Ломоносов атындағы орта мектепте 1 қыркүйек білім күніне орай 1 сыныптарға «Кел, балалар оқылық!» атты іс-шара өткізілді.
Ондағы мақсат: білім күні үлкен мереке екенін балаларға жеткізе отырып, олардың білімге деген құштарлығын арттыру, еліміздің білімді, тәрбиелі азаматын елжандылыққа тәрбиелеу. Алғаш мектеп табалдырығын аттағалы отырған бүлдіршіндеріміз елімізідің Әнұранымен салтанатты жиынды бастады. Мектеп директоры Г.Б.Мусина бүлдіршіндерге ыстық лебізін білдіріп, жаңа оқу жылының басталуымен құттықтады.
Тәуелсіздігіміздің 30 жылдығымен тұспа-тұс келген биылғы білім күнінде мектеп табалдырығын алғаш аттағалы отырған бүлдіршіндерге «Әліппе», «Букварь» оқулықтары салтанатты түрде табысталды. Кішкентай бүлдіршіндердің қуанышында шек болмады. Салтанатты жиын мектеп оқушылары дайындаған, әсем ән, тәтті күймен аяқталды.
