Елбасы Н.Ә.Назарбаевтың «Пре-зиденттің бес әлеуметтік бастамасы» атты халыққа үндеуі елдің игілігіне арналған бағдарламалар. Үндеуде айтылған ұсыныстардың бәрінің өз есеп-қисабы, болашағы бар. Әрбір қазақстандықтың әлеу-меттік әл-ауқатын жақсарту жолында жасалған бастамалар халықтың қолдауына ие болды.

Қазір ұлттық бірыңғай тестілеуден қажетті балл жинай алмай қалған мектеп бітірушілердің ЖОО-на түсе алмай қалатыны бар. Өздеріңізге де мәлім қазір ақылы бөлім бағасы аспандап тұр. Сол себепті олар ата-анасының қалтасына салмақ түсіріп, ақылы бөлімде оқығылары келмей, уақыттарын босқа өткізіп жатады. Сондай жастарды көрген кезде қынжылатыным бар.

Елбасының «Президенттің бес әлеуметтік бастамасы» үндеуінің «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» туралы үшінші бастамасы жарияланған кезде биылғы түлектер мен жоғарыда айтылған жастардың қуанышында шек болмағаны айдан анық. Себебі, олар болашақ студент болғандықтан, сапалы әрі қолжетімді білім көзін іздейді.

Бүгінде 18 миллион қазақстандықтың 530 мыңнан астамы студенттер қауымы. Олардың 30 пайызға жуығы мемлекеттік грантта, ал қалған 70 пайызы ақылы білім алуда. Грант иегерлерінің ай сайын алатын 15 мың теңгеден астам шәкіртақының өзі кейде жетпей жататыны тағы бар. Ал ақылы оқитын студенттердің оқу ақысынан бөлек жатақханасына, ішер асы мен жүріп-тұруының өзіне де қомақты қаржы керек. Мұның бәрі ата-аналардың қалтасына түсетін зор салмақ.

Бүгінде әлеуметтік жаңғыру жолында жасалған ауқымды жаңа жобада жыл сайын бөлінетін 54 мың грантқа 2018-2019 оқу жылында тағы 20 мың грант қосылатындығы айтылған. Олардың 11 мыңы техникалық мамандықтар бойын-ша бакалаврлық білім беруге тиесілі екен. Бұл болашақта зор сұранысқа ие болатын сан мың техникалық маман даярлауға мүмкіндік береді. Сондай-ақ ақпараттық технология, робот техникасы, инженерлер мен нанотехнология мамандарының көбеюі, ел экономикасының көтерілуіне зор септігін тигізеді. Бастамада қолжетімді білімнен бөлек 2022 жылдың соңына дейін студенттерге арнап 75 мың орындық жаңа жатақхана салу тапсырылған. Бұл жоба болашақта жатақхана тапшылығының біржола шешілуіне жол ашады.

Аталған шаралар әлемдік трендті қалыптастырып, орта мектеп түлектерін жоғары біліммен неғұрлым көбірек қамтуға мүмкіндік береді.

Зина ЕРЛЕНОВА,

орта мектеп түлегі.

– Большим подспорьем в улучшении благосостояния наших граждан являются пять социальных инициатив, обозначенных в Обращении Главы государства Нурсултана Назарбаева к народу Казахстана. Особенное значение для развития массового предпринимательства среди самозанятого и безработного населения имеет четвертая инициатива Президента РК «Расширение микрокредитования». Данная инициатива имеет ключевую роль для эффективной реализации Программы развития продуктивной занятости и массового предпринимательства на 2017-2021 годы «Енбек». В Енбекшиказахском районе в 2017 году через районный Центр занятости по данной программе микрокредиты на расширение и открытие собственного дела получили 76 человек на сумму свыше 294 млн тенге.

В числе получателей микрокредитов также были граждане, прошедшие обучение по проекту «Бастау бизнес», которое ведет Национальная палата предпринимателей «Атамекен». Заявки на обучение в 2017 году подали 226 человек, из которых получили сертификаты об окончании курса 186 человек. Но микрокредиты были выданы только 40 начинающим предпринимателям. Ожидают кредитования еще 146 человек.

