ҚР Тұңғыш Президенті күні Ы.Алтынсарин атындағы орта мектебінің ұйымдастыруымен мектеп жанындағы шағын спорт алаңы  ашылды.

Алаңның ашылу салтанатына  жиналған ауыл тұрғындарын ауыл әкімі Айбол Темешев Президент күні мерекесімен құттықтағаннан кейін  ардагер ұстаз Сәбитов Исағұл  салтанатты түрде алаңның лентасын кесті. Қуаныштары қойнына сыймаған мектеп оқушылары екіге бөлініп шағын футбол жарысын бастап кетті. Ашылу салтанатына қатысқан ауылдың «Достар» командасының ойыншылары мектеп оқушыларын спортқа баулимыз деп уәделерін берді.

Қырбалтабай мәдениет үйінде жиын өткізіліп, мерекелік концерт берілді.

Динара ЕЛІКБАЕВА,

жастар ісі жөніндегі әдіскер-нұсқаушы.

Елбасы 2020 жылы бүлдіршіндерді  мектепке дейінгі білім беру мекемесімен қамту деңгейін 100 пайызға жеткізу қажетігін тапсырды. Осыған орай қазір мемлекет пен жекеменшік әріптестік аясында балабақшалар ашылуда. Яғни, кәсіпкерлер мемлекет жасаған мүмкіндікті жібермей, «Балапан» бағдарламасын жандандыруға ден қоюда. Сондай азаматтың бірі – Расул Айтбакиев. Ол бағдарлама аясында Азат ауылында 50 орындық балабақша ашты.

«Балапан» деп айдар таққан балабақша 2 желтоқсанда іске қосылып, салтанатты ашылуы өтті.  15 маманды тұрақты жұмыспен қамтыған балабақша тұрғындардың риясыз қуанышын арқалады. «Азат ауылы бүгінде күн санап көркейіп келе жатыр. Бала саны да артуда. Оған дәлел, жаңа мектептің ашылуы. Сондықтан бүлдіршіндерді де мектепке дейінгі тәрбиемен қамту – күн тәртібінде тұрған еді. Әріптестік негізінде түйткілдің де түйіні тарқады» дейді округ әкімі Ахмет Жолдыбаев.

Әсел ЖАМАШЕВА,

округ әкімінің орынбасары

Жылдар жылжып, айлар сырғып өткен сайын Қазақ елі экономикасы дамыған үздік отыздықтың қатарына бір қадам жақындап, халықтың әлеуеті артып келеді. Қол жетпес арман болып көрінген Елбасы Н.Ә.Назарбаевтың «Мәңгілік ел» идеясы жүзеге асып, айналдырған 26 жылда мемлекетіміз адам танымастай өзгерді. Күн сайын пайдалануға беріліп жатқан су жаңа әлеуметтік нысандар мен тұрғын үйлер, индустриалды-инновациялық жаңалықтар және әр саладағы жарқын жетістіктер қазақстандықтардың болашаққа деген сенімін арттыра түсті. Осындай жайдарман жаңалықтар аудан аумағында да көрініс табуда. Шалғай ауыл тұрғындарының көктен сұрағаны жерден келіп, шелектіктер көгілдір отынға қол жеткізді. Байсейіт ауылының учаскелік полиция қызметкері қоныс тойын тойлап, тұрғын үй мен жаңа ғимаратқа жайғасты. Сонымен қатар, жаңадан ашылған балабақша байсейіттіктердің қуанышын еселеді. Қазақстан Республикасының Тұңғыш Президенті күні қарсаңында Шелек өңірінде болған Алматы облысы әкімінің орынбасары Айдарбек Байжанов, аудан әкімі Бинәлі Ысқақ, орынбасарлары мен мәслихат хатшысы Бекет Ахметов жоғарыда аталған маңызды оқиғалардың ортасынан табылды.

Бұрынғыдай көмір кіргізіп, күл шығаратын күндердің ауылы алыс-тай бастады шелектіктер үшін. Қуаттылығы сағатына 50 текше метр болатын газ тарату станция-сы салынды. Бұл бүкіл Шелек ауылын көгілдір отынмен қамтуға қауқары жетеді. Шелек ауылында өткен автоматандырылған газ тарату станциясының ашылу салтанатында жұртшылықты қос мерекемен құттықтаған Айдарбек Естебекұлы:

– Көгілдір отын – тұрмыс-тіршіліктегі барлық қиындық-тарды жеңілдетеді. Оған қоса, ірі кәсіпорындардың ашылуына септігін тигізеді. Осындай қуаныш осыдан екі апта бұрын Есік қаласының тұрғындарына бұйырған болатын. Бүгін, міне, сіздердің ауылдарыңызға келді. Осылайша, Шелекте орналасқан 6 мыңнан астам тұрғын үй, 21 өндіріс орындары мен 43 коммуналдық-тұрмыстық секторды газбен қамтуды жоспарлап отырмыз – деген Айдарбек Байжанов газдандырудың облыстағы пайыздық үлесіне тоқталып өтті. Айтуынша, Жетісу жерінде 11 аудан мен қала газдандырылған. 912 мың адам бүгінде көгілдір отынның қызығын көруде. Қалған елді мекендерде жұмыстар қарқынды жүргізілуде. Сондай-ақ, ауданымызда және көршілес Панфилов ауданында газ құбырын жүргізіп отырған «КазТрансГаз» ұлттық операторы мен «АПЛ Констракшн» жауапкершілігі шектеулі серік-тестігінің басшылығына алғысын жеткізді. Ауданымыздың әкімі Бинәлі Ысқақ та мердігер ком-панияларға ризашылығын біл-діре отырып жиылған көпшілікті Тұңғыш Президент күнімен құттықтады:

– Әрбір жұрт тарихтан өзіне тағылым алады. Өткенді ұмытпау, бүгінгіні бағалау, ертеңіміз үшін сенімді болу – Тәуелсіздіктің жеңісі, Қазақстан халқы бірлігінің жемісі. Бұл Ұлы Дала төсін дүбірлеткен ер бабалардың асыл мұратын іске асырып, қазіргі заманғы іргелі мемлекет құрып қана қоймай, мыңжылдықтарда мызғымайтын Мәңгілік ел болудың тарихи бағдарына бет алған халқымыздың мемлекеттігінің ұлы тарихының айғағы.

Егемен Қазақстанның ширек ғасырлық тарихынан тағылым іздеген адам ұлы бастамалардың кезеңіне кездесетіні анық. Дала данышпандарының бірі Жүсіп  Баласағұнның «Күшті кісі – құт қонар тұғыр» – деген сөзін ескерсек, осынау игіліктердің барлығын бүгінгі таңдағы жаңа тұрпаттағы жасампаз Қазақ елінің жаңғыруынан бастап мемлекеттік дамудың дариялы жолындағы табыстарының толайымын өз  отандастарымыз ғана емес, барша әлем жұртшылығы Елбасымыз Нұрсұлтан Әбішұлы Назарбаевпен байланыстыратыны сөзсіз. Осындайда, түгел сөздің түп атасын бағалаған Майқы бидің «Хан – халықтың қазығы» – деген көркем ойлы өсиетті сөздің астарында қаншалықты терең мазмұн жатқанын сезінгендей боласың – дей келе биылғы жылы аудан аумағында болған жақсылықтарды айтып өтті. Және де көгілдір отыннан басталған жағымды жаңалықтардың барлығы Ұлт Көшбасшысының салиқалы саясатының жемісі екендігін жеткізді. Ауданымыздың елді мекендеріне газ таратушы «АПЛ Констракшн» компаниясының директоры Марсель Кажи аз уақыттың ішінде біршама істің басы қайырылғандығын айтты. Сөзіне сүйенсек, жыл басынан бері 23 шақырым болатын төменгі қысымды газ таратушы құбыр жүргізілген. Жыл соңына дейін 500 отбасын көгілдір отынмен қамтуды жоспарлап отыр. «ҚазТрансГаз» ұлттық операторы Алматы өндірістік филиалының директоры Шалқар Омарбеков:

– Алматы облысы әкімдігімен және жеке компаниялармен бірлесе отырып, ауданға газ құбырлары тартылуда. Газ келген жерде тіршілік жанданады. Тұрғындардың әл-ауқаты жақсарып, кәсіпорындардың жұмысы жеңілдейді. Шағын және орта кәсіпкерлік дамып, жаңа жұмыс орындары ашылады. Сіздерді осы қуаныштарыңызбен құттықтаймын – деді.

