Вчера в аэропорту «Ушарал» Алакольского района в канун туристического сезона свой первый рейс по маршруту «Нур-Султан – Ушарал - Нур-Султан» совершил 80-местный пассажирский комфортабельный самолет «Bombardier DASH 8 Q400» авиакомпании «Qazaq air».
Первых пассажиров лично встретил президент авиакомпании «Жетысу» Калмухамет Донсебаев. По его словам, на данный момент аэропорт города Ушарал полностью готов к приему и выпуску воздушных судов.
- Мы делаем, все для безопасного и комфортного перелёта граждан. Все наши специалисты повысили свою квалификацию, получив соответствующие сертификаты. При этом, в связи с эпидемиологической ситуацией соблюдаются все действующие санитарные нормы, - сказал глава авиакомпании.
Между тем, в аэропорту «Ушарал» наблюдается заметная оживленность. Рейсы осуществляются почти каждый час. К примеру, на сегодня из Алматы прилетели 18 человек, а в, свою очередь, в обратную сторону улетают 29 пассажиров. Из столицы первым рейсом прилетели 16 человек, а туда воздушное судно полетело с 9 пассажирами.
Отметим, в канун старта туристического сезона начали действовать рейсы по маршруту «Алматы – Ушарал - Алматы» (ежедневно), «Нур-Султан – Ушарал - Нур-Султан» (четыре раза в неделю) и «Талдыкорган – Ушарал - Талдыкорган» (ежедневно).
С 1 июня рейсы по направлению «Нур-Султан- Ушарал-Нур-Султан» будут осуществляться также ежедневно.
Цены на билеты доступны благодаря выделяемым субсидиям из республиканского и областного бюджета. К примеру по направлению «Нур-Султан – Ушарал - Нур-Султан» она составляет 16 тысяч тенге, «Алматы – Ушарал - Алматы» - 15 тысяч тенге, «Талдыкорган – Ушарал - Талдыкорган» - 8 тысяч тенге.
Все задействованные самолеты отличаются высокой безопасностью и комфортабельностью. Это такие воздушные судна, как «Bombardier CRJ200», «Bombardier DASH 8 Q400», LET L-410.
Аэропорт «Ушарал» - один из главных объектов инфраструктуры для развития туризма в Алматинской области. Поэтому здесь создаются все условия для пассажиров.
Пресс служба акима Алакольского района
Жадыраған жаз мезгілі – нағыз демалатын уақыт. Қаланың қым-қуыт тірлігінен шаршаған жұрт бір сәт тыныштық іздеп, таза ауада тыныстағысы келеді. Шілденің шіліңгірінен пана тапқысы келетіндер өзен мен көлдерді және су қоймаларын аңсайтыны анық. Бірі шетел асса, енді бірі отандық туризмнің дамуына өз үлесін қосуда. Осыған орай, кеше отандық туризмнің ошағына айналған айдынды Алакөл ауданының «Үшарал» әуежайында 80 орындық «QAZAQ AIR» әуе компаниясының «Bombardier DASH 8 Q400» жолаушылар ұшағы «Нұр-Сұлтан – Үшарал – Нұр-Сұлтан» бағыты бойынша алғашқы рейсін жасады.
Алғашқы жолаушыларды «Жетісу» әуе компаниясының президенті Қалмұхамет Донсебаев қарсы алды. Оның айтуынша, қазіргі уақытта Үшарал қаласының әуежайы әуе кемелерін қабылдауға және шығаруға толық дайын.
«Біз азаматтардың қауіпсіз және жайлы ұшуы үшін барлық қолайлы жағдайды жасаймыз. Мамандарымыз өз біліктіліктерін арттыру мақсатында арнайы оқу оқып, тиісті сертификаттарын алып, халыққа қызмет көрсетуде. Сондай – ақ, қазіргі эпидемиологиялық жағдайға байланысты әуежайда санитарлық нормалар қатаң сақталуда» - деді, авиакомпания басшысы.
Бүгінде, Алакөлдің туристік әлеуеті артып келеді. Оған дәлел, бүгінгі қатынас бойынша Алматыдан 18 адам ұшып келсе, өз кезегінде кері жаққа 29 жолаушы ұшып барады. Ал, Нұр – Сұлтаннан бірінші рейспен 16 адам ұшып келсе, кері бағытқа 9 жолаушы әуе кемесімен ұшты.
Айта кетерлігі, туристік маусым қарсаңында «Алматы – Үшарал – Алматы» (күн сайын), «Нұр – Сұлтан – Үшарал – Нұр – Сұлтан» (аптасына төрт рет) және «Талдықорған – Үшарал – Талдықорған» (күн сайын) бағыттары бойынша рейстер жұмыс істей бастады.
1 маусымнан бастап «Нұр – Сұлтан – Үшарал – Нұр – Сұлтан» бағыты бойынша рейстер күн сайын жүзеге асырылатын болады.
Сонымен қатар, республикалық және облыстық бюджеттен бөлінетін субсидиялардың арқасында әуе рейсінің билет бағасы қолжетімді. Мысалы, «Нұр – Сұлтан – Үшарал – Нұр – Сұлтан» бағыты бойынша – 16 мың теңге (әуежай қосатын 1700 теңге пайызымен – 17 700 теңгені), «Алматы – Үшарал – Алматы» бағыты бойынша – 15 мың теңгені, «Талдықорған – Үшарал – Талдықорған» бағыты бойынша – 8 мың теңгені құрайды.
Мұндағы ұшақтар жоғары қауіпсіздік пен жайлылықты қамтамасыз етеді. Олар: «Bombardier CRJ200», «Bombardier DASH 8 Q400», LET L – 410 әуе кемелері.
Жалпы, «Үшарал» әуежайы – Алматы облысында туризмді дамытуға арналған инфрақұрылымның басты объектілерінің бірі. Сондықтан мұнда жолаушылар үшін барлық жағдай жасалған.
Көлдің шипалы суымен емделіп, уақытты тиімді пайдаланып, отандық туризімнің дамуына бірге үлес қосайық.
Алакөл ауданы әкімінің баспасөз қызметі
Бөлек ауылдық округі әкімі аппаратының қолдауымен Қазақстан Республикасы Тәуелсіздігінің 30 жылдығына орай «Тәуелсіздік - мәңгілік елдің тұғыры» атты онлайн суретшілер байқауы өткізілді. Жеңімпазды анықтау мақсатында арнайы комиссия құрылды. Байқауға 10 мектеп окушылары қатысты. Байқау нәтижесі бойынша бірінші орынды Абай атындағы орта мектептің оқушысы Чичак Алиева жеңіп алса, екінші орынды М.Горький орта мектебінің оқушысы София Кирьянов иеленді. Үшінші орынды Клейбаум Валериға тиесілі болды. Жарыс жеңімпаздары мақтау қағазы және бағалы сыйлықтармен марапатталды.
Айкерім МАҒЖАН,
Бөлек ауылдық округінің жастар ісі
жөніндегі әдіскер нұсқаушысы.
Кеше Талдықорғандағы Салтанат сарайында «Nur Otan» партиясы Алматы облыстық филиалының XXVIII есеп беру-сайлау конференциясы өтіп, онлайн-офлайн форматындағы шараға Жетісу өңірінің барлық аудан қалаларынан сайланған 268 делегаттар қатысты.
Жиын барысында облыс әкімі, облыстық партия филиалының төрағасы Амандық Баталов облыстық Саяси Кеңестің 2 жылда атқарған жұмыстары жайында есеп беріп, негізгі нәтижелер мен алдағы міндеттер жайына тоқталып өтті. Атап айтсақ, өңір басшысы өз сөзінде «Қоғамдық қабылдаулар – ол халықпен кері байланыстың негізгі құралы. 2019-2020 жылдары партияның қоғамдық қабылдауларында 26 892 өтініш тіркеліп, 14 314 (53,2%) өтініш оң шешімін тапты», - деп атап өтті.
Сонымен қатар Амандық Баталов нұротандықтарға алдағы мақсаттарды атап өтті. Олар – өңірдегі мемлекеттік орган басшылары-партия мүшелері Сайлауалды бағдарламаны іске асыру жөніндегі Жол картасында көзделген нысандардың уақытылы және сапалы орындауы және осы жылдың екінші жарты жылдығында ауылдық округ әкімдерінің сайлауын өткізу жоспарланғандықтан, партиядан кандидаттарды іріктеу және оларды ауыл әкімдерінің сайлауына ұсыну бойынша жұмыс жоспарларын әзірлеп, бекіту.
Жарыссөзге облыстық мәслихат депутаты Асқар Сүлейменов және облыстық партия филиалы жанындағы сыбайлас жемқорлыққа қарсы іс-қимыл қоғамдық кеңесінің төрайымы Римма Салықова, Президенттік шәкіртақы иегері, «Көшбасшы – 2020» жастар сыйлығының лауреаты Тұрдаш Мадина сөз алып, Саяси Кеңес жұмысына қанағаттанарлық деген бағасын берді.
2019-2020 жж аралығында облыстық партия филиалының бақылау-тексеру комиссиясының атқарған жұмысы жайлы аталған комиссия төрағасы Валерий Сапожников баяндап, тексеру жұмыстарының негізгі нәтижелерімен бөлісті.
Конференция жұмысының тәртібіндегі үшінші мәселе - партия Жарғысының 8.4.2 тармағына сәйкес Саяси Кеңес мүшелерінің өкілеттілік мерзімі аяқталуына байланысты облыстық партия филиалы Саяси Кеңесінің мүшелерін сайлау бойынша облыстық партия филиалы төрағасының бірінші орынбасары Гүлнәр Тойлыбаева таныстырып, делегаттардың дауыс беруімен 37 партия мүшесі сайланды.
Сонымен қатар, соңғы сұрақ облыстық бақылау-тексеру комиссиясы құрамы 7 адамнан сайлау туралы ұсыныс түсіп, комиссия құрамы бірауыздан сайланды.
Шара соңы Алматы облыстық партия филиалы Саяси Кеңесінің бірінші ашық отырысымен жалғасып, күн тәртібінде ұйымдық мәселе қаралады.
Атап айтсақ, «Nur Otan» партиясы Жарғысының 9.4. тармағына сәйкес, Алматы облыстық филиалы Саяси кеңесі Бюросының жаңа құрамын облыстық «Jas Otan» жастар қанатының төрағасы Еркебұлан Ақболатовқа таныстырып өтіп, Саяси Кеңес мүшелерінің дауыс беруімен 13 адам Бюро құрамына сайланды.
Конференция жұмысын қорытындылаған облыстық партия филиалының төрағасы Амандық Баталовқа партияның Сайлауалды бағдарламасы аясындағы Жол картасына ерекше мән беру қажеттігін атап өтіп, өңірдегі партиялық бақылау жұмысының рөлін күшейту жайында тапсырма беріп өтті. Конференция жұмысына қолдау білдірген облыстық ардагерлер кеңесінің төрағасы Ермек Келемсейт ел дамуы жолында партиялықтардың атқарған жұмысы ауқымды, нәтижесі көпке үлгі екендігін атады. Сонымен қатар Гүлнәр Тойлыбаева партия филиалы басшылығы тарапынан берілген тапсырмаларды орындауда барынша күш жігерлерін салып, алдағы 5 жылға жоспарланған партия Сайлауалды бағдарламасындағы міндеттер үнемі назарда екендігін жеткізді.
«Nur Otan» партиясы
Алматы облыстық филиалының баспасөз қызметі
Ұлы Жеңістің 76 жылдығы қарсаңында Жүнісбай Қайыпов ауылында Ұлы Отан соғысы ардагерлеріне арнап орнатылған ескерткішінің ашылу салтанаты өтті.
Мемориалды тақтаның ашылуына Ұлы Отан соғысы ардагерлерінің ұрпақтары және округ әкімі мен ауыл тұрғындары қатысты. Граниттен жасалған Даңқ тақтасына қан майданға Қазақстан ауылдық округінен қатысқан 92 ардагердің аты-жөні қашалып жазылған.
Салтанатты шарада округ әкімі Марат Сүгірбеков ауылдастарды мерекемен құттықтап, Жеңіс сыйлаған батыр аталардың ерлігі ешқашан ұмытылмай, ұрпаққа өнеге болатынын айтты. Сондай-ақ карантиндік шектеулерге байланысты мерекелік шаралар онлайн форматқа ауыстырылғанын хабарлады. Жиылған көпшілік ардагерлерді бір минут үнсіздікпен еске алды.
Ардагерлерге арналған ескерткішті орнатуға мұрындық болған Қазақстан орта мектебі тарих пәнінің мұғалімі Орынбасар Асанбайұлы жұртшылықты Жеңіс күнімен құттықтап, ескерткіш туралы айтып өтті.
– Алдымен мектеп оқушыларымен ұйымдасып, Ұлы Отан соғысының ардагерлері туралы барынша ақпарат жинадық. Суреттерін, өмірбаяндарын алып, мектепке музей жасадым. Бірақ мектептегі музейге келуге көпшіліктің мүмкіндігі жоқ. Сондықтан ескерткіш орнату туралы ой келді. Ардагерлердің ұрпақтарымен кеңесіп, олар қаржылай көмек көрсетті, – деді Орынбасар Асанбайұлы.
Салтанатты әуенмен Даңқ тақтасының шымылдығы ашылғаннан кейін жиынға қатысушы ардагерлердің ұрпақтары мен ауыл тұрғындары мемориалға гүл шоқтарын қойды.
Ілия СҰЛТАН
Жеңістің 76 жылдығы қарсаңында Қазақстан ауылы Ж.Қайыпов атындағы орта мектебінде Кеңес Одағының батыры Жүнісбай Қайыповтың 104 жылдығына орай бюсті ашылды.
Карантиндік шаралардың қатаң сақталуына байланысты бюсттің ашылу салтанаты шағын форматта өтті Аталған шараға Қазақстан ауылдық округінің әкімі Марат Сүгірбеков, ауыл тұрғыны, Жүнісбай Қайыповтың топырағын Ресейдің Батецк қаласынан әкелген Гүлнар Тезекбаева қатысты. Гүлнар Тезекбаева 1980 жылы Батецк қаласына барып, Жүнісбай Қайыповтың жерленген жеріне гүл шоғын қойғаны жайлы аз-кем айтып өтті.
– Елдік пен ерліктің киесіндей, батырлықпен батылдықтың иесіндей, асылдықпен жасындықтың үлгісіндей аты аңызға айналған батыр Жүнісбай Қайыпов − тау тұлға, – деді Гүлнар Ерасылқызы.
Игі шараны ұйымдастыруға жетекшілік еткен мектеп директоры Мирамкүл Уракбаева мүсінді жасауды өз мойнына алып, мектеп ұжымы мүсінге арнап стенд құрастырған.
– Білім ордасының Кеңес Одағының батыры Ж.Қайыпов атамыздың атымен аталуы – біз үшін үлкен мақтаныш. Ол кісінің өмір жолы, сұрапыл соғыс жылдарындағы жанқиярлық ерлігі – ұлы тәрбие, үлкен өнеге мектебі, – деді Мирамкүл Мырзоянқызы.
Қазақ батыры 1941 жылы Кеңес әскерінің қатарына шақырылып, Бас командир резервіндегі 54-жеңіл артиллерия полкінің құрамында Ленинград қаласын қорғауға, Новгород қаласын азат етуге қатысқан. Танкіге қарсы оқ ататын зеңбірек командирі Жүнісбай Қайыпов ұрыс кезінде бірнеше рет ерлік көрсеткен. Ленинград түбіндегі Копцы ауылы үшін болған шайқаста ол жаудың 2 дзотын талқандады. 1944 жылдың 17 қаңтарында Моторово елдімекені үшін болған ұрыста Ж.Қайыпов жау артиллериясын жойып жіберген. Бір күннен соң Кеңес әскерінің бөлімдері Новгород қаласына бет алды. Жолды артиллериямен тазарта отырып, құрамында Ж.Қайыпов бар Кеңес әскері қалаға алғашқылардың бірі болып кіреді. Ж.Қайыпов қаңтардың 14-інен 20-сына дейін жаудың 4 дзотын, бірнеше минометі мен 2 пулеметін және бір топ әскерін жойды. Осы ұрыстарда көрсеткен батырлығы мен ерлігі үшін Ж.Қайыповқа КСРО Жоғарғы Кеңесі Төралқасының Жарлығымен Кеңес Одағының батыры атағы берілді. Ленинград қаласы үшін болған ұрыста ол 3-дәрежелі «Даңк орденімен» марапатталған. 1944 жылдың ақпанында батыр ерлікпен қаза тапты. Новгород облысы Батецкое селосындағы көше, ауданымыздағы ауыл, мектеп және бір көше Жүнісбай Қайыповтың есімімен аталады.
Ілия СҰЛТАН
Ораза айт – (араб.: عيد الفطر — 'ид әл-фитр) ораза ұсталатын Рамазан айынан кейінгі Шәууәл айының бірінші күні, мұсылмандардың маңызды діни мейрамы. Исламдағы екі айт мейрамының бірі. Бұл күні мұсылмандар мешітте жиналып жамағатпен айт намазын оқиды. Ораза ұстауға тыйым салынған күн, ораза айтта бір ай ораза тұтқан адамдар ауыздарын ашып, мерекелік көңіл-күймен бір-біріне құттықтау сөздерін айтып, дұғада болады.
Абу Са’ид әл-Худри былай деп баяндаған: «Алланың Елшісі (Оған Алланың игілігі мен сәлемі болсын) адамдарға Ораза айт пен Құрбан айттың екі күнінде ораза ұстауға тыйым салатын». Осы кезекте адамдарда сұрақ ораза айтқа қалай дайындық жасау, қалай өткізу туралы сұрақтар туындап жатады. Рамазан айының бітуімен Шәууәл айы туады. Биыл рамазан оразасы 30 күн өз кезегінде Шәууәл айының бірінші күні милади жыл санағы бойынша Қазақстар Республикасында 2021 жылы 13 мамырға сәйкес келді.
Сапархан АЙДАРХАНҰЛЫ,
ауданның бас имамы
Ораза айт – Рамазан айы аяқталғаннан кейін басталатын берекелі мейрам және бүкіл мұсылман қауымы үшін қасиетті күн. Рамазан айы – ислам күнтізбесінің тоғызыншы айы және бұл айда әр мұсылманның ораза ұстауы талап етіледі. Рамазан айында ораза ұстаған адам жаман әдеттерден тыйылып, нәпсісіне шектеу қояды. Яғни күнделікті ішіп-жеу, бос сөз сөйлеу сияқты жағымсыз әдеттерден арылады.
Ораза айт – кешірім мен мейірімділік мерекесі. Бұл күн бейбітшілік пен келісімнің жаңа айы. Мейрам басталар уақытта адамдар жаман ойларды санасынан өшіріп, жан дүниесін рухани тазартуы қажет. Мұсылман қауымы оразадан кейін дұға-тілектерінің орындалатынына сенеді.Аталмыш мереке 624 жылы Мұхаммед с.а.с пайғамбардың шешімімен белгіленді және ислам күнтізбесінің тоғызыншы айында барлық мұсылмандар үшін қасиетті кітап – Құран және жазбаша Забур, Інжіл, Таурат кітаптары түсті.
Ораза айт күні сәресіге тұрып, ауыз бекіту қажет пе?
Мұсылмандар арасында Ораза айт намазына барарда әдеттегідей сәресін ішіп, ауызды бекітіп бару керек деген мәлімет кең тараған. Алайда айт күні Рамазандағыдай сәресін ішудің қажеті жоқ. Шариғатымызда мұндай міндет жоқ. Тек айт намазына шығарда тақ санды: 1, 3, 5, 7 құрма жеп шығу Пайғамбарымыздың (Оған Алланың игілігі мен сәлемі болсын) сүннеті болып саналады.
Мерекеден бұрын не істеу керек?
Ораза айт алдымен мешіттен бастау алады. Күллі мұсылман таң атысымен Алланың үйіне қарай ағылып, құлшылық жасайды. Пайғамбарымыз өсиетiнде: «Айт күнi бiрiншi орындайтынымыз – намаз оқу», – деген.
Мешітке бармас бұрын нені ескерген жөн?
Пайғамбарымыздың (Оған Алланың игілігі мен сәлемі болсын) көрсетіп кеткен төмендегі-дей амалдарын істеу сүннет болады:
Ғұсыл алу. Жуынғанда дененің барлық бөлшектеріне су баруын қадағалау керек. Ауыз қуысы мен мұрынды да шаюды ұмытпаңыз.
Мисуак қолдану. Мисуак болмаған жағдайда тіс пастасы, щеткасын да қолдансаңыз құба-құп. Бастысы – ауыз қуысының тазалығы мен жағымсыз иістен арылу. Алайда Пайғамбарымыздың әрдайым қолданған мисуактың пайдасы ұшан теңіз. Мұны да ұмытпағайсыз.
Жақсылық жасау. Біреуге қолұшын созу.
Ең тәуір әрі таза киім кию. Киіміңіз жаңа не болмаса таза болғаны дұрыс.
Намазға ерте бару. Қолыңыздан келгенше Құран тыңдап, дін өкілдерінің уағызын естуге үлгеріңіз. Кейін айт намазын оқып, хұтба тыңдаңыз.
Мешітке бармай тұрып, үйден тәтті-дәмнен жеп шығу. Алла елшісі жасағандай, тақ сан болатындай 1 немесе 3 құрма жеу. Сүннет бойынша мұсылман адам намазға шығар алдында құрма дәмінен ауыз тиюі керек. Бұл Пайғамбарымыздың (Оған Алланың игілігі мен сәлемі болсын) оразаның аяқталып, айт күндері басталғаны жайында берген белгісі.
Мешітке барар жолда тәкбір айту. «Алла ұлық» деп Раббымызға мадақтар айтқан жөн. Айт күндері тәкбір (Алланы ұлықтау) айту да заңдастырылған амалдардан. Алла Тағала Құран кәрімде: «Сендерді тура жолға салған Аллаға шүкірлік етулерің үшін санын толтырың-дар. Әрі Алланы ұлықтаңдар» делінген.
Имам әз-Зухри былай деп баяндайтын: «Адамдар тәкбірлерді айт күні үйінен шығар кезде намаз орындалатын жерге барғанға дейін және имам көрінгенге дейін айтатын. Ал имам көрінген кезде, олар имам тәкбір айта бастағанға дейін тынышталатын, ал содан соң олар тағы да тәкбір айтатын».
Қазіргі еліміздегі жағдайға байланысты адамдар сақтық шараларын сақтай отырып, намаз құлшылықтарын орындап, бір-бірін мерекемен құттықтаған дұрыс болады. Алла баршамыздың шаңырағымызға амандық, жүрегімізге имани нұр сыйласын! Айт мерекесі құтты болсын!
Шарапаты мол Шәууәл айы
Алла Тағаланың барлық жаратқан айлары, күндері мұсылман адам үшін қайырлы және қасиетті. Сондықтан әр күнімізге шүкір етуміз керек. Ислам дінінде кейбір уақыттардың өзіндік ерекшеліктері мен қасиеттері бар. Рамазан айының артынша келетін Шәууәл айының да өзіне тән артықшылықтары көп.
Пайғамбарымыз (Оған Алланың игілігі мен сәлемі болсын): «Кімде-кім Рамазан айының оразасынан соң Шәууәл айында 6 күн ораза ұстаса, бір жыл ораза ұстағандай болады» деп, бұл айда ұсталатын алты күн оразаның мол сауабын сүйіншілеген (Сахих Муслим).
Бұл ораза сауабының бір жылға пара-пар келуін былайша түсінуге болады. Алла Тағала Құран Кәрімде: «Кімде-кім бір жақсылық жасаса, оған оның он есе қарымы беріледі» деген («Әнғам» сүресі, 161-аят). Ғалымдар Шәууәл айындағы алты күн оразаның бір жылдық сауабын осы аятпен байланыстырады. Рамазан айындағы отыз күн мен Шәууәл айындағы алты күн қосылғанда, отыз алты күн болады. Бұл сан он есеге көбейтілсе, үш жүз алпыс күнді құрайды. Ай күнтізбесі бойынша 365 күн емес, 355-356 күн екенін ес-керсек, бұл тіпті артығымен сауап десе де болады. Оразаның әрбір күні он есе молайса, онда отыз алты күндік оразада бір жыл ауыз бекітудің сауабы бар деген сөз. Бұл – Алла Тағаланың бізге берген ұлы мейірімі. Аз ғана амал жасап, он есе сауап алу – жақсы табыс көзі және керемет келісім. Оразаның теңдессіз құлшылық екендігі жайлы Әбу Умама (оған Алла разы болсын) былай дейді: «Пайғамбарымыздан жақсы бір амал сұрадым. Ол маған «Ораза ұста, өйткені оған тең келер құлшылық жоқ», – деді. Мен екі-үш рет қайталап сұрасам да «Ораза ұста, оған тең келер құлшылық жоқ», – деген жауабынан танбады» (Нәсаи, Сиям риуаят еткен).
Сондай сауабы мол оразаның бірі – Шәууал айындағы оразаның артықшылығы қандай? Осыған қатысты көпшіліктің көкейінде жүрген кейбір мәселелерге тоқталуды жөн көрдік.
Рамазаннан кейін Шәууал айын-да алты күн ораза тұтудың жыл бойы ауыз бекіткенге теңестірілуі – Алла Тағаланың мейірімінің шексіз екенінің бір көрінісі. Яғни Хақ Тағала Өзіне тән рахымымен құлының жасаған ғибадатына бірнеше есе артық сауап жазып, ақыретімізді құтқаруға илаһи мол мүмкіндік тудырады.
Сапархан АЙДАРХАНҰЛЫ,
ауданның бас имамы
Неменеге жетістің, бала батыр?
Қариялар азайып бара жатыр.
Бірі мініп келместің кемесіне,
Бірі күтіп, әнеки, жағада тұр, –
деп ақиық ақын Мұқағали Мақатаев жырлаған қариялардың қатары сиреп барады. Бүгінгі ұрпаққа Ұлы Жеңіс сыйлаған ардагерлеріміз саусақпен санарлық. Қазіргі таңда ауданымызда Ұлы Отан соғысының 4 ардагері тұрады. Ұлы Жеңіс мерекесінде аудан әкімі Әлібек Жақанбаев, мәслихат хатшысы Бекет Ахметов, ардагерлер кеңесінің төрағасы Тілеулес Ұзақов бастаған прокуратура, полиция басқармасы, қорғаныс бөлімі, 6654 әскери бөлім өкілдері ардагерлердің шаңырағына арнайы барып құттықтады.
Жылқыбай Тәжіқұлов, Николай Савраев, Мұзапар Шәріпов пен Солтанбай Жарықбасовқа Алматы облысының әкімі Амандық Баталовтың мерекелік құттықтауын жеткізген Әлібек Әскербекұлы сый-сияпаттарын табыстады.
– Отан үшін қан майданда от кешкен ардагерлердің ерлігі – бүгінгі ұрпаққа өнеге. Қасық қаны қалғанша қайсарлықпен күресіп, фашизмге тойтарыс берген батыр аталарымызды әрқашан құрмет тұтып, жас ұрпақ соларға қарап бой түзеуі керек – деген аудан әкімі ардагерлерге алғыс айтып, ақ тілегін білдірді. Құттықтай келген топқа ризашылығын білдірген қарттар ақ батасын берді.
Сондай-ақ Әлібек Әскербекұлы 1 мамыр күні 102 жасында өмірден озған ҰОС ардагері Максим Утловтың шаңырағына барып, ардагердің туыстарын мерекемен құттықтады.
Ұлы Жеңіс күніне орай аудандағы ардагерлерге 1 млн теңгеден берілді. Сондай-ақ тыл ардагерлеріне, қаза тапқан әскерилердің отбасына, соғыста қайтыс болғандардың әйелдеріне 30 мың теңгеден, Тәжік-Ауған шекарасын қорғаған әскери қызметшілерге 50 мың теңгеден материалдық көмек көрсетілді.
Сардарбек НҰРАДИН
Отан қорғаушылар күні – өз Отанын қадірлеп, оның тарихын құрметтейтін, ерлік пен жауынгерлік күшке ие барлық ерлердің ортақ мерекесі. Айтулы мерекеде аудан әкімі Әлібек Жақанбаев, аудандық мәслихат хатшысы Бекет Ахметов, әкімнің бірінші орынбасары Айбек Бидаев, «Nur Otan» партиясы аудандық филиалы төрағасының бірінші орынбасары Қуат Байғоджаев, аудандық ардагерлер кеңесінің төрағасы Тілеулес Ұзақов бастаған топ Қаракемер кентінде орналасқан 6654 әскери бөлімі сарбаздарын кәсіби мерекесімен құттықтап қайтты.
Бүгінде 6654 әскери бөлімде бөлімше командирлері мен сержанттар, байланыс мамандары, аспаз, брондалған техниканың механик-жүргізушісі, атқыш, радио-химиялық істер қызметіне көмекші патрульдеу бөлімшелерінің сержанттары сынды 20-ға жуық мамандық оқытылады.Ең әуелі аудан әкімі Әлібек Жақанбаев бөлім командирі, полковник Еркен Жанабергеновпен әскери қосынның қару-жарақтарымен, ұрыс техникаларымен танысып, Ұлттық Ұлан сарбаздарының заманауи соғыс тәсіліне қалай дағдыланып жатқандығын барлады. Одан кейінгі салтанатты марапаттау шарасына қатысқан Әлібек Әскербекұлы 6654 әскери бөлімі сарбаздарын кәсіби мерекесімен құттықтап, үздік қызметкерлерге Алғыс хат табыстады. Сонымен қоса әскери бөлімге теледидар тарту етті. Аудан әкімі: «Бар өмірін әскери іске арнап, күн-түн демей елін, жерін қорғап, өз қызметін мінсіз атқарып келе жатқан жауынгерлерімізге алғысымды білдіремін. Әр сүйем жер үшін ата-баба қонысын көздің қарашығындай қорғап жүрген ерлерді, жаужүрек, қайсар мінезді сардарларымыз бен сарбаздарымызды бүгінгі мерекесімен шын жүрекпен құттықтаймын», – деп, ақ тілегін жеткізді. Мерекелік шарада 6654 әскери бөлімінің жауынгерлері есірткі іздеу, террористерді құрықтауға арналған жаттығу түрлерін көрсетті. Мерекелік шара айбынды әскери шерумен өз мәресіне жетті.
Ерзат Асыл
Өткен Парламент Сенатының депутаты Владимир Волков ауданымызға іссапармен келді. Сенатор ең алдымен аудандық прокуратурда прокурорлар мен полиция қызметкерлері және сот органдарының өкілдерімен бірлескен отырыс өткізді.
Кездесу барысында В.Волков ERDR ақпараттық базасымен танысты. Ондағы жаңа тәртіп бойынша жүргізіліп жатқан электронды форматтағы жұмыс үдерісін қадағалады.
Кездесуде Сенат депутаты прокуратураның қылмыстық процестің үш деңгейлі моделі сотқа дейінгі тергеу мен қадағалауды ұйымдастырудың сапасын арттыруға мүмкіндік беретіндігін, сондай-ақ ашықтықты қамтамасыз ететінін және азаматтарды қылмыстық процесс барсына негізсіз қатысуының алдын алатынын атап өтті. Кездесу соңында В.Волков ауданымыздың құқық қорғау қызметтерінің тыңғы-лықты жұмыс жасап жатқанын айтып, сала мамандарының қызметіне сәттілік тіледі.
Сенат депутаты Есік қаласындағы №1 балалар мен жасөспірімдер спорт мектебіне барды. Бүгінде спорт мектебінде 1300-ден астам бала 14 спорт түрімен айналысады. Кездесуде В.Волков 2007-2008 жылы туылған мектеп оқушылары арасында бокс пен волейболдан жасақталып жатқан облыстық құрама командасының жаттығуымен танысты. Сапар соңында Сенат депутаты спортшыларға жетістік, спорт мектебінің ұжымына бірлік пен толағай табыс тіледі.
Ерзат АСЫЛ
Бала құқығын қорғау – Қазақстан үшін қашанда аса маңызды басымдықтардың бірі. Себебі мемлекеттің ең басты қазынасы – адам екендігі Ата Заңымызда да анық жазылған. Сондықтан жас ұрпақтың алаңсыз есеюі – келешегіміздің кепілі саналмақ. Осы орайда, өңірімізге жұмыс сапарымен келген ҚР Парламенті Сенатының депутаты Дана Нұржігіт аудан әкімнің бірінші орынбасары Айбек Бидаевпен Есік қаласындағы білім беретін мекемелердің жұмысымен танысып, ондағы сала мамандарымен бала құқығын қорғаудағы өзекті мәселелер жайында ой бөлісті.
Депутат ең әуелі Есік гуманитарлық-экономикалық колледжінде білім беру мен құқық қорғау саласының қызметкерлерімен кездесті. Кездесу барысында Д.Нұржігіт қазіргі заман ағымына сай білім беру орындарына жаңаша талаптар қойылатынын, осыған сәйкес мектептер мен колледждерге кешенді оқу бағдалармалары керек екенін сөз етті. Бүгінде бала құқығы қоғамдағы ең толғақты түйіндердің бірі екені шындық. Сенатордың сөзінше, қазірде еліміздегі кей өңірлерде заңды түрде тікелмеген балалар өмір сүруде. Олар тіркеуде болмағандықтан балабақшалар мен денсаулық сақтау мекемелерінің тізімінен тыс қалатын көрінеді.
Сондықтан депутат бұл мәселені қалай шешеміз, жауапсыз ата-анаға қалай талап қоямыз, заң шеңберінде жұмыс жасау үшін қандай тетіктерді жетілдіру керек деген сауалдарға жауап іздейтін кез жеткендігін айтты.
Кездесуде сөз алған аудан әкімінің бірінші орынбасары Айбек Бидаев қазіргі таңда ауданда кәмелет жасына толмаған балаларды қорғайтын арнайы комиссия құрылғандығын, аталған комиссия айына екі мәрте бала құқығына байланысты өңірімізде сақталған өзекті мәселелерді талқыға салатынын жеткізді. Айбек Дүйсембекұлының сөзінше, аудан аумағында құқығы қорғал-маған, отбасында зорлық көрген балалар бар. Қазір сол түйткілді тарқатудың оңтайлы шешімдері қаралуда.
Адам баласы өмір бойы психологиялық көмекке зәру болмақ. Әсіресе, оның нәрестелік, сәбилік, балалық шақтарында, психологиялық көмек, тіптен, ауадай қажет. Бүгінде кей балдырғандар тағдырының талқан болуы да осы психологиялық көмектің жоқтығы екендігін сарапшылар жиі айтады. Бұл тұрғыдан ауданымыздағы психологтардың сенаторға айтар уәжі бар екен. Есік гуманитарлық-экономикалық колледжінің психологі Жеңісгүл Хабаева: «Бүгінде психологиялық көмекке жүгінгісі келетін балалар мен ата-аналар көп. Бірақ біздің қолымызда ресурстар шектеулі болғандықтан, оларға дер кезінде көмек бере алмаймыз. Біздің қоғамдағы көптеген келеңсіз жайттар психологиялық көмектің жоқтығынан туындайды. Сондықтан ауданымызда психологиялық көмек көрсететін арнаулы орталық қажет», – деді. Сонымен қоса, сала мамандары мектеп писхологтарының кәсіби біліктілігін арттыру керектігін айтты. «Бүгінде Мемлекет басшысы Қ.Тоқаевтың «Халық үніне құлақ асатын мемлекет» тұжырымдамасына сай ел өміріндегі көптеген әлеуметтік мәселелерге мән берілуде. Кез-келген мәселеге бей-жай қарамай, оны нақты шешудің жолын қарастырған абзал. Сіздер айтқан түйіндердің барлығы ескеріледі. Келер күндерде осы ұсыныстар оң шешімін табады деген ойдамын», – деді Дана Өмірбайқызы.
Кез-келген мемлекеттің әлеуметтік саясатының ізгілікті бағыты жағдайы қиын халықтың әлсіз қорғалған санатына деген қатынасымен анықталады. Бүгінде еліміздегі әлсіз топтардың белгілі бөлігін мүмкіндігі шектеулі балалар құрайды. Олар әлеуметтік көмекке аса мұқтаж. Осы жолғы сапарында Сенат депутаты ауданымыздағы мүмкіндігі шектеулі балалардың тыныс-тіршілігін білу мақсатында №14 «психологиялық-педагогикалық түзеу кабинеті» мемлекеттік мекемесіне арнайы ат басын бұрды. 18 жасқа дейінгі төменгі санаттағы мүмкіндігі шектеулі балаларға көмек көрсетілетін мекемеде бүгінде 396 бала тәлім алуда. Сенатор ондағы мүмкіндігі шектеулі балалардың оқу үдерісімен танысып, олардың үздіксіз кемелденуіне тілектестік білдірді. Сенат депутаты аталған мекемеге тиесілі жер учаскесінің тарлығы,балаларға арналған түрлі кабинеттердің аздығы, білікті мамандардың жетіспеушілігі сынды қиындықтарды да назардан тыс қалдырмады. Соңында Дана Өмірбайқызы аталған мекемедегі өзекті мәселелердің шешілуіне қолдау білдіретінін жеткізді.
Ерзат АСЫЛ
Бүгінгі білім берудің басты нысаны – әлемдік білім кеңістігіне кіру. Алғы шарт – қазіргі қоғам сұранысына сай білікті де білімді азаматтарды тәрбиелеу. Мұндай тұлға өз ұлтының және өзге ұлт өкілдерінің мәдени құндылықтарын қастерлейтін, саналы деңгейде пікірлесе алатын дәрежеде болуы керек.
Елімізді өркендету – қазіргі ұрпақтың қасиетті борышы. Мемлекетіміздің келешегі – жастар. Еліміздегі бастамалардың барлығы жас буынның жарқын болашағы үшін қолға алынды. Мемлекет басшысы Президент Қасым-Жомарт Тоқаевтың «Балалар үшін қатерлі бүгінгідей аумалы-төкпелі заманда олардың күш-жігері мен қызығушылығын дұрыс арнаға бағыттау аса маңызды» деген сөзін басшылыққа ала отырып, бүгінде Д.Қонаев атындағы орта мектепте мектеп директоры Римма Ахметованың бастамасымен Қазақстан Республикасының Тәуелсіздігінің 30 жылдығына орай «Altyn urpaq» медиаорталығы ашылды.
Медиаорталықтың мақсаты – оқушылардың коммуникативті іскерлігі мен дағдыларын, АКТ құзыреттіліктерін қалыптастыра отырып, ой-өрісінің дамуына мүмкіндік беру, шығармашылық жұмысқа баулу.
Бала жастайынан бір нәрсеге қызықпаса, не шығармашылыққа, не спортқа, не қолөнерге, не техникаға бейім болмаса, оның болашағы күмән тудырады. Сондықтан балаларымыздың қызығушылығын оятуымыз керек. Оның түрлі жолы, механизмі бар. Соның бірі – баспасөз бен кітап.
Бүгінде мектеп ұжымы мен оқушылар «Altyn Urpaq» медиаорталығының YoutTube мектепішілік каналында «AQPARAT», «Syr-suhbat», «Sport zhanalyktary», «Sen bilesin be?», «Ashyq microphone» бағдарламалары бойынша жұмыс істейді. Мектепішілік каналда қазіргі уақытта екі жүзден астам оқырман бар. Болашақта YouTube желісінде тікелей эфирде республикалық деңгейде конференция, вебинарлар және т.б. іс-шаралар өткізуді жоспарлап отырмыз.
«AQPARAT» бағдарламасы апта сайынғы мектепішілік жаңалықтарды таратады. Бағдарламаның мақсаты – мектепішілік бақылау, жалпыға білім беру үрдісі, әдістемелік жұмыс, тәрбие ісі, педагог-ұйымдастырушылық, әлеуметтік жұмыстар, инклюзивті білім беру және мектеп тренерлері мен тәлімгерлер, мұғалімдер мен оқушылардың атқарған жұмыс барысымен таныстыру. Бағдарлама жүргізушісі – педагог-ұйымдастырушы, физика пәнінің жас мұғалімі Ботакөз Минажат.
«Syr-suhbat» бағдарламасының мақсаты – студия қонағын оқушыларға таныстыра отырып, оның бойындағы адами қасиеттерді, қонақтың білім-білігі мен өнерін, еңбек жолы мен өмірлік тәжірибесін оқушыларға үлгі-өнеге ету. «Syr-suhbat»-тың жас тілшісі – 2 «Г» сынып оқушысы Кец Богдан. Бағдарламаның 1,2-шығарылымында директордың оқу-тәрбие ісі жөніндегі орынбасары Г.Актамкулова, көркем гимнастикадан халықаралық турнир жеңімпазы, спорт шебері 10 «Б» сынып оқушысы В.Преснова қонақта болды.
