Жұма, 02 Желтоқсан 2022 08:49

Бағаны тұрақтандыруға басымдық берілді

АДАМНЫҢ ҚАЛЫПТЫ ӨМІР СҮРУІНЕ КҮНДЕЛІКТІ ТҰТЫНАТЫН ҚАРАПАЙЫМ ТҰРМЫСТЫҚ ТАУАРЛАР АУАДАЙ ҚАЖЕТ. ОНЫҢ ІШІНДЕ АЗЫҚ-ТҮЛІКТІҢ РӨЛІ БАСЫМ ЕКЕНІ АЙТПАСА ДА ТҮСІНІКТІ. ТАУАР ҚҰНЫ ШАРЫҚТАСА, ТҰРМЫСТЫҢ ҚҰТЫ ҚАШАРЫ АНЫҚ. ӨКІНІШКЕ ҚАРАЙ, БҮГІНДЕ ӘЛЕУМЕТТІК МАҢЫЗЫ БАР ӨНІМ БАҒАСЫНЫҢ ӨСУІ ҚАЛЫПТЫ ЖАҒДАЙҒА АЙНАЛДЫ. ХАЛЫҚТЫ АЗЫҚ-ТҮЛІКПЕН ҚАМТАМАСЫЗ ЕТУ – АТҚАРУШЫ БИЛІКТІҢ БАСЫМ МІНДЕТІНІҢ БІРІ. БҮГІНДЕ  АУДАН ТҰРҒЫНДАРЫН АЗЫҚ-ТҮЛІКПЕН ҚАМТАМАСЫЗ ЕТУДЕ БІРҚАТАР ОҢТАЙЛЫ ШЕШІМДЕР ҚАБЫЛДАНЫП, ЖҮЙЕЛІ ТҮРДЕ ЖҮЗЕГЕ АСЫРЫЛЫП КЕЛЕДІ.

Жыл басынан 19 негізгі азық-түлік тауар бағасы 18 пайыз өскен. Негізінен, баға өсімі маусымдық сипатқа ие. Әдеттегіше жылда  қаңтардан  бастап сәуірге дейін қымбаттайды. Ал мамыр айынан саудаға жаңа өнімдер келгенде тауар құны арзандай бастайды. Сонымен қатар бағаның өсуіне шикізат пен өзге де материалдардың қымбаттауы мен тасымал шығындары әсер етеді. Аралық делдал қызметінде жүрген алыпсатарлар да өз үстемелерін қосады. Жыл басында ел Президенті Қасым-Жомарт Тоқаев әлеуметтік маңызы бар азық-түлік тауарлары бойынша баға реттеуді енгізуді тапсырған еді. Апта сайын осы мәселе бойынша Үкімет отырысы өтіп, жергілікті атқарушы органдарға бағаның негізсіз өсуіне жол бермеу шараларын қабылдау туралы міндеттер жүктелген болатын. Өңірімізде аудан әкімі тарапынан баға өсімін баяулатуға, тұтынушылар мүддесін қорғауға бағытталған шешімдер қабыл-данды. Айталық, аудан бойынша әлеуметтік маңызы бар азық-түлік тауарларының бағаларын тұрақтандыру мақсатында, аудан әкімінің 2022 жылдың 26 қыркүйегіндегі №41-ө өкімімен жұмыс тобы құрылған. Жұмыс тобының құрамына тиісті мемлекеттік органдар және аудандық «АMANAT» партиясы, кәсіпкерлер Палатасы кірген еді.

Бүгінде аталған жұмыс тобымен бағаны тұрақтандыру, оның шамадан тыс өсіп кетуіне жол бермеу мақсатында «АMANAT» партиясының аудандық филалы мен кәсіпкерлер Палатасы және мәслихат депутаттарымен бірлесіп, аудан аумағындағы сауда нүктелерінде және базарларда 19 әлеуметтік маңызы бар азық-түлік тауарларының бағасына тұрақты түрде мониторинг жүргізіліп келеді.

Биыл жазда әлеуметтік маңызы бар азық-түлік тауарларының бірі саналатын қант бағасының шекті бағадан асуы, қорының күрт төмендеуі байқалды. Осыған байланысты бағаны тұрақтандыру мақсатында жыл басынан бері «Ақсу қант» ЖШС-нен жалпы 45 тонна қант жеткізіліп, төмен бағамен аудан дүкендерінде сатылыпты. Аудандық кәсіпкерлік бөлімінің мәліметінше, жыл басынан «Жетісу» әлеуметтік-кәсіпкерлік корпорациясынан 1000 литр күнбағыс майы, 3 тонна 1-ші сұрыпты ұн және 2,5 тонна қарақұмық, 500 кг картоп пен 150 кг сәбіз, 3 тонна қырыққабат, 1 тонна пиязға өтінім беріліп, ауданның көтерме-бөлшек сауда дүкендеріне жеткізіліп, әлеуметтік сөрелерде арзандатылған бағамен сатылыпты.

Әлеуметтік маңызы бар азық-түлік тауарларына бағаның өсуін алдын алу мақсатында аудан әкімдігі, Есік қаласы мен ауылдық округтер әкімдіктерімен бірлесіп, ауданның дүкендері және наубайханаларымен биылғы  жылдың  1 ақпанынан бастап бүгінге дейін 200 меморандум жасалған. «Бұл меморандумдар азық-түлік бағасын тұрақтандырып, оның өсуіне жол бермеу мақсатында жасалды. Соның нәтижесінде кей дүкендерде әлеуметтік маңызы бар азық-түлік тауарлары 15% төмен бағада саудаланды», – дейді аудандық кәсіпкерлік бөлімінің жетекшісі Нұрболат Серғали.

Ауданда бағаны тұрақтандыру мақсатында Есік қаласында қыркүйек, қазан айларында ауылшаруашылық өнімдерінің жәрмеңкесі ұйымдастырылды. Өңір  тұрғындарына табиғи әрі сапалы өнім түрлерін төмен бағада ұсыну және ауылшаруашылығы тауар өндірушілері мен шаруаларды қолдауды негіз еткен жәрмеңкеде азық-түлік өнімдері 10-15%-ға төмен бағада сатылған болатын. Қазір аудан әкімдігі тарапынан өңірдің азық-түлік қауіпсіздігін қамтамасыз ету, бағаны тұрақтандыру, оның шамадан тыс асып кетпеуіне жол бермеу мақсатында кәсіпкер-лермен тұрақты түрде жұмыстар жүргізілуде.

Е.АСЫЛ.

Оқылды 1615 рет

Соңғы жаңалықтар

Ақп 03, 2023

8 қырдың мәні

Техниканың тынымсыз дамып, жаһандану заманының игілігі мен зардабы қатар келе жатқан…
Ақп 03, 2023

Қыс қызығы сырғанақ, жолға, бала,…

Қыс. Бұл мезгілде адамдар табиғаттың құпиясын, ерекше бір ұмытылмас сәттерін тамашалайды.…
Ақп 03, 2023

Шелек тарихи-өлкетану музейі туралы…

Қоғам – бірігіп еңбек ететін жеке адамдардың жиынтығы және олардың арасындағы екі жақты…
Ақп 02, 2023

Халқыңа әділ бол!

Тоғыз жасар Жетес тоқсандағы Төле биге сәлем бере барыпты. Сонда Төле би: – Бата басқа,…
Ақп 02, 2023

Рухани азықты ұмытпайық!

2022 жылы болуы керек, теледидар көріп отырсам, әкім бе, әлде әкім аппаратындағы лауазым…
Ақп 02, 2023

Шекара аймағының тұрғындары және…

Еліміздің шекара аймақтарындағы көркіне көз тоймайтын әсем жерлерін көру үшін алыстан ат…
Қаң 31, 2023

Как рассекретить телефонных…

Злоумышленники проявляют настойчивость, используют разные телефонные номера и всегда…
Қаң 31, 2023

Телефон алаяқтарының құпиясын қалай…

Қаскөйлер күннен күнге белсенді түрде түрлі телефон нөмірлерінен қоңырау шалады және…
Қаң 30, 2023

Қазақтың қонағы неше түрлі болады?

(Шешендік шиырлары) Сырым батыр үйіне қонып отырған қадірменді қонағы Төленді биден: –…

Күнтiзбе

« Ақпан 2023 »
Дс Сс Ср Бс Жм Сб. Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет