Оқу жылының екінші жарты жылдығы қалай өтеді? Өңірдегі эпидемиологиялық жағдай штаттық режимде білім алуға кедергі келтірмей ма? деген сауалдарға « Jetisy Media» ақпараттық алаңында жауап берілді.
Баршаға мәлім, 2020-2021 оқу жылы онлайн форматта басталды. Ата-ана, оқушы, ұстаз атты үштік одақтың бірлігі мен шыдамдылығын тексерген кезеңнің екінші тоқсанында бірте-бірте штаттық режимге ауысу процессі жүзеге асты. Нәтижесінде 190 мектепте білім алатын 15 742 оқушы білім ошағының қабырғасында оқуын жалғастырды. Аймақтағы ахуалдың оңтайлануына байланысты үшінші тоқсанда тағы 21 білім ордасы дәстүрлі түрде оқуға кіріседі деп жоспарланған. Осылайша, барлығы 211 мектепте 17 667 білімгер штаттық режимде оқитын болады.
Естеріңізге саламыз, ІІ тоқсанда ата-аналардың өтініші бойынша 4076 кезекші сынып ұйымдастырылған еді, ал ІІІ тоқсанда5, 9, 11 сынып оқушылары үшін де кезекші сыныптар ашылмақ.
«ІІІ тоқсаннан бастап 9 ,11 сынып оқушыларын аралас форматта оқыту, яғни аталған сыныптарда пәндердің 70 %-ін дәстүрлі түрде және 30 %-інқашықтықтан оқыту жоспарланды»,- деп хабарлады Алматы облыстық білім басқармасы басшысының орынбасары Айжан Маманқызы.
Бітіруші сыныптарда 3431 топ құрылып, 46 623 бала білім алса, 549 мектепте оқушылардың 72,6 % қашықтықтан оқуды жалғасытрады. Сонымен қатар, бала саны 300-ге дейінгі 171 мектептегі 31326 оқушыны дәстүрлі форматта оқыту жоспарланып отыр.
Айта кетейік, облыстағы 57 колледжде 28 274 студент қашықтықтан оқып жатыр. Білімгер санының 90-200 аралығында болуына орай 10 колледж штаттық режимде жұмыс жасауға ауысып отыр.
Штаттық режимде оқытатын мектептерде санитарлық-эпидемиологиялық талаптар қатаң түрде сақталмақ. Оқудың дәстүрлі түрге ауысуы қауіптің беті сейілді деген сөз емес. Алматы облысының санитарлық-эпидемиологиялық бақылау департаменті басшысының орынбасары Асхат Сәкенұлының айтуынша, оқушылар арасында індет жұқтырғандардың саны 279-ға жеткен. Талдықорған қалалық бас дәрігерінің шешіміне сәйкес, эпидемиологиялық ахуалға байланысты Талдықорған қаласының мектептері мен гимназияларында онлайн оқу тағы 10 күнге ұзартылды. Яғни, Талдықорған қаласының кезекші және бітіруші сынып оқушылары үшін дәстүрлі форматта оқыту 21 қаңтардан басталады.
Қазақстан халқы Ассамблеясының XXVIII сессиясында Нұр-Сұлтан қалалық сайлау комиссиясы дауыс беру нәтижесін жариялады.
Дауыс беруге қатысқан ҚХА мүшелерінің жалпы саны - 351 адам. Мәжіліс депутаты кандидаттар үшін берілген бюллетеньдер: Сауытбек Абдрахманов - 298, Аветик Амирханян - 270, Ильяс Буларов - 274, Наталья Дементьева - 292, Юрий Ли - 282, Вакиль Набиев - 285, Шамиль Осин - 271, Владимир Тохтасунов - 277, Абилфас Хамедов 290 дауысқа ие болды.
Дауыс беру нәтижесінде ҚХА-ның 9 кандидаты Парламент Мәжілісіне өтті. Қазақстан халқы Ассамблеясынан сайланатын ҚР Парламенті Мәжілісі депутаттарын сайлау қорытындыларын Орталық сайлау комиссиясы шығарады.
Ағымдағы жыл ел үшін айтулы сәттен бастау алуда. Биліктің мінберінен төбе көрсететін саңлақтарды айқындау басталды. Сөз, Мәжіліс пен мәслихат депутаттарын сайлау туралы болып отыр. Мұндай маңызды сәтте Алматы облысының белсенді азаматтары да қалыс қалмақ емес. Соның бірі Алматы облыстық жастар саясаты басқармасының басшысы Елдар Сапаров.
«Сайлауға қатысу тек ақ жағалыларға ғана тән нәрсе емес. Бұл тұтас ұлттың мойнына артылған жауапкершілік. Болашақ бағытыңды айқындайтын уақыт. Сондықтан да, бұл біз бен сіздің азаматтық парызымыз. Ел жастарының арасында патриоттық сезімді нығайтатын бірден-бір құрал десек артық айтқандық емес. Бүгінгі сайлауға ҚР азаматы ретінде қатысып отырмын. Менің сайлау учаскесіне келіп өз таңдауымды жасауым, ортақ кемел келешекке бастар жолдың бірі боларына сенімдімін»,-дейді Елдар Сапаров.
Бұл күні, лайықты көшбасшыны анықтау үшін, дауыс бергендердің бірі, Бейбіт Мұсаев. «Мен қазақпын» мега жобасының жеңімпазы, дәстүрлі әнші отан алдындағы парызымды өтедім дейді.
«Кімге дауыс беретінімді әлдеқашан шешіп қойған едім. Қасиетті жеріміз бен оның иесі –елдің болашағы үшін таңдау жасадым. Жерлестерімді бүгінгі сайлауға қатысуға шақырамын. Өйткені, біздің балаларымыздың, жақындарымыздың және жалпы еліміздің болашағы сіздердің дауыстарыңызға байланысты. Енжарлық танытпайық»,-деп өз ойын білдірді.
Айта кетейік, елдің ертеңіне тамшыдай болса үлесін қосу үшін жергілікті кәсіпкер Елдос Баялышбаев, 2008 жылғы олимпиада ойындарының жүлдегері, қазіргі облыстық денешынықтыру және спорт басқармасының басшысы Нұрбақыт Теңізбаев.
Сонымен қатар, аймақ басшысы Амандық Баталовта өз таңдауын жасағанын атап өткен жөн.
Айта кетейік, Алматы облысында 1053 сайлау учаскесі бар. Биылғы сайлауға 5 саяси партиядан, 312 кандидат дауысқа түсуде.
В Алматинской области 1053 избирательных участка готовы к парламентским выборам. 8 и 9 января их обеспечат бюллетенями и другой необходимой документацией. Закуплены и средства для санитарной обработки. Об этом стало известно в ходе пресс-конференции на площадке «JETISÝ MEDIA».
По словам члена Алматинской областной избирательной комиссии Кахармана Жаксылыка, 50 участков из 1053 с ограниченным доступом. 36 находятся в воинских частях и пограничных застав, 13 в объектах здравоохранения, и 1 в доме-интернат.
«В области образовано 1 074 избирательных комиссий. В алгоритме по предупреждению распространения короновирусной инфекции при организации и проведении голосования, члены избирательных комиссий с положительным результатом лабораторного исследования на COVID-19 методом ПЦР на избирательный участок не допускаются. В этой связи были сформированы списки резервных лиц, которые в случае заболевания членов УИК смогут их заменить. Согласно пункту 4 статьи 20 Конституционного Закона Республики Казахстан «О выборах в Республике Казахстан», заседания избирательных комиссий правомочны, если в них принимает участие не менее двух третей от общего числа членов комиссии. Комиссии правомочны в случае выбытия: комиссии, где 5 членов – 1, где 7 членов – 2, где 9 членов – 3, где 11 членов – 3», - сказал спикер.
Кроме того, все члены избирательных комиссий прошли соответствующее тестирование в рамках подсистемы дистанционного обучения и получили соответствующие сертификаты.
Необходимо отметить, что в соответствии с постановлением ЦИК РК по оснащению избирательных участков местными исполнительными органами совместно с избирательными комиссиями приняты меры по соответствующему материально-техническому оснащению избирательных участков. Установлены кабины для тайного голосования, созданы вывески и указатели с наименованием УИК, закуплено необходимое оснащение, в том числе: телефонные аппараты, часы, сейфы, калькуляторы, копировальный аппараты, компьютеры.
Напомним, очередные выборы депутатов мажилиса, избираемых по партийным спискам, назначены на 10 января 2021 года.
Қазіргі қоғамда тілі мүкіс не уақытынан кеш шыққан балалар саны көп. Бала денсаулығына ана құрсағында жатқан кезден бастап көңіл бөлген абзал. Себебі, бала ағзасында пайда болатын аурулардың көпшілігі құрсақта жатқанда дамиды. Баланың сөйлеу қабілетінде болатын ақаулар сол кезден басталуы ықтимал. Тіл кемістігіндегі кей себептердің алдын алу мүмкін емес болғанымен, көп жағдайда бала тілінің уақытында шығуы тікелей ата-анаға байланысты.
Ата-аналардың бала тілін қызық көріп, олардың қате дыбыстаған сөздерін қайталауы дұрыс емес. Керісінше, бала ата-анасының сөйлегеніне қарап, сөзін түзеуі үшін әке-шеше әр сөзді анық дыбыстап айтуы қажет. Бала кішкене кезінен бастап өзге адамдардың қимылдарын қайталайтын қабілетке ие болса, оның ішінде артикуляциялық қимылдар да бар. Яғни, бала өзіне қарап сөйлеген адамның дыбыстау мүшелерінің қимылын да қайталайды деген сөз. Сол үшін баламен әңгімелескенде, оған қарата сөз айтқанда, әрбір қимыл-әрекетке мұқият болған жөн.
Баланың сөйлеу қабілеті дұрыс жетілуі үшін келесідей кеңестерге көңіл бөлген жөн:
1. Баланың сөйлеуі айналадағы адамдардың сөзіне еліктеу арқылы дамиды. Осыған байланысты, бала қоршаған ортада грамматикалық түрде дұрыс құрылған сөйлемді естігені дұрыс.
2. Бала сөзінің алғашқы үлгісі – туыстарының сөзі. Ата-аналар балалары үшін ана тілінің алғашқы ұстаздары болып табылады. Отбасы - бұл бірінші мектеп.
3. Ата-ананың көмегінсіз балаға дұрыс сөйлеуді үйрену қиын. Баламен сөйлесіңіз, дауыспен сөйлеп, дыбыстар мен сөздерді дұрыс айтуға тырысыңыз, бұл балаға дұрыс сөйлеуге көмектеседі.
4. Баланың дұрыс айтылмаған сөзіне еліктемеңіз, балаңызды жалған ойдан шығарылған сөздерге үйретпеңіз. Балаңызбен ням-ням (тамақтану), мяу(мысық) және т.б. осы сияқты алмастырылған сөздермен сөйлеспеңіз, әдеттегі сөздермен сөйлесіңіз. Әйтпесе, сіз баланың дұрыс сөйлеуін тежейсіз.
5. Бала сөйлегенде, қарапайым сөздермен, қысқа сөйлемдермен сөйлесіп, сөздер мен сөйлемдер арасындағы үзілістерді байқап көріңіз, сонда балаңыз сіздің сөйлеген сөзіңізге еліктейді, дұрыс сөйлеуді үйренеді.
6. Балаңыздың былдырлап сөйлей бастағанына және алғашқы сөздерді айта бастауына назар аударыңыз. Егер баланың сөйлеу дамуы тежелсе, мамандарға жүгініңіз.
7. Балаларға дұрыс сөйлеу дағдыларын үйретіп, балаға жылдам сөйлеуге жол бермеңіз. Асықпай, анық, дұрыс сөйлеу баланың дұрыс сөйлеуіне ықпал етеді.
8. Баланы сөйлеу материалымен жүктемеңіз. Оқу кезінде балаға сөздер мен сөз тіркестерінің мәнін түсіндіріңіз. Оқуға арналған әдебиеттерді таңдағанда, балаңыздың жасын және оның қабылдау мен эмоционалды жағдайын ескеріңіз.
М.А БЕКЕЖАН,
Абыхан Жексембеков атындағы
орта мектептің педагог-логопеді
Сүннеттердің ішіндегі ең нәзігі – сыйлық жасау дәстүрі. Бұл адамдардың арасында достық пен сүйіспеншілікті нығайтады. Әбу Һүрәйра (р.а) «Бір-біріңе сыйлық жасаңдар, бір-біріңді жақсы көретін боласыңдар» деген хадис жеткізген.
Жаңа жыл мерекесіне орай көру қабілеті бұзылған балаларға арналған Есік қаласындағы облыстық арнайы мектеп-интернатында «Қуан, сәби!» атты акция ұйымдастырылды. Қазіргі елімізде жүріп жатқан індетке байланысты, санитарлық талаптарды сақтай отырып, акцияға мектеп-интернат тәрбиешілері белсенді қатысты. Акция барысында үлкен кәсіпкерлер мен демеушілер көмегі арқылы барлық жүз жетпіс балаға сыйлықтар дайындалды. Жақын арада тұратын балаларға автобус бөлініп, ал алыстағыларға пошта арқылы жіберілді. Сыйлаған заттың қымбат-арзандығына қарамастан, шын көңілмен қабыл алу да пайғамбарымыздың (с.ғ.с) сүннеті екен.
Оқушыларымызды қуанту – біз үшін қуаныш. Бұл игі іске атсалысқан барлық кәсіпкерлерге, демеушілерге, тәрбиешілерге өз алғысымды айта отырып, келешекте бұдан да үлкен іс-шара, акцияларды ұйымдастыруға шақырамын.
Г.Ш.ЕЛЕМБАКИЕВА,
педогог-тәрбиеші
Құрметті аудан тұрғындары мен қонақтары! Сіздерді келе жатқан 2021 жылмен шын жүректен құттықтаймын! Тағы бір жылды өткердік. Дәстүр бойынша біз осынау сәтте өткен жылды таразылап, жаңа күнге жарқын жоспарлар құрамыз. 2020 жыл барлық қазақстандықтар үшін ауқымды экономикалық және әлеуметтік міндеттірді орындау, мемлекеттік аса маңызды бағдарламаларды жүзеге асыру және мемлекеттің индустриалды-инновациялық дамуын одан әрі жетілдіру жолында айшықты қолтаңбасын қалдырды. Қазақстан тәуелсіздіктің 29 жылында экономикасы дамыған, халықтың әлауқаты артқан, қуатты мемлекетке айналды.
Ауданымыз үшін де өткен жыл жақсы табыстар мен жетістіктерге қол жеткізу мүмкіндігін берді. Біз экономиканың тұрақты, қарқынды дамуын және әлеуметтік мәселелерді шешуді біршама жақсарттық. Жыл аралығында автомобиль жолдарын жөндеу, елді мекендерді абаттандыру, су желілерін жаңғырту және білім, денсаулық сақтау, мәдениет мекемелерінде күрделі жөндеу жұмыстары жүргізілді. Біздің осы жетістіктеріміз алдағы жылда да дәстүрлі жалғасын табатынына, болашақта міндеттерімізді абыроймен орындайтынымызға кәміл сенемін. 2020 жылы бүкіл әлемді жаулаған пандемия індеті елімізді де айналып өтпеді, Осындай қиын сәтте біз бір біріміздің бауырмашылдығымызбен қатар төзімділігіміз айырықша көрінді. Елбасы Н.Ә.Назарбаевтың «Біз біргеміз!» акциясы аясында ауданның еріктілері әлжуаз топқа жататын жандарға, көп балалы аналарға көп көмек көрсетіп ерлік істер жасады. Әлі де пандемия індеті өршіп тұр сол себепті биылғы жаңа жыл мерекесін дәстүрлі түрде өтетін аудандық шыршаны жағып алаңға шығып тойланбайды. Алайда өздеріңіз отбасы арасында жанұяларыңызбен келе жатқан 2021 жылды көңіл күйлеріңіз көтеріңкі жақсы ниетпен қарсы алуды шақырамын.
Әрбір азамат жаңа күнде жақсылықтан үмітті. Ендеше, сол үміттеріңіз орындалсын. Жаңа жыл – баршамызды жаңа жетістіктерге, жаңа батыл қадамдарға бастасын! Елдігіміздің тұғыры берік, ынтымағымыздың ырысы шайқалмасын!
Отан деген ұғымның кішкентай ғана моделі, үлгісі саналатын "отбасы" ұғымы – қазақ қоғамында тәрбиенің негізгі қайнар көзі. Яғни ұлттық тәрбиенің негізгі бастауы. Отбасы – әрбір адам баласының өсіп-өніп, тәй-тәй басып, қанатын кеңге жайып ұшып шығатын алтын ұясы.
