Елімізде коронавирусқа қарсы вакцина салу қарқынды жүргізіліп жатса да, індеттің таралу қаупі сейілмей тұр. Бұл өз кезегінде қоғамдық қызмет көрсету орындарының, шағын және орта бизнес субъектілерінің жұмысын шектеуге әкеп соғуда. Осыған орай, коронавирустың таралуына жол бермеу және бизнес нысандарының жұмысын тұрақты жүргізуіне жағдай жасау мақсатында елімізде «Ashyq» пилоттық жобасы әзірленіп, қолданысқа енгізілуде.

Цифрлық даму министрлігі, Денсаулық сақтау министрлігі және «Атамекен»Ұлттық кәсіпкерлер палатасы өкілдерінен құралған жобалық кеңсе пилоттық жоба жеке азаматтар мен кәсіпкерлерге тиімді екенін айтады.

Бүгінде кез келген формада (ауру белгілері бар не белгілері жоқ) Covid-19 індетімен ауырғандар карантин режимін сақтау бойынша міндеттеме алып, оны қолхатта жеке қолтаңбасымен растайды. Алайда көп жағдайда өзін-өзі оқшалау режимі бұзылып жатады. Аурыпқалған немесе науқас адаммен байланыста болған адамдар қоғамдық орындарға барады, коронавирустың таралуына себепші болады. «Ashyq» қосымшасы осындай келушілерді анықтауға жәнебасқа келушілердің қауіпсіздігін сақтауға көмектеседі.

«Ashyq» мобильді қосымшасы QR-кодты қолдану және Денсаулық сақтау министрлігінің базасымен интеграция арқылы келушінің статусын: ол вирус жұқтырған ба жоқ па анықтауға мүмкіндік береді. Яғни жобаға қатысушы – бизнес субъектісі қолданылып жатқан санитарлық нормалармен (маска, термометрия, бөлмені желдету және тағы басқа) қосақосымша бақылау жүргізеді. Келушілер мен персоналдың індетті жұқтырып алу қатері азайғандықтан жоба келешекте бизнес пен халыққа карантиндік шектеулерді оңтайландыруға мүмкіндік береді.

Бүгінде жекелеген қызмет түрлерінің (боулинг, бильярд, караоке, компьютер залдары және тағы басқа) жұмысы бойынша санитарлық шектеулер бар. Бір жылға жуық уақыт бұл нысандар жұмыссыз. Сонымен қатар демалыс күндері жұмыс істемейтін және өңір қызыл аймаққа түскенде жұмысы тоқтайтын бірқатар субъектілер бар. «Ashyq» қосымшасы қауіпсіз қызметке жағдай жасау арқылы, керісінше келешекте карантиндік шектеулерді азайту және азаматтардың жүріп-тұруын оңайландырады.

Осы жылдың 17 қаңтарынан баста пилоттық режимде Ashyq қосымшасын бірнеше фитнес-клуб, спа-орталықтар, сауналар және ресепшіні бар басқа да нысандар қолдана бастады. Пилоттық жобаға қатысуеріктіжүргізіледі. Жобаға енгізілген нысанға кіру үшін жеке азамат «Ashyq» мобильді қосымшасын жүктеп алуы тиіс, телефон нөмірі арқылы авторизация жасап, ЖСН-ді енгізу керек. Нысанға кіре берісте кіруді тіркеу үшін нысанның QR-кодын сканерлеу керек. Экранда статус (көк, жасыл, қызыл немесе  сары) көрінеді. Нысаннан шығуды тіркеу үшін де QR-кодты сканерлеу керек.Ұялы қосымша қызыл, сары, көк, жасыл мәртебелерге бөліп, тәуекел дәрежесін айқындайды. Қызыл түс азаматтың қозғалысы шектелгенін, оның амбулаториялық бақылауда екенін, үйде оқшауланудың қатаң режимін сақтауы тиіс екенін білдіреді. Сары – қозғалысты ішінара шектеу деген сөз: ол адам ПТР деректер қорында коронавирус инфекциясымен байланыста болған деп белгіленген. Демек, ол үйінде оқшаулану режимін сақтауы тиіс. Оған тұрғылықты жерінен 500 метрден аспайтын аумақтағы азық-түлік, шаруашылық дүкендерге, дәріханаларға баруға рұқсат. Көк статус – ПТР-тестілеудің нәтижесі жоқ, ауру жұқтырған адамдармен байланыста болған адамдар есебінде жоқ.Жасыл статус жүріп-тұруда шектеу жоғын білдіреді, мұндай адам базада COVID-19 індетіне ПТР-тестілеуі теріс нәтиже шыққан пайдаланушы болып шығады.

Бүгінгі таңда QR-кодтарды қолдану практикасы Оңтүстік-Шығыс Азия елдері Гонконг, Сингапур, Малайзияда кең таралған. Басқа елдерде де балама қондырғылар бар.

Айта кететін жайт, кәсіпкерлерді де, азаматтарды да қосымшаны қолдануға міндеттемейді.

Баспаға әзірлеген

 С.НҰРАДИН