Сәрсенбі, 22 Қыркүйек 2021 14:02

Білімді ұрпақ – жарқын болашақ кепілі

Шариғат тілінде «білім» сөзі – бір мәселені жан-жақты, анық-қанығына дейін жіті түсіну деген мағынаны білдіреді. Білім – ақылдылық пен парасаттылықтың белгісі. Білімді адам жарық шам секілді. Білімсіз надан қараңғы түн сияқты.

Пайғамбарымыздың (с.ғ.с.) хадис шәріпінде «Білім алу – әрбір мұсылман ер мен әйелге парыз» делінсе, тағы бір хадисінде «Тал бесіктен жер бесікке дейін білім үйрен» деп насихат айтылған. Қарап отырсақ, ислам дінінен басқа ешқандай дінде білімге қатты көңіл бөлмеген. Бәріңізге ақиқат болғандай, Әлемдердің Раббысы Жаббар иеміз Алла Тағала құранның ең алғашқы аятында «Оқы!» деп пәрмен берген. Көзі қарақты жанға бұдан исламның білім-ғылымға қаншалықты көңіл бөлгенін айыру қиын болмаса керек. Әрине, ислам діні – адамзат баласын қараңғылықтан жарыққа, надандықтан даналыққа шақыратын дін. Пайғамбарымыз (с.ғ.с.) айтқан хадис шәріпте былай дейді: «Кімде-кім білім іздену жолына түссе, онда Алла оған жәннатқа апарар жолды жеңілдетеді. Шынында, періштелер міндетті түрде білім ізденушіге разы болғанын білдіріп, қанаттарын жаяды. Шын мәнінде, ғалым үшін міндетті түрде аспандағы әрі жердегі бүкіл нәрсе, тіпті судағы балық та, Алладан оның күнәларының кешірілуін тілейді. Ал ғалымның қарапайым құлшылық етушіден артықшылығына келер болсақ, оның артықшылығы – аспандағы толық айдың басқа жұлдыздардан артықшылығындай. Шынында,  ғалымдар – пайғамбарлардың мұрагерлері, ал пайғамбарлар болса, өздерінен кейін динар да, дирһам да қалдырмаған, олар тек білімді мұра етті. Кімде-кім бұл білімді алса, онда ұлысы бағаға қол жеткізді».

Исламда «Білім қақпасы» аталып кеткен хазіреті Алиге он шақты яһуди келіп, егер ол шын саңлақ болса, әртүрлі жауап тауып сөйлер деген ниетпен бір сұрақ қоюды ойлайды:

– Ғылым артық па, әлде мал артық па? – деп оқыстан сұрақ қойыпты.

Сол мезетте Али:

– Бірінші, ғылым артық. Өйткені ғылым – пайғамбар-лардан қалған мирас, ал мал – перғауын мен Қарынбайдың мирасы. Екінші, ғылым сені сақтайды, ал малды сен сақтайсың. Үшінші, ғылымның досы көп, ал малдың дұшпаны көп. Төртінші, ғылымды жұмсасаң арта береді, малды жұмсасаң азая береді. Бесінші, ғылым саған құрметті атақ береді, ал мал сараң деген атақ қалдырады. Алтыншы, ғылым өзін-өзі сақтайды, ал малды үнемі бағып, күту керек. Жетінші, ғылым қиямет күні иесіне шапағатын жасайды, ал мал иесіне қисапсыз жауап бергізеді. Сегізінші, ғылым тозбайды, жоғалмайды, мал болса, қолдың кірі, өледі, жоғалады. Тоғызыншы, ғылым көңілді нұрландырады, адамға ақыл-ой қосады, ал мал масаттандырады, болған үстіне бола түссе екен деп дүниеқоңыз етеді. Оныншы, ғылым Аллаға зекет, тауһид, ғибадат қылады, ал мал иесінің көңіліне тәкәппарлық салады, – деп, тапқырлық танытыпты.

Қазақ даласында өткен ұлы ақындарымызда білімнің артықшылықтарын өз еңбектерінде айтып өтті. Бұған ағартушы, ғалым Ыбырай Алтынсариннің мына өлең жолдары дәлел:

Бір Аллаға сыйынып,

Кел, балалар, оқылық.

Оқығанды көңілге,

Ықыласпен тоқылық.

Оқысаңыз, балалар,

Шамнан шырақ жағылар.

Тілегенің алдыңнан,

Іздемей-ақ табылар.

Тағылымды тарихымыздан шариғат жолын ұстанған ата-бабамыз ілім жолын ұлық тұтқаны тайға таңба басқандай көрініп тұр. Мұзафар Әлімбаев та білімді баға жетпес қазынаға теңеді.

«Білім – қымбат қазына,

Қанағат тұтпа азына».

Тұңғыш Президент Нұрсұлтан Назарбаев білім кітапта екенін ашып айтты. Қазіргі таңда балалардың басым көпшілігі компьютер мен  ұялы телефонға телміріп отырады. Сондықтан Елбасы: «Болашақта кітап оқығандар компьютерде отырғандарды басқарады» деу арқылы білімді кітаптан іздеу керектігін айшықтап өтті.

Білімді ұрпақ – жарқын болашақ кепілі екенін ұмытпай, ұрпақтарымызды білімді де білікті қылып тәрбиелеу – әрбір ата-ананың борышы екенін естен шығармайық.

 

Сапархан қажы АЙДАРХАНҰЛЫ,

Еңбекшіқазақ ауданының бас имамы.

Оқылды 5371 рет

Соңғы жаңалықтар

Нау 29, 2024

Көктерек қашан «ауыл» болады?

Атырау қаласында өткен Ұлттық құрылтайдың үшінші отырысында Мемлекет басшысы Қасым-Жомарт…
Нау 29, 2024

Аудан әкімі тағайындалды

Кеше аудандық мәслихаттың кезектен тыс ХІХ сессиясында аудан әкімі лауазымынаТалғат…
Нау 29, 2024

Межелер пысықталып, жоспарлар…

Еңбекшіқазақ аудандық мәслихатындағы «AMANAT» партиясы депутаттық фракциясының отырысы…
Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет