Дүйсенбі, 15 Ақпан 2021 11:29

Бала тәрбиесі құрсақтан

Бала тәрбиесі құрсақтан Сурет интернеттен алынды

Әлемде анасын сүймейтін, қастерлемейтін халық жоқ. Қазақ үшін бір Құдайдан кейінгі бар құрметке лайық жан – Ана екені даусыз. Баланы дүниеге әкеліп тәрбиелеп, азамат ету – ата-анаға ортақ парыз. Дегенмен, тар құрсағын кеңейтіп, тас емшегін жібітіп, тоғыз ай, тоғыз күн көтерген перзенті үшін ең негізгі ана тәлімінің орнын ешкім баса алмайды.

Бала тәрбиесі ана құрсағында жатқан сәттен басталатынын медицина баяғыда-ақ дәлелдеген. Атам қазақ та мұны тым ертеден ескерген. Сөйтіп, ананың қабағына кірбің түсірмеуді ойлаған. Өйткені ана қуанса – іштегі бала да қуанып, қайғырса – бірге қайғырады деп білген.

Кез келген адамның әдебі мен жан дүниесінің сұлулығы балаға ең әуелі анадан даритынын ұғынған атам қазақ жүкті келінінің жүріс-тұрысына, көңіл-күйі мен тамақтануына және демалысына аса мән берген. Сонымен қатар ана бойындағы мінез-құлқы мен денсаулығындағы ақаулар құрсақтағы балаға берілмесі үшін жаман әдеттерден арылуға, таза жүруге үндеген. Бұған жүкті әйелдің кештетіп суға бармауын, жануарларға зілденіп аяғын көтермеуін, орамалсыз жүрмеуін ескерткен көптеген тыйым сөздер мысал. Ал мұның астарында ұлттың ертеңі, дәстүрлі тәрбие мәйегі жатқанын бүгінде біріміз ескерсек, екіншіміз құлаққа да ілмейміз.

Қасиетті кітап Құран Кәрімде «Алла тағала барлық кемшіліктен пәк, таза болған соң құлдарынан да тазалықты талап етеді» деген жолдар бар. Ал хадисте: «Балаларыңды өздерің болмайтын уақыт үшін тәрбиелеңдер. Өйткені олар сендер болмайтын уақыт үшін жаратылған»,  – дейді. Бұл – біле-білгенге үлкен ғибрат.

Мамандар ана құрсағындағы бала төрт айында тәрбие күтетінін, анасы нені көп үйренсе,кейін баласы сол нәрсені тез игеріп алатынын айтады. Бұл – шындық. Осы орайда Америка ғалымдарының өткізген мына бір тәжірибесін айта кетуді жөн көрдік.

Бір күнде, бір уақытта туған үш неміс, үш ағылшын, үш орыстың баласын кіндігі кесіле салысымен  бір үйге апарады. Ең әуелі неміс тілінде «Өмірге қош келдіңдер, жолдарың сәтті болсын», – деп жақсы-жақсы сөздер айтады. Сонда ағылшын мен орыс балалары қыбырсыз жатыпты да, неміс сәбилер қозғалып, үн шығарған. Ал осы сөздерді ағылшын тілінде айтқанда, неміс пен орыс ұлтының нәрестелері қозғалмай, ағылшын шараналар қимылдапты. Орысша айтқанда дәл солай болған. Бұл тәжірибе нәтижесі бала ана тілін ана құрсағында жатқанда-ақ білетінін көрсетпей ме?!

Медицина құрсақтағы балаға сыртқы дыбыстың сан алуан әсері барын, яғни құрсаққа жаңа біткен шарананың кейін қандай мінезді пенде болып дүние есігін ашарына сыртқы ортадағы әуездің маңызын әлдеқашан дәлелдеп қойған. Қазақ аттың жалы, түйенің қомында көшіп жүріп ән айтқан, күмбірлете күй тартқан. Сәби іңгәлап өмірге келген күнді шілдеханамен қарсы алып, тербелген бесікке бөлеген. Сөйтіп, ырғақты тербелісті бұзбай, құрсақтағы көмескі үнді ананың бесік жырына ұластырған.

Ананың сәбиіне деген ерекше мейіріммен айтылған әуезді жыр баланың бойына ұлттық сана-сезімді, бабаларына тән өр мінезді дарытады. Сондықтан сәби үшін бесіктің де, бесік жырының да маңызы мол. Ол – құрсақтағы тәрбиенің табиғи жалғасы.

Құралай МҰРАТҚЫЗЫ

 

Оқылды 1940 рет
Осы категориядағы басқа материалдар: « Әке тәрбиесі ТӘРБИЕНІҢ ТЕМІРҚАЗЫҒЫ ҚАЗАҚ ОТБАСЫНДА »

Соңғы жаңалықтар

Сәу 14, 2021

COVID-19: Аудандағы ахуал

Бір аптада (07.04 – 14.04.2021 аралығында) Еңбекшіқазақ ауданында ПТР сынама арқылы 209…
Сәу 14, 2021

Covid-19: ВАКЦИНАЦИЯ ҚАЛАЙ ЖҮРІП…

Коронавирусқа қарсы іс-қимыл жөніндегі кеңесте Президент Қ.Тоқаев вакцинация басталғалы…
Сәу 13, 2021

Сейфолла Рыстанұлы: Қазақтың…

Қазақтың қазақ екенін танытатын бай тілі мен көнеден келе жатқан үлкен қазына –…
Сәу 13, 2021

Президент халықты Рамазан айының…

 Қазақстан Президенті Қасым-Жомарт Тоқаев Қазақстан халқын Рамазан айының басталуымен…
Сәу 13, 2021

«Қарапайым заттар экономикасы»…

2020 жылдан бастап Алматы облысында «Қарапайым заттар экономикасы» салаларын дамыту…
Сәу 13, 2021

Алматы облысында 32 мыңнан астам…

Коронавирус инфекциясына қарсы екпе салдыру әлі жалғасып жатыр. Бұқара басында…
Сәу 12, 2021

Халқымыздың құнды мұрасы

Хакім Абай: «Ойын ойнап, ән салмай, Өсер бала бола ма?» демекші, ойын – адамның өмірге…
Сәу 09, 2021

Рамазан кестесі 2021 жыл…

Ораза ниеті: Алла Тағаланың разылығы үшін таң атқаннан күн батқанға дейін рамазан айының…
Сәу 09, 2021

Ораза иманнан туындайды

Рамазан – ерекше ай. Рамазан – мейірімділіктің, қайырымдылықтың, сабырлықтың,…

Күнтiзбе

« Сәуір 2021 »
Дс Сс Ср Бс Жм Сб. Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет