Еңбекшіқазақ ауданының әкімі Қ.Қашқымбаевтың 2020 жылдың әлеуметтік-экономикалық даму
қорытындылары мен 2021 жылға міндеттері туралы ЕСЕБІ
Құрметті Еңбекшіқазақ ауданының тұрғындары!
Тәуелсіздіктің 30-шы жылдығын біз жаңа жаһандық рөлде қарсы алып, ата-бабаларымыз салып кеткен сара жолға салауат айтып, ғаламат келешекке бастайтын жаңа жолда пешенемізге жазылған тарихи міндетті мүлтіксіз орындап келе жатырмыз.
Ендігі кезекте, дана халқымыздың «Адамның өскені әрбір өткен жылымен, шаһардың өскені әз-халықтың санымен бағаланады» деген сөзіне сай, өткенді саралап, болашақты болжап, межелерді бағамдап алайық.
Өткен 2020 жыл пандемия мен карантиндік шараларға байланысты қиын болғанына қарамастан, біз экономикалық көрсеткіштердің өсуін қамтамасыз етіп, аграрлық секторда, өнеркәсіпте және әлеуметтік салада бірқатар маңызды жобаларды жүзеге асырдық.
2020 жылдың қорытындысы бойынша ауылшаруашылық өнімі 138 миллиард 769 миллион теңгені құрады. Бұл 2019 жылға салыстырғанда 8 миллиард теңгеге артық.
Осындай жоғары көрсетіштерге қол жеткізу ең алдымен инвестициялар тарту, жана технологияларды енгізу арқасында мүмкін болып отыр.
Өткен жылы ауыл шаруашылығында бірқатар жобалар жүзеге асырылды, олардың ең ірілері:
– Қырбалтабай ауылдық округінде инвестиция көлемі 1 миллиард 487 миллион теңгені құрайтын, 78 жұмыс орнымен қамтамасыз ететін, қуаттылығы 50 мың тоннаға дейін сояны өңдейтін «Жетісу Соя» жауапкершілігі шектеулі серіктестігінің зауытының құрылысы;
– Қаратұрық және Асы ауылдық округтерінде «Alma Mater Fields» жауап-кершілігі шектеулі серіктестігі 167 гектар-ға интенсивті жеміс бақтарын отырғызды, 3 600 тонналық жеміс сақтау қоймасы салынып, 100 жұмыс орны ашылды, жоба құны 4,5 миллиард теңгені құрады;
– Бөлек ауылдық округіндегі «Алматы алма» жауапкершілігі шектеулі серік-тестігінің 130 гектарға интенсивті жеміс бақтары отырғызылып, 60 жұмыс орны ашылды, жоба құны 2 миллиард теңгені құрады;
– Саймасай ауылдық округіндегі «Айдарбаев» шаруа қожалығының сүт фермасы 250 басқа кеңейтілді. Жоба құны 350 миллион теңге, 10 жаңа жұмыс орны ашылды.
Жалпы, 2020 жылы ауыл шаруашылық саласына 10 миллиард теңге инвестиция тартылды, ал 2021 жылы жалпы құны 18 миллиард теңгеден асатын 19 ірі инвестициялық жобаны жүзеге асыруды жоспарлап отырмыз.
Оның ішінде егін шаруашылығы мақса-тында барлығы 8,2 миллиард теңгеге 400 гектар алма бағын отырғызу және жеміс-жидек сақтау қоймаларын салу үшін 6 жоба Қорам, Бөлек, Рахат, Тескенсу, Асы ауылдық округтерінде жүзеге асырылады.
Мал шаруашылығында жалпы құны 10 миллиард теңгеден асатын 13 жоба жүзеге асырылады. 5 мың бас ірі қара мал сатып алу, 7 бордақылау алаңын, 3 сүт фермасын, сондай-ақ 2 мал сою пунктін салуды жоспарлап отырмыз.
Мәселен:
– Ақши ауылдық округінде «БайСүт» жауапкершілігі шектеулі серіктестігінің 1 200 басқа арналған сүт фермасын салуды жоспарлап отырмыз, жоба құны 5 миллиард теңгені құрайды, 23 тұрақты жұмыс орны ашылады;
– Қаратұрық ауылдық округінде «Абди Агро» жауапкершілігі шектеулі серіктестігі 1 500 бас ірі қара мал бордақылау алаңын салады, жоба құны 600 миллион теңгені құрайды, 17 жұмыс орны ашылады;
– Ташкенсаз ауылдық округінде «AsparaEsoFood» жауапкершілігі шектеулі серіктестігінің мал сою пунктімен 500 басқа арналған бордақылау алаңының құрылысын бастады, жоба құны 150 миллион теңгені құрайды, 15 жаңа жұмыс орны ашылады.
Осы жобаларды іске асыру арқылы 2021 жылы ауыл шаруашылық өнімі өндірісін 2,5 пайызға өсуін қамтамасыз етуге және 300 тұрақты жұмыс орнын құруға мүмкіндік береді.
Аграрлық сектордағы басты проблемалық мәселелердің бірі – суармалы судың жетіспеушілігі болды.
Магистральдық каналдар мен ирри-гациялық желілердің қанағаттанарлықсыз жағдайына байланысты судың 30% астам мөлшерде жоғалуы жағдайды нашарлатты. Бұл мәселені шешу үшін бізге белгіленген кесте бойынша күнделікті сумен жабдықтауды бақылауға алуға тура келді.
Өткен жылы біз барлық ирригациялық желілерге зерттеу және сертификаттауды жүргіздік.
Барлық ауылдық округтерде 35 мың гектардан асатын суармалы жердің 1000 шақырымнан астам суару желілерін жөндеу қажет екендігі анықталды.
Осы жұмыстың нәтижелері бойынша біз жобалық-сметалық құжаттарды әзірлеуге және ирригациялық каналдар мен каналдарды кейіннен жөндеуге бюджеттік қаражат бөлуге тиісті өтінімдер жібердік.
Ауданның өнеркәсібінде де даму үдерісі байқалуда. Өткен жылы ауданның кәсіпорындары 47 миллиард 300 миллион теңгенің өнімін өндірді, бұл 2019 жылмен салыстырғанда 3 миллиард 300 миллион теңгеге артық.
Өнеркәсіптік өндірістің оң динамикасын сақтай отырып, біз жаңа ірі өндірістік нысандардың құрылысын бастадық:
– «Жетісу вольфрам» жауапкершілігі шектеулі серіктестігінің Бұғыты тау-кен байыту комбинаты, өңдеу қуаттылығы жылына 3,3 миллион тонна вольфрам кені, жоба құны 95 миллиард теңге, 500 жаңа жұмыс орны ашылатын болады.
– қуаты 50 МВт «Энергия Жетысу» жауапкершілігі шектеулі серіктестігінің жел электр станциясы. Жоба құны 25 миллиард теңге;
– Шелек өзеніндегі «Жарық Су ЛТД» жауапкершілігі шектеулі серіктестігінің су электр станциясы, қуаты 40 МВт. Жобаның құны 2,5 миллиард теңге.
Ауданда инвестиция тартуға барлық жағдай жасалуда, нәтижесінде 2020 жылы ауданға 44 миллиард 275 миллион теңгенің инвестициясы тартылды, бұл 2019 жылмен салыстырғанда 8 миллиард теңгеге арттық.
Шағын және орта бизнес субъектілерімен 113 миллиард теңгенің өнімі өндірілді.
Мемлекеттік несиелеу де белсенді түрде қолданылды. «Бизнестің жол картасы – 2020» бағдарламасы шеңберінде 1 миллиард 63 миллион теңгеге 31 жоба қаржыландырылды.
«Қарапайым заттар экономикасы» бағдарламасы аясында 4 миллиард 235 миллион теңгеге 12 жоба қаржыландырылды.
Мысалы:
– Масақ ауылдық округінде «Нұрлы Құс» жауапкершілігі шектеулі серіктестігі 56 миллион теңге несие алып, тауық етін мұздату цехі іске қосылды;
– Балтабай ауылдық округінде «Рауан Агро» жауапкершілігі шектеулі серіктестігі 86 миллион теңге несие алып, асыл тұқымды мал сатып алынды;
– Бөлек ауылдық округінде «Газойл сити Иссык» жауапкершілігі шектеулі серіктестігіне балабақшаны қайта жаңарту үшін 70 миллион теңгеге жеңілдетілген несие берілді.
Ауыл шаруашылығындағы, өнеркәсіптегі, шағын және орта бизнестегі өндіріс көлемінің өсуі бюджетке салық түсімдерінің өсуін қамтамасыз етуге мүмкіндік берді.
Өткен жылдың соңында мемлекеттік бюджетке 19 миллиард 519 миллион теңге салық төлемдері түсті, бұл 2019 жылмен салыстырғанда 1,6 миллиард теңгеге артық.
2020 жылы облыс әкімі Баталов Амандық Ғаббасұлының тікелей қолдауымен «Жұмыспен қамтудың жол картасы» бағдарламасы бойынша әлеу-меттік және инфрақұрылымдық нысандардың құрылысы, қайта жаңарту және жөндеу бойынша көптеген жұмыстар жүргізілді.
109 білім беру, денсаулық сақтау, спорт, мәдениет, су және жол желілерін салуға, қайта құруға және жөндеуге, сондай-ақ жалға берілетін коммуналдық тұрғын үй құрылысына 11 миллиард 860 миллион теңге бөлінді.
Осылайша, мұқтаж тұрғындарды коммуналдық тұрғын үймен қамтамасыз ету үшін Есік қаласында 60 және 30 пәтерлік үйлер салынды.
Алайда баспана мәселесі өзекті болып қала береді.
Жалпы, Еңбекшіқазақ ауданында коммуналдық тұрғын үй кезегінде 2886 адам тұр, оның ішінде:
– көп балалы отбасылар - 368 адам;
– жетім балалар - 875;
– халықтың әлеуметтік осал топтары – 862;
– бюджеттік ұйымдардың қызметкерлері – 781.
Осыған байланысты, 2021 жылы Есік қаласында екі 60 пәтерлі және Шелек ауылында бір 60 пәтерлі үй салуды жоспарлап отырмыз. Есік қаласында тағы бір 40 пәтерлі үйдің құрылысына жобалық-сметалық құжаттама әзірленуде.
Осылайша, биыл 220 мұқтаж отбасы баспаналы болады.
Бұдан басқа, «Бақытты отбасы», «5-10-20» және «7-20-25» бағдарламалары бойынша кезекте тұрғандар арасында бөлу үшін, бес 60 пәтерлі үй салуға жеке құрылыс салушыларды тартамыз.
Азаматтарды жеке тұрғын үй құрылысына арналған жер учаскелерімен қамтамасыз ету мәселесі де өткір болып отыр, кезекте 21 мың азамат тұр.
Өткен жылы біз Қазақстан ауылдық округінің Қайыпов ауылында 22 гектарға (167 жер учаскелері) инженерлік-коммуникациялық желілердің құрылысын аяқтадық.
Биыл Шелек ауылында 237 гектарға (1727 жер учаскелері) және Ақши ауылында 90 гектарға (513 жер учаскелері) инженерлік-коммуникациялық желілердің құрылысы басталады. Бұл мақсаттарға облыстық бюджеттен 2 миллиард 575 миллион теңге бөлінді.
Инженерлік-коммуникациялық желілерді салуға жобалау-сметалық құжаттама дайындалуда:
– Қайназар ауылында 24 гектар (188 жер учаскелері);
– Алға ауылында 30 гектар (168 жер учаскелері);
– Өрікті ауылында ауданы 15 гектар (100 жер учаскелері).
Аудан тұрғындарын сапалы ауызсумен қамтамасыз ету ең өзекті мәселенін бірі болып қалады.
2020 жылы Ават және Қазатком ауылдарында су құбыры желілерінің құрылысы бойынша жұмыстар аяқталды, ал 2021 жылы Ащысай ауылында су құбырының құрылысы бойынша жұмыстар аяқтауды жоспарлап отырмыз.
Атқарылған жұмыстардың нәтижесінде елді мекендерді орталықтандырылған су жүйесімен қамтамасыз ету деңгейін 89,9 пайызға жеткіздік.
Биылғы жылы Қазтай Ұлтарақов ауылындағы су құбырын (жалпы құны 481 миллион теңге) және Шелек ауылындағы кәріз желілерін (жалпы құны 400 миллион теңге) қайта жаңарту және салу жұмыстары басталады.
Есік топтық су құбырының екінші кезеңінің құрылысы басталды және жүргізілуде, оны пайдалануға беру Есік қаласының және оған жақын орналасқан елді мекендерді сумен жабдықтау мәселесін шешуге мүмкіндік береді. Нысанды аяқтау 2022 жылға жоспарланып отыр.
Ағымдағы жылы 13 елді мекенде: Ащыбұлақ, Қазақстан, Нұра, Қызылжар, Шелек, Бәйдібек би, Рахат, Әймен, Қарасай, Көктөбе, Қайназар, Бөлек, Өрікті ауылдарын сумен жабдықтау жүйелерін, сондай-ақ Бәйдібек би ауылының кәріз жүйесін салу және қайта жаңарту бойынша жобаларды әзірлеуге қаражат бөлінді.
Қазіргі уақытта жайлы өмір сүру ортасын құру – біздің ауыл тұрғындарының жиі айтылатын тілектерінің бірі болып табылады.
Биылғы жылы ауданда 8 жоба іске асырылды, олар:
– Ащысай ауылындағы сая-бақты абаттандыру,
– Есік қаласының 1-ші және 2-ші шағын аудандарында аула алаңдары салынды;
– Сатай, Шелек, Қызылжар, Құлжа және Лавар ауылдарына көше жарығы орнатылды.
– Қайыпов, Қаражота, Сарыбұлақ, Балтабай ауылдарында жаңа спорт алаңдары және Тескенсу ауылында стадион салынды;
– Есік қаласы мен Тескенсу, Рахат, Қаракемер және Шелек ауылдық округтерінде 35 балалар ойын алаңдары орнатылды.
Биыл біз елді мекендерді абаттандыру бойынша бірқатар жобаларды жүзеге асыруды жоспарлап отырмыз. Бұл мақсатқа бюджеттен 1 миллиард теңге бөлінді.
Олардың ішіндегі ең ірілері:
– Шелек ауылындағы орталық саябақты абаттандыру (200 миллион теңге бөлінді);
– Есік қаласындағы өзен арнасы бойындағы балалар және спорт алаңдары, демалыс орындары бар бульвардың жағалауын жайластыру (200 миллион теңге бөлінді);
– Есік қаласының шағын аудандарында аула алаңдарының құрылысын жалғастырамыз (108 миллион теңге бөлінді);
– 19 ауылда – ауылдық округтердің әкімшілік орталықтарында «Ворк Аут» спорт алаңын саламыз (58 миллион теңге бөлінді);
Облыс әкімінің бастамасының арқасында ауданымызда елді мекендерді газдандыру жұмыстары жүргізілуде.
Ауданды газдандырумен 3 компания айналысады:
– Есік қаласы, Шелек және Түрген ауылдарында «APL constraction» жауапкершілігі шектеулі серіктестігі;
– Бәйтерек ауылында «Gaz trade servise» жауапкершілігі шектеулі серіктестігі;
– Азат және Қайназар ауылдарында «Спецстройбренд» жауапкершілігі шектеулі серік-тестігі.
Барлығы 390 шақырым кенті-шілік газ құбыры желілері салынды, 28 ӨБК орнатылды, абоненттермен 27 мыңнан астам шарт жасалды.
Ағымдағы жылы Ават, Жаңашар, Рахат, Саймасай, Амангелді, Қайнар ауылдарын газдандыруды бастау жоспарлануда.
Сондай-ақ, көп пәтерлі үйлерді орталықтандырылған және қауіпсіз жылытуды қамтамасыз ету үшін блок-модульдік қазандықтарды салу жобалары әзірленуде: Есік қаласында 17 БМҚ және Шелек ауылында 4 БМҚ.
Дегенмен, газдандыру қарқынының жеткіліксіздігі, сондай-ақ газға қосылу жөніндегі қызметтер құнының жоғары болуы тұрғындардың наразылығын тудырды.
Осы бағытта, біз облыс әкімдігімен бірлесіп, прокуратура мен монополияға қарсы қызмет органдарын тарта отырып, газбен жабдықтау бойынша тиісті шаралар қабылдаймыз.
Өткен жылы автомобиль жолдарының сапасын көтеру үшін үлкен жұмыстар жасаланды.
Мәселен, 677 шақырым авто-жолының жөндеу жұмыстарына 4 млрд 891 млн теңге бөлініп, оның нәтижесінде аудан көле-міндегі жалпы автожолының 35 пайызын жөндеуден өткіздік.
Мысалы, «Ауыл – ел бесігі» бағдарламасы аясында Шелек ауылындағы 15 көшеге күрделі жөндеу жүргізілді, «Өңірлерді дамыту» және «Жұмыспен қам-тудың жол картасы» бағдарламалары бойынша 39 ауылда көшелер ағымдағы және орташа жөндеуден өтті.
Есік қаласына кіре беріс автомобиль жолындағы жол қозғалысы мен жолаушылардың қауіпсіздігін қамтамасыз ету мақсатында, саяжай аумағындағы көлік жүретін жолдарды кеңейту, тұрғындардың ыңғайы үшін тротуар және аялдама кешендерін орналыстыру жұмыстары жүргізілді. Рахат №1 орта мектебнің оқушылары мен саяжай тұрғындарының қауіпсіздігін қамтамасыз ету мақсатында жерүсті жаяу жүргіншілер көпірі салынды.
Ағымдағы жылы Есік қаласындағы, Таутүрген, Шелек, Өрікті, Түрген, Достық, Ақжал, Қайназар, Қаражота және басқа ауылдарының бірқатар көшелері мен тротуарларына жөндеу жұмыстарын жүргіземіз.
Экономикадағы оң серпін, сондай-ақ «Еңбек» және «Жұмыспен қамтудың жол картасы» мемлекеттік бағдарламаларының табысты іске асырылуы халықты жұмыспен қамту саласында өз көрінісін тапты.
2020 жылдың қорытындысы бойынша 5 796 жаңа жұмыс орны құрылды, оның ішінде 3 212 тұрақты жұмыс орны.
«Бастау Бизнес» жобасы аясында:
– 310 қатысушы кәсіптік оқуға жіберілді;
– 146 адам жалпы сомасы 604 млн. теңгеге жаңа бизнес ашу немесе бар бизнесті кеңейту үшін микрокредиттер алды;
– Ауданның 90 тұрғыны жалпы сомасы 50 млн. теңгеге өтеусіз гранттар алды.
Мысалға:
– Есік қаласының тұрғыны Әсима Айтбаева шаштаразда оқудан өтіп, 550 мың теңге көлемінде грант алып, өзінің сұлулық салонын ашып, 2 жұмыс орнын ашты;
– Рахат ауылының тұрғыны Әлімжан Дайрабаев 2 млн теңге көлемінде жеңілдетілген шағын несие алып, тұрмыстық тауарлар дүкенін ашты, 3 жұмыс орны ашылды;
– Шелек ауылында «Жергілікті қоғамдастықтар қорының» 21 қатысушысы кооператив құрып, ауыл шаруашылығы өндірісін дамыту және көкөніс өнімдерін қайта өңдеу үшін 12 млн теңге сомасына гранттар алды, 30 жұмыс орны құрылды.
Әлеуметтік қолдауды қажет ететін азаматтар назардан тыс қалған жоқ.
2020 жылы бюджеттен 3 122 мұқтаж отбасыға 1 млрд 526 млн теңге сомасына атаулы әлеуметтік көмек көрсетілді.
Аз қамтылған отбасылардан шыққан 3 560 балаға сомасы 177 млн. теңгеге 39 мың әлеуметтік азық-түлік пакеттері мен тұрмыстық химия жиынтықтары берілді.
Қайырымдылық көмек те белсенді түрде көрсетілді.
Осылайша, 22 мыңнан астам мұқтаж азамат тұрғын үй, азық-түлік, киім және басқа да қажетті заттар түрінде қайырымдылық көмек алды.
Мысалы, шаруа қожалығының басшысы Қуат Сұлтанғазиев 5 млн теңгеге көп балалы отбасына Қазтай Ұлтарақов ауылында тұрғын үй сатып алып, сыйға тартты.
Кәсіпкер Тавабир Чикаев жалпы сомасы 15 млн теңгеден асатын қаржыға 10 мың отбасын азық-түлік себеттерімен қамтамасыз етті.
Мысалы, «Biz birgemiz» акциясы бойынша 5 000 отбасы «Nur Otan» партиясынан 50 мың теңгеден көмек алды.
Өткен жылы да білім саласы аудан әкімдігінің басты назарында болды.
Жүргізілген жұмыстардың нәтижесінде Ұлттық Бірыңғай тестілеудің қорытындысы бойынша орташа көрсеткіш 90,2 балды құрап, 2019 жылмен салыстырғанда 2 балға жоғары болды.
Білім сапасының көрсеткіші 63 пайыздан 65,5 пайызға өсті.
2020 жылы 353 түлек жоғары оқу орнына мемлекеттік грантқа, 188 түлек колледжге мемлекттік грантқа түсті. Бұл Ұлттық Бірыңғай тестілеуге қатысқан барлық түлектердің 53,5 пайызын құрайды.
Онлайн оқытуды толық қамтамасыз ету мақсатында жергілікті және облыстық бюджет есебінен жетім және аз қамтылған көпбалалы отбасы балаларына 3 619 компьютер, 1151 планшет, 200 роутер берілді.
Ауданның білім беру жүйесінің материалдық-техникалық базасын нығайту мақсатында өткен жылы 3 орта мектептің күрделі жөндеу жұмыстары аяқталды. Олар: Саймасай, Әймен ауылдарындағы орта мектептер және Шелек ауылындағы Бижанов атындағы орта мектебі. Сондай-ақ, Қызылжар ауылындағы Ораз Жандосов атындағы мектебінің шатырына күрделі жөндеу жүргізілді. 42 мектеп ішкі дәретханалармен жабдықталды. Оқушыларды мектепке тасылмалдау үшін 10 жаңа автобус сатып алынды.
Алайда, білім беру саласында бірқатар өзекті мәселелер бар.
Бірінші кезекте, бұл үш ауысымды мектептердің мәселесі.
Ауданда осындай 4 мектеп бар:
– Рахат ауылдық округінің №1 орта мектебі;
– Есік қаласындағы В.Терешкова атындағы орта мектебі;
– Ташкенсаз ауылындағы Абдуллин атындағы орта мектебі;
– Қазақстан ауылындағы Ж.Қайыпов атындағы орта мектеп.
Сондай-ақ, ескі мектептер мен типтік емес ғимараттардың орнына жаңа 12 мектеп салу және 26 мектепке күрделі жөндеу жұмыстарын жүргізу қажеттілігі туындап отыр.
Осы проблемаларды шешу үшін келесі шаралар қабылданады:
Ағымдағы жылы біз Есік қаласында 1500 орындық мектебінің, Төле би ауылында 450 орындық мектебінің, сондай-ақ Ташкенсаз ауылында Абдуллин атындағы мектебіне 300 орындық қосымша ғимарат құрылыстарын салуды бастаймыз. Қазақстан ауылында Қайыпов атындағы мектебіне 300 орындық қосымша ғимарат салу үшін қаражат бөлуге өтінім берілді.
Сонымен қатар, бейімделген ғимараттарда орналасқан мектептер үшін 10 модульдік ғимарат салу мүмкіндігі қарастырылуда.
Сондай-ақ, 5 мектепке күрделі жөндеудің жобалық құ-жаттамасын әзірлеуге 150 миллион теңге бөлуге өтінім берілді.
2020 жылда мемлекеттік-жекеменшік серіктестігінің негізінде 5485 орынға 55 балабақша ашылды. Қамту көрсеткіші 98,5 пайызға жетті.
Бұл көрсеткіш 2021 жылы да өсім көрсететіні анық, қосымша 1375 орынға 13 балабақша ашылып, қамту деңгейі 100 пайызға жетеді деп күтілуде.
Біздің денсаулық сақтау жүйеміз үшін ауыр сынақ COVID-19 пандемиясы болды. Алайда, біздің дәрігерлердің жанкештілігінің, облыс әкімдігінің үлкен қолдауының арқасында біз барлық қиындықтарды еңсере алдық.
Сонымен, 2020 жылы 723 адам коронавируспен, 1694 адам пневмониямен ауырды. Науқастардың 99 пайызы жазылды.
Коронавирустық инфекциямен күреске денсаулық сақтау мекемелерге 2020 жылы дәрі-дәрмектер, медициналық жабдықтар, қорғаныс құралдарын сатып алуға 721 миллион теңге бөлінді.
Қысқа мерзімде автоматты оттегі станциясы сатып алынып, іске қосылды. Бәйдібек би ауылындағы стационарға жөндеу жұмыстары жүргізіліп, науқастарды қабылдауға барлық жағдай жасалды.
Өткен жылы Қорам және Көктөбе ауылдарында екі жаңа ауылдық дәрігерлік амбулатория салынды, сондай-ақ, Шелек ауылдық ауруханасын жөндеу және абаттандыру жұмыстары жүргізілді.
Сондай-ақ ПТР тестілеу үшін екі зертхана іске қосылды: біреуі – Есік қаласында, екіншісі – Шелек ауылында.
Қазіргі уақытта ауданның медициналық мекемелерінде қажетті препараттар, медициналық жабдықтар мен қорғау құралдарының екі айлық қорымен қамтылған.
Шектеу режимін сақтауды қамтамасыз ету бойынша шаралар қабылдануда. Мысалы, мониторингтік топтар 1730 рейд жүргізіп, оның нәтижесінде карантиндік режим талаптарының бұзылған үшін 108 жеке кәсіпкер әкімшілік жазаға тартылды.
Пандемия кезінде бұқаралық мәдени және спорттық іс-шаралар тоқтатылғанына қарамастан, 2020 жылы ауданда онлайн режимінде 1235 мәдени іс-шара мен 132 жарыс ұйымдастырылды.
Ауылда мәдениет және спорт нысандарының болуына халық-тың жоғары қажеттілігін атап өткен жөн.
Ол үшін мәдениет және спорт объектілерінің материалдық-техникалық базасын нығайтуға жалпы сомасы 1 млрд 131 млн теңгеге қаражат бөлінді.
Есік қаласы мен Көлді ауылындағы мәдениет үйлеріне күрделі жөндеу жұмыстары жүргізілді.
Ават, Нұра, Қырбалтабай, Ақтоған ауылдарындағы мәдениет үйлеріне ағымдағы жөндеу жұмыстары аяқталып, Бижанов ауылында спорт кешені салынды.
Шелек ауылында дене шынықтыру-сауықтыру кешенінің құрылысына жобалық-сметалық құжаттама әзірленіп, мемлекеттік сараптамадан өтуде.
Ащысай, Бәйдібек би, Қырбалтабай, Жаңашар және Түрген ауылдарында шағын спорт кешендерін салуға жобалау-сметалық құжаттама әзірлеуге өтінімдер берілді.
Қоғамдық тәртіпті сақтауды қамтамасыз етуде белгілі бір оң өзгерістерге қол жеткізілді.
2020 жылдың қорытындысы бойынша ауданда жалпы қылмыстылықтың 38,3 пайызға тө-мендеуі тіркелді. Ұрлықты 2,5 есеге, тонауды 2,3 есеге, бұзақылықты 46 пайызға қысқартуға қол жеткізілді. Кәмелетке толмағандармен, сондай-ақ қоғамдық орындар мен көшелерде жасал-ған қылмыстар саны азайды.
Ауданда сыбайлас жемқорлыққа қарсы саясат белсенді жүзеге асырылуда. Сыбайлас жемқорлық көріністерінің алдын алу үшін әртүрлі алдын алу іс-шаралар үнемі жүргізіледі. Мемлекеттік қызмет көрсету кезінде мемлекеттік қызметшілермен байланысты шектеу мақсатында қызметтерді барынша электрондық форматқа көшіру бойынша шаралар қабылдануда.
Осылайша, 2020 жылы халық-қа 55 мыңнан астам мемлекеттік қызмет көрсетілді, оның 90 пайызға жуығы – электрондық форматта көрсетілді.
Азаматтарға ыңғайлы болу үшін аудан әкімдігінде, сондай-ақ Шелек ауылдық округі әкімінің аппаратында сервистік әкімдіктер ұйымдастырылды, онда барлық сұранысқа ие мемлекеттік органдардың өкілдері жұмыс істеуде.
«Халық үніне құлақ асатын мемлекет» саясатын іске асыру шеңберінде өткен жылдың екінші жартыжылдығында 300-ден астам азаматтың жеке қабылдауы өткізілді, 2795 өтініш қаралды.
Құрметті аудан тұрғындары!
2021 жыл біздің еліміз үшін ерекші жыл. Бұл жылы Қазақстан Республикасы Тәуелсіздігінің 30 жылдығын атап өтпекпіз.
Біз, мәңгілік халық, мәңгілік ел болуды мұрат тұтқан біртұтас халықпыз, Біз қазақстандықтармыз!
«Елің қуатты болса, бағың тұрақты болады» – деп дана халқымыз айтпақшы, көк Тудың астында бірігіп, туған жердің абыройын асқақтатып, мемлекетіміздің ертеңін, шуақты қуатты ету барлығымыздың ортақ парызымыз.
Елдің ертеңі үшін, еліміздің береке бірлігі үшін бас қосқан қаймағы бұзылмаған мықты қоғамның, күшті экономиканың, адал еңбектің, терең білімнің, жоғары дәрежелі мәдениет пен рухани кемелденудің арқасында біз алға қойған мақсат-міндеттерімізді жоғары деңгейде орындап, ауданымыздың көркеюіне үлес қосатын боламыз.
Есептік кездесу соңында аудан әкімі тұрғындар сұрақтарына жауап берді.