Шелек өңірі тұрғындарының атынан сөз сөйлеген ауданның құрметті азаматы, еңбек ардагері Елеусіз Сұлтанғазиев тағылымы мол тілек айтып, ақ батасын берді. Ата-баба арманын орындаған Елбасына, облыс, аудан басшыларына ризашылығын жеткізді.

Мерекенің негізгі бөлімінде қуаныштары қойындарына сый-маған Шелек ауылының ақсақалдарымен бірге Айдарбек Естебекұлы газ алауын жағып, газ тарататын құбырдың білтесін ағытты. Осылайша, ширек ғасырлық арманына жеткен шелектіктер қос қуаныш-пен бірін-бірі құттықтап, аудан өнерпаздарының әзірлеген концерттік бағдарламасын тамашалады. Құрметті қонақтар көгілдір отынның рахатына бөленген Іле көшесі 21 үйдегі Нұрмахановтар отбасына барып, қуаныштарымен құттықтады.

– Бұрынғыдай от жағып, көмір таситын күндер алыста қалды. Үйімізге газ тартылғалы үй жұмыстары біршама жеңілдей түсті. Газ баллоны бітіп қалады деп те қорықпайсың – дейді отанасы Гузель Нұрмаханова.

Шелектен шыққан облыс, аудан басшылары Бартоғай округіне қарасты Байсейіт ауылындағы «Лашока» балабақшасының ашылу салтанатына қатысты. Мемлекет пен жеке серіктестіктің арқасында бой көтерген балабақша 100 бүлдіршінге арналған. Аумағы 330 шаршы метр болатын мекемеде 30 адам тұрақты жұмыспен қамтылған. Соңғы 3 жылда 27 жеке меншік балабақша іске қосылған ауданымызда бүлдіршіндерімізді балабақшамен қамтудың көрсеткіші 95,3 пайызды құрайды.

Аталған балалар бақшасының лентасын қиюға ауыл тұрғындары жиылды. Шараның ашылу салтанатында Айдарбек Байжанов:

– Елбасы Н.Ә.Назарбаев 2020 жылға дейін 3-тен 6 жасқа дейінгі балаларды мектепке дейінгі мекемемен қамтуды тапсырған болатын үкімет пен әкімдерге. Осы міндетті орындау Алматы облысында қарқынды жүзеге асуда. Айталық, өңірімізде 2013 жылы балабақшамен қамту көрсеткіші 37,5 пайызды құраса, бұл көрсеткіш қазір 94,9 пайызға жетіп отыр. Соңғы 3 жылда республикалық және жергілікті бюджет есебінен 33 мемлекеттік балабақша іске қосылып, 245 жеке меншік балабақша ашылды. Жыл соңына дейін тағы 13 жеке меншіктегі балалар бақшасы қолданысқа беріледі – деп, облыстағы көрсеткіштерді тізіп өтті. Сонымен қатар, бүлдіршіндерді мектепке дейінгі мекемемен қамтуда көш бастап тұрған еңбекшіқазақтықтарды мерекемен құттықтады. Кейіннен сөз сөйлеген ауданымыздың құрметті азаматы Аянбек Дауытқұлов, Байсейіт ауылының жігітбасы Глаждин Усманов облыс әкімінің орынбасары айтқан межеге бірлік пен татулықтың арқасында қол жеткізгенімізді айтып, жастарды патриот болуға шақырды. Ауыл тұрғындары, ақсақалдары құрметті қонақтармен бірге жаңа балалар бақшасының лентасын қиып, апалар шашу шашты. Ғимаратты аралап, қуаныштан жүздері бал-бұл жанған бүлдіршіндердің дайындаған концерттік бағдарламасын тамашалады.

Байсейіт ауылындағы тағы бір қуанышқа мәслихат хатшысы Бекет Ахметов, ішкі істер басқармасының басшысы, полиция полковнигі Бағдат Әшімов, аудан әкімінің орынбасары Айбек Бидаев қатысып, учаскелік полиция инспекторының жұмысына табыс тіледі. Ауылдағы тірек пунктінің ашылу салтанатында Бекет Төлегенұлы байсейіттіктерді мерекемен құттықтап:

– Бүгін ауданымызда ақ түйенің қарны жарылған күн. Шелекке көгілдір отын жетіп, ауылдарыңызда балабақша мен полиция пункті пайдалануға берілуде. Мұның барлығы – тұрғындарымыздың өзара тату-лығының арқасында. Бақ қайда қонады? Әрине, береке-бірлік пен қадір-қасиет бар жерге қонады. Осындай байлықтарымыз бар біз бақыттымыз – деді. Сондай-ақ, тәртіп сақшыларына жағдай жасап отырған әкімдікке алғысын жеткізген Бағдат Әшімов:

– Бүгінде ауданымызда құқық бұзушылық пен қылмыстың алдын алу мақсатында учаскелік полиция инспекторларына жағдай жасалуда. Қазіргі таңға дейін осындай екі ғимарат пайдалануға берілді. Үшіншісі – сіздердің ауылдарыңызға бұйырыпты. Келер жылы да жиырмаға жуық полиция пункті салынады деп жоспарлануда – дей келе, бұрындары үй мен жұмыс арасында сабылып жүретін инспекторлар енді үйде отырып-ақ, тұрғындармен жұмыс істей беретіндігін айтты. Олай дейтініміз, полиция пункті мен тұрғын үй қосарланып салынған. Тек аулалары ғана бөлек. Жиылған жұртшылыққа осыны жеткізген Бағдат Бақбергенұлы алдағы уақытта учаскелік полиция қызметкерлерінің жұмысы жаңа қарқын алатындығын айтып өтті. Қазақстан Жазушылар одағының мүшесі Ахметжан Ашири полицияның қызметіне сәттілік тілеп, татулық пен тұрақтылықтың сақшысы болуға шақырды. Негізгі бөлімнен кейін барлығы ғимараттың лентасын қиып, учаскелік инспекторды жаңа жұмыс орнына жайғастырды.

Клубный көшесінде орналасқан ғимарат құрылысына бюджеттен 19 млн теңге бөлінген. Екі кабинет компьютермен толықтай жабдықталған. Нысанның екінші жағындағы тұрғын үй де кең жасақталған. Ғимаратты түгелдей аралап шыққан үлкендер ақ батасын беріп, шашу шашты.

Сардарбек НҰРАДИН.

Түсінгенге татулық – таудай қазына, орала бермейтін бақыт құсы. Тұла бойы кішіпейілділік пен адамгершіліктен тұратын осынау бағымызды басымыздан тайдырып алмас үшін сыйластығымызға сызат түспеуі тиіс. Бұл ретте әр аймақтарда орын алған қоғамдық келісім кеңестерінің жұмысын күшейту маңызды. Осыны межелеген ауқымды шара ауданымызда абыройлы өтті. аудандық ішкі саясат бөлімінің қолдауымен, «Елім-ай» қоғамдық қорының ұйытқы болуымен түндігі түрілген форумға аудан әкімі Бинәлі Ысқақ, Алматы облыстық Қазақстан халқы Ассамблеясы төрағасының орынбасары, хатшылық меңгерушісі Ғабит Тұрсынбай, Алматы облыстық ҚХА жанындағы қоғамдық Келісім кеңесінің төрағасы Оралбек Жақиянов қатысты. «Ауылым – алтын қазынам» деп айдар таққан шараны аудандық қоғамдық келісім кеңесінің төрағасы Әділбай Талқамбаев жүргізіп отырды.

Алдымен құрметті қонақтар әр ауылдық округ аумағында қоғамдық келісім кеңестерінің атқарылған жұмыстарын көрсеткен көрмені аралады. Сөйтіп, аудан басшысы өзінің құттықтау сөзімен шара шымылдығын түрді. – Бүгінгі күніміз ертең тарих. Ал сол тарихты жасайтын Сіз бен біз. Тәуелсіздік алған жылдардан бері еліміз қалай гүлденді. Оны көріп, біліп жүрміз. Тіпті, ауданымыздың өзі жыл санап танымастай өзгеріп келеді. Әлеуметтік мәселелер шешімін тауып, экономикамыз еселеп өсуде. Мұның бәрі ауданымыздағы 54 ұлт пен ұлыстың өзара сыйластығының жемісі. Осынау тарихи сәттерді қоғамдық келісім кеңестерімен бірігіп істеудеміз. Сондықтан бүгінгі мереке – татулық пен келісімнің бір арнада тоғысқан күні – дей келе,ұлтаралық татулық шеңберінде атқарылған ауқымды істерді баяндады. Өз кезегінде Ғабит Тұрсынбай: – Қоғамдық келісім кеңестерінің өкілдері әр деңгейлі әкімдердің кеңесшісіне айналған сәтте ұлтаралық татулық өз тұғырына толықтай қонады. Себебі, қазір бұл келісім кеңесінің құрамына, жастар, аналар кеңесі, ұлыстар өкілдері, тіпті тәртіп сақшылары да еніп отыр. Үстіміздегі жылы облыс бойынша әр деңгейдегі қоғамдық келісім кеңестерінің ұйытқы болуымен 3000-нан астам іс-шаралар өткізілді. Оның ішінде 400-ден астам түрлі түйткілді мәселелер түйіні тарқатылды. Бұл өз кезегінде қоғамдық келісім кеңестерінің қоғамымызға қажеттілігін көрсетеді», – деді.

Ал «Елім-ай» қоғамдық қо-рының төрағасы Жаңаберген Мұхамедов үкіметтік емес ұйымдарға көрсетіліп жатқан қамқорлықты жан-жақты сөз етті. Қор төрағасының айтуынша, 2014 жылдан күні бүгінге дейін 13 лоттың жеңімпазы атанып, 150-ге тарта түрлі деңгейдегі іс-шаралар ұйымдастырылған. Сондай-ақ, мемлекеттік тапсырыс аясында 250-ден астам әлеуметтік аз қамтылған отбасыларға, жетім, жартылай жетім балаларға қолдау көрсетілген. Кейіннен қоғамдық келісім кеңестерімен бірігіп жеті мәселені жүйелендіруде жұмыла жұмыс істеуге шақырды. – Осынау сәтті ұтымды пайдалана отырып, мен Сіздерді 7 мәселе бойынша бірігіп жұмыс істеуге шақырамын! Бірінші, ауданымыздағы ұлтаралық татулықтың мән-маңызын арттыруда еңбектену. Яғни, ішкі тұрақтылықты қам-тамасыз етуде насихат жұмыстарын жетілдіру. Себебі Көшбасшымыз «Этносаралық келісім – өміршеңдік оттегі» деді Жолдауында. Шындығында, ауызбірлік қашқан, алауыздық тасқан жерде ешқашан мақсат-мүдделер орындалмасы ақиқат.Екінші, конфессияаралық келісімді нығайтып, терроризм мен экстремизмге қарсы түсінік шараларына барынша атсалысу. Үшінші, Елбасымыздың дәстүрлі Жолдауларынан түспей жүрген әлеуметтік аз қамтылған топтардың жағдайын жіті бақылап, мүмкіндігі шектеулі азаматтарға жан-жақты қол ұшын беру тұрғысында жұмысты жетілдіру. Төртінші, Тәуелсіздіктің маңызын бүгінгі ұрпаққа ұлағат ету, ұрпақтар сабақтастығын жалғастыру.Бесінші, әлеумет арасында араздық, алауыздық тудыратын мәселелерді шешу. Тұрғындарға оң бағыт сілтеу. Алтыншы, елімізде жүргізіліп жатқан мемлекеттік саясатты тұрғындарға жан-жақты түсіндіру, саяси сауаттылығын арттыру. Жетінші және ең бастысы – жоғарыда атап өткенімдей, патриотизмді арттыру. Себебі, Елбасымыз Нұрсұлтан Назарбаев «Жаңа Қазақстандық патриотизм дегеніміздің өзі – Мәңгілік ел!» деп тайға таңба басқандай айғақтап берді, – деді.

Сөз алған аудандық аналар кеңесінің төрайымы Гүлнәр Жошыбаева отбасылық құнды-лықтарға айрықша тоқталды.

– Ежелгі замандардан бері отбасын Отан тәрізді ұлы құндылықпен қатар қойып, әлеуметтік ұйысу мен ұрпақ жалғастырудың ұлағатты ұясына балаған халқымыз үшін шаңырақ қай кезде де киелі ұғым болған.

Бұл ретте Төрелігін топтан озып айта білген Төлеби:

«Балаң жақсы болса,

Жан мен тәннің шырағы.

Қызың жақсы болса

Жайқалып өскен құрағы» – деген екен өз заманында.

Осы шағын ғана өсиет сөзден тұла бойы тұнған тәрбиелілік пен тектілік лебі сезіледі. Қыз бен ұлға өз ерекшеліктеріне қарай даралап тәрбие беру – қазақтың қанында ежелден бар қасиет. Сонау дәуірлерден дәуірлерге, ғасырлардан ғасырларға жалға-сып келе жатқан осынау тәр-бие жүйесінде ұл балаларды тәрбиелеуде шаңырағымның иесі ізімді жалғастырушы деп ерекше көңіл бөлетін болса, қыз баланы болашақ ана, ұлттың ұйытқысы ретінде тәрбиелеуде де осалдық танытқан емес.

Отбасы құндылықтарын дәріптеу, жас отбасыларына психологиялық көмек көрсету, бала бақытын еселеу, ене мен келін қарым-қатынасын нығайту – Аналар кеңесінің басты мақсаты.

Бұл үшін «Абайдың жолын» қазағының қолына ұстатқан Омарханның Мұхтары айтқан-дай, «Ел боламыз десек, бесігі-мізді түзейік».

Мінберге көтерілген аудандық қоғамдық келісім кеңесінің мүшесі Оксана Бондаренко да өрелі ойларын мемлекеттік тілде өрді. – Алқалы әлеумет! – деп бастады әңгімесін:«Дамудың сыры – бірлікте, табыстың сыры – тірлікте» – демекші, халқымыздың босағасын бе-рік, шаңырағын биік ұстап, түтінін түзу ұшыру елдік міндет, бағымыздың жанбағы Мәңгілік еліміз, ортақ Отаныз – Қазақстанды бейбітшіліктің бесігі етіп, барымызды бағалай білуімізге байланысты, – деді.

Оралбек Жақияновтың сөзі-нен кейін әр ауылдық округтердің бір жылғы қоғамдық келісім кеңестерінің қорытындысы жария болды. Нәтижесінде, үшінші орынды Бәйтерек ауылдық округі қоғамдық келісім кеңесі, екінші орынды, Рахат ауылдық округі қоғамдық келісім кеңесі, бірінші орынды Ават ауылдық округінің қоғамдық келісім кеңесі иеленді. Жүлдегерлерге диплом мен естелік картиналар ұсынылды. Ал үздік деп танылып, бас жүлдені қанжығалаған – Есік қаласы қоғамдық келісім кеңесіне арнайы диплом мен түрлі-түсті теледидар табысталды. Қатысушылардың бәріне аудан әкімінің атынан Алғыс хаттар берілді.

Иә, адамның басшысы – ақыл, шолушысы – ой, жетек-шісі – талап, қорғаушысы – сабыр, сынаушысы – халық, таусылмайтыны – арман, ең қымбаттысы – ар сақтау, бәрінен ардақтысы – өмір сүру, соның ішінде ең тәттісі – сыйластық екенін ұмытпайық!

Қайнар ЖҰМАҒОЖА.

Суретте: Еңбекшіқазақ Аудан әкімі Б.Ысқақ және Есік қаласының әкімі Б.Бименов.

О доброте и отзывчивости казахского народа говорилось очень много и не раз. На Кавказе, да и здесь, в Казахстане, нет балкарца, который не вспоминал бы казахскую землю и ее людей с благодарностью. Мир и спокойствие в нашей Республике во многом зависит от менталитета коренной национальности, которой глубоко чужды национальный эгоизм, а гостеприимство вошло в многочисленные пословицы и поговорки.

Балкарцы, проживающие на родине Первого Президента, в с.Шемолган, с большим уважением отзываются о семье Н.А. Назарбаева, которая всегда была готова прийти на помощь.

Мой отец, Хиса Хаджиев, работал в совхозе шофером. Каждое лето мы ездили на жайлау к папиному брату, дяде Хызиру, который всю жизнь проработал чабаном. В юрте у дяди собирались по вечерам чабаны, жившие по соседству. Сидя за дастарханом, они вспоминали о бедствиях, испытанных в годы сталинских репрессий. Тогда своим детским умом я не осознавала всю трагедию, выпавшую на долю моего народа. По рассказам дяди, в далекие сороковые годы, ранней весной, многие репрессированные балкарцы, а в их числе была и семья дедушки Азрета, попали в Шемолган.

Гостеприимная и отзывчивая семья бригадира Абиша и Альжан Назарбаевых, родителей Нурсултана Абишевича, не просто приняла и поддержала моих родных, но и помогла им встать на ноги. По выходным дням Абиш-ата собирал балкарцев, и они строили себе жилье из саманных кирпичей, которые сами же и изготавливали. Для деда Азрета построили дом. В такой интернациональной, трудолюбивой и доброжелательной среде происходило становление будущего Президента.

Сегодня многие задаются вопросом: в каком духе надо воспитывать молодежь, чтобы она действительно стала надеждой и опорой государства? Пример жизнестойкости и целеустремленности Президента Республики Казахстан Нурсултана Абишевича Назарбаева доказательство того, как можно добиться успеха, что можно сделать для своей Родины, для казахстанцев!

Время доказало, что Нурсултан Абишевич – лидер, учитывающий все особенности ментальности каждого народа, населяющего Республику Казахстан. С первых дней Независимости видные политические деятели и бизнесмены поехали в нашу страну, чтобы лично познакомиться и засвидетельствовать свое уважение нашему Президенту, а в его лице – Республике Казахстан. Где бы ни находился Нурсултан Абишевич, на каких бы перекрестках судьбы не сводила его жизнь с людьми, везде для него важно мнение людей, соотечественников. Он вошел в большую политику и стал ярчайшей политической фигурой на мировой арене. Время доказало неординарность его личности.

Злопыхатели пророчили, что после развала СССР Казахстан ожидает незавидная судьба – инфляция, безработица, нищета и т.д. и как следствие – межнациональные конфликты. В нашей стране благодаря мудрой, объективной, политически взвешенной тактике Нурсултана Абишевича Назарбаева оперативно и грамотно были решены межнациональные вопросы. Хотелось бы спросить у тех, кто покинул нашу страну 20-15 лет назад, счастливы ли они? Нашли они на чужбине то, что искали? Ведь я знаю, что они тоскуют и видят сны о Казахстане. И еще я знаю статистику возвратившихся из зарубежья бывших соотечественников, которые умножают экономический потенциал нашей страны, открывают здесь свой бизнес. Да и престиж Казахстана значительно сегодня вырастает в глазах мирового сообщества благодаря тому, что у нас есть такой Президент. Свыше 20 лет прошло с того памятного дня, когда Президент РК подписал Указ об образовании Ассамблеи народа Казахстана. Нурсултан Абишевич не устает повторять, что сообща решать любую задачу проще, чем порознь.

На сессиях, проводимых Ассамблеей, обсуждаются животрепещущие вопросы социально-политической жизни страны. Именно Ассамблее принадлежит инициатива проведения республиканских референдумов по продлению полномочий главы государства и принятию новой Конституции страны.

В активе Ассамблеи научные прогнозы политического развития и рекомендации, консолидирующие общество, она проводит экспертизу всех законопроектов, затрагивающих сферу национальной политики.

За годы работы в Ассамблее ее члены никогда не чувствовали и не чувствуют себя на задворках общественного внимания. Многие из них имеют высокие государственные награды и звания. И Президент страны, который является Председателем Ассамблеи, всегда внимателен к нам, предельно откровенен с нами в вопросах межнациональной политики и не приглушает сложность проблем, предлагаемых для обсуждения на сессиях Ассамблеи. Здесь Ассамблея выступает той трибуной, с которой идет диалог власти с народом, где слышен голос каждого. Как следствие, виден и результат: стабильность в национальной политике, мир и покой на нашей земле.

Сегодня я с удовлетворением могу сказать, что у нас наработано в этой сфере гораздо больше, чем в других государствах и мы создали неповторимую казахстанскую модель межэтнического и межконфессионального согласия, приз-нанную авторитетными международными организациями.

Казахстанские реформы, проводимые Президентом, предопределены в Стратегии развития «Казахстан-2050», Плане нации «100 шагов», в провозглашенной Третьей модернизации страны, которые с каждым днем приобретают реальные очертания.

В своих ежегодных Посланиях народу Казахстана Президент четко формулирует все, что предстоит сделать, призывая не останавливаться на достигнутом. Понимая значение политики нашего Лидера нации, особенно в сфере мирного сосуществования народов, укреплении единства казахстанской нации, я с уверенностью и гордостью могу сказать – Нурсултан Абишевич Назарбаев - мой Президент!

Тіл – ұлттың баға жетпес байлығы, егемендіктің айғағы. Сондықтан, мемлекеттік тілдің қолданыс аясын кеңейту – әрбір қазақстандықтың азаматтық борышы. Бұл турасында Елбасы Н.Ә.Назарбаев: «Қазақ тілінің мемлекеттік қызметте де, өндірісте де, ғылымда да, білім беруде де қолданылуы үшін қолдан келгеннің бәрін істеу қажет» – деген болатын.

Сонымен қатар елімізде тіл мәртебесін көтеру мақсатында «Тілдерді қолдану мен дамытудың 2011-2020 жылдарға арналған мемлекеттік бағдарламасы» қабылданды. Бүгінгі таңда бағдарлама аясында атқарылып жатқан жұмыстар аз емес. Барлық мемлекеттік мекемелерде талқылау, дөңгелек үстелдер мен пікір алмасу шаралары ұйымдастырылуда. Осы орайда, жақында аудандық прокуратура қызметкерлерінің бас-тамасымен мемлекеттік тілдің қолдану аясын кеңейту мақсатында жиын өтті.

Аудандық прокуратура қызметкерлері, құқық қорғау өкілдері және мәдениет және тілдерді дамыту бөлімі мамандарының қатысуымен өткен шара барысында аталған бағдарлама турасында баяндамалар оқылды. Бағдарламаның мемлекеттік тіл мүддесін қорғайтын нормативтік-құқықтық құжат ретінде ұзақ мерзімге жасалып отырғанын ескерсек, мемлекеттік органдарда қазақ тілінде әзірленетін құжаттардың, іс жүргізудің сауаттылығы, сапалық, яғни тілдің қолданымдық жағын білу талабы назардан тыс қалмауы қажет. Осындай мәселелер қозғалған келелі жиын соңында қатысушылар мемлекеттік тілді дамытудағы өздерінің ой-пікірлерімен бөлісті.

Еркін ҚҰСАЙЫНОВ,

Еңбекшіқазақ аудандық прокуратурасының аға прокуроры, 1-сыныпты заңгер.

 «Нұр Отан» партиясының желілік кестесіне сәйкес «Жанұя жарасымы» тақырыбында жас отбасына арналған семинар-тренинг өткізілді Еңбекшіқазақ аудандық партия филиалының ғимаратында.

