Қайырымдылық – адамзаттың ең асыл қасиеті. Осы қасиет арқылы ғана пенделер өздерінің көкірегіндегі иманды, жүрегіндегі адамгершілікті көрсетеді. Ата-бабаларымыз да қайырымды істі барлығынан биік қойып, жоғары бағалаған.

Өзін ғана ойлаған, жамандықтың белгісі,

Өзгені де ойлаған, адамдықтың белгісі.

Үлгілі сөз білмеген, надандықтың белгісі,

Бар-жоғына қарамас анық жомарт, ер кісі – деп қайырымдылыққа өзіндік бағасын берген Шағырай шешен адамгершіліктің алтыннан да қымбат екендігін жырлаған. Бабалардан ұрпаққа аманат болған асыл қасиеттің үлгісіне жақында ауданымыздың тұрғындары куә болды. «Фараби нұры» қоғамдық қорының ұйымдастыруымен, аудандық ішкі саясат бөлімінің қолдауымен әлеуметтік аз қамтылған отбасыларға қамқорлық көрсетілді.

Не первый год идут разговоры о газификации населенных пунктов района, благо  через него проходит трубопровод « Бейнеу-Коргас». Основная проблема, которую решало районное руководство,  заключалась в поисках инвестора.  В ноябре текущего года наконец-то начался первый этап реализации проекта по газификации. В него включены районный центр и Тургенский  сельский округ. Инвестор компания  ТОО «АПЛ-Констракшн». На вопросы газеты о сроках и условиях газификации отвечает заместитель директора ТОО «АПЛ-Констракшн»   Д.ДУСИПОВ.

3-4 қарашада Талдықорған қаласы І.Жансүгіров атындағы мәдениет сарайында жылдағы дәстүрлі ХІV – балалар шығармашылығының «Жетісу жұлдыздары» байқауы өткен-тін. 170-ке жуық өнерпаз қатысқан өнер додасында ауданымыздың намыс туы еркін желбіреді.

Құс өсіру – замана ағысына қарай жедел дамып келе жатқан кәсіптің бірі. Неге дейсіз ғой, себебі, құс басқа төрт түліктей  жайылып, ірі азықтарды іздемейді. Аула ішінде, арнайы қораларда өсіруге бейім. Әрі жетілу, көбею қабілеті де басқа мал басымен салыстырғанда анағұрлым жоғары. Ал өнімге азық жұмсауы әлдеқайда төмен. Мысалы, мамандардың айтуынша, қосқан әр килограмм салмағына ірі-қара 10-12, қой – 8-10 азық өлшемін жұмсаса, құс 3-5, тез жетілгіш етті бағыттағы балапандар яғни, бройлерлер 1,5-2 кг ғана өнім жейді. Осыны жан-жақты зерттеп, зерделеген «Нұрлы Құс» ЖШС бройлерлік тауық етін өңдеу фабрикасын Нұрлыда салып жатыр. Жалпы құны 1 млрд 800 млн теңге болатын ірі фабриканың бүгінгі жағдайымен танысу мақсатында жақында аудан басшысы Бинәлі Ысқақ алаңға арнайы барды. Бар жәйтті көзімен көріп, құрылыстың қарқынымен танысты.

Үй алдында төбе болса,

Ерттеп қойған атпен тең.

Ауылыңда қартың болса,

Жазып қойған хатпен тең.

Иә, қазыналы қарттары-мыз бүгінде жастарды тәрбиелеп, қоғамдық жұмыс-тарды атқарып қана қоймай, өнерпаздыққа да ден қоюда. Жақында аудандық мәдениет үйінде аудандық ардагерлер кеңесінің ұйымдастыруымен концерт өтті. Шараға облыстық ардагерлер ұйы-мы төрағасының орынбасары Тұрарбек Асанов, облыстық мәслихат депутаты Жангелді Осан, аудан әкімінің орынбасары Айбек Бидаев, ардагерлер кеңесінің төрағасы Тілеулес Ұзақов, бөлім басшылары мен қала тұрғындары қатысты.

«Пай, пай, шіркін, қазақтың

                           келіндері-ай,

Көл дария секілді

                         пейілдері-ай»,

– десе дегендей-ақ қазақ келіндерінің бар болмысын бойларына жиған Рахат селолық округінің 16 келіні «Аяулы келін-2016» байқауында бақтарын сынады. Баптарын да сынады. Ұйымдастырған Рахат орта мектебінің ұжымы болса, осынау игі шараға демеушілік көрсеткен ауылдың жігіт-басылары.

Алтайдан Атырауға созылып, Арқа мен Алатаудың арасын алып жатқан ұлан-ғайыр жеріміз – ата-бабалар найзаның ұшымен, білектің күшімен қорғап қалған атырап. Теңдессіз байлығымызды шетелдіктерге сатайын деп жатыр деген бәз-біреулердің арбауына ерген халық осы жылы алаңға шығып, өз ойларын ашық білдерген болатын. «Жер ешкімге сатылмайды, сатуға да ешкімнің құқығы жоқ. Бұл жердің иесі – қазақ халқы» – деген Елбасы Н.Ә.Назарбаев арнайы Жер комиссиясын құрып, жер-жерде қарапайым халықпен кездесу өткізді. Түрлі тараптың пікірлері тыңдалып, заң қайта қаралатын болды. Сонымен, Президент жер заңнамасының кейбір нормаларын қолдануға 5 жылға мораторий енгізді. Осыны аудан тұрғындары арасында түсіндіру және жер учаскелерін өз бетімен басып алуды болдырмау мақсатында кешенді ақпараттық-насихат жұмыстарын жүргізу үшін Бәйтерек, Рахат ауылдық округтері мен Есік қаласында кездесу өткізілді.

Қазақстанның биыл Тәуелсіздігіне 25 жыл. Осы орайда, 2015 жылы 30  қарашада еліміздің президенті Н.Ә.Назарбаев Тәуелсіз мемлекет атанғанымыздың 25-жылдығына аяқ басқалы тұрғанымызды айта келіп: «Бұл – Тәуелсіздікті нығайту жолындағы өлшеусіз еңбегіміздің ширек ғасырлық белгісін қорытындылайтын мерейлі сәт. Тәуелсіздікті баянды ету оған қолжеткізуден де қиын. Мемлекетіміздің тұғырын мызғымастай нығайта түсу үшін бізге әлі талай өткелі  күрделі, өтпегі көп, бұралаң жолдардан өтуге тура келеді» – деген еді. Иә, біз осыдан 25 жыл бұрын қандай едік? Ал қазір қай дәрежеге көтерілдік? Сәл шегініс жасайық…

Ай тығылып, күн шыққанын тоқтатпаса, тіршілік те жалғаса бермек. Сұрапыл соғыстан жараланып келген әке жүрегі елжіреп туыстарын іздейді. Әттең, таба алса... амал жоқ, үкілі үміті үзіліп, ет жақындарына деген шексіз сағынышын соғыс өрті басады. Қарағанды топырағында асыр салған сол бір бала кез бұлдырап сағымға айналды. Ақылды Іңкәр ана болса жолдасының тон қалтасынан табылған бір жапырақ суретті алып, құлыпты сандықтың түбіне жасырады. Балаларыма өз елін көрсетіп, атасының мәңгілік сапарға аттанған жері Қарағанды топырағына бір аунатып, балалық шағымның бел жоталарына бурадай мінгізіп келсем деген әкенің арманы еріксіз қара жер қойнына кіреді.

Адам баласы, адамзат қоғамы қашанда алдағы болатын оқиғаны аңсай тосқан ғой. Жаңа мыңжылдық жеткенде сарыуайымшылдар қауымы: «Киелі кітапта айтылған қиямет-қайым деген орнаса, осы жолы орнайды. Жаман істеріміз шашымыздан да асып кетті. Ол үшін күллі адамзат болып жауап беретін кезіміз келді», – деп қорқыпты. Қиялшылдар қауымы: «Жаратқанның жердегі үмбетін тегіс жарылқайтын заманы енді орнайды. Қой үстіне бозторғай жұмыртқалайтын заман орнауын талай күтсек, енді сол заманға да жеттік», – деп қуаныпты. Сөйткен жаңа мыңжылдық та орнады. Сол ғасырдың қызығы мен шыжығына куә болған біз де бір пендеміз. Әзір бәрі бәз-баяғысынша. Таң орнынан атып тұр. Күн орнына батып тұр. Қиямет-қайым болған жоқ. Адамзат жиырмасыншы ғасырдың табалдырығын нешетүрлі әлеуметтік алақызбалыққа ұрына, еліре аттапты. Сол өткеннің бәрі су сепкендей басылды. Тәңірім, жаңа ғасыр табалдырығынан аттап отырған біздерді де қай-қайдағы әулекіліктерге ұрындырмай, етек жиып, ес түгендеп алуымызға мұрша бергізгей... Ең бастысы, жаңа ғасыр мен жаңа мыңжылдыққа егемен ел, тәуелсіз ұлт болып аттадық. Бұған жеткен де, жетпеген де бар. Өйтіп, біреуді көріп шүкір етіп, біреуді көріп пікір ету үшін өткенді қазып, бүгінге көз жіберуге тура келді. Ол үшін  бір сауалға – бұл күнге қалай жеттік? – деген сауалға жауап іздеу қажет.