«Sport zhanalyktary» бағдарламасының мақсаты – жас спортшыларды қолдау және жетістіктерін үлгі ету, оқушыларды саламатты өмір салтын ұстануға және ерік-жігерін, спортқа деген қызығушылықтарын оятуға бағытталған. Бағдарлама жүргізушісі дене шынықтыру пәнінің жас мұғалімі, республикалық үстел теннисі турнирінің жүлдегері –Беглан Түгелбай.
«Sen bilesin be?» танымдық бағдарламасы оқушылардың өз бетімен немесе бірлескен түрде шығармашылық жұмыспен шұғылдануға, ізденуге, өз жұмысының нәтижесін көріп, ғылыми жобалар мен зертханалық жұмыспен айналысуға мүмкіндік береді. Жас ізденімпаз тілшілер – 10 «А» сынып оқушылары Лейла Ажмахан, Бекарыс Шерман, Дильназ Рахым және т.б..
Әлеуметтік-психологиялық әдіс негізінде құрылған «Ashyq microphone» бағдарламасының тілшісі – 11 «А» сынып оқушысы Айкерім Құттыби. Бағдарлама мақсаты – мұғалімдер, ата-аналар мен оқушылардың белгілі бір тақырып төңірегінде ой-пікірімен бөлісіп, өз ұсыныстарын білдіру және кері байланыс жасау.
«Altyn Urpaq » медиаорталығының онлайн ашылу салтанатына белгілі азаматтар қатысып, ақ тілек пен ізгі ниеттерін білдірді. Қазақстан Республикасы Орталық сайлау комитетінің мүшесі, саяси ғылымдарының докторы, профессор Венера Жексембекова, Еңбекшіқазақ аудандық білім бөлімінің басшысы Бәтес Аманова, Абылай хан атындағы Қазақ халықаралық қатынастар және әлем тілдері университетінің профессоры, саяси ғылымдарының докторы Толқын Әуелгазина, 31 арна тележүргізушісі Ерқанат Көпжасарұлы, Алматы облыстық Жетісу телеарнасының жаңалықтар бөлімінің тілшісі Құрманжан Қасымжанұлы, Еңбекшіқазақ аудандық білім бөлімінің тәрбие ісі жөніндегі маманы Алма Унакбаева, Түрген ауылдық округінің әкімі Ержан Карибаев, психология ғылымдарының кандитаты, мектеп жанашыры, жеке кәсіпкер Абубекир Чикаев, «АХЫСКА» этно-мәдени орталығының төреғасы Нурмухамед Кулаев, Голландиядан онлайн тікелей байланысқа шыққан тілші, публицист Инна Климова-Мербург пен өзге де қонақтар медиаорталықтың салтанатты ашылуымен құттықтап, ақжарма тілектерін айтты.
Ертеңгі келер күннің бүгінгіден гөрі нұрлы болуына ықпал етіп, адамзат қоғамын алға апаратын құдіретті күш тек білімге ғана тән. Олай болса, білім беруді ізгілендіру, ақпараттандыру – бүгінгі заман талабы. Ақпараттық білімнің, орта мен адамның өзара қарым-қатынасын үйлесімді ету және жаңа ақпараттық қоғамда ақпараттық технологияны пайдалану, ақпараттық мәдениетпен байланысын кеңейту мүмкіндіктері мол. Өркениеттің өсуі ақпараттық қоғамның қалыптасуымен тікелей байланысты екенін ескерсек, қазіргі кездегі білім мен техниканың даму деңгейі әрбір адамға сапалы және терең білім мен кәсіби іскерліктердің болуын, жастардың белсенді шығармашылықпен жұмыс істеуін талап етеді.
«Арыстандай айбатты,
Жолбарыстай қайратты,
Қырандай күшті қанатты.
Мен жастарға сенемін!» деп Алаштың арысы, жақұт жырдың жүйрігі, ақын Мағжан ақынымыз айтқандай, көздерінде от, сөздерінде жалыны бар жастарымыз көп болғай!
Ботакөз Минажатқызы,
Д.Қонаев атындағы орта мектептің
педагог-ұйымдастырушы
Бір аптада (04.05 – 11.05.2021 аралығында) Еңбекшіқазақ ауданында ПТР сынама арқылы 204 адамнан коронавирус анықталды. Олар:
Есік – 34
Шелек – 24
Бәйтерек – 17
Қайназар – 8
Саймасай – 7
Қорам – 7
Масақ – 6
Қаратұрық – 6
Достық – 6
Қызылжар – 6
Малыбай – 6
Қырбалтабай – 5
Байсейіт – 5
Ават – 4
Ащыбұлақ 4
Алға – 4
Түрген 4
Бәйдібек би – 4
Қаракемер – 3
Космос – 3
Қайрат – 3
Қаражота – 3
Бижанов – 2
Нұра – 2
Сарыбұлақ – 2
Нұрлы – 2
Қазақстан – 2
Жаңашар – 2
Ащысай – 2
Ташкенсаз – 2
Төле би – 2
Тескенсу – 2
Қайыпов – 1
Балтабай – 1
Қызылшарық – 1
Май – 1
Еңбек – 1
Қарасай – 1
Ақши – 1
Қайрат – 1
Өрікті – 1
Алмалы – 1
Көктөбе – 1
Көлді – 1
Лавар – 1
Азат – 1
Тіркелген науқастардың әлеуметтік-кәсіби мәртебесі төмендегідей:
122 науқас – жұмыссыз
40 науқас – зейнеткер
13 науқас – түрлі жеке кәсіпорындарда жұмыс істейді
12 науқас – ұйымдаспаған бала
9 науқас – мектеп оқушысы
5 науқас – мұғалім
3 науқас – медицина қызметкері
2021 жылғы 2 сәуірден бері ауданда коронавирусқа қарсы егу жұмыстары басталды.
Бүгінгі күнге «Спутник-V» вакцинасының 1-компонентімен ауданның 20 450 тұрғыны, ал 2-компонентімен 10 730 адам егілді.
«HayatVax» вакцинасының 1-компоненті 1198 адамға салынды.
Мәлімет Еңбекшіқазақ аудандық санитарлық-эпидемиологиялық бақылау басқармасынан алынды.