Жақында «Nur Otan» партиясы аудандық филиалы жанындағы сыбайлас жемқорлыққа қарсы іс-қимыл жөніндегі қоғамдық кеңес төрағасы, облыстық мәслихат депутаты Ерік Абитов аудандық төтенше жағдайлар бөлімінің қызметкерлерімен кездесу өткізді.
Қоғамдық кеңестің хатшысы Асия Нуреббаева, кеңес мүшелері, төтенше жағдайлар және өрт сөндіру бөлімінің қызметкерлері қатысқан жиында жемқорлықтың алдын алу шаралары бойынша атқарылып жатқан жұмыстар түсіндірілді. Жемқорлық – мемлекеттің болашағына балта шабатын қауіпті қылмыс екенін айтқан Ерік Абитов сыбайлас жемқорлыққа қарсы заңнамаларға тоқталып өтті. Сонымен қатар, қауіпті дертпен күресуді әр адам өзінен бастау керегін ескертті:
– Қоғамды түзеуді өзімізден бастауымыз керек. Қарапайым мысал, жол ережесін бұзып, полиция қызметкерлеріне ұсталсақ, айыппұл төлеудің орнына тәртіп сақшыларына пара ұсынатынымыз жасырын емес. Кез келген мәселені шешудің де оңай жолын іздейміз. Осының барлығы еліміздің болашағына жасалған қастандық – деді Ерік Абитов.
Жиын соңында төтенше жағдай бөлімінің қызметкерлері өздерінің ойларын ортаға салып, мекемедегі сыбайлас жемқорлықпен күрес жөніндегі іс-шаралар жоспарымен таныстырды.
Сардарбек НҰРАДИН
Тәуелсіздік – ең алдымен ұлтымыздың бостандыққа ұмтылған асқақ армандары мен қайсар рухының жемісі. Бір қаламның ұшымен жазылып, барша қауымның жүрегіне орнаған, бір ауыздан айтылып, кең өлкемді шарлаған осынау ыстық сөз, ыстық көңіл лебізі бүгін ғана емес, бар уақытта да қан тамырымыздың бүлкіндей естіледі бізге.
Жақында Қазақстан Республикасы тәуелсіздігінің 30 жылдығына орай Ы.Алтынсарин атындағы орта мектеп-мектеп жанындағы интернатымен және Қызылқазақ бастауыш мектебінде 5-10 сынып оқушылары арасында «Қазақстанның ғажайып жауһарлары» атты республикалық сурет байқауы өткізілді. Аталған байқауға оқушылар белсене қатысты. Сондай-ақ көптеген оқушылардың туындылары «Дара бала», «Балалар әлемі» журналында жарық көрді. Сонымен қатар, «Тәуелсіз елдің асқақ рухы», «Ана тілім –айбыным», «Тілге құрмет – елге құрмет» тақырыптарында республикалық эссе байқауы өткізілді. Бұл байқауға мектеп оқушылары А.Дәулет, С.Несіпхан, А.Орынбек қатысты. Үкілеген үміттеріміз қарымы мен дарынын көрсетуге күш салды.
Мектебімізде технология пән мұғалімі, желтоқсан оқиғасының қатысушысы Камшат Рахимова жастарға желтоқсан оқиғасының тарих тағылымында алар орнының ерекше екенін әрдайым айтып отырады. Тәуелсіздік – ащы термен келген тәтті жеңіс.Төгілген қанның, өлмеген жігердің отымен келген ұлы күн.
Жанар ДОСАНОВА,
қазақ тілі пәнінің мұғалімі
Внедрение аквакультуры в производство продуктов питания – общемировой тренд. Участниками Продовольственной программы (FAO) ООН принята Декларация об устойчивости рыболовства и аквакультуры, в которой изложена концепция искусственного разведения рыбы как способа борьбы с неполноценным питанием и голодом, сбережения природных ресурсов и сохранения окружающей среды.
В годы восстановленной независимости к развитию аквакультуры активно подключился и Казахстан. В нашей внутриконтинентальной стране морское рыболовство в сравнительно небольших объемах ведется на Каспии и Арале, ловля пресноводной рыбы возможна лишь на участках крупных трансграничных рек и промышленного значения не имеет. «Рыбный стол» для большинства казахстанцев остается малодоступным и в ценовом сегменте.
Из-за сохраняющейся импортозависимости по рыбопродуктам продовольственная безопасность Казахстана не обеспечивается в полной мере.
В целом потребление рыбы, входящей в список социально-значимых продуктов питания, в Казахстане составляет всего около четырех килограммов в год на душу населения, тогда как по нормативам ВОЗ душе за год положено съедать 16 кг.
Есть ли у нас условия для сокращения такого дисбаланса? Безусловно имеются. Из 40 тысяч естественных водоемов Казахстана в перечень рыбохозяйственных входят всего 3 тысячи. Потенциал «рыбной» отрасли РК составляет 600 тысяч тонн продукции в год, в десять раз выше, чем она производит сейчас. Развитие основных видов товарной аквакультуры – прудовой и индустриальной, является главным средством обеспечения наших граждан разнообразным и недорогим рыбным ассортиментом, способствует росту занятости, повышению доходов жителей села.
Государственная программа развития АПК РК на 2017-2021 г.г. прогнозирует рост продукции аквакультуры с 1,5 до 5 тыс. тонн в год. На совещании в г.Атырау Премьер-министр РК Аскар Мамин поставил цель: до 2030 г. не только увеличить объемы вылова рыбы с нынешних 45 до 60-65 тыс. тонн, но также нарастить производство аквакультуры с 7,4 до 60 тыс. тонн в год. Минсельхозом РК приняты меры по переходу от естественного рыболовства к рыбоводству. Аквакультура становится приоритетным направлением в рыбной отрасли, разработаны правила ее инвестирования и субсидирования.
В Алматинской области наряду с прудовыми хозяйствами перспективным направлением является индустриальная аквакультура, В отличие от прудового, индустриальное рыбоводство основано на принципе замкнутого водоснабжения в садках и бассейнах. Такие индустриальные рыбные хозяйства интенсивно развиваются в Енбекшиказахском районе. В условиях резко континентального климата, при котором вдобавок главными водными источниками являются горные реки, они наиболее "подходят" для разведения холодолюбивой рыбы, такой как форель.
На сегодня у нас действуют восемь крупных рыбоводческих ферм с общим объемом производства до тысячи тонн рыбы в год. Самым крупным предприятием является форелевое хозяйство в Есикском ущелье, принадлежащее корпорации «ТМТ Group», которой руководит ее создатель и основатель Марлен Турсынали. Дипломированный ихтиолог, выпускник биофака КазНУ имени Аль-Фараби, свой бизнес он начинал с продажи рыбного корма немецкой компании Aller Aqua. Затем открыл рыбный магазин в г.Алматы. Профессиональные знания ихтиолога пригодились, когда в 2015 году г-н Турсынали основал собственную производственную компанию «King Fish» по выращиванию форели и осетра, а также по разведению мальков этих рыб.
На сегодня компания «King Fish» превратилась в корпорацию «ТМТ Group», объединяющую ряд казахстанских рыбных хозяйств, разводящих форель, сазана, амура, толстолобика, тиляпию, африканского сома. К примеру, амура и толстолобика выращивает на территории бывшего Шелекского прудового хозяйства ТОО «Гидросервис» – ближайший партнер «ТМТ Group». В Есикском ущелье, в районе ГЭС-3, корпорация «ТМТ Group» построила на участке, арендованном у ТОО «Гидросервис», крупное форелевое хозяйство, производящее в год до 250 тонн деликатесной рыбы. В перспективе это хозяйство будет поставлять на рынок и рыбную икру.
Корпорация «ТМТ Group» является лидером рыбоводческой отрасли РК, а ее руководитель г-н Турсынали в 2020 году признан лучшим рыбоводом страны и удостоен специальной премии «Елiм-ай» Министерства экологии, геологии и природных ресурсов РК за вклад в сохранение окружающей среды. Марлен Турсынали также является директором областного филиала республиканской ассоциации рыбоводов Казахстана.
Управляющий директор форелевого хозяйства корпорации «ТМТ Group» Нурбол Абай рассказывает:
– В «ТМТ Group» работают молодые, перспективные специалисты, которые под началом Марлена Турсыналиулы внедряют методы рыбоводства по евростандартам, используя опыт таких ведущих «рыбных» стран как Норвегия. В больших бассейнах содержится самая крупная, 3-4 килограммовая форель. Корм для нее завозится из Европы. Помимо шести бассейнов для форели разных возрастов и весовых категорий, смонтированы три блока из цистерн. В них содержится форель, подготовленная к реализации. В торговую сеть она поступает после 10 дней голодания. Такая технология позволяет значительно улучшить вкусовые качества рыбы, избавить ее от неприятного запаха. При интенсивном разведении в искусственных водоемах рыба подвержена риску заражения грибковыми, паразитарными, бактериальными заболеваниями. Введенные «ТМТ Group» в практику обязательные вакцинация, лечение, карантинные меры способствуют получению и вкусной, и здоровой рыбной продукции, безопасной для потребителя. Преимущество крупных хозяйств том, что только они могут обеспечить жесткие требования крупных торговых сетей, что недоступно мелкому производителю.
Каждую партию форели, поступающую на рынок, сопровождает заключение ихтиопатолога.
Больная проблема рыбоводческой отрасли – грамотные специалисты. Впервые в Казахстане на базе форелевого хозяйства открыта постоянная школа рыбоводов «Балық мектеп», в которой готовят специалистов для рыбоводческих ферм, проходят практику студенты биофака КазНУ имени Аль-Фараби. В школе они получают небходимые знания по разведению, кормлению, заболеваниям рыбы, изучают технологическое оборудование акваферм. Кроме того, корпорация помогает небольшим хозяйствам подготавливать бизнес-планы, получать кредиты. На базе форелевого хозяйства Балхаш-Алакольская рыбная инспекция организует природоохранные совещания.
В Ташкенсазском округе действует инкубационный цех по выведению мальков форели из оплодотворенной икры, привозимой из Дании. Цех обеспечивает не только потребности форелевого хозяйства, но также предлагает рыбоводам Алматинской области здоровый и недорогой посадочный материал (мальков) весом от 40 до 200 граммов.
Корпорация «ТМТ Group» ставит перед собой задачу производства рыбной продукции, доступной массовому покупателю. Очередной инновационный проект корпорации – строительство рыбоконсервного завода в г.Алматы, который обеспечит реализацию продукции рыбных хозяйств, стимулирует развитие аквакультуры в Алматинской области.
И.ТУРАНИН
Осыдан тура 35 жыл бұрын Украинадағы Чернобыль атом-электр станциясында жарылыс болып, адамзат тарихындағы ірі радиоактивті апат орын алды. Сол кезеңде апаттың зардабын жоюға Кеңес одағының түпкір-түпкірінен 100 мыңдаған азамат тартылып, ажалмен бетпе-бет келді. Бүгінгі кейіпкеріміз Есік қаласының тұрғыны Берік Байырбекұлы Байсабаев та атом-электр станциясында болған жарылыстың зардабын жоюға қатысқан.
Тосыннан болған апат билікті шұғыл әрекет етуге итермеледі. Нәтижесінде, Қазақстанның өзінен мыңдаған әскерилер мен еріктілер улы радиация ордасына жеткізіліп, Отан алдындағы борышын өтеді. Қолдарында арнайы жабдығы жоқ адамдар апатты оқиғаның салдарын азайтуға тиіс болды, әйтпегенде радиоактивтік ластану қазір Украина, Ресей және Беларусь аймағына жайылып кететін еді. Осылай деген Берік Дайырбекұлы көзге көрінбейтін жауға қарсы тұру оңай болмағанын айтады.
Берік Байсабаев 1986 жылы 10 сәуірде шұғыл әскер қатарына шақырылады. Оны Днепропетровск облысындағы 44318 әскери бөлімінің химиялық ротасына жібереді. Алғашқы кезеңде Чернобыльда жауынгерлік сынақтан өткен Берік Дайырбекұлының полкін 1986 жылдың 19 тамызында радиациямен уланған аймаққа жібереді. Әскери бөлім орналасқан Полесская ауылы мен жарылыс болған 4 реактордың ара-қашықтығы 12 шақырым еді.
– Сол кезеңді еске алудың өзі қорқынышты. Апат аймағынан 30 шақырым радиустағы елді мекендегі тұрғындарды құтқарып, көмек көрсеттік. Бірақ, біз мұндай радиоактивті апатпен күресуде тәжірибеміз жоқ, радиацияның әсері туралы білетініміз де шамалы еді. Химиялық сәулеге, радияцияға қарсы қорғаныс заттары тапшы болды. Қауіптің ортасында ажалмен бетпе-бет келсек те еш мойымай, өзімізге жүктелген міндетті орындадық – дейді бүгінгі күннің батыры.
Өзгелердің өмірі үшін басын бәйгеге тіккен Берік Байсабаевтың ерлігі еленіп, 2005 жылы Украинаның «Герой-спасатель» орденімен марапатталған. Сол жылы Алматы қалалық Чернобыль офицерлер одағының төрағасы С.Серікбаев «Чернобыль батыры» медалін табыстаған.
С.НҰРАДИН
Адам ғұмыры озған сайын өткен күндердің қызық пен қиындыққа толы сәттерін жиі есіне алады екен. Мен өткен өміріме зер салсам, кейде қуанышқа, кейде қайғыға тап болам. Әсіресе, жаныңа жара салған сәттер әсте ұмтылмайды екен. Соның бірі өзім куә болған Чернобыль АЭС апаты болатын. Жойқын жарылыстан күйреген елді мекендегі күйзелісті өмір елесі әлі көз алдымда.
Ол кезде мен отыздан асып, екі баланың әкесі атанып, бейбіт өмірде берекелі күн кешіп жатқан едім. Бір күні аудандық әскери коммисариттан шақыту алдым. Бұл, сірә, 1988 жылдың күзі болса керек. Міне солай, Еңбекшіқазақ ауданынан қазақ, орыс, неміс ұлтынан құралған 10 адам Украина жеріне жол тарттық. Онда табиғаты тамаша Припять қаласының жанындағы Зелёный мыс және Лесной ауылына келдік. Жап-жасыл елдімекенді АЭС жарылысынынан зардап шеккен дегенге сенгің келмейді. Бірақ сол жайқалған орманың «өлім» әкелетін «Көк сәулеге» оранғанын кейін білдік. Сол себепті арнайы жүруге белгіленген жерлермен ғана жүрдік. Ондағы елсіз мекенде қалған, аяғы жоқ, көзі жоқ үй жануарларын көріп зәреміз ұшты. Радиация әсерінен көктеген алып асқабақтарды кездестіріп, жағамызды ұстадық. Біздің де денеміздегі радиация мөлшері ұдайы өлшенгенмен, оның нақты көрсеткіші құпия күйде қалды. Қарулы қақтығыстарда адам ғана шығындалса, Чернобыльдегі АЭС апатынан барша жаратылыс әлемі жапа шекті. Мен де 6 ай мылтықсыз майданда арпалысып, елге қайттым. Бүгінде сол алапат АЭС апатын ауыздықтауға аттанған 10 адамннан тек екеуі ғана жер басып жүр. Құдайға шүкір, балалардың қызығын көріп, немере сүйіп, бақытты күн кешіп жатқан жайым бар. Уақыт алға озса да жарылыстың жаңғырығы құлағымнан кетер емес. Биыл 26 сәуірде Чернобыль АЭС апатына 35 жыл толады. Мен апат зардабын жою жолында Отан алдындағы борыштарын орындауға жанын құрбан еткен ардагерлердің рухына үнсіз тағзым еткім келеді. Еліміз аман, тәуелсіздігіміз баянды болсын!
Алжомарт ҚАСЫМБЕКОВ,
Чернобыль ардагері.
Осыдан 35 жыл бұрын, 1986 жылы 26 сәуірде Украинаның Чернобыль қаласындағы атом-электр стансасының төртінші блогы жарылды. Апаттың зардабын жою жолында жүзмыңдаған сарбаз Отан алдындағы борышын атқарды. Осыған орай ауданымыздағы Чернобыль АЭС апатын ауыздықтаған ардагерлер марапатталды.
Марапаттау шарасына «Nur Otan» партиясы аудандық филиалы төрағасының бірінші орынбасары Қуат Байғоджаев, аудандық «Еңбекшіқазақ» газетінің бас редакторы Хайролла Ахметжанов, облыстық мәслихаттың депутаты Ерік Абитов, Алматы облысы бойынша Чернобыль ардагарлері мен мүгедектер қоғамдық бірлестігінің төрағасы Ержан Омаров және өзге ардагерлер қатысты. Марапаттау сәтінде Қуат Байғоджаев ел тәуелсіздігінің 30 жылдығымен тұспа-тұс келген Чернобыль АЭС апатын 35 жылдығын тіліне тиек етіп, ондағы атомның алапат апатымен алысқандардың қашанда сый-құрметке лайық екендігін жеткізді. Аудандық «Еңбекшіқазақ» газетінің бас редакторы Хайролла Ахметжанов Чернобыль АЭС апатын ауыздықтаған ардагерлердің тарихи ерлігі ұмытылмай, ұрпақ жадында мәңгілік жаңғыратынын баяндады. Ал облыстық мәслихаттың депутаты Ерік Абитов аргерлерге зор табыс тілеп, ағынан жарылды. Шара соңында Алжомарт Қасымбеков, Берік Байсабаев бастаған Чернобыль АЭС апатын залалсыздандыруға қатысқан сегіз ардагерге арнайы төсбелгі мен алғыс хат табысталды.
Алматы облысында білім беру салаларында 34 мемлекеттік қызмет белгіленген. Оның 30-ы автоматтандырылған, 4-уі қағаз түрінде көрсетіледі. Бұл туралы облыстық білім басқармасымен өткен баспасөз-мәслихаты барысында белгілі болды.
Өткен жылы білім басқармасы және басқармаға қарасты облыстық мекемелер, аудандық, қалалық білім бөлімдері 170 306 мемлекеттік қызмет көрсетсе, аталған сала бойынша өңір тұрғындары жыл басынан 57 766 мемлекеттік қызмет түріне жүгінген.
Айта кетейік, ҚР Білім және ғылым министрлігінің бұйрығына сәйкес, бірінші сынып оқушыларының құжаттарын қабылдау 1 сәуірден басталып, 1 тамызға дейін жалғасады.
«2020-2021 оқу жылында 1 сыныпқа 47 007 бала қабылданса, ағымдағы жылға 1 сыныпқа 49 000 жуық бала қабылдау жоспарланып отыр. Құжаттарды egov.kz арқылы және қағаз жүзінде беруге болады»,- дейді Облыстық білім басқармасы басшысының орынбасары Жаңыл Сүлейменова.
Биыл білім беру саласына қатысты 9 мемлекеттік көрсетілетін қызметті облыс әкімдігінің ведомстволық бағыныстағы мекемелерінің орталықтандырылған деректер базасы арқылы алуға да болады. Ол «е-zhetysu.kz» порталы деп аталады. Жүйеде 1328 мектепке дейінгі ұйым мен 721 мектеп тіркелген.
Осы уақыт аралығында бұл жүйенің көмегімен 69 774 бала жолдама алып, мектепке дейінгі тәрбиемен қамтылып үлгерген.
А.Сабырова
18 сәуір – Халықаралық ескерткіштер мен тарихи орындарды қорғау күні қарсаңында «Есік» қорық-музейінде «Атқа міну мәдениеті – дала өркениетінің мұрасы» тақырыбында ерекше көрме ұйымдастырылды.
Ел тәуелсіздігінің 30 жылдығы аясында өткен көрме экспозициясы сонау энеолит дәуірінен бүгінгі күнге дейінгі атқа міну мәдениетіне қатысты артефактілерді қамтыды. Онда қолданыстағы ат әбзелдері, ежелгі арбаның көркемдік реконструкциясы, түркі дәуіріне тиесілі жебелі қылшан, тас бетіндегі сурет-петроглифтердің фотолары, Пазырық кілем көшірмесі және басқа да экспонаттар болды. Олар – «Есік» қорық-музейі, «Ботай» қорық-музейі мен Ұста Дәркембай атындағы қолөнер музейі қорларының коллекциялары.
Көрме экспозициясы жылқының қолға үйретілуі, атқа міну мəдениетінің негізін қалап, Ұлы дала өркениетінің ұлы жаңалығы болғанын, адамзат тарихының келесі белестерінде рухани құндылықтарға ие болып отырғанын көрсетті. Жылқыны қолға үйретіп, мініс көлігіне айналдырудың арқасында көне қоғамның мәдени-тарихи көкжиегі кеңейе түскенін айқын көрсете білді. Әлі де болса, көшпенділер ұрпағы ретінде осындай ұлы мәдениеттің қаймағын бұзбай, сақтап келген қазақ халқы жылқыны жеті қазынасының бірі, адал серігі деп қадір тұтады.
Көрме тақырыбына сай экспозициялық тақталары атқа міну мәдениетінің даму эволюциясын көрсететін ретпен орналастырылған. Қазақстан аумағы жылқының қолға үйретілген мекені болғандығын дәлелдеген, энеолит дәуіріне тиесілі Ботай мәдениетіне қатысты материалдар қамтылды. Ботай ескерткішіне жүргізілген кешенді зерттеу нәтижелері бойынша ғылыми еңбек жазған, осы ескерткішті 80 жылдардан бері зерттеп келген ғалым В.Зайберт. Ғалымның бұл еңбектері, аталмыш қоныстан табылған жылқы бас сүйегі, сүйектен жасалған тұрмыстық һәм ғұрыптық бұйымдар көрме залына қойылды.
Жылқы адамзат өркениетіндегі, әсіресе, дала өркениетіндегі дамудың жарқын да елеулі көрсеткіштерінің бірі болғанын көрсететін – сақ дәуірінің құндылықтары. Шығыс Қазақстан мен Жетісу жерінен табылған жылқы малына қатысты күнделікті тұрмыста қолднылатын әбзелдер мен жылқыға қатысты ғұрыптық бұйымдар сол дәуірдің ерекшеліктері мен жаңалықтарын аңғарта алды.
Дала өркениетінің құнды мұрасы, ұлы жаңалықтардың бірі – үзеңгілі қатты ер-тұрманның ойлап табылуы. Әрі ол түркі дәуірінде жүзеге асып, адамзат баласының материалдық мәдениеті тарихының үлкен серпілісне әкелді. Көрме экспозициясында осы дәуірге тиесілі Жетісу жерінен археологиялық зерттеулер нәтижесінде табылған сулық, ауыздық, үзеңгі және т.б ат әбзелдерінің бөлшектері қойылған.
Көрме экспозициясының келесі тақтасында Ұста Дәркембай атындағы қолөнер музейінің коллекциясы қойылған. Мұнда ерлердің адам жасына қарай қолданылатын, жасалу әдісі мен материалына байланысты түрлері, жүген, тұсамыс, шідер және т.б жылқы жабдықтары бар.
Көрменің идея авторы – қорық-музейдің бас суретшісі Дәулетбек Бектеміров. Көрменің тұсаукесеріне «Ботай» музей-қорығының ғылыми-қор жұмысы және экскурсиялық қызмет көрсету бөлімінің жетекшісі Сабина Амирова, әл-Фараби атындағы ҚазҰУ-дың тарих, археология, этнология және музеология кафедрасының доценті, т.ғ.к. Ғани Омаров, аға оқытушысы Бауыржан Бесетаев, Ұста Дәркембай атындағы қолөнер музейінің директоры Дәулет Шоқпаров, суретші-реставраторы Құрманғазы Қадыров қатысты. Көрме шымылдығын қорық-музей директоры Гүлмира Мұхтарова ашса, экспозициясын қазақ және орыс тілдерінде қорық-музейдің бас қор сақтаушысы Ермек Жасыбаев пен аға ғылыми қызметкері Әсел Жақсылықбайқызы таныстырды.
Әсел АМАРГАЗИЕВА,
«Есік» қорық-музейінің қызметкері
Азаттықтың арайлы таңынан бері тәу етер киемізге айналған тәуелсіздігімізге 30 жыл толды. Ол – ата-бабаларымыздың аңсаған арманы, үміті мен сенімі, дербестіктің самал желі, егемендіктің алтын шуағы. Осынау ел тарихындағы айрықша маңызды кезең аралығында біз тарихы біте қайнасқан, тағдыры ортақ тұтас халыққа айналдық. «Ынтымақты елдің ырысы мол» дейді дана халқымыз. Ертеңгі ұрпағына жол салған мемлекетіміздің жүргізген сарабдал саясатының арқасында барлық қиындықтан өтіп, қуатты Қазақстанның іргесін қаладық. Бүгінде тірлігі жарасқан, бірлігі бақ ашқан елміз. Осы күнге дейін еліміздің, оның ішінде ауданымыздың өсіп-өркендеуі жолында қаншама игілікті жұмыстар атқарылды. Алға қойған жоспарларымыз да ұшан теңіз. Оның жүзеге асуы, сапалы орындалуы өкілетті органның, халық қалаулыларының атқарған еңбегіне тікелей байланысты болмақ. Осы орайда, аудандық мәслихат хатшысы Бекет Ахметовпен тілдесіп, өңірімізді дамытуға бағытталған мәслихаттың жұмыс жоспарымен танысқан болатынбыз.
– Бекет Төлегенұлы, 50-ден астам ұлт пен ұлыс өкілдерінің қасиетті қара шаңырағына айналған ауданымыздың даму динамикасы мәслихаттың жұмысына тікелей байланысты емес пе?
– Оныңыз рас, елді мекендердегі қордаланған мәселелердің түйінін тарқатуда, экономикалық маңызды шешімдерді қабылдауда, бюджетті бекітуде, қаражаттың тиімді жұмсалуына бақылау жасауда мәслихаттың атқаратын рөлі орасан зор. Шымын тартсаң шырыны, түгін тартсаң түбіті шығатын, тұрғындар саны 300 мыңға жеткен ырысты жерде бүгінгі күні заман талабына сай кешенді ауыл шаруашылық, өндірістік кәсіпорындар, шағын және орта бизнес салалары нәтижелі жұмыс істеуде.
Тұрғындар бізге қашанда зор сенім артады. Әсіресе, жаһандық дағдарыс кезінде ел аманатына ерекше көңіл бөлуіміз керек. Сондай-ақ қазіргі таңда билікке деген сенімділіктің деңгейі нақты нәтижелермен тікелей байланыстырылатыны баршамызға аян. Сондықтан да халқымыздың келешегі үшін қажет жүкті жұмыла көтерсе ғана жеңіл болады. Осыған орай, аудан әкімі Әлібек Әскербекұлымен бірлесе отырып, аудандық атқарушы органдар мен мәслихат аудан игілігі үшін бағытталған ортақ жұмысымызда жаңа міндеттер және зор мақсаттар қойдық. Осы асулар мен белестерді ерекше қарқынмен жоспарлы түрде бағындырып келеміз.
– Бұл мақсаттарға жету жолында депутаттық корпус сырт қалмайтын болар.
– Өздеріңізге белгілі, 2021 жылғы 10 қаңтарда Қазақстан Республикасы Парламенті мәжілісі мен барлық деңгейдегі мәслихаттардың сайлауы өтті. Науқан қорытындысы бойынша жалпы дауыс беру нәтижесінде 3 саяси партия қажетті ең төменгі шекті, 7%-ды еңсерді: «Nur Otan» партиясы 84,57%, «Ауыл» халықтық-демократиялық патриоттық партиясы 7,83%, Қазақстан Халық партиясы 7,43%. Осылайша, «Nur Otan» партиясынан 21 адам, «Ауыл» және Қазақстан Халық партияларынан 2 адамнан мүшелер партиялық тізім бойынша ұсынылып, Еңбекшіқазақ аудандық мәслихатының VІІ шақырылымының депутаты атанды. Депутаттық құрам 84%-ға жаңарды.
VІІ шақырылған аудандық мәслихат депутаттарының жұмысының басталуы жергілікті өзін-өзі басқару мәселелері жөніндегі заңнамадағы өзгерістермен тұспа-тұс келді. Осы тұрғыдан, Қазақстан Республикасының Президенті Қасым-Жомарт Кемелұлы Тоқаев жергілікті өзін-өзі басқаруға, соның ішінде мәслихаттардың мәртебесін арттыруға көп көңіл бөлуде. Мемлекет басшысының тапсырмасымен мәслихаттарға өңірді дамыту және ондаған жылдар бойы шешімін таппай келе жатқан жергілікті түйткілді мәселелерді шешу үшін бірқатар жаңа өкілеттіктерді беру бойынша шаралар қабылдануда. Қасым-Жомарт Кемелұлы «Жаңа жағдайдағы Қазақстан: іс-қимыл кезеңі» атты Жолдауында: «Жергілікті бюджеттерді бекіту барысында бақылауды күшейту қажет. Себебі бөлінген қаражат көп жағдайда тұрғындардың шынайы қажеттілігіне жұмсала бермейді. Бір-екі көшені жыл сайын қайта-қайта жөндей беру, имидждік іс-шараларға жұмсалатын тиімсіз шығындар азаматтарымыздың наразылығын тудыруда. Бұл – орынды» – деп атап өткен болатын. Сондықтан да тұрақты комиссиялар мен депутаттар бюджетті бекітуге зор жауапкершілікпен қарауы тиіс.
– Жергілікті бюджетті бекітуде, өкілді орган ретінде қаражаттың уақтылы, тиімді игерілуін бақылау мақсатында қандай жұмыстар атқарылмақ?