Отбасылық жарасым – еліміздің болашағы жастардың өмірге ата салтын сақтай отырып, бүгінгі күннің сын-сынақтарына тө-теп беруі үшін керек. Бабаларымыздың найзаның ұшымен, білектің күшімен қорғап ұрпақтарына аманат қып тапсырған еліміздің аумағын игеріп, гүлдендіру үшін де демографиялық жағдайымыз дұрыс болу керек. Осындай кіріспе сөзбен семинарды ашып, жүргізіп отырған «Нұр Отан» партиясы аудандық филиалы төрағасының бірінші орынбасары Қуат Байғожаев жас отбасылардың үштен бірі ажырасып кететінін қынжыла атап өтті.

Әкім аппаратының заң бөлімінің, жұмыспен қамту орталығының, АХАЖ бөлі-мінің мамандары, аудандық ақсақалдар, әйелдер ұйым-дарының жетекшілері Т.Ұзақов, Р.Исатаева семинарға қа-тысқан жас отбасылар мүшелеріне кеңестер берді, игі тілектерін айтып, тәжірибелерімен бөлісті.

Мемлекетіміз осы жас отбасыларды демеп, ауылдық жерлерде мамандарды тұрақтандыру үшін «Дипломмен – ауылға!» бағдарламасын қабылдап, жастарға баспана жасап алуға қол ұшын беріп отыр. Семинар-тренингке келген жас мамандар негізінен мұғалімдер бұл игілікті пайдаланып отырса, кейбірі сөзбұйдаға салынып, уақыт оздырып жүргенін Қуат Сұлтанұлы сынға алды.

«Құжаттарды тапсырып қой-дым», – деп қарап отырмай, құзырлы органның есігін қаға беру керек», – дейді Қ.Байғожаев.

Семинарға арнайы шақырылып көңілге қонымды көрініс қойып берген Рахат орта мектебінің педагог-психологтары Айна Көмекбай мен Динара Болатханқызы артық сөзге келмей жас отбасы мүшелеріне бір-бір резеңке шар беріп, ауамен толтыртты. Жастардың бір бөлігіне психолог Динара Болатханқызы шарды жаруды тапсырып еді, шарлардың тамтығы қалмай быт-шыт болды.

Психологиялық-тәрбиелік мәні бар экспериментке қатысу-шылардың екінші бөлігіне үрленген шардың аузын ашып, ауаны жайлап шығаруды бұйырды педагогтар. Бұл шарлар жыртылмады, қайта пайдалансаң да сау. Ешқандай лекция оқымай педагог-психологтар өзара келіспеушілік туған жағдайда аптығын басып, әліптің соңын бағдарласа шаң-шұң ұрыс та азаяды, отбасы орнында, бірлесіп ғұмыр кешу осыдан басталады деген сабақ. Қорытындылап айтқанда отбасы-лардың ажырасуын азайту үшін жасалған амалдар, қарекеттер көп. Оқырманға ой салып, тақырыпты жалғастыруды жөн деп санаймыз.

Қ.ҚАСЫМҰЛЫ

Аудан прокуроры Рашид Әміров:

Сүрінгенге сүйеу болу –

кәсіби міндетіміз ғана емес,

адамгершілік парызымыз

Тағдыр талайында әркімнің өз жолы бар. Ешкімге ұқсамай, салып өткен сара жолы бар, өзіндік көзқарас, ұдайы ізденіспен жүріп өткен дара жолы бар. Әркім мұны өзінше әрлер бәлкім, бірақ бұл менің пайымым. Сол секілді прокуратура саласы шындықты, әділдікті ғана талап етеді. Ізденіс, туралық, жауапкершілік... Бұл үш қасиет қадағалаушы орган қызметкерлеріне тән. Себебі, мемлекет атынан заңнама мен құқықтарды, сонымен қатар адамның және азаматтың еркіндіктерін қадағалап бақылайтын негізгі орган – бұл. Ауданымыздағы осынау жауапкершілігі зор саланың тізгінін ұстағанына небәрі үш-төрт айдың жүзі болған Рашид Әміровпен кездесіп, сұхбаттасқан едік. Осы күнге дейін Талдықорған қаласының прокуроры қызметін атқарған Рашид Әмірұлы бірқатар түйткілді мәселелерді де тарқатып берді.

– Құрметті Рашид Әмір-ұлы, ауданымызға жаңа тағайындалған демесеңіз, бұл саланың жілігін шаққан азаматсыз. Іргелі аудан болғандықтан жұмысыңызды неден бастадыңыз?

– Әрине, Еңбекшіқазақ көлемі, халық саны жағынан да республикаға белгілі аудан. Сондықтан мұндағы заңдылықтарды қадағалау оңайға соқпасы ақиқат. «Жігітті жылы сөз ширатпайды, қатты сын ширатады» деген екен заңғар жазушымыз Мұхтар Әуезов. Сондықтан мен шын болған сынға шынайы қарағанды ұнатамын. Осы күнге дейін ауданда прокурор болған алдыңғы буын ағалардың өнегесін, өрелі істерін жалғастыра отырып, нақты жоспар құрумен, оны өзара ұжым боп ақылдаса талқылаумен жұмысымды бастадым. Айталық, қазіргі уақытта ауданда қандай мәселелер қордаланып тұр. Қадағалаудың қай саласы кенжелеп қалды деген секілді сауалдарға жауап іздедім. Сосын тұралап қалған тұстарды күшейтуге жұмылдық.

– Сіздің барлауыңызда қай тұста ақсау бар?

– Ең бірінші алимент өнді-ріп алу мәселесі. Себебі, бүгінгі таңда аудандық сот орындаушыларының қолында алимент төлеуден жалтарып жүрген 1500 борышкерлердің құжаттары бар. Жиынтық есеппен алғанда бұл 48 млн 424 мың 489 теңге. Қомақты қаражаттың ар жағында қаншама күйсіз жүрген балалардың тағдыры жатыр. Ең бірінші осыны жіті қолға алдық. ҚР Бас прокуратураның ықпалымен «Алимент. Төлемеу-шілерге қарсы 30 қадам» жобасы әзірленген еді. Оның мақсаты – алимент төлемегендерді жедел іздестіру, шара қолдану. Осы жоба аясында өз баласына алимент төлеуден жалтарғандарға берілетін жазаны күшейту көзделген. Мұндағы бар мақсат-межеміз балалар құқын қорғауға, оларды қолдауға бағытталған. Бірақ бұл күйге түсуінің астарында жұмыссыздық жатыр. Сол себепті, аудандық прокуратура құзырлы органдармен біріге отырып «Жұмыссыз борышкерлерге арналған жұмыс жәрмеңкесін» ұйымдастырдық. Бұл да өз жемісін беруде.

– Бұл тұрғыда үгіт-насихат жұмыстары қалай жүргізілуде?

– Иә, Еңбекшіқазақ аудан-дық прокуратурасы тарапынан алименттер бойынша сот актісін орындамағандарға қатысты көзделген қылмыстық жауапкершілік туралы видеоматериал дайындалды. Дайын-далған видеоматериал қоғамдық орындарда орнатылған LED-экрандарда көпшіліктің назарына ұсынылды, сондай-ақ аудандық Халыққа қызмет көрсету орталығының, салық басқармасының және орталық емхананың күту залдарында орнатылған мониторларында көрсетілу ұйымдастырылды. Көрсетілген видеоролик қоғам тарыпынан оң бағаланып, аудандық прокуратураға жылы ойларын білдірді.

– Басты қызметтеріңіз қадағалау. Оның ішінде өзіңіз атағандай қарызын өтеуден жалтарғандарды тезге салу жұмыстары нақты жүргізілген шығар?

– Әрине, шығарылған сот актілерін атқару саласы бойынша маңызды мәселе мемлекет пайдасына қаражат өндіру. Бұл салада да жұмыстарды қарқынды жүргізіп жатырмыз.

Атап айтқанда соңғы 3 айдың ішінде ғана 11млн-нан астам теңге мемлекет кірісіне құйылды. Өз берешек қарыздарын өтемей жүрген борышкерлерді жаппай жауапкершілікке тарту мәселесін қолға алдық. Осы соңғы айдың ішінде сот актілерін орындамай жүрген 11 тұлғаға қатысты әкімшілік іс қозғалып, айыптылар жазасын алды.

