту бойынша елімізде орын алған төтенше жағдай кедергі болған. Нақтыласақ, аудандық кәсіпкерлікті дамыту бөлімінің басшысы Нұрболат Серғалидің мәліметінше, 362 тұрмыстық және сервистік қызмет, 175 қоғамдық тамақтандыру орындары онлайн жеткізу мақсатына көшсе, 411 азық-түлік емес сауда орындары, 12 сауда базарлары оның ішінде 2088 сауда орындары жұмыс орындарын сақтай отырып, уақытша тоқтатқан. Сәйкесінше, инвестиция тарту көлемінде де құлдырау бар. Бұл турасында:
– Инвестиция тартуда 2020 жылдың 1 маусымына ауданға 5 млрд. 700 млн. теңгенің инвестициясы тартылды, бұл өткен жылмен салыстырғанда 4 млрд. теңгеге кем орындалды
Себебі, ауданда биылғы жылы құрылыс жұмыстары жоспарланған ірі инвестициялық жобалар «Энергия Семиречья»ЖШС-нің «Шелек дәлізінде қуаттылығы 60 МВт болатын жел электр станциясын салу» және «Жетiсу Вольфрамы» ЖШС-нің «Сөгеті ауылдық округінің Бұғұты массивінде вольфрам кенін өңдеу мен байыту» инвестициялық жобаларына аталған кәсіпорындар Қытайдан жабдықтар алуды жоспарлаған. Алайда, карантин кезінде екі ел арасындағы шекараның уақытша жабылуына байланысты Қытайдан жабдықтарды жылдың соңында жеткізуді жоспарлап отыр, – дейді Н.Серғали.
«Нұрлы жер» бағдар-ламасы аясында биыл ауданымызда ауқымды істер атқарылуда. Бұл турасында аудандық құрылыс бөлімінің басшысы Әділжан Смағұлов мәлімдеді: – Есік қаласында 60 пәтерлі жалға берілетін тұрғын үйдің құрылыс-монтаж жұмыстары тәмамдалды. Тұрғын үй-коммуналдық шаруашылық және тұрғын үй инспекциясы бөліміне тапсырылды. Сол секілді Есік қаласында 30 пәтерлі тұрғын үйдің құрылыс-монтаж жұмыстары жүргізілуде, осы айдың соңына дейін аяқталады деген болжам бар.
Тағы бір жаңалық, Есік қаласында 30 пәтерлі тұрғын үйдің абаттандыру жұмыстары мен инженерлік-коммуника-циялық инфра-құры-лымдар құрылысы жүргізіліп жатыр. Осы жылдың 30 шілдесінде аяқталуы тиіс, – дейді бөлім басшысы.
Бұдан бөлек бірнеше ауылдарда арнайы жерлер бөлініп, инфрақұрылым жүргізу жұмыстары қолға алынған.
Отырыс барысында депутаттар тарапынан сұрақтар қойылып, жұмыс барысындағы олқы тұстар сараланды.
Қайнар ЖҰМАҒОЖА,
аудандық мәслихат
депутаты
Аким района Бинали Ыскак в ходе рабочей поездки ознакомился с состоянием озёр в горах Заилийского Алатау. Силами ГУ «Казселезащита» проведено авиационное обследование горных ледников.
Из-за сокращения притока воды с горных ледников наблюдается снижение объема воды в озере Есик, а также временное отсутствие воды в реке Есик.
Приток в озеро Есик напрямую зависит от таяния ледников Заилийского Алатау. Причиной снижения воды в озере Есик является низкое количество осадков в зимний период 2019-2020 года, что отрицательно сказалось на формировании горных ледников, а также недостаточно высокая температура для обильного таяния ледникового массива.
В данное время приток воды в озеро Есик составляет 4 кубометра в секунду, из которых на полив направляется 3,6 кубометра в секунду, тогда как потребность составляет 7-8 кубометров в секунду. Недостающий объем воды, предназначенной для полива, составляет 3,5 - 4 куб.м.\сек. Существует угроза сокращения подачи поливной воды на орошаемые поля сельхозпредприятий.
В связи со снижением притока и нехваткой поливной воды проводится разъяснительная работа среди населения, установлен график полива сельхозугодий. Для увеличения объема поливной воды приостановлена деятельность четырех гидроэлектростанций, расположенных в русле реки Есик. На озере также убран самодельный пирс и запрещено катание на катерах.
Пресс-служба акима
Енбекшиказахского района
«Табысты болудың ең іргелі басты факторы білім екенін әрқайсысымыз терең түсінуіміз керек және елімізде қазіргі таңда орын алып отырған жағдайларға қарамастан, ұстаздар қауымы алға ұмтылуы тиіс… Себебі құндылықтар жүйесінде білімді бәрінен биік қоятын ұлт қана табысқа жетеді» деген Елбасы Н.Назарбаев.
Бүгінгі күні әлемде болып жатқан коронавирус пандемиясына байланысты басты талап – қашықтықтан оқыту болып отыр.
Қашықтықтан оқыту көп жылдан бері оқу орындарында дәстүрлі түрде өз орнын тауып келген оқытудың бір түрі екендігі бәрімізге мәлім. Дегенмен, індеттің таралуына байланысты бұл оқыту түрінің маңыздылығы арта түсті. Дегенмен, бұл босаңсуға жол бермейді, өйткені қазіргі заманғы технологиялар оқу үрдісінің барлық кезеңдерін қашықтық форматқа көшіруге толығымен мүмкіндік бар.
Бүгінгі таңда Алматы облысы бойынша Еңбекшіқазақ, Кербұлақ, Балқаш, Ескелді, Іле, Сарқант, Жамбыл, Алакөл, Қаратал, Көксу, Қарасай, Панфилов, Талғар аудандарынан және Талдықорған, Қапшағай қалаларынан білімді ұстаздар қауымы онлайн форматта екі апта бойы білімдерімізді арттырып жатырмыз. «Қазақстан тарихы және құқық негіздері пәндері бойынша педагог кадрлардың біліктілігін арттыру (онлайн) курсының білім беру бағдарламасы» атты курста жоба тақырыптарын бөліп алып және өзіндік жұмыстарымызды жаңартылған білім беру мазмұны бойынша өтудеміз және сабақта қолданылатын әдіс-тәсілдерді қалай пайдалануға болатынын зерделеудеміз. Осыған орай, ойларымызды ортаға салып, оқушыларға жаңа тақырыпты жақсы меңгеруіне ыңғайлысын саралап қолданысқа енгіземіз. Бұл әдіс-тәсілдер дұрыс жасалған ба, оқушыға тиімді ме деген сұрақтарымызға білімді де білікті тренеріміз Хуршидам Ташболатқызы Масимова ханымнан жауап тауып отырдық. Х.Масимованың YouTube желісі арқылы онлайн лекциясында мысал келтіре отырып түсіндірген әрбір сабағы біз үшін құнды. Бізге оқушылардың пән бойынша үлгерімі екі тәсілмен бағаланатыны жайлы және қалыптастырушы бағалау және жиынтық бағалаудың қай кезде, қалай алынатындығы жайлы толық түсінік беріп, білімімізді арттырып отырды.
Міржақып Дулатовтың «...Жақсылыққа бастайтын жарқын жұлдыз – оқу. Надан жұрттың күні – қараң, келешегі – тұман» деген аталы сөзінің маңызын түсіндік. Өркениетті дамудың өзегі білім, ғылым, тәрбие екендігіне ешкімнің таласы жоқ. Яғни, білімді ұстаз алдынан білімді шәкірт шығады.
XXI ғасыр – ғылым ғасыры. Мақсатты білім беру – тұлға дамуын жүзеге асыратын мәселе. Ал осы жалпы еуропалық стандартқа сай жаңа білім беру – жеке тұлғаның жан-жақты дамуына әкелетін бірден-бір жол. Ұстаздардың шығармашылық қабілеті, жаңашылдық әрекеттері, біліктілігі, физиологиялық және психикалық сапасы, педагогикалық кәсіптік біліммен сәйкестенеді. Бұл педагогикалық бағытта оқытушы мен оқушының өзара ынтымақтастық арқылы дамудың жоғарғы деңгейіне жетуде мәні зор.
Ұлтуар ЕРҒАЛИ,
Ш.Уәлиханов атындағы орта мектебінің тарих пәнінің мұғалімі
Осыдан бірер жыл бұрын ауылдық округтерге өзін-өзі басқару жүйесі енгізіліп, салықтардан түскен түсімді өз қолдарымен жұмсау мүмкіндігі берілген. Ауылдық округ әкімі аппараты сонымен қатар әлгі қаржыны жергілікті қауымдастық мүшелерінің талқысына салып барып жұмсауы тиіс. Бұл турасында үкімет белгілеген арнайы ережеде «жергілікті қауымдастық – жергілікті өзін-өзі басқару жүйесі жүзеге асырылатын, оның органдары құрылатын және жұмыс істейтін тиісті әкімшілік-аумақтық бөлініс аумағында тұратын тұрғындардың (жергілікті қауымдастық мүшелерінің) жиынтығы. Жергілікті қауымдастық мүшелері жергілікті маңызды мәселелерді шешуге қатысады. Атап айтқанда: ауылдық округ бойынша бөлінген қаражаттың нысаналы мақсаты бойынша игерілуін бақылайды.
Жергілікті өзін-өзі басқару жүйесімен жергілікті қауымдастықтың өзара үйлесім тауып жұмыс атқаруы заман тудырған талаптың бірі. Бұл жүйенің өзара келісім мен ынтымақ болған жағдайда көптеген мәселенің шешімін табуға септесетіні айқын. Бүгінде ауылдық округтерде ауыз су, жол, жарық сынды шешімін таппай шерменде болған көптеген мәселелер бар. «Жұмыла көтерген жүк жеңіл», «Берекені көктен іздеме, бірлігі мол көптен ізде» дейді дана халқымыз. Осындай ынтымағы берік, іргелі ауылдардың бірі – Түрген ауылдық округі. Жергілікті қауымдастық төрағасы Марат Кабдиевтің айтуынша, аталған жүйенің енуімен елді-мекеннің еңсесі тіктелген. Атап айтсақ, жергілікті қауымдастық мүшелері Д.Қонаев атындағы және Береке көшелерінде жол жөндеу жұмыстарының орындалуын әкім аппаратымен бірлесе қадағалауда. Д.А.Қонаев көшесі халқымыздың аяулы перзенті Дінмұхамед Қонаев атындағы мектептің оқушылары қатынайтын көше. Жол жиегінде жаяу жүргіншілерге арналған арнайы тротуары жоқ бұл көшемен көліктер де баяу жүрмейтін-ді. Ал биыл аталған мәселеге қозғау салған жергілікті қауымдастық мүшелерінің қатысуымен тақтайдай тегіс және жаяу жүргіншілерге арналған тротуармен қамтылған жол салынуда. Сонымен қатар ауылдық округте мемлекеттік атаулы әлеуметтік көмек тағайындау үшін өтініш берген тұрғындардың тұрмыс жағдайын тексеру жөніндегі учаскелік комиссия құрамында жергілікті қоғамдастық мүшелері бар. Сондай-ақ, қауымдастық округтегі көшелердің атауын өзгертуге атсалысқан. Ауыл мен айнала тазалығы да жергілікті қауымдастық мүшелерінің назарынан тыс қалмаған. Бір айта кетерлігі, жергілікті қауымдастық өкілдері ел сыйлаған ауыл ақсақалдарынан құралған. Төрағасы Марат Кабдиев Д.Қонаев атындағы орта мектебінде тарих пәнінің мұғалімі. Елге сыйлы ақсақалды ауыл тұрғындары таңдаған. Сонымен қатар, жергілікті қауымдастық өкілдері мемлекеттен бір тиын ақы алмай жұмыс істейтін болса, Түрген ауылдық округі әкімі апратымен жергілікті қауымдастық өкілдері бірігіп атқарған істер біршама. Әр жылы ауылдық округ әкімі жергілікті қауымдастық алдында атқарылған жұмыстар және жұмсалған қаржы жөнінде есеп беруі тиіс.
Әділет САРЫБАЙ