– Осы бойынша мәслихат жанындағы тұрақты комиссиялар алдағы уақытта бөлінген бюджет қаражаттарының тиімді және мақсатты жұмсалуы бойынша бақылау жұмыстарын күшейтуге, ауданның 2021-2025 жылдарға арналған аумақтық даму бағдарламасында көзделген индикаторлар көрсеткіштерін толық және сапалы орындауға бағыттауға баса назар аудармақ. Сонымен қатар бюджет қаражатын пайдалану кезінде бюджеттік бағдарлама әкімшілері түпкілікті және тікелей нәтижелерге қол жеткізуге және бюджеттік бағдарламалар тиімділігін арттыруға бағытталған шаралардың қабылануына, мемлекеттік бағдарламалардың уақтылы және сапалы жүзеге асырылуына бақылау жүргізіледі.
Еңбекшіқазақ ауданының, Есік қаласы мен ауылдық округтердің 2021-2023 жылдарға арналған бюджеттеріне өзгерістер мен толықтырулар енгізу барысында депутаттарымыздың пікірлері мен сын-ескертпелері ескерусіз қалмауы тиіс. Осы мақсатта мәслихат отырыстарының міндетті онлайн-көрсетілімдері енгізілді. Жақында ғана аудандық мәслихаттың кезекті сессиясының отырысы алғаш рет отандық «Aitube» платформасында тікелей эфирде өтті.
– Мемлекет басшысы Қ.Тоқаев VII шақырылымдағы Парламенттің бірінші сессиясының ашылуында саяси партиялардың сайлау алдындағы бағдарламаларын іске асырудағы Парламент және мәслихаттар депутаттарының рөліне ерекше назар аударған болатын. Осыған орай, аудан көлемінде мәслихат депутаттарының белсенділігін арттыру, олардың жергілікті тұрғындармен байланысын нығайту, тұрғындардың әлеуметтік-экономикалық жағдайын көтеру бағытындағы жұмыстары қалай жүзеге асырылуда?
– Қазіргі таңда мәслихаттың, мәслихат аппаратының және мәслихат жанындағы тұрақты комиссиялардың жұмысын барынша ықпалды түрде атқаруға басты көңіл бөлінуде.
Сайлауалды бағдарламаның орындалуын барынша қамтамасыз ету үшін «Еңбекшіқазақ ауданының 2021-2025 жылдарға арналған аумақтық даму бағдарламасы: жол картасы» әзірленіп, мәслихат бекітті. Соның нәтижесінде аудан дамуының негізгі бағыттарын айқындауға, осы мерзім ішінде алға қойған міндеттерді сенімді орындаумен қатар, оның сапасына да айрықша көңіл бөлінген.
Бұдан бөлек, әрбір депутат өзінің депутаттық қызметінің барысы туралы сайлаушыларына хабарлап қана қоймай, БАҚ және әлеуметтік желілер арқылы жалпы қоғамды ақпараттандыруға белсенділік танытуда. Мәслихат депутаттары негізінен халықпен тікелей байланыста болатындығын ескерсек, олардың жұмысының барынша ашық әрі қолжетімді болуы өзара сенімділік үлгілерін қалыптастыруға жол ашып, қоғаммен тығыз байланыстыратыны сөзсіз.
Иә, халық қалаулысы болу зор жауапкершілік жүктейтіні сөзсіз. Осыған орай, аудандық мәслихат аппаратының жанынан арнайы тұрақты жұмыс тобы құрылды. Олар жыл бойы елді мекендерге шығып, тұрғындармен «ашық алаң» үлгісіндегі кездесулер өткізіп, түйткілді мәселелерді анықтап, оған талдау жасап, тиісті мекемелерге жүйелендірілген депутаттық сауал жолдауды қолға алып отыр. Оған қоса, бүгінгі күні депутаттар халық пен билік арасындағы қарым-қатынасты нығайтудың негізгі тұтқасы болғандықтан, әрбір округтегі негізгі мәселелер тұрғындармен емес, жұртшылықтың үмітін арқа-лаған мәслихат депутаттарының және жергілікті атқарушы органның ұсынысымен шешілуі қажет.
– Көпшіліктің үмітін арқалаған азаматтардың жұмысына бақылау жүргізесіздер ме?
Әрине, депуттардың қызметінің белсенділігін анықтау мақсатында рейтингтік карта дайындалуда, онда нақты индикаторлар жазылған. Әрбір мәслихат депутаты Есік қаласы мен ауылдық округтерге бектіліп, сол әкімшілік аумақты басқарып отырған әкім аппаратының ғимаратында азаматтарды қабылдау кестесі орнатылды. Депутаттар айына кемінде 1 рет өз округтерінде, тоқсан сайын 1 рет өздерінің партияларының «қоғамдық қабылдауында» қабылдау өткізетін болады. Сонымен қатар, аудан әкімдігінің ғимаратында да депутаттық қызметті іске асыруға арналған «депутат бөлмесі» ашылды. Онда мәслихат депутаты азаматтарды онлайн немесе оффлайн қабылдауды, депутаттық қызметіне қатысты жұмыстарды жүргізе алады.
Ағымдағы жылдың І тоқсанында депутаттар кестеге сәйкес өздерінің бекітілген ауылдық округтерінде кездесулер өткізіп, қабылдау жүргізді. Тұрғын-дар тарапынан түскен маңызды ұсыныс пен талап-тілектер бойынша тиісті мекемелерге 10 сауал жолдады. Аталған сауалдардың бірқатары бірден шешімін тапқан болса, күрделі мәселелерді алдағы 5 жылдың даму жоспарына енгізу туралы ұсыныстар жасалды. Сонымен бірге, депутаттарға арналған арнайы ақпараттық әдістеме әзірленіп, оларды өз қызметіне пайдалануына жағдай жасалуда.
– Сессия жұмысына тоқталып өтсеңіз.
– Сессия – мәслихат қызметінің негізгі нысаны. Бұл тұрғыдан ағымдағы жылы аудандық мәслихат өз өкілеттілігінің шеңберінде 5 сессия отырысын өткізіп, аудан бюджетінің қалыптасуы мен атқарылуы, ауданымыздың саяси, экономикалық-әлеуметтік, мәдени дамуына негізделген тиісті салалық бағдарламалардың жүзеге асырылуы туралы есептерді, басқа әртүрлі маңызды мәселелерді қарастыра отырып, 20 шешім қабылдады. Бұдан бөлек, жалпыға бірдей маңызы бар, азаматтардың құқықтары мен бостандықтарына қатысты мәслихат тарапынан қабылданған 18 нормативтік-құқықтық акт қолданыста. Оларға үнемі талдау жасалып отырады.
Сессиялардың қарауына енгізілетін мәселелерді алдын ала қарау, мәслихат шешімдерінің іске асыруына және бақылау функцияларын жүзеге асыру үшін мәслихатта 4 тұрақты комиссия құрылған. Әлеуметтік салаларды дамыту мен заңдылық, құқықтық тәртіп, қоғамдық келісім, жергілікті мемлекеттік және өзін-өзі басқару; экономика, бюджет және қаржы; агроөнеркәсіп, пен кәсіпкерлікті қолдау, индустриалды-инновациялық даму; энергетика мен жалпы инфрақұрылымдарды дамыту және тұрғын үй-коммуналдық шаруашылық және экология мәселелері жөніндегі тұрақты комиссиялар өз жұмысын жүйелі атқаруда.
Тұрақты комиссиялар аймақтағы негізгі салаларды толық және сапалы қамти отырып, өз жұмысын жүргізуі ұдайы жаңару үстінде. Олардың қызметін жаңа деңгейге көтеру мақсатында жүйелендіру жұмысы қолға алынып, нақты салалық бағыттарды қамтуға негізделді. Олардың міндеті – сол ауқымды салаларды толық қамти отырып, нақты түйткілді мәселелердің шешімін табуды жолға қою.