По плану Центра занятости, общее число граждан, прошедших обучение по проекту «Бастау бизнес» и претендующих на получение микрокредитов, в 2018 году достигнет 328 человек. Мы уже подали заявку на увеличение объема кредитов, выделяемых через АО «Фонд финансовой поддержки сельского хозяйства», ТОО КТ «Енбекшi несие», ТОО КТ «Ырыс» для участников проекта «Бастау бизнес».

Инициатива нашего Президента по развитию микрокредитования даст возможность значительно расширить предпринимательство в сельской местности, позволит сельчанам через «Фонд поддержки сельского хозяйства» закупить скот, создавать мини-фермы, получать стабильный доход. Увеличение микрокредитования только в нашем районе уже в ближайшее время позволит сотням наших жителей прочно встать на ноги, наладить свой бизнес и самим создавать рабочие места, обеспечивая занятость земляков.

Самат БУЯНБАЕВ,

руководитель Центра

занятости.

Күннің күрт жылынуына байланысты 25 ақпан және наурыз айының 2 күндері Тескенсу ауылында төтенше жағдай орын алды. Қатты жауған нөсер жауынға еріген қар суы қосылып, ол үлкен өзенге айналған. Су тасқынының арнасын елді-мекендерден басқа жаққа бұрып жіберу үшін түнімен жұмыс жүргізілді.

Жер қыртысының тоңдануынан (тоң қалыңдығы 60 см) еріген тау қарының және жауын-шашын сулары Киікбай, Үйеңкі, Шолақ шатқалынан және Қаратұрық, Ащысай ауылдарынан аққан су Қорам каналының арнасына сыймай үш жерден бұзып, қауіп төндірді.

Төтенше жағдай орын алу салдарынан Тескенсу ауылының Керейбаев, Салимов, Жамбол, Төрткөл, Сейсембаев, Розыбакиев және Абай көшелерін су басты. Бастапқы күні 28 үй су құрсауында қалса кейіннен анықталғандай 44 үйге жеткен. Сонымен қатар, ауыл тұрғындарына үйлерді аралап эвакуация кезінде алдын алу шараларын қабылдаудың қажеттілігі туралы ескертілді. Аппаттық-құтқару жұмыстарына ауыл тұрғындарынан 150-200 адам атсалысып, канал ернеулерін дамбылауға 1000-қаптан аса құм төселді. Тасқын судың келтірген залалдарын жоюға 2 су сорғыш мотопомпасы, 2 экскаватор техникасы жұмылдырылып, жаңа арна қазылып, оның жағалауы құм толтырылған қапшықтармен бекітілді. Қазіргі таңда ауыл ортасымен өтетін өзек сай сағасында орналасқан 7 үйді су басқан. 7 отбасы қауіпсіз жерлерге, туыстарының үйлеріне көшірілді.

25 ақпаннан бастап өңірде 3 рет болған тасқынға қарсы штаб құрылып, жалпы алғанда төтенше жағдайлардың зардаптарын жоюға аудан әкімінің бірінші орынбасары Н.Құдайбергенов, бөлім басшылары Ә.Смағұлов, Д.Мәлібеков, Б.Искаков, Д.А. Қонаев атындағы ҮАК Таусүгір бөлімшесінің басшысы Б.Әбілдаев келіп тиісті шаралар қолдана отырып, қауіп-қатердің қайталанбау шараларын қарастырды. Д.А.Қонаев атындағы ҮАК қызметкерлері жақын күндері бұзылған 3 көшенің бойына көпір салатын болды.

Алайда, сел қаупі сейілгенімен алдағы уақытта құтқару қызметін-дегілер үшін табиғи және техногендік апаттардың алдын алу жұмыстары жыл он екі айға жалғаса береді.

С.Бектеген,

"Нұр Отан" партиясы

"Тескенсу" БПҰ хатшысы.

Күні кеше аудан әкімі Бинәлі Ысқақ өз ортасынан озық шыққан, әр салада табысты еңбек етіп жүрген үздік жас аруларымызбен кездесіп, мерекелерімен құттықтады. Аудан бойынша 30-дан астам нәзік жанды сұлуларымыздың басын қосқан дөңгелек үстел еркін форматта өтті. Оған аудандық мәслихат хатшысы Бекет Ахметов, аудан әкімінің орынбасары Айбек Бидаев қатысып отырды.

Алғаш сөз алған аудан басшысы Бинәлі Әбдіқапасұлы ауданның өсіп-өркендеуі жолында қыз-келіншектердің ерен еңбегі бар екенін атады:

– Құрметті қыр гүліндей құлпырған қарындастарым, Сіздердің аудан дамуына қосып отырған үлестеріңіз орасан. Айталық, аудандағы 86 мектептің 80 пайызын әйелдер басқарып отыр. 7000-нан астам ұстаздар болса, оның 4000-ға жуығы нәзік аруларымыз. Сонымен қатар 87 медициналық орталықтарымыздың 27-сінің тізгінін де әйел азаматтар ұстап отыр. Бұл дегеніміз, республика бойынша ең үлкен салалар санатындағы білім мен денсаулықтың ауыр жүгін өздеріңіз арқалап жүргенді байқатып отыр. Басқа салаларда да Сіздердің табысты еңбектеріңіз бар, – деді.

Ашық әңгіме барысында аруларымыз да алғыстарын жеткізді. Жүйелі жоспар нәтижесінде аудан жастарына көрсетіліп жатқан риясыз қамқорлықты да айтты. Қорытындысында, барша дөңгелек үстелге қатысушылар аудан әкімінің Алғыс хаттарымен марапатталып, қошеметке бөленді. Дөңгелек үстелді қорытындылаған Бинәлі Әбдіқапасұлы:

– Кезінде «Қазақстанның Швейцариясы» деген зор кұрметке ие болған Еңбекшіқазақ ауданы бүгін де сол биігінен түскен емес. Шыбық тіксең, тал болған топырағы құнарлы, табиғаты көркем ауданымызбен мақтануымыз тиіс. Етегінде Алтын адам табылса, төрінде не жатқаны бір Аллаға ғана аян. Сондықтан оның құпиясын ашу, ауданның өркендеуі жолында үздіксіз еңбек ету – Сіздердің құзырларыңызда. Осы жолда Сіз біз боп ынтымақтаса жұмыс істеуге шақырамын! – деді.

Мерекелік шара «Алатау Холл» мейрамханасында ақ жаулықты аналарымызға құрмет көрсетумен жалғасты. Толығырақ 3-бетте.

Қайнар ЖҰМАҒОЖА.

Жадырап жайнаған гүл көктемнің сұлу мерекесі қарсаңында аудан әкімі Бинәлі Ысқақ ауданымыздағы қыз-келіншектер мен ақ жаулықты аналарымызды «Алатау-Холл»

мейрамханасында

ақ дастархан басында құттықтады.

Жыл сайын дәстүрге айналған шараға мәслихат хатшысы Бекет Ахметов, әкім орынбасары Айбек Бидаев, облыстық мәслихат депутаты Жангелді Осан, кәсіподақ төрағасы Ильян Жәкеев қатысып, аруларға ақ тілектерін жеткізді.

Алғашқы болып сөз алған аудан әкімі бұл жолы барлық аналардың жүрегін тебірентті. Ізгі ниетін білдірген Бинәлі Әбдіқапасұлы:

– Ана – құдіретті күш, асыл жан. Оларға қандай жақсылық жасасақ та борышымызды өтей алмаймыз. Ақындардың ана жайлы өлеңін оқыған кезде мен де осы әдемі шумақтарды анама арнасам екен дейтінмін.

Шеше, сен бақыттысың жыламағын,

Жай түсіп жатқанда да құламадың.

Тәңіріңнен мен едім ғой сұрағаның,

Сондықтан жыламағын, жыламағын – деп, Мұқағали Мақатаевтың «Шеше, сен бақыттысың, жыламағын» атты өлеңін оқып, аналар қауымының шексіз ризашылығына бөленді. Анаға деген шексіз махаббатты бір өлеңге сыйғызған ақиық ақынның өлеңдеріне жүректері елжіреген көпшілік, еріксіз көздеріне жас алды. Бинәлі Әбдіқапасұлы шараға шақырылған әрбір анаға гүл шоқтары мен сыйлықтарын ұсынып, Алғыс хаттармен марапаттады.

Кейіннен, Бекет Ахметов, Ильян Жәкеев ақ тілектерін арнады. Жангелді Осан отбасының емес, елдің анасы атанып, көпке үлгі болып жүрген ақ жаулықтыларға қаржылай сыйлық жасап, ақ батасын алды.

