Скарлатина –бұл ағзаның жалпы уыттану белгілерімен (бас ауруы, дене қызуның көтерілуі, әлсіздік) қатар, бадамша бездерінің қабынуымен (ангина), теріде пайда болатын бөртпелерімен бірге жүретін, жоғары тыныс жолдарының жіті инфекциялық ауруы.
Скарлатина адамның көпшілігі балалық шақта ауыратын, балалар инфекциясы саналады. Ауруды бастан өткізгеннен кейін адамда өмір бақи сақталатын иммундық қорғаныс қалыптасады.
Скарлатинаның алдын алатын арнайы шаралары мен вакцинасы жоқ.
Инфекцияның көзі науқас адам немесе стрептококк инфекциясының тасымалдаушысы болып табылады.
Жиі жағдайда аурудың бұл түрімен мектепке дейінгі және мектеп жасындағы 2 мен 8 жас аралығындағы балалар ауырады, өйткені осы жастағы балалар стрептококкқа өте сезімтал келеді.
Адам ауырғаннан кейін инфекцияның тасымалдаушысы болады және оны жұқтырған сәттен бастап кейінгі 3 аптада басқа адамдарға жұқтыра алады. Аурудан кейін адам ағзасында тұрақты иммунитет қалыптасады.
Инфекцияның негізгі берілу жолы ауа –тамшылы.
Аурудың алғашқы белгілері стрептокококк инфекциясын жұқтырғаннан кейін 2-7 күн өткен соң пайда болады. Алдымен дене қызуы +39+40С0 дейін көтеріледі, содан кейін әлсіздік, бас ауруы пайда болады, кейде бұл белгілер бір реттік құсумен қатар жүреді. Жұтыну кезінде ауырсыну сезімі болады, жұтқыншақтың шырышты қабаты қызарады, бадамша бездері ұлғайып, оларда сұрғылт түсті жабын пайда болады.
Скарлатинаның алдын - алудың маңызды бөлігі жеке бас тазалығын сақтау, балаларды қолды үнемі жууға, ауыз қуысын күтіп ұстауға, жеке сүлгі, тіс щеткасын, сусын ішетін бөтелке, тамақ ішетін ыдыстарды және басқа да жеке заттарды қолдану тәртібіне үйрету. Осы қарапайым шаралардың барлығы стрептококк инфекциясының таралу қауіпін айтарлықтай төмендетеді.
Сондай – ақ, адамдар көптеп жиналатын орындарға бармау, тұрғын үй –жайларды ылғалды-жуып тазалау және ауасын жиі алмастыру, жіті респираторлы вирусты инфекциялардың белгілері бар адамдармен байланысты шектеу, ауру белгілері пайда болған кезде өзін-өзі емдеумен айналыспай, дәрігерді үйге шақыру.
Еңбекшіқазақ аудандық СЭББ
басшысының орынбасары Д.Бақберген