– Аталған комиссиялардың отырыстарында мәслихат сессиясында қаралуы тиіс күн тәртібіндегі сұрақтардан бөлек қандай мәселелер талқыланады?
– Комиссия отырыстарында жергілікті атқарушы органдар жұмысының тиімділігі мен олардың деңгейін анықтауға бағытталған есептері сараланып, ол жөнінде мониторинг жүргізіледі. Бүгінгі таңда тұрақты комиссиялардың жалпы 3 отырысы өткізіліп, онда аудан тұрғындарының тарапынан түскен сұраныстарға сәйкес тұрақты комиссиялар мен депуттардың ұсынысымен 10 сала бойынша, атап айтқанда, мәдениет және тілдерді дамыту, білім, жұмыспен қамту, денсаулық сақтау, қаржы, кірістер, статистика, ауыл шаруашылығы, тұрғын үй шаруашылығы, автомобиль жолдары бойынша өзекті мәселелер қарастырылып, қаулылар қабылданды.
– Ауыл шаруашылығы саласындағы қордаланған проблемаларды шешуде осы бағыттағы тұрақты комиссия нақты қандай жұмыстар атқарды?
– Өздеріңіз білетіндей, Еңбекшіқазақ ауданы экономикасының өсу қарқынының негізгі драйвері – ауыл шаруашылығы. Дегенмен, бүгінгі таңда ауданымызда бұл салада шешімін таппай келе жатқан өзекті мәселелер баршылық. Аграрлық саладағы басты проблемалық мәселелердің бірі – суармалы судың жетіспеушілігі. Вегета-циялық кезеңде берілетін су көлемі сұра-нысқа қарағанда барлық округтерде едәуір аз болды, бұл жағдай, әсіресе, соңғы жылдары қатты сезілуде. Магистральдық арналар мен ирригациялық желілердің тозығы жеткен. Осыған орай, суармалы судың 30%-ға жуығы жерге сіңіп кетеді. Өткен жылы ирригациялық желілер зерттеліп, құжаттау жүргізілді.
Технологиялық тұрғыдан ескірген суару жүйесі. Яғни, пайдалануға берілгеніне 40 жылға жуық уақыт болған Бартоғай су қоймасының, Д.Қонаев атындағы үлкен Алматы каналы мен ішкі каналдардың техникалық жағдайының ескіруі шаруалар жұмысына кері әсерін тигізуде.
Ауыл шаруашылығы саласындағы осындай түйткілдерді анықтаған мәслихаттың жұмыс тобы көктемгі-жазғы суару науқанына су қорын жинақтау, өзге де дайындық жұмыстарын жүргізу барысын талдап, ауылдық округтерді аралап, тұрғындар мен шаруалардың талап-тілегін тыңдады. Кейіннен, тұрақты комиссия отырысында өзекті мәселелерді көтере отырып, жауапты атқарушы органның есебін қарастырдық. Алдағы кезеңде туындаған мәселелердің оң шешімін табу мақсатында тиісті шаралар қабылданатын болады. Жұмыс тобының тарапынан дәл осындай талдау жұмыстары жыл бойы әрбір ауылда барлық салалар бойынша жүргізіліп, түйіні шешілмеген мәселелерді көтеріп, кезең-кезеңімен аудан әкімнің назарына ұсынатын боламыз. «Бақыт – бірлікте, байлық – еңбекте» деген халық даналығына сәйкес, ел болашағы үшін бағытталған жасампаз еңбекте өткенді саралап, болашаққа ой салып, межелерді бағамдап, нақты нәтижелерге қол жеткізу – біздің ортақ мақсатымыз.
– Сұхбатыңызға рахмет.
Тілдескен Сардарбек НҰРАДИН
Айбек Қасымханұлы Ілебаевты жұмысқа қабылдау туралы
Қазақстан Республикасының Еңбек Кодексінің 33 бабына, Қазақстан Республикасының «Мемлекеттік қызметі туралы» Заңының 15 бабындағы 1 тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 36 бабының 1 тармағына сәкес ӨКІМ ЕТЕМІН:
Негіздеме: Аудандық сайлау комиссиясының 2021 жылғы 19 сәуіріндегі шешімі, А.Ілебаевтың өтініші, №2 жеке еңбек шарты.
Аудан әкімі А.Жақанбаев
Осы аптада аудан әкімідігінің үлкен мәжіліс залында санитарлық нормаларды сақтай отырып, мәслихат жанындағы тұрақты комиссиялардың біріккен отырысы мен кезекті 5-сессия отырысы өтті. Тұрақты комиссияда 6 мәселе: мәдениет және тілдерді дамыту, білім, денсаулық сақтау, статистика, тұрғын үй-коммуналдық шаруашылық, жолаушы көлігі және автомобиль жолдары салалары бойынша 2020 жылы атқарған жұмыстарының қорытындысы және 2021 жылға арналған жоспарлары қаралды. Өз кезегінде жауапты бөлім, басқарма басшылары депутаттар алдында есеп берді.
Күн тәртібінде қаралған бағыттар бойынша депутаттардың тарапынан түйткілді сұрақтар қойылды. Алғашқы болып есеп берген мәдениет және тілдерді дамыту бөлімінің басшысы С.Беспаеваға аудан бойынша ескірген, идеологиялық тұрғыдан мағынасы жоқ, сонымен қатар жаңадан берілетін көше атауларының мазмұнына көңіл аудару керектігі айтылды. Білім беру мекемелерінде жұмыс істейтін мұражайлардың ереже талаптарына сай болуы, аудан бойынша орнатылған ескерткіштердің тізімге алынуы, оларды күтіп ұстау және қазіргі таңдағы жағдайын бақылау бойынша, сонымен қатар сақ қорғандарын қорғауға қатысты мәселелер кеңінен талқыға түсті.
Жолаушы көлігі және автомобиль жолдары бөлімінің басшысы Б.Искаковтың баяндамасынан кейін депутаттар бөлім басшысына сауалдарын қарша боратты. Қойылған сұрақтарға барынша нақты жауап беруге тырысқан Б.Искаков алдағы уақытта ұсыныстар мен қойылған сұрақтардың негізінде жоспарларға толықтырулар енгізе отырып, тиісті сұраныстарды жолдайтынын жеткізді.
Сондай-ақ, депутаттар «Жұмыспен қамтудың жол картасы-2020» және осы секілді мемлекеттік бағдарламалар аясында осы уақытқа дейін жасалған жолдардың сапасына көңілі толмайтынын, соның ішінде Есік қаласы мен Шелек ауылы бойынша кемшіліктердің көп екендігін жеткізіп, аталған бағытта талдау жұмысын жүргізуді талап етті.
Күн тәртібіндегі қалған мәселелер білім беру, денсаулық сақтау, тұрғын үй-коммуналдық шаруашылық салаларында көтерілген мәселелер бойынша ұсыныстар мен сұраныстар жасалынып, қаулыға енгізілді.
Тұрақты комиссиялардың біріккен отырысы аудандық мәслихаттың кезекті 5-сессиясының жұмысымен жалғасты. Сессия отырысына аудандық мәслихат депутаты Виталий Вальков төрағалық етті.
Бұл жолғы сессия жұмысындағы ерекшелік, Мемлекет басшысының 2020 жылғы 1 қыркүйектегі «Жаңа жағдайдағы Қазақстан: іс-қимыл кезеңі» атты Қазақстан халқына Жолдауын іске асыру жөніндегі жалпыұлттық іс-шаралар жоспарының шеңберінде мәслихат отырысы отандық «Aitubе» платформасы арқылы онлайн режимде трансляцияланды.
Күн тәртібінде алты мәселе қаралды. Аудан әкімінің орынбасары Б.Бименов аудан аумағында ауыл шаруашылығы саласының әлеуетін іске асыру және дамыту, бағдарламалық құжаттарды орындау, жайылымдық жерлердің мәселесін шешу жөніндегі жергілікті атқарушы органның қызметі мен 2021 жылғы көктемгі дайындық жұмыстарының және суару жүйесінің мәселесі туралы баяндама жасады. 2020 жылдың қорытындысы бойынша, ауылшаруашылық өнімі 138 миллиард 769 миллион теңгені құраған. Осындай жоғары көрсеткіштерге қол жеткізу ең алдымен инвестициялар тарту, жаңа технологияларды енгізу, ірі жобаларды іске асырудың арқасында мүмкін болып отыр. Дегенмен, бүгінгі таңда ауданымызда осы салада шешімін таппай келе жатқан бірқатар проблемалар бар. Бұл бойынша депутаттардың тарапынан сессияның күн тәртібінде қаралған негізгі мәселе алдын ала аудандық мәслихат жанындағы тұрақты комиссиялардың отырысында қарастырылып, тиісті ұсыныстар мен ескертулер енгізіліп, қаулы арқылы жолданған болатын.
Бұдан бөлек күн тәртібінде облыстық тексеру комиссиясы мен аудандық қаржы бөлімінің Еңбекшіқазақ ауданының 2020 жылға арналған аудандық және Есік қаласы мен ауылдық округтердің бюджеттерінің атқарылуы туралы жылдық есептері тыңдалды. Жасалған баяндама негізінде өткен жылдың ішінде бюджеттік заңнама нормаларына сәйкес аудандық бюджетті 5 нақтылау және 8 түзету жүргізілген. Оларды ескере отырып, түсімдер бойынша түзетілген бюджет 39879519,0 мың теңгені немесе бекітілгеннің 110,5%-ын, шығыстар бойынша 44132270,0 мың теңгені немесе бекітілгеннің 122,3%-ын құраған.
Сондай-ақ, сессия отырысында комиссия құрамын бекіту, мәслихат шешімін жойылды деп тану туралы ағымдағы мәселелер де қаралып, тиісті шешімдер қабылданды.
Жиынды қорытындылаған аудандық мәслихат хатшысы Бекет Ахметов:
– Еңбекшіқазақ аудандық мәслихаттың 7-шақырылым жұмысы нақты мақсат-міндеттерге нәтижелі қол жеткізуге негізделіп отыр. Біз осы шаралар арқылы бірлік пен келісімді нығайтып, ауданымыздың әлеуметтік-экономикалық дамуы-на өз үлесімізді қосамыз – деп түйіндеді.
С.НҰРАДИН
Бір аптада (13.04 – 19.04.2021 аралығында) Еңбекшіқазақ ауданында ПТР сынама арқылы 197 адамнан коронавирус анықталды. Олар:
Есік – 30
Шелек – 27
Байсейіт – 12
Масақ – 12
Қайрат (Балтабай) – 7
Саймасай – 7
Ақши – 7
Қаратұрық – 7
Қаракемер – 6
Түрген – 6
Бәйдібек би – 6
Азат – 6
Балтабай – 6
Космос – 6
Бәйтерек – 4
Тескенсу – 4
Ават – 4
Ақбастау – 3
Малыбай – 3
Бижанов – 3
Әймен – 3
Өрікті – 3
Нұрлы – 2
Ташкенсаз – 2
Қайназар – 2
Май – 2
Көктөбе – 2
Талдыбұлақ – 1
Қызылжар – 1
Қызылшарық – 1
Лавар – 1
Бөлек – 1
Қырбалтабай – 1
Қорам – 1
Алға – 1
Баяндай – 1
Тауқаратұрық – 1
Нұра – 1
Дихан – 1
Асысаға – 1
Амангелді – 1
Қаражота – 1
Қайрат (Асы) – 1
Бірлік – 1
Тіркелген науқастардың әлеуметтік-кәсіби мәртебесі төмендегідей:
86 науқас – жұмыссыз
49 науқас – зейнеткер
38 науқас – түрлі жеке кәсіпорындарда жұмыс істейді
6 науқас – ұйымдаспаған бала
5 науқас – студент
3 науқас – науқас мемлекеттік мекеме қызметкері
3 науқас – мұғалім
3 науқас – мектеп оқушысы
3 науқас – медициналық қызметкер
1 науқас – балабақша тәрбиеленушісі
20 сәуірге дейін Еңбекшіқазақ ауданында «Спутник-V» вакцинасының 1-компоненті ауданның 12 650 тұрғынына салынды.
Мәлімет Еңбекшіқазақ аудандық санитарлық-эпидемиологиялық бақылау басқармасынан алынды.
Декреттік демалысқа миллионмен шығуға болады. Оның бірнеше тиімді тәсілі бар. Жүктілікті жоспарлап жүрген болсаңыз, дәл осы жолмен өзіңіздің декреттік төлемдеріңізді көбейтуге мүмкіндік бар.
Бұл жөнінде ақыл-кеңес беріп жүрген сарапшы Гүлнұр Нұрланқызы Шолпанқұлдың кеңесіне құлақ түріп көрелік.
Декреттік төлемдер деп – босануға дейінгі, босанудан кейінгі және бір жасқа дейінгі жәрдемақыны айтады. Босанудан кейінгі пұл немесе сүйінші пұл деп аталатын баланың тууына байланысты берілетін жәрдемақы тұрақты болып келеді. Осы жерде жұмыс істейтін әйелдер босануға дейінгі жәрдемақыны не себепті алатынын түсіндіріп кеткен жөн.
Оның себебі, сіз үшін жұмыс берушіңіз әлеуметтік сақтандыру қорына аударым жасайды. Яғни әлеуметтік сақтандыру қорына ақша төленеді. Қарапайым тілмен айтқанда, сіз көлігіңізді сақтандырасыз, сәйкесінше, көлігіңіз апатқа ұшырайтын болса, сақтандыру компаниясы өтемақы қайтарады.
Дәл сол сияқты жұмыс істеу кезінде әлеуметтік сақтандыру қорына ақша төлеп отырсаңыз, жұмысқа қабілетсіз болған кезде сізге сақтандыру қоры ақша төлейді. 7 айдан кейін жұмыс істеу сіздің және балаңыздың өміріне қауіпті болғандықтан, сақтандыру қоры ақша бөледі. Сондықтан босануға дейінгі жәрдемақы зейнетақыдан есептеледі екен деп шатаспаған жөн. Босануға дейінгі жәрдемақы әлеуметтік сақтандыру қорынан есептеледі. Сонымен…
Әлеуметтік төлемді қалай көбейтуге болады?
Мүлдем жұмыс істемей отырсаңыз, әлеуметтік төлем жүргізуге бола ма? Мысалы, зейнетақы қорына жеке тұлғалар өз атынан төлем жүргізе алады. Ал әлеуметтік төлемдерді олай төлеу мүмкін емес.
Егер сіз белгілі бір жерде жұмыс істеп, айлығыңыз белгілі бір межеге жетпесе, жеке кәсіпті тіркеу арқылы қалған жетпей тұрған соманы толықтыруыңызға болады. Қазақстанда әлеуметтік сақтандырудың жоғарғы сомасы 7 АЕК. Ал төменгі айлық көрсеткіші – 42 500 теңге.
Сонда декретке төленетін жоғары табыс 297 500 теңгеден есептеледі. Сіз осы соманың 3,5%-ын әлеуметтік сақтандыру қорына аударасыз. Яғни ол 10 413 теңге болады.
Босанғанға дейін жәрдемақыны миллионға жеткізу үшін сіздің соңғы 12 айдағы ай сайынғы табысыңыз 280 мыңнан кем болмауы керек.
Сіз жұмыс істемейсіз делік, бірақ үйде отырып торт пісіресіз немесе интернетте отырып киім сатасыз. Яғни, сіздің осы уақытқа дейін тастамай айналысып келе жатқан кәсібіңіз бар. Бірақ сіз оны осы уақытқа дейін заңдастырмадыңыз. Көбісі салықтан қашады, оны артық шығын деп есептейді. Сөйтіп, тіркеуден бас тартады.
ИП тіркеген кезде салық режимін таңдайсыз. Олар: жалпыға бірдей салық режимі, оңайлатылған салық режимі, патент.
Бұлардың барлығымен де декретке шығуға болады. Бірақ салық төлеуде айырмашылықтары бар. Солардың ішінде өзіңізге ыңғайлысын таңдап аласыз.
Егер сіз босанып алсаңыз немесе жүктіліктің 3 айынан ассаңыз, сіз ИП ашуға кеш қалдыңыз. Салған ақшаңызды ақтай алмай қаласыз. Сол себепті мұны бір жыл бұрын ойластырған дұрыс. Немесе кемі 6 ай бұрын ретке келтіре бастау керек. Егер кешігіп қалған болсаңыз, жүкті екеніңізді білген сәттен бастап 5 ай салсаңыз, 460 мың теңге алатын мүмкіндік бар.
Қанша төлейміз?
Табыс – 297 мың. Бұл – шамамен орташа көрсеткіш. Патенттің сауда емес түрінен 1% табыс салығы төленеді. Патент 1% (табыс салығы) – 2 970 теңге. Зейнетақы қоры 10% – 29 700 теңге. Әлеуметтік төлем 3,5 % – 10 395 теңге. Бастапқыда сіз осы 3 төлемді ғана төлейсіз.
Ал егер оңайлатылған салық режимі болса, айырмашылық тек қана табыс салығында болады. Табыс салығы 1,5%-ға тең. Және табыс салығы – 4 455 теңге. Ал қалған төлемдер дәл сол қалпында қалады. Патент болса, төлемдер ай сайын жіберіліп отырады, ал оңайлатылған салық режимінде алты айда бір рет төлем жасайсыз.
Келесі қадам:
Жүктіліктің 7-айы болған кезде гинеколог-дәрігер еңбекке жарамсыздық парағын береді. Алдын ала есепке тұрған кезде мынаны ескеріңіз: өзіңізде ИП барын және еңбекке жарамсыздық парағы керек екенін ескертесіз.
Еңбекке жарамсыздық парағын қолға алғаннан кейін, егер сізде ИП болса, екінші бетін өзіңіз толтырасыз. Мөр қою міндетті емес. Халыққа қызмет көрсету орталығына апаратын негізгі анықтамалардан бөлек, ИП-ны растайтын құжаттардың тізімі қажет. Олар:
1. ИП-ның ашылғанын растайтын құжат.
2. Жеке есеп-шот бойынша көшірме.
3. Салық есебі (оңайлатылған – №910 форма, патент – №911форма).
4. Хабарлама (салық есебінің тапсырылғанын растайтын құжат).
Міндетті түрде осы 4 құжатты өткізесіз. Оларды өткізгеннен кейін, екі аптаның ішінде «расталды, босанғанға дейінгі осындай көлемде жәрдемақы аласыз» деген хабарлама келеді. Егер келмесе, қандай да бір қателік жібергеніңізге байланысты қайта қарауға тапсырылады. Ондай жағдай болып жатса, уайымдаудың қажеті жоқ.
Құжаттарыңыз реттеліп, қалпына келтірілгеннен кейін міндетті түрде жәрдемақы қолыңызға тиеді. Босанғанға дейінгі жәрдемақыны бала 1 жасқа келгенге дейін алуыңызға болады. Сол себепті уайымдаудың қажеті жоқ. Қажет болмаса, ИП-ны тоқтатуға немесе жауып тастауға болады.
Қалай есептеледі?
Төмендегі формула арқылы өзіңіздің қанша теңге жәрдемақы алатыныңызды есептеуге болады.
Соңғы 12 айдағы айлықтың барлығын қосасыз, сосын оны 12-ге бөлесіз. Немесе оны орташа айлық деп атауға болады. Бұл жерде ең маңыздысы – әлеуметтік төлем. Орташа айлықты есептеп тапқан соң, оны 4,2-ге көбейтесіз.
Босануға дейінгі жәрдемақыны есептеу формуласы: соңғы 12 айдың табысы/12*4,2 – 10%
ИП өзіңіздің атыңызға патент режимімен ашылған және әлеуметтік төлем 297 мыңнан түсіп жатыр деген есеппен:
– 3 ай салсаңыз: босанғанға дейінгі жәрдемақы 280 665 тг. Шығын: 129 060 тг.
– 4 ай салсаңыз: босанғанға дейінгі жәрдемақы 374 220 тг. Шығын: 172 080 тг.
– 5 ай салсаңыз: босанғанға дейінгі жәрдемақы 467 775 тг. Шығын: 215 100 тг.
– 6 ай салсаңыз: босанғанға дейінгі жәрдемақы 561 330 тг. Шығын: 258 120 тг.
– 7 ай салсаңыз: босанғанға дейінгі жәрдемақы 654 885 тг. Шығын: 301 140 тг.
– 8 ай салсаңыз: босанғанға дейінгі жәрдемақы 748 440 тг. Шығын: 344 160 тг.
– 9 ай салсаңыз: босанғанға дейінгі жәрдемақы 841 995 тг. Шығын: 387 180 тг.
– 10 ай салсаңыз: босанғанға дейінгі жәрдемақы 935 550 тг. Шығын: 430 200 тг.
– 11 ай салсаңыз: босанғанға дейінгі жәрдемақы 1 029 105 тг. Шығын: 473 220 тг.
Формулада 1 жасқа дейінгі балаларға төленетін жәрдемақыны есептеуге болады. Бұл жерде соңғы 24 ай есептеледі. Орташа айлықтың сомасы анықталғаннан кейін осыны 0,4-ке көбейтеміз.
Есептеу өте оңай. Негізі, барлығын алдын-ала жоспарлаған дұрыс. Бәрін нақты есептеп, жоспарға сәйкес жүргізсеңіз, миллионға дейін жәрдемақы алуға мүмкіндік бар. Мысалы 12 айдағы айлық табысыңыз 280 мыңнан кем болмаса, 1 миллионнан аса жәрдемақы беріледі.
ЕСП-мен декретке шығу жолдары
Декретке шығып жатқан ай сіздің босанғанға дейінгі (до родовой) ақшаңызға есептелмесе де, ол айға ЕСП төлену керек! Себебі, Салық кодексінің 774-бабында ЕСП төлеуші ретінде төленген күннен бастап, сол айдың соңғы күніне дейін танылады деп көрсетілген. Яғни, сіз соңғы рет ақпанның 3-інде төлесеңіз, сіз тек 28 ақпанға дейін ғана ЕСП төлеушісі деп саналасыз. Наурыз айына төлем болмаса, наурыз айында декретке шығып, жарамсыздық парағын (больничный лист) өткізе алмайсыз деген сөз. Соңғы айға төлем болмаса, жұмыстан шығып кеткенмен бірдей. Сондықтан жұмысқа жарамсыздық парағын алмай тұрып, бірінші сол айға төлем жасап алыңыз.