Қуаныш Сарбасова, Көкен Өтегенова, Алмагүл Орынбетова, Күлжамал Табаева, Земфира Брушкевич сынды асыл жандар жиылғандардың атынан алғыстарын жеткізді.

С.НҰРАДИН

Ағымдағы жылдың алтыншы ақпаны күні аудан әкімінің жиын залында ҚР Президенті Нұрсұлтан Назарбаевтың «Президенттің бес әлеуметтік бастамасы» атты халыққа Үндеуін талқылау мақсатын-да жиын өтті. Жиын Алматы облысының орталығы Талдықорған қаласында өңір басшысы Амандық Баталовтың бастауымен аталған тақырыпта өткізілген облыс активінің видео-конференциясымен басталды. Облыс әкімі Елбасы үндеуі-нен туындап отырған бес бағыттағы әлеуметік бастамаларымен та-ныстыра отырып, бұл тұрғыдағы облыстық салалық басқармалар және аудандар, қалалар басшыларының міндеттерін анықтап берді.

Бұдан кейін актив жиынын жүргізіп отырған аудан мәслихатының хатшысы Бекет Ахметов ҚР Президенті Нұрсұлтан Назарбаевтың «Президенттің бес әлеуметтік бастамасы» атты халыққа Үндеуімен таныстырып, әр салада атқарылар жұмыстардың бағытын саралап, сараптау үшін сөзді аудан әкімі Бинәлі Ысқаққа ұсынды.

«Қытымыр қыстан қатты қысылмай шыққан тұрғындарымыз үшін наурыз айы Елбасымыз айтқандай Алғыс айту күнімен Наурыз мейрамына ұласады» – деп бас-тады сөзін әкім. – Ал сол көктем айының сегізінде ақ жаулықты аналардың, қыз-келіншектердің мейрамы бар.

ҚР Президенті үндеуінде ипотекалық несиенің бұрынғы 14-тен 16 пайызға дейінгі өсімі әр жылға 7 пайыздан аспайтынын, бастапқы жарнаның алдымен 30, кейін тіпті, 50 пайызға дейін банктер талап етсе, бұл «7-20-25» бағдарламасы бойынша жарна 20 пайыздан аспауы тиіс, ─ деп астын сызып тұрып атады Елбасымыз. Бұған қоса бұрынғы он-он бес жыл емес, 25 жылға дейін берілетіндіктен несиенің ай сайынғы төлемі де азаятыны анық.

Ал аудан орталығы мен Шелек ауылында ғана көп пәтерлі тұрғын үй құрылысын жоспарлап қоймай, әрбір ауылда баспана салу ісін дамыту қажет, ─ дейді әкім. Бұл жұмыста кеңес кезіндегі кеңшарларда қолданылған тұрғындарға үй салу тәжірибесін қолданған тиімді. Айталық, он екі пәтерлі үйлер де салынатын еді ғой.

Баспана мәселесін айта тұра әкім көппәтерлі үйлерді газдандыруды алғашқы кезекке қоюды тапсырды. Ал газдандыру еліміз бойынша 50 пайызға жеткенін хабарласа Елбасымыз,бұл көрсеткіш ауданымызда да осы деңгейге жақын.

Жалақысы төмен жұмысшылардың салық жүктемесі он есе азайтылып, бір пайызға дейін төмендетіледі де, осының есебінен еңбекақы да көтерілетін болады.

Жыл сайынғы жоғары білім алушыларға бөлінетін 54 мың грантқа қосымша 2018-2019 оқу жылында тағы 20 мың грант қосылатын болады. Төртінші өнеркәсіптік революцияның талабына сай техникалық мамандықтар бойынша грант саны көбейтіліп, 11 мыңға жеткізіледі.

Төртінші бастамасында Елбасы шағын несие беруді екі есеге дейін көтеру көзделгенін хабарлады Үндеуінде.

Аудан әкімі ҚР Президенті Н.Ә.Назарбаевтың бес әлеуметтік бастамасын түсіндіруге арналған баяндамасын Елбасының өз сөздерімен аяқтады:

«Өткенге қарап, ертеңіңді түзе» деген өсиет бар, себебі, өткеннің өнегесі – бүгінгі күннің баға жетпес байлығы.

Осыны жадында тұтып, тарихтан тағылым ала білген халқымыз Тәуелсіздік дәуірінде татулық пен бірліктің, тыныштық пен тұрақтылықтың арқасында талай табыстарға кенелуде.

Табысымызды еселеп, Тәуелсіздігімізді баянды ете түсу үшін бізге балталаса да бұзылмайтын берік ауызбіршілік керек.

Берекелі бірлігімізді көздің қарашығын-дай сақтай алсақ, мерекелі тірлігімізге төнетін қауіп жоқ.

Ел мен жердің иесі ретінде Қазақстан-дағы жақсы мен жаманның бәріне қазақ жауапты.

Осы ұлы жауапкершілікті сезініп, барша ұлыстардың ұйытқысы болып, өзгеге өнеге көрсете білейік.

Сонда ғана, халқымыздың атын иеленген қасиетті Қазақстанымыз көркейіп, дами береді.

Еліміздің көңілі жайлы, тұрмысы майлы болады.

Осыны үнемі есте тұтып, тың міндет-терді тындырымды жұмысқа ұластырайық!

Іскесәт!

Қ.Қасымұлы.

Воститатели и воспитанники детского сада «Шапағат» г.Есика провели утренник «Ер есімі – ел есінде» (Имя героя – в памяти народа»), на который были приглашены участники афганских событий и ликвидаторы аварии на Чернобыльской АЭС. Во главе с председателем общественного объединения ветеранов Афганистана «Кахарман» Амантаем Мамедовым на детский праздник пришли Берик Байсабаев, Полатбек Тектуров, Алжомарт Касымбеков, пресс-секретарь объединения Муталип Калиев. Почетных гостей приветствовала заведующая детсадом Кунсая Умарова. Она отметила, что общение с участниками войны в Афганистане и «чернобыльцами» дает возможность прикоснуться к подвигу земляков. Как сказала Кунсая Бекдиловна: «Наша святая обязанность – всегда помнить о защитниках Отечества, честно выполнивших гражданский долг и воинскую присягу». После исполнения государственного Гимна и подъема Флага РК участники праздника почтили минутой молчания память павших в Афганистане и ликвидаторов Чернобыльской аварии, не доживших до наших дней.

Встречи с героями-современниками учат нас пониманию, какой ценой достигается мир и безопасность, как важно бережно относиться к друг другу, защищать Родину и сохранять дружбу, спасать слабых, воспитывать детей в духе казахстанского патриотизма.

Воспитанники детсада порадовали ветеранов концертной программой. Блеснули талантом танцевальные группы «Ақбота», «Куншуак», «Қыздар», «Құлыншақ». Гости по достоинству оценили песни в исполнении Гульнар Базаубековой, Саят Нуршат, детского хора. В программе утренника был также просмотр слайдов, рассказывающих об аварии на ЧАЭС.

В ответном слове члены ОО «Кахарман» поблагодарили за сердечную встречу и памятные сувениры весь коллектив детсада, его руководителя Кунсаю Умарову, методиста Айкен Масимгазиеву, воспитателей Гульнар Базарбекову, Айжан Бопаеву, Асель Бердибек, Кымбат Дайыр, Айжан Бекпаеву.

За вклад с патриотическое воспитание подрастающего поколения ветераны Афганистана и Чернобыля от имени ОО «Кахарман» вручили заведующей Кунсае Умаровой медаль «Отан патриоты», а воспитателям – почетные грамоты.

Миталип КАЛИЕВ,

пресс-секретарь ОО «Кахарман».

Тәлімді тәрбие отбасынан басталса, дені сау ұрпақ – ұлт болашағы болмақ. Ата-ана шаңырақтың іргетасы. Сондықтан, бала өмірінде салауатты өмір салтын қалыптастыруда әке мен ананың рөлі орасан зор. Жақында Бәйтерек ауылындағы Әл-Фараби атындағы орта мектептің 2 сыныптары арасында «Толағай» отбасылар сайысы өткізілді.

