Сейсенбі, 05 Сәуір 2022 10:34

Дарын дарындылығын дәлелдеді

«Жер – ырыстың кіндігі, білім – ырыстың тізгіні» демекші, оқып, оны көңілге тоқыған адам қашанда ырыстың тізгінін ұстайтыны анық. Өйткені ілім – жанып тұрған шырақ, оқығанның көзі жарық, мақсаты айқын. Сол себепті, құр тіліңмен жүгінгенше, біліміңмен жүгінсең, мұратыңа жетесің. Қазіргі технологиясы озған заманда, ғылыммен жақын болған жанның арманына қолы жететіні мәлім. Сондықтан да білгеніңе емес, біліміңе сенетін заман бұл.

«Мың малың болғанша, бір балаң ғалым болсын» дегендей марқұм Сайын атасының, мұғалім апасының тәрбиесін алып өскен Дарын Серікұлы 2010 жылы Еңбекшіқазақ ауданы Шелек ауылындағы Құсайын Бижанов атындағы мектепті үздік бітірген соң, Әл-Фараби атындағы ҚазМУ-нің техникалық физика факультетін оқып бітіреді. Одан соң Алматы қаласындағы №160 мектепте жұмыс істей жүріп, Абай атындағы ҚазҰПУ-нің физика-математика факультетіне оқуға түсіп, оны да ойдағыдай аяқтап шығады. Содан кейін физика мамандығы бойынша магистратурада оқи жүріп, О.Жандосов атындағы №105 гимназияда шәкірттерге дәріс бере жүріп, магистратураны тамамдайды.

Дарын Сайынов қайда оқып, қайда жұмыс істесін, жүрген жерінде белсенділігімен көзге түседі. Ол конференцияларға, семинарларға, конкурстарға, тағы басқа да игі шараларға қатысып, алдыңғы саптан көріне білді. «Оқу – білім азығы, білім – ырыс қазығы» екенін дәлелдеген Дарын дарындылығымен жеңімпаз атанып жүрді. Көптеген конкурстардың ішінде жас мамандар арасында өткен конкурста ол топтан оза шауып, жеке дара шықты. Одан кейін Алматы қалалық басқармасы ұйымдастырған қазақ жастары арасында орыс тілінде өткен конкурста да бірінші орынды иеленіп, Алматы қаласы әкімінің орынбасарының қолынан ноутбук сыйға алды.

«Білім басы – бейнет, соңы – зейнет, оқығанды айтпа, тоқығаңды айт» деген сөз бар. Бұдан кейін де Дарын Серікұлы талай конкурс, бәйгелердің жеңімпазы атанды. Мысалы, 105 гимназия командасының бір мүшесі болып қатысқан ол экологиялық конкурста Shell компаниясының интерактив тақтасын сыйға алды. «Жердің сәні – егін, ердің сәні – білім» екенін тағы да дәлелдеген Дарын өткен жылдың басында Алматы қалалық әкімдігі ұйымдастырған «2021 жылдың үздік мұғалімі» конкурсына гимназия атынан қатысқан топта өз пәні бойынша тесттен жоғары балл жинап, ашық сабақ өткізді және гимназия жетістіктері бойынша озық тәжірибелерімен бөлісті. Бұл конкурстың нәтижесі осы жылдың қараша айында шыққан-ды. Бірнеше турнирлер қорытындысы бойынша Дарын дарындылығын және бір дәлелдеп, жеңімпаз атанғаны үшін Алматы қаласының әкімі Б.Сағынтаевтың қолынан автокөліктің кілтін сыйға алған болатын.

Білімді есіктен тесікке дейін іздене білгенге ғана дүние жарық болары сөзсіз. Қазір көптеген білім объектілерінде модернизация – жаңару, жаңғыру шаралары өтуде. Сондай бір игі шара Алматы қаласындағы оқушылар сарайында да өтіп, онда да ол біліктілік танытты. Биыл 21 наурызда Қазақстан Республикасы Президентінің сарайында жаңа лабораториялық оқу кабинеттерінің ашылу салтанаты өтті. Осы игі бас қосуда арнайы жабдықталған студияның бірінде жазуға арналған студия және онлайн трансляция оқуын Дарын Серікұлы өткізді. «Өмір – үлкен мектеп» деген осы. Оқығаннан көкейіне тоқығаны көп, алтын алмай, білім алып жүрген алғыр жас маман интерактивті тақтамен 3D графикалық моделі бойынша жұмыс жүргізу мүмкіндігін көрсетті. Осы салтанатты жиынға арнайы келген Президентіміз Қ.Тоқаев пен Қазақстан Республикасы білім және ғылым министрі А.Аймағамбетов те Дарынның білгірлігіне көңілдері толып, ризашылықтарын білдірді.

           

«Жеті жұрттың тілін біл, жеті түрлі білім біл» демекші Дарын университетте оқып жүргенде-ақ студенттерге арналған АҚШ-тағы «Work and Travel» ағылшын тілін оқып үйрену бағдарламасына да қатысты. Осы бағдарлама аясында үш ай АҚШ-та тіл үйрену құзіретін арттырды. Ғылыми ізденіспен де айналысып, мақалалары «Молодой ученый» және «Столица науки» журналдарында жарық көрді. Педагогикалық ғылым магистрі Дарын – педагогтардың мамандығын жетілдіру бойынша әртүрлі бағдарламалардың да тренері. Біз жерлесіміз Дарын Серікұлының осындай білім шыңына шыққан жетістігін мақтан етеміз.

 Анарбек Бердібаев.

Оқылды 615 рет
Осы категориядағы басқа материалдар: « Жаңа төраға сайланды ПРЕСС-РЕЛИЗ »

Соңғы жаңалықтар

Нау 29, 2024

Көктерек қашан «ауыл» болады?

Атырау қаласында өткен Ұлттық құрылтайдың үшінші отырысында Мемлекет басшысы Қасым-Жомарт…
Нау 29, 2024

Аудан әкімі тағайындалды

Кеше аудандық мәслихаттың кезектен тыс ХІХ сессиясында аудан әкімі лауазымынаТалғат…
Нау 29, 2024

Межелер пысықталып, жоспарлар…

Еңбекшіқазақ аудандық мәслихатындағы «AMANAT» партиясы депутаттық фракциясының отырысы…
Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет