«Ештеңені білмейтін, ештеңені білуге талпынбайтын адамның жағдайы қиын. Өйткені оның бойында екі кесел бар: бірі – топастық, екіншісі – жалқаулық» деген екен Платон. Әлбетте, «Алма піс, аузыма түс» деп жатудан артық азап жоқ. Себебі, жетістік – еңбек еткенге иіледі. Бұған дәлел Айсара Кабулованың табысты тірлігі. Айналасы 18 сотық жеріне қора-жай салып, мал басын көбейтуді мақсат еткен кейіпкеріміз кәсіппен айналысуға бел буады. Арнайы «Бастау бизнес» жобасы арқылы білімін шыңдап, жобасын қорғайды. Жолдасы Нұрлан Кабулов қолдау білдіріп, 2 млн 300 мың теңге несиеге қол жеткізеді. Сөйтіп, оған сегіз сүтті бағыттағы сиырларды сатып алады. Жуырда аудандық жұмыспен қамту орталығының маманы Саят Бизаковпен бірге Айсара Бақытқызының үйінде болып, шаруашылығымен таныстық.

Ә дегенде әңгімеміз кәсіп ашуға мемлекеттік қолдаудың толағай екенінен басталып кетті. – Осы іске бет бұрар алдында біраз адамдардан сұрадым. Алайда, оңды жауап алмадым. «Ой, ол болмайтын тірлік қой. Қаражатынан қағазын жинау қиын. Ары-бері жүрісі ұзақ» деушілер басым болды. Әйткенмен, бел шешіп кіріскенімде асып бара жатқан қиындықты көргенім жоқ. Бір ай курс оқыдым. Онда бизнестің қыр-сырын меңгеруге барынша дағдыландырды. Сонымен арнайы сертификатын алып, өз жобамды ұсындым. Ауылда тұрамыз, қолымызда бірді-екілі ірі қара, жылқы басы бар. Қысқасы, бір мал бақсаң да, он мал бақсаң да сол еңбек керек. Сөйтіп, сүтті бағыттағы сиырлар алу мақсатын алдыма қойдым. Жолдасым қолдады. Биыл сол арманымызға жеттік – дейді. Қазір күніне шамамен 60-70 литрдей сүт алады. Өнімді қабылдап алушылар үйінен әкетеді. Бұдан өзге қолдан май, ірімшік жасайды. Таза табиғи өнімге қай жерде болсын сұраныс мол екені белгілі. Оған да өз алушылары жетерлік.

– Таңнан тұрып мен сиыр сауамын, жолдасым жем-шөбін береді. Жуырда тағы екі асыл тұқымды жылқылар алып келдік. Ендігі ойымыз – малдың төлдерін алып, мал басын көбейтсек, бірқатарын арнайы бордақыласақ деген жоспар бар. Қазір жеріміздің көлемі 18 сотық. Уақытша малдарды ұстап тұруға мүмкіндігіміз бар. Кәсібіміз жүріп жатса, бұдан да үлкен шаруашылыққа айналуға құлшыныс жоқ емес. Мұның бәрі уақыт еншісінде. Бастысы, еңбек етуден ерінбеу – дейді А.Кабулова.

Төрт баласын еңбекке тәрбиелеп отырған отбасының ұстанымдары да бір: еңбек, еңбек және еңбек. Себебі, табан ет, маңдай тердің өтеуі – табысты жетістік.

Тақырыпқа тұздық:

Бүгінде «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» жүйелі жұмыс жүргізуде. Нәтижесінде мамыр айынан күні бүгінге дейін небәрі үш ай ішінде айданда 23 адам несие алып, тәтті еңбектің дәмін татып үлгерді. Бұл турасында аудандық жұмыспен қамту орталығының директоры Берік Иманбаев былай дейді: – Ауданымызда «Еңбек» бағдарламасы аясында «Бастау Бизнес» жобасы бойынша 101 адамды кәсіпкерлік негіздеріне оқыту жоспарланған. Бүгінде толық 101 азамат оқуын аяқтап, сертификаттарын алды. Оқыған азаматтардың ішінен 23 адам шағын несиеге қол жеткізді. Оның 21-і – ауылшаруашылығын қаржылай қолдау қоры арқылы жалпы сомасы 79 млн теңге, екеуі – несие серіктестіктері арқылы 8 млн 900 мың теңге. Ал қалғандары несие алмаймын, шағын қаражатпен кішігірім кәсіп бастаймын деушілерге 250 мың теңгеден қайтарымсыз гранттар берілді. Мәселен биылғы жылдың басынан 35 адам грант алды. Сол секілді осы шілде айының өзінде аталмыш бағдарламаға қатысушы тағы 35 адамға әрқайсына 250 мың теңгеден гранттар берілуде. Сонымен қатар жастар жылына орай 100 жас азаматты «Бастау Бизнес» жобасы арқылы оқытып, шағын несие немесе 200 айлық есептік көрсеткіш болатын (500 мың теңге) гранттар беріледі. Қазірдің өзінде 40 жас оқуын бастады. Мұндай мемлекеттік қамқорлыққа тек жастар емес, аз қамтылған, көпбалалы отбасылар, жұмыс істеуге ыңғайы келетін мүгедектігі бар азаматтар да ие бола алады. Басты шарт – «Бастау Бизнес» жобасы арқылы оқуы міндетті. Бұл 2018 жылғы 23 тамыздағы №513 ҚР Үкіметінің қаулысымен бекітілген.

Қайнар ЖҰМАҒОЖА.

Осындай ұранмен Шелек ауылы Т.Кенжебаев атындағы орта мектептің спорт залында волейбол жарысы өтті. Аудандық ішкі саясат бөлімінің қолдауымен Еңбекшіқазақ ауданының жастар ресурстық орталығы және «Мәңгілік ел тұғыры»қоғамдық қорының ұйымдастыруымен жүзеге асқан турнирде 10 команда тартысты.

Бас төреші Талғат Бижанов жарыстың өту барысын, шарттарын түсіндіріп, алдын-ала таратылған жеребе арқылы ойын ретін белгіледі. Тартысты өткен ойын барысында үздік ойын көрсетіп, «Үздік ойыншы» номинациясын Шелек ауылдық округінің ойыншысы Алмат Умбеталиев және «Үздік шабуылшы» номинациясын Малыбай ауылдық округінің ойыншысы Назымжан Бакиров иеленді. Жарыс нәтежесінде 3 орынға Қаражота ауылдық округі, 2 орынға Малыбай ауылдық округі, 1 орынға Есік қаласының волейбол командасы ие болды. Жеңімпаздарға арнайы дипломдар мен медальдар табыс етілді.

Өз тілшіміз.

Жалындаған жастығында тау қопарып, шаһар тұрғызбаса, білім алып, ілім жинамаса, желіп жүріп жер танымаса, ел қамын ойлап, мемлекетке пайдасын тигізбесе оның несі жастық?! Сондықтан да болар, халықта «Жастықта жиған білімің, қартыққа жұмсар мүлігің», «Парасат көрсең – қарттықтан, тамаша көрсең – жастықтан» дейтіні. Назым Хикмет Ран: «Жастық – арман. Бұл – сенім. Бұл – ерлікке құштарлық. Бұл – болашақ жөніндегі үлкен-үлкен жоспарлар. Бұл – болашақ атаулының бастауы» деп адамның қайталанбас керемет шағын жеткілікті сипаттап бергендей. Ендеше, бүкіл халық сенім артып отырған «арыстандай айбатты, жолбарыстай қайратты, қырандай күшті қанатты» жастарымыздың қарқыны қандай? Аудан арманшылдарының алға қойған мақсаттары мен бағдары айқын ба?, – деген сұрақтармен аудандық жастар ресурстық орталығының жетекшісі Ілебаев Айбек Қасымханұлын сұхбатқа шақырған едік...