Үстіміздегі жыл ішінде жүйелі қадағалау жүргізу нәтижесінде қылмыс едәуір азайғандығын байқап отырмыз. Айталық, аса ауыр қылмыс, 20,7 пайызға, ауыр қылмыс 14,5 пайызға және жеңіл қылмыс 29,7 пайызға азайған. Қылмыстың ашылуы да 12,6 пайызға өскен. Бұл жұмыстың уақыт өткен сайын жүйеге түсіп келе жатқандығын білдіреді.

– «Кезекші прокурор» кабинеті дегенді көрнекі құралдардан оқып қалдық. Мұның мақсаты неде?

– Бұл қадағалауды бұдан әрі күшейту мақсатында атқарылған істің бірі. Осыны жан-жақты тұрғындарға түсіндіру мақсатында көрнекі құралдарын шығарып, тұрғындар көп баратын аудан әкімдігінің кіре-берісіне, аудандық прокуратурадағы кезекші бөлім алдына қойдық. Онда заң шеңберінде аудандық прокуратураға қалай өтініш-арыз беру туралы жан-жақты түсініктеме берілген.

Бұдан өзге «Ұрлыққа тосқауыл» жобасы да жүзеге асуда. Осы мақсатта аудандық әкімдік пен аудандық құқық қорғау органдарымен біріге отырып, «Алматы – Көкпек – Көктал» тас жолы бойына 1 мобильді пост орнаттық. Нәтижесінде, 135 көлікке тексеру жүргізіліп, Қазақстан округіне қарасты мал базарына еш құжатсыз 28 бас жылқыны әкеле жатқан 8 көлікке тоқтау қойылды. Сол мезетте 11 адам әкімшілік жауапкершілікке тартылды. Рейд барысында бірқатар түйткілдердің де шеті көрінді. Оның ішінде тұрғындар ірі-қараларды көлікпен алып жүрудің талаптарын білмейді, ветеринарлық құжаттарын алу керектігі де ескертілмеген. Қысқасы, тұрғындардың заң талаптарын жетік білмегенінен осындай келеңсіздіктерге тап боламыз.

– Қазір БАҚ беттерінде, әлеуметтік желілерде «Же-тім балалар үйінсіз Жетісу», «Мүгедектерге жұмыс» жобалары қарқынды жүргізілуде. Бұл жобаға ауданымыз да өз үлесін қосқан болар?

– ҚР Бас прокуратурасы тарапынан прокурорлық қадағалауды күшейту мақсатында өзіңіз атаған әлеуметтік-экономикалық жобалар да ауданымызда жүйелі атқарылуда. Нәтижесінде, үстіміздегі жыл ішінде 2 жетім бала ата-ананың қамқорлығын сезінді. Қазір аудан бойынша көбіне осындай патронатты отбасылар балаларды асырауға ниетті екенін ескеріп, тағы да осындай жанұяларға қосымша қаржы қарастырылсын деген өз тарапымыздан ұсыныс білдірдік. Бұны Алматы облыстық білім басқармасы негізге ала отырып, балалар үйіндегі 13 бүлдіршінді асырауға ниет еткен патронат отбасыларына 4 млн 140 мың 973 теңге бөлді. Осылай біз де жетім балаларымыз жыламаса екен деген ниетімізге жетіп отырмыз.

Ал «Мүгедектерге жұмыс» жобасы да оң жолға қойылған. Аудан әкімдігімен тығыз қарым-қатынас орнату нәтижесінде 50-ге жуық мүгедектер мемле-кеттік мекемелерде, жеке кәсіпорындарда жұмыс істеуде. Олардың зейнетақы қорына ай сайын тұрақты қаржының түсіп отыруын да бақылауда ұстаудамыз.

Басқа да мүмкіндігі шектеулі азаматтарды жұмыспен қамту мақсатында арнайы сауалнама жүргіздік. Айталық, «Аты-жөніңіз, тұрғылықты мекен-жайыңыз, біліміңіз, мамандығыңыз, жұмыс істегіңіз келе ме?» деген секілді сұрақтар қойдық. Алайда, 86 пайызы денсаулығына байланысты жұмыс істей алмаймыз деп жауап берді. Ал 15 пайызы жұмысымыз бар десе, 4 пайызы жұмыс істегіміз келеді деді. Осы жоба аясында аудан бойынша 76 мүгедек жұмысқа орналасты.

– Игерілмей жатқан жер-лерді мемлекет қарамағы-на қайтару тұрғысындағы жұмыстарыңыз төңірегінде айтарыңыз бар шығар?

– Игерілмей жатқан жерлерді мемлекет меншігіне өткізу мақсатында жұмыстар да қызу жүргізілуде. Нәтижесінде, жалпы көлемі 7815 гектар болатын жер мемлекетке қайтарылды. Бұл бағыттағы жұмыстарымызды одан әрі жалғастыратын боламыз.

– Кәсіби мереке қарсаңын-дағы әріптестеріңізге жылы лебізіңіз...

– Әріптестерге тілек біреу ғана: өз қызметіне адал болу. Себебі, бізге, құқығы тапталып, жапа шеккендер бізден пана іздеп келеді. Оларға көмек көрсету – кәсіби міндетіміз ғана емес, адамгершілік парызымыз. Әрдайым елімізде тыныштық, береке болғай.

– Әңгімеңізге рахмет. Кәсіби мерекелеріңіз құтты болсын!

Әңгімелескен Қайнар ЖҰМАҒОЖА.

Тәуелсіздіктің көк байрағын өз қолымен көтеріп, аз уақытта әлемге танытқан Көшбасшымыз-дың бұл ерлігіне өзге түгіл өзіміз де таңдана қараймыз. Тарихтың қилы бір кезеңдерінде елге Нұрсұлтан Назарбаевтай Көшбасшының табылуын халқымыздың бағы деп те түсінеміз. 1991 жылы 1 желтоқ-санда қазақстандықтар өздерінің Тұңғыш Президентін сайлап, сенім артты, ел тәуелсіздігін аманат етті. Жауапкершілік жүгін арқалатты, Халық өздері таңдаған Елбасының не істеу керектігін білетіндігіне, елді адастырмайтынына, тура жолға бастайтынына сенді. Зор сенімге елдің ұлы да селкеу түсірмеді.

Бәрі де есімізде. Сол жылдың, яғни 1991-дің 10 желтоқсанында Нұрсұлтан Әбішұлының Президент қызметіне кірісу және ант беру салтанаты ежелгі халықтық дәстүр мен қазіргі өркениет үлгілерінің айшықталған жағ-дайында өтті. Президент ата-дәстүр бойынша ақ киіздің үстіне көтеріліп, қолын Конституцияға қойып, ант берді. Ел ағалары Дмитрий Снегин, Құддыс Қожамияров, Эдуард Айрих, Ыбырайымжан Қожахметов Сарай төрінде бүкіл халық қолдаған Елбасыға ерекше сән-салтанатта шапан жапты.Президенттік айырым белгілерін тапсырды. Жасы тоқсаннан асқан халық ақыны Шәкір Әбенов бата берсе, көрнекті жазушы, публицист, Жоғарғы Кеңес депутаты Әбіш Кекілбаев ақжарма тілегін арнады.

Ант беру рәсімінен кейін тебірене сөйлеген Елбасы Нұрсұлтан Назарбаев:

– Бүгінгі күн – қазақ елінің шежіресіне мәңгі енетін күн. Тарихтың талай бұралаң белесі-нен өтіп, бұл күнге де жетіп отырмыз. Бәрін де көр-ген халықпыз, бәріне көнген халықпыз. Ежелден еркіндікті аңсап, азаттықты көксеп келе жатқан еліміздің басына талай рет бақ та орнап, бағы да тайып, сағы да сынған, қилы кезең, зар заманға да талай ұшыраған. Айқайлап жүріп, ашаршылыққа ұрынып, ұрандап жүріп ұлт мүддесін ұмытқанымыз да ақиқат. Шүкір, кештеу болса да ес жиып, еңсе көтеріп, егеменді елдің туын да тіге бастадық. Қазақ Республикасының Президентін бүкіл халық сайлағаны – осы жолдағы ең биік белестің бірі. Елдің қамын ойлайды, намысын жібермейді деп бір ауыздан сенім артқандарыңыз үшін шын жүректен алғысымды айтамын. Елім үшін, халқым үшін, Қазақстаным үшін тарихтың қай сынағына да тәуекел деп бас тігуге дайынмын. Бұл жолда ең алдымен дана халқыма, дархан еліме, ата-бабамның әруағына сүйенемін, – деп тебірене ағынан жарылды.

Тарихтың сол бір бұлтарысты кезеңінде қазақстандықтар өз Көшбасшысын дұрыс таңдай білді. Өздері сенім артқан дана ұлдары дара жолға бастады. Халқы қостады. Бүгінде сол тарихи шешімге шүкіршілік айтады. Себебі, өркениетке сап түзеді қазақ дейтін байтағы.

Президентке бүкіл халық атынан өкілдік берілгеннен кейін 16 желтоқсанда «Қазақ-стан Республикасының мемле-кеттік тәуелсіздігі туралы Заң» қабылданды. Екі күнге талқы-лауға созылған бұл Заңның төңірегінде де дау-дамай болмай қалған жоқ. Қазақ елінің өз бетімен тәуелсіз мемлекет бола алатындығына күмән келтірушілер де табылды. Көреалмастан сындырғысы келді сағыңды. Іріткішілдер бос-тан боп жүрген халық шаңырақ көтере алмайды деп те қағынды. Қайтерсіз...

Сол сәттен еліміздің тар жол, тайғақ кешулі қасиетті сапары, азаттықтың арпалысқа толы ақ жолы басталып еді. Елбасы өзінің туған халқына деген сеніммен тәуекел деп тәуелсіз елдің іргетасын қалауды, оны нығайтуды қолға алды.

Елбасы өзіне сенім артқан халқына қиын жылдардың өзінде орындалуы мүмкін болмайтын мәселеге байланысты ешқандай уәде бермеді. Халқының алдындағы беделі сонысымен де арта түсті. Егер уәде берсе, орындады. Бойындағы туа біткен қасиеті және өмірлік тәжірибемен бекіген төзімшілдігі, сабырлығы, ұстамдылығы бар Тұңғыш Президентіміз бүкіл қазақстандықтарды өзінің айналасына топтастыра алатын саясаткер және дара тұлға екендігін танытты. Арада бір ақиқатты айтайық, Н.Назарбаевтың Ұлт Көшбасшысы екендігін Парламент қабылдаған Конституция-лық Заңнан бұрын-ақ халықтың өзі мойындап та қойған болатын.

Елбасының «Қазақстан жолы» кітабының ағылшынша нұсқасының алғы сөзінде Англияның 1979-1990 жылдары үкіметін басқарған және кезінде «Темір Леди» атанған Маргарет Тэтчер де тәуелсіздіктің алғашқы жылдарындағы Қазақ-станның Көшбасшылық рөл атқарғандығын мойындады. Соған оң баға беріп:

– Мемлекеттердің іргесін салған негізін қалаушылар әрдайым дерлік қалыпқа сыймайтын тұлғалар болып келеді. Ал Нұрсұлтан Назарбаевты толық мәнінде осы санатқа жатқызуға болады. Мұндай көш-басшылар өздеріне қатысты түрлі үйлесімдегі қауырт сүйсініс секілді даңғаза сынды да туындатуы мүмкін. Мәселенің мұндай мәнісі олардың мемлекеттің аса маңызды сәттерінде оның басшылығында тұруымен, осылайша оларға дейін бол-ғандарға немесе олардан кейін келетіндерге қарағанда әлдеқай-да танымал тұлға болуымен байланысты.

Президент Н.Назарбаев Қазақстанды бүгінгі шыққан биігіне жеткізу үшін батылдық пен сақтықтың үйлесімін пайдаланды. Коммунизм бұғауларын быт-шыт қылған ел өзінің ерекше қазақы қасиеттерін сақтап қалды. Президент Назарбаев экономика мен қоғамның ашықтығына, яғни оның кейбір көршілері қасарыса бас тартқан нақ сондай нәрселерге ұмтылды, ол сөйтіп Қазақстан үшін халықаралық ұйымдарда айтарлықтай беделге қол жеткізді,– деп жазған еді.

Көшбасшымыз ә дегеннен халықаралық және ұлтаралық мәселелер шиеленісінің ше-шуін асығыстыққа салмады. Арандататын пікірлердің ығы мен ырқына жығылмады, әліптің соңын баға сабырмен, уақыттың талабына, жан-жақты мүдделердің түйісу нүктесін таба біліп шешудегі даралығымен әлем назарын аударды. Елбасы өзінің қол жеткізсем-ау деген саяси және ұлттық биік мақсаттарын әрдайым есінен шығармаумен бірге, оған жету үшін жалаң ұран көтеріп, жақсы атақ алуға қызықпады. Қандай мәселеде болсын қолдан келетін нақты мүмкіндіктерді ғана түгел пайдаланды. Эволюциялық жолмен ілгері жылжи бергенді дұрыс санады. Дамудың қазақстандық жолын іздестірді, өзіндік бағытты тандады. Сол қазақстандық даму жолынан өзге даму жолдарының ешқайсысын да, тіпті бірде-бірін жоққа шығарған емес, керісінше өзге даму жолдарының қажеттісін алып, оны ұтымды пайдалана білді.

Тоқсаныншы жылдардың бас кезіндегі кеңестік жүйенің жаппай ыдырауы мен идеологиялық бос кеңістік жағдайында Қазақстан да қауіпті бір жартастың жиегіне жақындап қалған еді. Бір сөзбен айтқанда кеңес үкіметі орнықтырған тұтас қоғам бөлініп-жарылудың аз-ақ алдында тұрды. Солшылдар, оңшылдар, неше түрлі ұлтшылдар – бәр-бәрі елдің қоғамдық және экономикалық құрылымының қандай болуы керектігі туралы айтысты, өз дәлелдерін жеткізуге тырысты. Бәрі де әлеуметтік, ұлттық, экономикалық әділеттіліктің қалпына келуін талап етті. Әрі өз айтқандарын ғана дұрыс санайтын. Тіпті олардың уәждері мен талап-тілектері де кәдімгідей иланымды естілетін. Дегенмен бәрі қосыла келгенде әбден шатысқан және кереғар түйінге айналатын, ол түйін барған сайын тарыла келіп, жас тәуелсіз мемлекетті тұншықтыру қаупін тудыратын. Қысқаша айтқанда бұл кезде саясат экономиканың алдына шығып кеткен еді.Осындай жағдайда Елбасы бәріне де сабырлықпен қарап әрбірінің сөзін де, бөзін де тауып қоғамның жалпы ыдырауының, саяси көзқарастардың бөлшектеніп кетуінің алдын ала білді. Елбасы сенімді экономикалық негіз болмайынша кез-келген үндеу – шақырулардың елдің тығырыққа тірелуіне ғана алып келетінін басқалардан тереңірек түсінді. Нұрсұлтан Назарбаевтың сол жылдардағы ұстанған саясаты мен тиімді реформалары ғана елімізді болжап білуге болмайтын құрдымнан құтқарды.

Нұрсұлтан Назарбаев тәуел-сіздіктің бетбұрысты кезең-дерінде Мемлекет басшысы ретінде әсіресе экономикалық және саяси дамудың үлгілерін талдау мәселесіндегі біліксіздікке қайыспай қарсы тұра білді. Ешкімнің ойына келмеген және де бәріне бірдей жаға бермейтін, бірақ өміршең маңызы бар шешімдерді батыл қабылдап жатты. Елбасының өзі кезінде: – Кейде адамдарды еркінен тыс қазір барғысы келмейтін, бірақ объективті түрде баруға тиіс жаққа жетелеуге тура келді, – деп айтқанын осы күндері еске ала отырып, яғни, билік үшін күрестегі батылдық пен билік басындағы батылдықтың екеуі екі басқа екендігін өз ісімен дәлелдей білгендігі еріксіз сүйсіндіреді.

