Шелек ауылындағы Галина Лулудова басқарған «Гүлдер» балабақшасында  «Бал – бала» атты мектепке дейінгі кішкене жастағы балаларды ұлттық тәрбиелеу мен оқытуға арналған оқу-әдістемелік кеше-ні кеңінен жүргізіліп келеді. Балабақшадағы Гүлдана Нұрбайқызының  тәрбиесіндегі  «Балапан» тобының бүлдіршін-дері 2014 жылдан бері Қазақ-станның танымал әншісі Қыдырәлі Болмановтың идеясынан туындаған интерактивті  ойыншықтарын пайдалану арқылы тәрбиеленуде. Жақын-да  аудандық білім бөлімі, ауылдық әкімдік  өкілдерінің қатысуымен, ата-аналармен, тәрбиешілермен  Қыдырәлі Болманов балабақшаға арнайы келіп, кездесті. Жаңа үлгідегі ойыншықтармен жас жеткіншектер қызыға ойнап, саналылыққа, өсер елдің ұрпағы-на сай тәрбиеленіп, өсіп келе жатқанының куәсі болды ата-аналар.

Жастар – жарқын болашақ кепілі. Елбасы Н.Ә.Назарбаев Жолдауында: «Мен сіздер, бүгінгі жастар, ерекше ұрпақ екендеріңізді қайталаудан жалықпаймын. Сіздер тәуелсіз Қазақстанда өмірге келдіңіздер және сонда ержетіп келесіздер. Сіздердің жастық шақтарыңыздың уақыты – біздің еліміздің көтерілу және гүлдену уақыты. Сіздер осы жетістіктер рухын және табысқа деген ұмтылушылықты бойларыңызға сіңірдіңіздер» – деп, жастарға сенім білдірген болатын. Елбасының сенімі ақталып, бүгінгінің жастары тек білімге ұмтылып, еліміздің дамуына өз үлестерін қосуда. Жақында Талдықорған қаласында облыс аумағындағы осындай белсенді жастардың басын қосқан жиын өтті.

«Талпынған жетер мұратқа» демекші, сөз патшасы – өлең  жазу өнеріне талпынып, айтар ойын саралай білетін жас жеткіншектер баршылық екен. Асысаға ауылында ел тәуелсіздігінің 25 жылдығы құрметіне, еркіндікті аңсаған қазақ жастарының басынған кеңестік биліктің жөнсіз қарсы бейбіт ереуілге шыққан оқиғаның орын алғанына 30 жыл толуына орай «Желтоқсан желі ызғарлы» атты аудандық жас ақындар мүшәйрасы өтті. Аудандық жастар ресурстық орталығы, «Жас Отан» Жас-тар Қанатының аудандық филиалы және Асы ауылдық округі әкімінің аппараты ұйымдастырған бұл байқауда Қаратұрық, Көктөбе, Қорам, Асы, Масақ, Бәйтерек, Тескенсу, Түрген, Шелек ауылдық округтерінің таланттары бәсекеге түсті.

Бірге соғып бар әлемнің сағаттары,

Күтер бәрі таусылмай тағаттары.

Ғасырдың он жетінші жылы келді,

Құстай ұшып, қырау шалған қанаттары.

Иә, көзді ашып-жұмғанша елімізде жақсы-лығымен есте қалған мешін жылы аяқталып, жаңа тауық жылы босағаны аттағалы тұр. Ересектер мерекеге дайындық жасап, абыр-сабыр болып жүргенде, балалар аяз атадан сыйлық күтіп, тілек тілейді. Жақында бүлдіршіндердің арманын орындау мақсатында Бәйдібек би ауылдық мәдениет үйінде аудан әкімінің шыршасы өтті.

Бірі мультфильм кейіпкерінің кейпіне еніп, енді бірі қазақтың ұлттық киімдерін киген оқушылар жаңа жылды тағатсыздана күтіп, Аяз ата мен Ақшақарды сағынып қалғаны көрініп-ақ тұр. Жаңа жылға арналған тақпақтарын пысықтап, Аяз атадан сыйлық алуға асық.

Аудандағы әлеуметтік аз қамтылған отбасында тұратын оқушыларға арналған мерекелік шыршаның ашылу салтанатында оқушыларды жаңа жыл мерекесімен құттықтаған аудан басшысы Бинәлі Әбдіқапасұлы:

– Еліміздің келешегі кемел болсын десек, алдымен жастарға сапалы білім мен саналы тәрбие беруіміз керек. Аталған қағида бүгінде Елбасы тапсырмалары мен Үкімет қабылдаған бағдарламалардың арқасында орындалып келеді. Ауданымыздың өзінде қазіргі уақытта білім көрсеткіші артуда. Сәйкесінше, материалдық-техникалық базамыз да заман талабына сай жаңаруда. Ауданымызда өткен оқу жылын 82 мектеп аяқтаса, жаңа оқу жылында оның саны 2 мектепке артты. Азат пен Бәйтерек ауылдарында су жаңа мектеп пайдалануға берілді. Сонымен қатар, Есік қаласы мен Шелек ауылында 600 орындық оқу орнының құрылысы жүргізілуде. Келер жылы қыркүйекте пайдалануға берілуі тиіс. Құрметті оқушылар, бұның барлығы сендер үшін. Сендерге еш кедергісіз сапалы білім алуға жағдай жасау – біздің міндетіміз – дей келе балабақшалар мәселесін де сөз етті. Кейіннен, аудандағы барлық мектептерден келген оқушыларға сыйлықтарын үлестіріп, бірге естелік суретке түсті. Жаңа жылда армандаған сыйлықтарын қолдарына алған оқушылар Бинәлі Әбдіқапасұлына алғыстарын өлең жолдарымен жеткізді. «Улыбка» би ансамблі мен аудан әншілері мың бұралған би мен әуезді әннен шашу шашып, мерекелік кештің көркін қыздыра түсті. Иттермен, алып жыланмен өнер көрсеткен цирк қызметкерлеріне тәнті болған балғындар ерекше күйге бөленді. Концерттен соң Бинәлі Әбдіқапасұлы мен оқушылар жасыл шыршаның шамын жағып, жаңа жылдық әндер айтып, шыршаны айнала биледі. Сайқымазақпен бірге көңіл көтеріп, Аяз атадан тәтті сыйлықтар алды. 

Сардарбек НҰРАДИН.