Ауруханаішілік инфекцияларды әртүрлі микроорганизмдер тудыруы мүмкін. Оның ішінде стоматологиядағы ауруханаішілік инфекциялардың туындауының негізгі себебі  - бұл кокк флорасы, оның жараға енуі альвеолит, периостит, остеомиелит, абсцесс және т.б. дамуына әкеледі.

Стоматологиялық ауруханаішілік инфекция жағдайына пациенттің осы медициналық манипуляцияларды алудан кейін жұқтырған парентеральды гепатит инфекцияларын жатқызуға болады.  

Стоматологиялық ауруханаішілік инфекция кезінде эндогендік және экзогендік инфекция бар. Эндогендік инфекция кезінде науқастың ауыз қуысы мен анқаның эндогендік флорасы белсендіріледі. St.aureus (36%) тасымалдаушы пациенттерінің көпшілігі назар аударады, олардың 10%-ы 5 және одан да көп бактерияға қарсы препараттарға төзімді штаммдардың тасымалдаушысы болды.

Стоматологиялық тәжірибеде инфекцияның жұғуының әртүрлі жолдары болуы мүмкін. Негізгі жолдардың бірі - тікелей және жанама байланыстың салдары болуы мүмкін байланыс. Емханалардың стоматологиялық кабинеттерінде және жақ - бет хирургиясы бөлімшелерінде инфекцияның берілуінің жолы медицина қызметкерінің қолдары және ол жұмыс істейтін құралдар арқылы, әсіресе ауыз қуысында манипуляциялар кезінде жүреді.  Инфекцияның ауа-тамшылы жолмен  бұрғылау машиналары (бормашина) жұмысына, әсіресе ауыз қуысында инвазивті операцияларға байланысты.

Стоматологиядағы инфекциялардың алдын алу үшін:

- стоматологиялық кабинеттерге қойылатын санитариялық-гигиеналық талаптарды сақтау;

-  кабинетте эпидемияға қарсы және дезинфекциялық-стерильдеу режимдерін сақтау;

-  медициналық қызметкерлерді жұмысқа қабылдау ережелерін қатаң сақтау (сулы дерматит көріністері бар, қолдарындағы әсіресе шынтақтарға дейін пиогендік немесе экземалық тері зақымданулары бар және парентаральды гепатиттердің қоздырғышын  жұқтырған медицина қызметкерлері жұмыстан шеттетіледі);

- жеке гигиена ережелерін және медициналық қызметкерлердің жоғары санитариялық мәдениетін қатаң сақтау қажет.

М.Азербаев, 

Еңбекшіқазақ аудандық

СЭББ басшысы.