Елбасы тәуелсіздіктің алғаш-қы кезеңінен бастап ұлтаралық келісімді, ел бірлігін мемлекет саясатының басты қағидаты ретінде белгіледі. Ұзақ жылдар бойы өз жерінде қағажу көрген қазақ ұлтының дамуы мен орыс және басқа да этностық топтардың құқықтарын сақтау саясаты ұлтаралық қарым-қатынастың тепе-теңдігін орнықтырды.

Қазақстан Республи-касының Тұңғыш Прези-денті тәуелсіз ел мүддесі үшін және оның өркенді жолмен дамуына қажетті деген небір өте ауыр реформаларды тиімді жүргізе білді. Тіпті, қажет болған жағдайда төтенше шаралар қолдануға да барды. Елбасының мұндай ұстанымы мен әрекетіне қарсы шыққандар да табылды. Әркім өзінше тон пішті. Салғырт, атүсті ойлап, саясатты сынады. Бірақ, Елбасы өзіне сенім артқан халқына сенді. Істеп жатқан ісінің бас сарапшысы деп тек халқын ғана таныды.

– Сынға назар аудармаңдар! Егер біз табысқа жетер болсақ, халық бізге баға береді, сол кезде барлық сын бос сөз болып қалады да, біз үстем болып шығамыз. Табысқа сеніп жұмыс істейік, табыс сонда келеді, – деген Елбасының сөзі сол кезде серіктестерін жігерлендірді, қанаттандырды.

Нұрсұлтан Назарбаевтың жаңа астананы тұрғызу бастамасы мен оны ақиқатқа айналдыруы Елбасының модерни-зациялық жобасының басты табысының символына айналды. Қазақстанның жаңа астанасы шын мәніндегі жаңа дәуірдің қаласы бола алды. 1994 жылы Н. Назарбаев астананы көшіру ойын алғаш рет алға тартқан кезде бұл жағдай қоғамда екі ұдай пікір туғызған-ды. Қазақстан Президентінің бұл шешімі мейлінше күтпеген жәйт болды. Ел өтпелі кезеңнің ауыр жағдайларын бастан өткеріп жатты. Экономикалық дағдарыс та жан-жақтан қыспаққа алды. Дәл сол бір қиын-қыстау кездері астананы көшіру жөніндегі Елбасының бұл бастамасын батылдық пен батырлық демеске және де амалың жоқ. Тіпті, дүние тарихында өз тәуелсіз мемлекеттіліктерін қалыптастыру кезе¬ңінде бір де бір мемлекет басшысы мұндай түбе¬гейлі батыл қадамға барған да емес.

Елбасының әлемдік деңгей-дегі қабілет-қарымына, саяси іс-қимылына, тиянақты шешіміне, құрдымға кете бастаған экономиканы алға жылжыту жолындағы тиімді саясатына, уақыт талабына қарай ойластырылған әдіс-тәсілдеріне, стратегиялық ұстанымдарына қапысыз сенген қазақстандықтар өзінің тұңғыш Президентіне, тізгін ұстаған Көшбасшымызға әрқашан қолдау білдіріп келеді.

Айдын теңізге шыққан алып кеменің басқару тетігін өз қолына ұстаған Елбасы Н.Назарбаевтың санқилы мемлекеттік қызметі мен стратегиялық шешімдерін, салиқалы саясатын тәуелсіз еліміздің шежіресі деп атасақ та болады.

Қазір тәуелсіз қазақ елінің жаңа тарихы жасалды. Бірақ оны қазақ елінің көреген Көшбасшысы бола алған Нұрсұлтан Назар-баевтың 1991 жылы бүкіл халық-тық сайлаудан кейін қолға алған басшылық қызметінсіз көзге елестету мүмкін емес. Өйткені, бұл тарихта тәуелсіз еліміздің іргетасын қалап, керегесін керіп, оның әрбір уығын шаншып, шаңырағын көтерген, бар-жоғын түгендеп, оны әлем елдері мойындаған мемлекетке айналдырған, онымен санасу-ға мәжбүр еткен Қазақстан Республикасының Президенті, оның Көшбасшысы Нұрсұлтан Назарбаевтың қолтаңбасы, қабылдаған тарихи шешімдері, ұстанған саясаты, өзіндік дара жолы жатыр.

Батыстық саясаткерлер мен қайраткерлер де Қазақстанның бүгінгі табыстарын оның Тұңғыш Президенті Нұрсұлтан Назарбаевпен байланыстырады. Солардың бірі ағылшын публицисі, саяси еңбектерімен белгілі Дж.Айткен мырза «Назарбаев және Қазақстанның қалыптасып дамуы» деген еңбегінде Қазақстанды әлемдік қауымдастықпен таныстырудың, оның жетістіктерін жеткізудің кілті Назарбаев тұлғасында екендігін мойындайды және аталған кітабын осы бағытта жазады.

2017 жыл – Тәуелсіздік тарихының жиырма алты жылдығы. Бұл жыл аз ғана мерзімде қол жеткізілген табыстар мен жетістіктерді, ғасырлар тоғысында, мыңжылдықтар межесінде Еуразия құрлығының ортасында орын тепкен әлемнің мықты елдерімен бәсекелесе алатын деңгейге жеткен Қазақстан атты мемлекетті әлемге тағы да бір танытқан жыл болды. Әлем алдында халықаралық ЭКСПО көрмесін өткізіп, саяси сахнадағы беделімізді арттыра түстік.

1991 жылы 17 желтоқсанда Алматыдағы Республика ала-ңында өткен митингіде Елбасы Нұрсұлтан Назарбаевтың: –Тәуелсіздіктің біздің бәрімізге артар міндеті мол. Енді еңселі ел болудың жолына шындап түсуіміз керек. Әулетіміздің асуы да, дәулетіміздің тасуы да өз қолымызда. Кең байтақ жеріміздің байлығы осы даланың түпкілікті халқына да, тағдыр қосып, бірге өмір сүріп жатқан өзге ұлт өкілдеріне де жетеді. Тарих көші ұзақ. Асықсақ та аптықпайық. Қазақстанның көп ұлтты халқының жұлдызы жоғары болатынына, туған елімізде дәулетті де сәулетті өмір орнайтынына кәміл сенемін,–деп айтқан сөзінің бүгінгі күні шындыққа айналғанын көріп отырмыз.

Түмен ойдың да түйіні бар.Қазақ елін Ұлы дала төсінде түлеткен, көгорай белдей көк-тетіп, ен даласын гүл еткен Елбасы жайлы, оның тәуелсіздік жолындағы толағай еңбектері жайлы том-том кітап жазуға, түнді түнге жалғап айтуға болады. Дегенмен, аз сөз алтын. Әрі елін сүйген Елбасының ерен еңбегін жылдар жылжыған сайын ақиқат есебінде тарих алдымызға тартып отыр. Ұғынған жанға Тәуелсіздіктен ұлы ұғым бар ма? Ал сол ұлы ұғымды ту етіп, ұлтты ұлы мұратқа ұйыстырған Ұлдың еңбегін бағалай білу – әрбіріміздің міндетіміз.

Қайнар ЖҰМАҒОЖА

Жуырда Жаңашар ауылдық округіне қарасты Космос ауылында қашықтыққа жүгіруден жарыс өтті.

Жарыс Комсомол көлінен басталып, Космос ауылында  мəресі сызылды. Спорттық шараға 30-дан аса ауыл тұрғыны қатысты. Бұл спорттық іс-шараның ерекшелігі – ауылымызда алғаш рет ұйымдастырылып, ауыл тұрғындарын саламатты өмір салтын ұстануға шақыру болды. Жарыс 5 шақырымға созылды. мини марафонда ең жас қатысушы ретінде жетінші сынып оқушысы Бекжан Шарапбеков тіркелсе, ең үлкен атлет ретінде 50 жастағы Абдурашид Бахтиев қатысты.  Ауыл жастары белсене атсалысып, іс-шара жоғарғы деңгейде өтті. Қатысушылар мақтау қағаздарымен марапатталып, сыйлықтар тарту етілді.

Гулшат ЛАВЬЯЕВА,

Жаңашар ауылдық округінің

жастар ісі жөніндегі

әдіскер-нұсқаушысы