«Ұяда не көрсең, ұшқанда соны ілесің» демекші, отбасында алған тәрбие – әр баланың болашағының негізі, әрі іргетасы. Елбасы өз сөзінде «Отанға деген ыстық сезім жақындарына, туған-туысқандарына деген сүйіспеншіліктен басталады» дейді. Отбасында мейірім мен сыйластық, адалдық пен сенім сияқты құндылықтарды көріп өскен бала Отан алдында да абыройлы азамат атана алмақ. Тұрақты, дамыған мемлекеттің негізгі даму көрсеткіші жоғарыда айтылған ізгі отбасы үлгісінен көрінеді.
Осы орайда отбасылық құндылықтарды насихаттау мақсатында Ы.Алтынсарин атындағы орта мектеп коммуналдық мемлекеттік мекемесінде «Отбасы - бақыт мекені» атты апталықта түрлі іс-шаралар өткізілді. Атап айтар болсақ, «Ата-ананы құрметтеу – әрбір адамның қасиетті борышы», «Семьи большие и маленькие» атты тәрбие сағаттары, «Берік отбасы – адамның сенімді тірегі», «Все начинается с семьи» тақырыптарында эссе жұмыстары, «Отбасы гигиенасы» тақырыбында ZOOM платформасы арқылы онлайн лекциялар оқылды.
Қорытындылай келе, бұл іс-шаралардың негізгі мақсаты, мектеп оқушыларының бойына ұлттық тәрбиенің негізі – отбасы деп аталатын қасиетті ұғымды сіңіру, ата-анаға, отбасы мүшелеріне деген сыйластықты қалыптастыру.
Ұлан КУЛЬБАЕВ,
Ы.Алтынсарин орта мектеп директорының
тәрбие ісі жөніндегі оынбасары
Медициналық ұйымның ұйғаруымен мүгедектігі бар азаматтар мен балаларға санаторлық-курорттық емдеу тағайындалған болса, онда бұл қызметке өтінішті ХҚО-арқылы да рәсімдеуге болатынын білесіз бе? Ендеше #oqy&toqy айдарына назар салыңыз.
-Ең алдымен ХҚО-ның жеңілдік терезесіне кезекті алдын ала онлайн брондап баруды ұсынамыз;
-Бронды растау үшін белгіленген уақыттан 20 минутқа ерте барыңыз;
-ХҚО операторына келесі құжаттарды тапсырып, өтініш беріңіз:
-Жеке куәлік;
Егер заңды өкілі жүгінген болса, мүгедектігі бар азаматтан сенімхат (нотариалды растау қажет емес);
-Мүгедек азамат жайлы қажетті ақпараттарды ХҚО-операторы ақпараттық жүйеден бірден енгізеді.
Егер ақпараттық жүйеде мәлімет толық болмаған жағдайда келесі мәліметтерді қосымша талап етеді:
-Мүгедектігіне байланысты құжаттар;
-Жеке оңалту бағдарламасы әзірленген іс-шаралар туралы жазба көшірмесі;
Қызмет көрсету уақыты құжат тапсырған күнді есепке алмағанда - 10 жұмыс күні.
Есіңізде болсын!
Мүгедек азаматқа санаторлық-курорттық емдеу медициналық ұйымның шешімімен тағайындалады.
Дендеріңіз сау болсын!
2020 жылғы 25 желтоқсанында VI шақырылған Еңбекшіқазақ аудандық мәслихатының кезекті LXXI сессиясының отырысы өткен болатын. Сессия отырысы жартылай онлайн режимде өкізіліп, оған аудандық мәслихат депутаттары және бөлім басшылары мен қоғамдық кеңес мүшелері қатысты.
Сессияның күн тәртібінде тұрақты комиссиялардың біріккен отырысында талқыланып, сессия отырысында қарауға ұсынылған Еңбекшіқазақ ауданының 2021-2023 жылдарға арналған бюджеті, VI шақырылған Еңбекшіқазақ аудандық мәслихатының 2021 жылға арналған жұмыс жоспары, Ұлттық жол активтері сапасы орталығының Алматы облысы бойынша филиалының 2020 жылы атқарған жұмысы сияқты бірқатар маңызды мәселелер қаралды.
Бұл орайда экономика және бюджеттік жоспарлау бөлімінің тарапынан ұсынылған 2021-2023 жылдарға арналған аудандық бюджет жобасы Қазақстан Республикасының Бюджет кодексіне, Қазақстан Республикасының «Салықтар және бюджетке төленетін басқа да міндетті төлемдер туралы» кодексіне сәйкес, Президенттің Қазақстан халқына Жолдауларына қойылған міндеттердің, Жалпы сипаттағы трансферттерді есептеу әдістемесінің және кірістердің түсуін болжау негізінде қалыптастырылды.
Сондай-ақ, бюджетті қалыптастыру кезінде Мемлекеттік үдемелі индустриалды-инновациялық даму бағдарламасы, аудан аумағын дамыту бағдарламасы есепке алынды.
2021-2023 жылдарға арналған бюджет жобасын есептеу кезінде төмендегілер ескерілді:
2021 жылға арналған ауданның бюджет түсімдері мен шығыс бөлігі 25 млрд 993 млн 793 мың теңге мөлшерінде жоспарлануда.
Сонымен қатар, Еңбекшіқазақ ауданының жолаушылар көлігі және автомобиль жолдары бөлімі» мемлекеттік мекемесінің басшысы Б.Искаков пен «Ұлттық жол активтері сапасы орталығының» Алматы облысы бойынша филиалының өкілдері «Сапалы жол» бағдарламасы аясында жол инфрақұрылымы саласы бойынша ағымдағы жылы Еңбекшіқазақ ауданында жүргізілген жол құрылысы жөндеу жұмыстарының сапасын тексеру бойынша атқарылған жұмыстардың нәтижесін атап өтті.
Жиында «тың жол инфрақұрылымы саласындағы «Жұмыспен қамтудың Жол картасы-2020», «Ауыл - ел бесігі», «Өңірлерді дамыту» бағдарламалары аясында жол қауіпсіздігін сақтау мақсатындағы атқарылып жатқан іс-шаралар мен оның сапасына байланысты депутаттар тарапынан аса маңызды сауалдар қойылып, тиісті жауаптары алынды.
Бұл өз кезегінде жолдардың сапалы салынуына талдау жасап, анықталған кемшіліктерді жоюға өз септігін тигізіп отыр. Отырыс соңында Бекет Төлегенұлы жол активтері ұлттық сапа орталығы филиалының мамандарының жұмысына оң бағасын беріп, ел игілігі үшін еңбек ететін ұжым қызметкерлеріне сенім артатынын және әрқашанда бірлесе қызмет атқаруға дайын екендігін жеткізді.
Сессия соңында қорытынды сөз алған Ахметов Бекет Төлегенұлы мәслихат тарапынан атқарылып жатқан іс-шаралар мен алдағы жоспарлары туралы кеңінен әңгімеледі.
Сөзінің соңында, әрбір жауапты лауазымда отырған азамат өз жұмысын жетілдіруі тиістігін, артылған жауапкершіліктің жүгі ауыр екендігін ескерте отырып, осы ортақ міндеттерді жүзеге асыруда билік пен халық қалаулыларын тығыз қарым-қатынаста болуға шақырды.
Күн тәртібіне қойылған мәселелер толығымен қаралып, аудандық мәслихат депутаттары тарапынан бірауыздан мақұлданды.
А.Беков
Құрметті аудан тұрғындары мен қонақтары!
Еңбекшіқазақ аудандық Санитариялық-эпидемиологиялық бақылау басқармасы келе жатқан Жаңа жыл мерекесі қарсаңында өмірлеріңіз бен денсаулықтарыңызды қорғау мақсатында азық-түлік сатып алғанда, келесі мәліметтерге назар аудару қажеттігін ескертеміз:
-Өнім сыртындағы таңбалауы. Буып-түйілген тамақ өнімдерін таңбалауында мынадай мәліметтер болуы қажет: атауы, құрамы, саны, дайындалған күні, жарамдылық мерзімі, сақтау шарттары, дайындаушының атауы мен орналасқан жері қамтылуы тиіс. Сонымен қатар ұсыныстар және (немесе) пайдалану бойынша шектеулер, тағамдық құндылық көрсеткіштері, ГМО туралы мәліметтер, бірыңғай айналым белгісі. Егер сіз толық ақпарат жоқ өнім көрсеңіз, онда мұндай өнімді сатып алудан аулақ болыңыз;
- Орау. Өнім бүлінбеген қаптамаға буып-түйілуі тиіс, ол оның қауіпсіздігін және оларды тасымалдау мен сақтау шарттары сақталған жағдайда жарамдылық мерзімі ішінде таңбалауда мәлімделген тұтынушылық қасиеттерін қамтамасыз етуге мүмкіндік береді. Егер сіз таңдаған өнім зақымдалған, ластанған қаптамада екенін байқасаңыз, оны сатып алудан бас тартыңыз;
-Сауда желілерінде тез бұзылатын азық-түлік өнімдерін (аспаздық өнімдер – салаттар, көкөніс және саңырауқұлақ, жеміс-жидек, жұмыртқа және ірімшік, балық және теңіз өнімдері, ет және ет өнімдерінен жасалған суық тағамдар мен жеңіл тағамдар және т.б.), сонымен қатар жаңа жылдық кондитерлік сыйлықтар, торттар және басқа да кремделген кондитерлік өнімдерді аларда өте сақ болыңыздар. Өнімде жағымсыз иістер болса, түсі, пішіні өзгерген болса, бұл өнімді алмаған жөн;
-Жұмыртқа мен ет, құс етін, балық етін қолданар алдында мұқият термиялық өңдеуден өткізу керек, шикі жұмыртқаны, жеткілікті қайнатылмаған жұмыртқаны жеуге болмайды;
- Шикі және дайын өнімдер үшін жеке пышақтар мен тақталарды пайдалану керек, оларды бөлек сақтау керек. Тоңазытқышта шикі және дайын өнімді бөлек сақтау керек;
-Ветеринариялық-санитариялық сараптамадан өтпеген ет және ет өнімдерінен жасалған суық тағамдар мен жеңіл тағамдар, аспаздық өнімдер – салаттар, көкөніс жұмыртқа мен құс етін жабайы сауда орындарында, белгісіз сатушылардан сатып алмаңыз;
-Жұмыртқа мен құс етін сатып алу кезінде сатушыдан өнімнің қауіпсіздік құжаттарын (ветеринариялық анықтамалар мен сертификаттар) талап ету қажет;
-Қолды сабынмен жиі жуу, маскаларды, бір рет қолданылатын дымқыл майлықтарды, антисептикалық құралдарды қолдану ұсынылады;
-Аурудың алғашқы белгілері пайда болған кезде шұғыл түрде дәрігермен кеңесу керек.
Коронавирусты инфекцияны жұқтырып алмас үшін жаңа жыл мерекесін тек өз отбасыңызбен қарсы алу және тек сапалы тағам өнімдерін пайдаланып, мерекені жақсы өткізу өз қолдарыңызда!
Ш. Етекбаева,
Еңбекшіқазақ аудандық Санитариялық-эпидемиологиялық
бақылау басқармасының жетекші маманы
Ауданымыздың полиция қызметкерлері қызметтік міндеттерін атқаруда және биылғы пандемия кезінде қаза тапқан әріптестерін ел тәуелсіздігінің 29 жылдығы қарсаңында еске алды. Тәртіп сақшылары олардың туған-туысқандары мен жақындарынаризашылықтарын жеткізіп, алғысын білдірді.
Аудандық полиция басқармасында өткен жиналысқа облыстық полиция департаменті басшысының орынбасары, полиция полковнигі Данияр Мендебаев пен аудандық полиция басқармасының басшысы, полиция полковнигі Талғат Сейілханов және өзге де полиция қызметкерлері қатысты. Жиналыста пандемия кезінде қаза тапқан Тохтибуви Разыеваға ҚР Ішкі істер министрінің атынан «Құқық тәртібін қамтамасыз етуге қосқан үлесі үшін» медалі беріліп, аталған марапат марқұмның ұлына табысталды. Жиналыста сөз алған Д.Мендебаев: «Тәуелсіздік жылдары қылмыспен күресуде қызметтік міндеттерін атқару кезінде ондаған қызметкеріміз қаза тапты. Олардың бейбіт уақытта, жас шағында, жоспарлары мен үмітін іске асыра алмай, халқы мен Отаны үшін жан тапсырғандарын сезіну өте қиын. Біз қазіргі полиция қызметкерлері, сондай-ақ құқық қорғау саласының жас буыны осы батырларды еске аламыз. Биылығы пандемия жағдайында да полиция қызметкерлері күрестің алғы шебінде жүрді. Біз бүгін Тәуелсіздік мерекесінің қарсаңында олардың рухына тағзым етіп отырмыз. Қазір елімізде полиция қызметкерлеріне жаңа міндеттер жүктелуде. Сондықтан бізге білімді де, білікті полиция қосынын құру маңызды. Біз қашанда Отан алдындағы борышымызға адалмыз», – деді.
Сонымен қатар, тәртіп сақшылары ерлікпен қаза тапқандардыңтуған-туыстары мен балаларын назардан тыс қалдырмады. Департамент басшысының бастамасымен есіл ерлердің әріптестерінен құралған топ өз қызметтік борышын орындау кезінде ерлікпен қаза тапқан полиция майоры Турдиев Турганжан Мажитұлы мен полиция сержанты Абдуллаев Мусрет Климентұлының отбасыларына амандаса барды. Тәртіп сақшылары батырлардың жұбайы мен ата-аналарын Тәуелсіздік мерекесімен құттықтап, оларға алғыс хаттар, гүлшоқтары мен сыйлықтар табыс етті.
«Біз ел азаматтарының бейбіт өмірі үшін құрбан болған полиция қызметкерінің бейнесін, ерліктерін жүрегімізде мәңгі сақтаймыз. Олардың әрбір игі ісі мен әрекеттері ерлік деп бағаланды. Олардың отан сүйгіштігі мен өшпес ерлігі жас буынға өмірілік өнеге болады», – деп қорытындылады Данияр Мендебаев.
Ерзат АСЫЛ
Қазақстан Республикасы Президентінің 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» Жолдауында «Ауыл – Ел бесігі» жобасын жүзеге асыру арқылы ауылдардың әлеуметтік инфрақұрылымын жаңғырту міндетін қойған болатын. Жобаның негізгі мақсаты — ауыл тұрғындарының тұрмыс сапасын жақсарту, ауылдық аумақтардың әлеуметтік ортасын жаңғырту, оларды өңірлік стандартқа дейін жеткізу.
Жоба шеңберінде әлеуметтік және инженерлік инфрақұрылымдарды дамыту, ауыл халқының әлеуметтік игіліктер мен мемлекеттік қызметтерге қолжетімділігін қамтамасыз ету және жалпы жайлы өмір сүру ортасын қалыптастыру бойынша бірқатар міндеттердің шешімі табылатын болады. Осы ретте Еңбекшіқазақ ауданында да жоба іске асырылуда.
1. «Ауыл – Ел бесігі» жобасы шеңберінде Шелек ауылында ұзындығы 10 шақырым болатын, 15 көшені күрделі жөндеуге 938,4 млн.теңгеге жобалық-сметалық құжаттамасы дайындалып, сараптамадан өтті. Атап айтсақ, Д.Нурпеисова көшесі -1,2 шақырым; Молдагулова көшесі -1,2 шақырым; М.Маметова көшесі -1,2 шақырым; Достык көшесі-0,8 шақырым; Стадионная көшесі - 0,4 шақырым; П.Вихрев көшесі - 0,6 шақырым; С.Абишева көшесі -0,3 шақырым; Илийская көшесі-0,6 шақырым; Медицинская көшесі -0,6 шақырым; 6 көлденең көше – әрқайсысы 0,5 шақырым. Ағымдағы жылы жол жөндеу жұмыстарына 825,3 млн. теңге бөлінді.
Мердігер мекеме «Атырауинжстрой-АИС» жауапкершілігі шектеулі серіктестігі. Қаражат толық игеріліп, жұмыстары аяқталды.
2. «Ауыл Ел-бесігі»жобасы бойынша Шелек ауылындағы Х.Бижанов атындағы мектеп ғимаратын күрделі жөндеу жұмыстарын жүргізуге қаражат бөлінді. Мердігер ұйым — «Многопрофильная компания «Достар» жауапкершілігі шектеулі серіктестігі, келісім шарт сомасы — 423,7 млн. теңге.
Шелек ауылындағы Х.Бижанов атындағы орта мектептің күрделі жөндеу жұмыстары аяқталып, пайдалануға берілді.
Аудандық Экономика және
бюджеттік жоспарлау бөлімі