Тағдыр тауқыметі әркімге де тоқпағын даярлап тұрар-ау. Алайда, сол дүрбелеңге балалардың тағдыры түскені жүректі ауыртпай қоймас. Балғын шақтың бал дәмін татар уақытында ащы өмірдің өткелінде қалып қойған жасөспірімдер мәселесі қа-ралды кезекті жиында.
Сәуірдің тоғызында аудан-дық әкімдікте кәмелетке толма-ғандардың ісі және олардың құқықтарын қорғау жөніндегі комиссия отырысы өтті. Комиссия төрағасы А.Бидаев бастаған комиссия мүшелері алдарына келген жасөспірімдердің мәселесін жан-жақты талқылады. «Арбаны да сындырмай, өгізді де өлтірмей» тығырықтан шығар жолды қарастыруға тырысты. Атап айтсақ, Түрген ауылының тұрғындары, кәмелеттік жасқа толмаған (кейіпкерлердің аты-жөні айтылмайды) ағайынды екі бала аналары қараусыз қалдырып өз бетімен кеткен-діктен, ал әкелерінің басқа отбасы бар болғандықтан ешкімге керексіз күйде күн кешіп жатқан-дығы анықталған. Жауапсыз десек тым жеңіл болар, балаларын тастап шырылдауық шегірткенің өмірін сүріп жатқан ананың әрекеті – сорақылық болар. Жиында да алға қойған мақсат – қайда екені белгісіз болған анасымақты тауып, аналық құқығынан айыру. Кейіннен, балаларды асырап аламын деген өтінішпен келіп отырған ағайындарына жәрдемдесу болды. Бұл тек бір мысал. Шалыс басып, ұрлық жасаған, үйінен қашып дала кезген қаншама жасөспірім мәселесі жиында талқыланды. Шешімін тапқандары да, кейінге шегерілгендері де жоқ емес. Комиссия төрағасы отырыста қабылданған шешімдердің орындалуын кезекті жиында міндетті түрде қадағалайтынын жеткізді.
Балаларымыз, мейлі, өзіміздікі болсын, көршінікі болсын, жалпы, бәрі – бақытты болуы үшін жаралған. Ал, баланың бақыты – әкесі мен анасының сыйластығы, отбасының жылу-лығында. Балапандарды бал шағынан айырмайық!
Алмагүл НҰҒМАН.