Сайысы отбасылық тәрбие мен салауатты өмір салтын насихаттау мақсатында ұйымдастырылды. 6 кезең бойынша өткен сайысқа үш сыныптың белсенді, спортқа жақын ата-аналары және әр сыныптан төрт оқушыдан қатысты. Әр сыныптың өз аты, таңбасы, ұраны және бір түсті спорттық киімі болды. «Қыран» тобы көк түсті, сынып жетекшісі Қ.Мамбетова, «Сұңқар» тобы қызыл түсті, сынып жетекшісі М.Амиракынова, «Тұлпар» тобы ақ түсті, Б.Салимбаева. Оқушылар сайыстың әр кезеңіне белсене қатысты. Сыныптың басқа балалары жанкүйер болып, сыныптастарына қолдау көрсетті.

Сайысқа дене тәрбиесі пәнінің мұғалімдері Таттимбет Жарас пен Жанәбіл Мейірман да атсалысты. Әділқазылар алқасы – мектебіміздің тәрбие жұмысының меңгерушілері Г.Жанадилова, Г.Еламанова, дене тәрбиесі пәнінің мұғалімдері Е.Алешина, А.Ербол қатысушылардың еңбегін әділ бағалады. Сондай-ақ, музыкамен әрлеген педаго-гикалық ұйымдастырушы Рысгүл Нұрманованың да қосқан үлесі зор. Тартысты өткен сайыста 2 «Б» сыныбы – «Тұлпар» тобы жеңіске жетті. Барлық қатысушылар мақтау қағазымен марапатталды.

Бұлбұл САЛИМБАЕВА,

Әл-Фараби атындағы орта мектептің

бастауыш сынып мұғалімі.

Жыл сайын Алматы қаласында дәстүрлі өтетін футболдан турнирге биыл ауданымыздың намысын қорғап «Альтаир» командасы барған еді. Алматы облысынан және Алматы қаласынан жүзден жүйрік шыққан 12 команда ала доп бәсекесінде бағын сынады. Рафик Жаргиловтың шәкірттері айтулы додада дес бермей үздік үшінші орынды қанжығалап қайтты.

Ақтық сында былтырғы алматылық чемпиондар «Алматытелеком» құрамасымен шық-қан жерлестеріміз 3-1 есебімен жеңді.

– Еңбекшіқазақ аудандық мәслихатының депутаты, «Альтаир» ӨК басшысы Сейтхан Қырқынбаевқа команда атынан алғысымызды білдіреміз. Осы жолы да қолдау көрсетті. Үнемі командамызға демеу беріп жүретін шынайы спорт жанашырына рахметтен артық айтарымыз жоқ, – дейді «альтаирлықтар».

Айтып өтейік, осыдан екі ай алды ғана осы құрамада өнер көрсеткен жерлесіміз, есіктік Осман Юрданидзе Өзбекстан құрамасы сапына ауысып кеткен болатын.

Ала доп бәсекесінде жерлестерімізге тек сәт-тілік тілейміз.

Өз тілшіміз.

Ұғынғанға дерт көп, денсаулық біреу. Ал оның айнымас серігі – спорт. Аудан тұрғындары арасында салауатты өмір салтын насихаттау, спортшыларды қолдау мақсатында Астананың 20 жылдығы қарсаңында аудандық дене шынықтыру және сауықтыру кешенінде волейболдан аудан чемпионаты өтті. Ерлер арасындағы турнирге спорт жанашыры, аудандық мәслихат хатшысы Бекет Ахметов, аудандық мәслихат депутаты Сейітхан Қырқынбаев, спорт жанашыры Серік Нүсіпәлиев қатысып отырды. 9 команда бәсекеге түскен шара тартысты өтті.

Сонау 1985 жылдан бері әлемдік спорт тарихында ойып орын алған қалқып ұру бәсекесі ауданымызда да жыл санап қарышты даму жолында. Оған осы турнирде жоғары ойын үлгісін көрсеткен командаларымыз дәлел. Айталық, Қазақстан округінің құрамасы, қаракемеліктер және есіктік «Алиф» командалары. Ақтық сында қаракемерліктер мен есіктіктер жоғары ойын үлгісін көрсетті. Нәтижесінде, аз ғана басымдықпен «Алиф» суырылып алға шықты. Ал қаракемерліктер екінші орын алса, Қазақстан құрамасы Малыбайды 3:0 есебімен жеңіп, үздік үштіктің қатарын толтырды.

Жеңімпаздарды Бекет Төлегенұлы құттықтап, еңбек ардагері Аманбек Саматовпен бірге жүлделерін тапсырды.

Суретте: Б.Ахметов жүлдегер командалармен бірге.