• Құрметті Айбек Қасымханұлы, жастар жылына байланысты Нұр-Сұлтан қаласында ұйымдастырылған «Тәуелсіздік ұрпақтары» атты салтанатты шарада Нұрсұлтан Назарбаев жас мамандар мен отбасыларды қолдауға қатысты бірқатар тапсырмаларды жүктеген еді. Соның алғашқысы – жастарға арналған баспана. «Халық саны миллионнан асқан ірі қалаларда жылына 1 мыңнан кем емес пәтер жұмыс істейтін жастар үшін салатын боламыз» деген еді Елбасы үкіметке берген тапсырмасында. Бұл тапсырма біздің ауданда қалай жүзеге асуда?
• Аталмыш бағдарлама аясында ауданымызда жастарға бағытталған, соның ішінде жас мамандарға қарастырылған тиімді бағдарламалар жүзеге асырылуда. Үстіміздегі жылы ата-анасының қамқорлығынсыз қалған 15 жасқа пәтер кілті табысталды. Сонымен қатар жылдың аяғына дейін тағы бірқатар категориядағы жастарға пәтер кілтін табыстау жоспарланып отыр. Қазіргі білім мен ғылым дамыған заманда жастарымыз «алма піс, аузыма түс» деп, қол қусырып отырмауы керек. Көмек жоқ емес, бар. Мемлекет тарапынан көрсетіліп отырған бағдарламаларды қамти отырып, өзіне жеке баспана алуға да мүмкіндіктерінің көп екендігін атап өткім келеді. Қазіргі уақытта жастар саясаты орталығы да аталмыш бағдарламаларды жастар арасында кеңінен насихаттауға ат салысуда.
• Сонымен қатар, Елбасы «Атамекен» ұлттық кәсіпкерлер палатасының тәжірибесі туралы айтып, «Жас кәсіпкер» бағдарламасын әзірлеуді тапсырған. Бұл турасында: «Шағын несие берудің және оқыту ісінің оң тәжірибесі негізінде барлық өңірде «Жас кәсіпкер» бағдарламасын әзірлеу қажет. Жоба аясында жыл сайын білім алатын жұмыссыз жастар мен өзін-өзі жұмыспен қамтығандар санын 100 мыңға дейін жеткізген жөн» деген еді. Сондай-ақ, Елбасы Үкіметке «Бизнес-2020» жол картасы аясында жас кәсіпкерлер үшін грант бойынша бөлінетін қаражат көлемін екі есеге арттыруды жүктеген. Ауданымыздағы жас кәсіпкерлер Елбасы берген тапсырмалардың игілігін көріп жатыр ма?
• Дұрыс айтасыз. «Жас кәсіпкер» бағдарламасы бойынша «Атамекен» кәсіпкерлік палатасы мен жастар орталығы бірлесе үгіт-насихат жұмыстары жүргізілуде. Бағдарламаға 18-29 жас аралығындағы кез-келген азамат қатысып, 3 апта көлемінде арнайы оқытуға жіберіледі. 19 000 теңге көлемінде степендия ала отырып оқыған жастар 505 000 теңге көлемінде грантқа ие болуына мүмкіндіктері жоғары. Үстіміздегі жылы аталған бағдарлама бойынша 110  жас оқытылды. Осымен қатар, кәсібін бастаған жастарға да көмек көрсетіліп, тиімді жақтары бойынша басқа да мемлекеттік бағдарламаларға ие болуына ақыл-кеңес берілуде.
• «Ауыл – ел бесігі» жобасы аясында инфрақұрылымды дамытып, жергілікті жерлердің кадрлық әлеуетін күшейту маңызды. Осы орайда Елбасы Н.Назарбаев «Дипломмен ауылға» бағдарламасына енгізілетін мамандықтардың тізімін кеңейтуді ұсынған болатын. Оған қоса, көшіп барғаны үшін төленетін жәрдемақы мөлшерін 70-тен 100 айлық есептік көрсеткішке арттыруды жөн санаған. Бүгінде қанша жоғары білімді жастарымыз осы бағдарламамен ауылға ат басын тіреді?
• «Дипломмен ауылға» бағдарламасының жоғарғы оқу орнын бітіріп, енді жұмысқа кіріскен жастарымызға тигізер септігі үлкен. Аталмыш бағдарлама бойынша биылғы жылғы жоспарда 105 жасты «Дипломмен ауылға» аттандыру жоспарлануда. Олардың 40-ы баспана алуға, қалған 65-і көтерме жәрдемақыға мүдделі. Бірінші жарты жылдық бойынша 30 жас баспана алуға қаржылай көмек алса, қалған 50 жас көтерме жәрдемақыға ие болып үлгерді. Бағдарлама аясында жастарымыз көбіне білім беру, мәдениет, денсаулық сақтау салалары бойынша қызмет көрсетуде. Жылдың аяғына дейін жоспармен толық қамту қарастырылған. Былтырғы жылмен салыстырғанда ауылға келген жастар саны анағұрлым көбірек.
• Жас маман – мемлекеттің маңызды бөлшегі екені рас. Елбасының да жас мамандарға артып отырған сенімі мол. Тіпті, ең сұранысқа ие индустриалдық әрі сервистік 100 кәсіп бойынша жетілдірілген 200 оқу орны базасында мамандар даярланатынын айтқан еді Нұрсұлтан Назарбаев. Біздің аудандағы жас мамандардың қарқыны қандай?
• «Жастар – еліміздің болашағы» деп Елбасымыз айтпақшы, жастардың толық маман иесі болуып, еліміздің әлеуметтік-экономикалық дамуына үлестерін қосатынына сенім мол. Байқасаңыздар, ауданымызда да әр салада қызмет атқаратын жастардың саны жыл санап өсуде. Онымен қоса, жұмыспен қамту орталығы арқылы жастарды қайта даярлау курстарынан өткізу жоғарғы деңгейде жүзеге асырылуда. Техникалық және кәсіптік біліммен және қысқа мерзімді кәсіптік оқумен қамтамасыз етуге еңбек нарығының сұранысын есепке ала отырып, ағымдағы жылы ТжКБ-ның (техникалық және кәсіби білім) оқу бағдарламасы даярланған. Әсіресе, кадр мамандарын дайындауға 150 азамат оқыту жоспарлануда. Тамыз айында тізімдері жасалып, қыркүйек айында оқуға жолдама беріледі.  Жыл басынан 430 азаматты қысқа мерзімді қайта даярлауға жіберу жоспарланып, бүгінгі күні 394 азаматқа оқуға жолдама берілді. Аталған кадрлар болашақта ауданымыздың түрлі саласында қызмет етіп, болашақтың қалыбын бірге қалайтынымызға еш күмәнім жоқ.
• Патриот жастар – елінің ертеңі. Туған жеріне деген сүйіспеншілігі – оқуға, білімге, ілімге деген ұмтылыстарымен, жеткен жетістіктерімен көрініс табатынын біледі жиырма бірінші ғасырдың жалынды жастары. Соған байланысты әрекет етеді. Оның үстіне, елбасының қолдауы бізбен бірге. Атап айтсақ, «Жас сарбаз» бастамасының үлгісімен еліміздегі волонтерлерді, әсіресе, әлеуметтік жобалар саласындағы еріктілерді біріктіру қажеттілігі айтылған еді. Ауданда бұл жоба қаншалықты деңгейде орындалуда? Еріктілермен атқарылған жұмыстар еңселі ме?
• «Жас сарбаз» бастамасы ауданда толық қолға алынып, ауқымды жұмыстар атқарылуда. «Жас сарбаздың» ауданда арнайы штабы құрылып, түрлі нұсқаулықтар бойынша шаралар ұйымдастырылуда. Сонымен қатар, ауданымыздағы 73 мектепте «Жас сарбаз» бөлімдері құрылып, ерік білдірген жастарды тіркеген болатынбыз. Ауданымызда еріктілер тобы қарқынды дамуда биылғы жылы. «Жақсылықта жарысайық» және «Иманды жастар» атты екі еріктілер тобы бүгінгі күнде жастар орталығымен қоян-қолтық еңбек етіп, көз қуантарлық нәтижелерге қол жеткізіп жүрміз. Атап айтар болсақ, 30 көп балалы және жағдайы нашар отбасыларға апталық азық түлік, мектепке қажетті құрал-жабдықпен қамтамасыз ету, арнайы лагерьлерде спорттық бағытта іс-шара өткізу – барлығы осы ерікті жастардың бастамасымен қолға алынған. Күні кеше осы жастармен бірлесе қаржы жинап, ауданымызда ДЦП ауруымен ауыратын жас бүлдіршінімізге 200 мың теңгеге арнайы арба алдырдық Ресей мемлекетінен. Алдағы уақытта да атқарар жұмыстарымыз көп болмақ. Бір қуантарлығы жақсылық жасауға құштар, жүректеріне мейірім ұялаған жастарымыз орталыққа өз еріктерімен көптеп келуде.
• «Жастар туризмі халқымыздың бірлігін сақтап, төл мәдениетімізді дамыту мәселелерін қамтиды. Сондай-ақ, ішкі өңірлік байланыстарды нығайтуға, халықаралық серіктестікті кеңейтуге септігін тигізеді. Инфрақұрылымды жетілдіріп, жастардың туристік клубтарын жаңғырту керек» – деп нақтылаған еді Елбасы. Жалпы, біздің аудан – туризмді дамыту үшін ең қолайлы аймақ болып табылатыны белгілі. Оны дамыту мақсатында жастар тарапынан қандай шаралар ұйымдастырылуда?
• Иә, туризм саласы бүгінгі таңда қарқынды дамуда. Біздегі кенжелеп тұрған бағыт дегенмен, жастар өз тараптарынан қол қусырып отырған жоқ. Алматы облыстық туризм және ақпараттық қызмет көрсету орталығы және жастардың  ұйымдастыруымен ағымдағы жылдың  28-30 маусым аралығында Малыбай ауылының маңындағы Шелек өзенінде рафтингтен Қазақстан Кубогінің бірінші кезеңі ‹‹Chilik Sprint Race-2019›› өтті. Бұл – ауданымызда экстрималды туризмді дамытуға болатынын көрсетті. Аудандық кәсіпкерлік бөлімімен бірлесе  Жастардың туризм саласы бойынша біліктілігін арттыруы бойынша әр түрлі курстарға қатысуына жол ашылуда. Сонымен қатар, облыстық «Жасыл ел» штабымен бірлесе аудан жастары былтырғы жылдан Есік көлінің тазалық жұмыстарын жүргізуді дәстүрлі түрде қолға алған. Шараның негізгі мақсаты – табиғат тазалығын сақтау болса, екіншіден аудан табиғатының сұлулығын облыс тұрғындарына кеңінен насихаттау, келетін туристер санын көбейту. «Есік» өлкетану тарихи музейлеріне, ауданның көрікті жерлеріне туристік паходтар жасау сынды өзге де шаралар топтамасы жылдық жоспарда толық қарастырылған.
• Әңгімеңізге рахмет! Алдағы істеріңізге сәттілік!

Сұхбаттасқан  Алмагүл НҰҒМАН.

Начало купального сезона в текущем году, показало печальную для Жетысусцев статистику. По состоянию на 25 июля, в водоемах области утонули 25 человек, 10 из них – дети, - сообщает служба коммуникаций Алматинской области.  

О причинах ЧП, а также о мерах безопасности на воде и о соблюдении правил пожарной безопасности в пожароопасный период и при уборке урожая, на площадке региональной службы коммуникаций рассказали представители ДЧС Алматинской области.

По словам спикеров, причиной трагедий, является ненадлежащий контроль родителей и купание в неположенных местах. Они также озвучили что больше всего люди тонут в Капчагайском водохранилище. Все это несмотря на то, что есть специально оборудованные пляжи, люди зачастую купаются на стихийных или так называемых диких пляжах. 

 «Вопреки проводимой работе, буквально недавно, в вечернее время, на Капшагайском водохранилище погибли два человека 1997 и 2000 года рождения. В Илийском районе на одном из необорудованных мест для купания погиб ребенок 10-12 лет. Дети находились без присмотра взрослых. В связи с этим хотелось бы до наших граждан донести основные требования по безопасному проведению их отдыха у воды: ни в коем случае нельзя купаться в необорудованных местах», - говорит начальник отдела ДЧС Алматинской области Игорь Жуков.

Хотя купальный сезон стартовал давно, Департамент чрезвычайных ситуаций Алматинской области все же проводит массовые рейды и комплекс практических и профилактических мероприятия, в целях предупреждения гибели людей на воде и возгорания сухостоев. Сотрудники Службы спасения проводят регулярные рейды по профилактике безопасности на воде на Алаколе, Балхаше и Капшагае. Раздают памятки и учат элементарным правилам оказания первой медицинской помощи при утоплении.

«Причинами чрезвычайных ситуаций на воде является неорганизованный отдых граждан на неконтролируемых спасателями водоемах, незнание или несоблюдение правил безопасности на воде, не выполнение владельцами частных зон отдыха требований безопасности на воде, неумение плавать, переоценка сил при плавании и оставление детей у воды без должного присмотра взрослых. Однако стараниями наших коллег, из водоемов региона, личным составом спасательных подразделений было спасено 46 человек», - говорит руководитель Оперативно-спасательного отряда Сайлаубек Чарапиев.

Рассказали спикеры и о количестве возгорания сухой травы за этот сезон.

- «С начала пожароопасного периода 2019 года в связи с устоявшейся жаркой погодой на территории области зарегистрировано 10 лесных и 2 степных пожара, произошло более 600 загораний, из которых вне территории населенных пунктов 291 загорание на площади более 300 Га, зерновых культур- 2 случая, на общей площади 6 Га. Просим граждан беречь нашу природу от пожаров» - отметил начальник Управления снижения рисков бедствий и контроля в области гражданской защиты Константин Канин.