Сейсенбі, 31 Мамыр 2022 09:38

Алашордадағы жетісулық – Садық Аманжолов

1937-1939 жылдар аралығында қазақтың бас көтерер зиялысының көпшілігі қуғын-сүргін құрбанына айналды. Зерттеушілердің деректеріне сүйенсек, осы кезең аралығында Кеңес Одағының құрамында болған Қазақстанда 103 мың адам қуғын-сүргінге ұшыраған және 25 мың адам ату жазасына кесілген. Төмендегі мақала қуғын-сүргін құрбаны болған жетісулық Садық Аманжолов жайлы болмақ. 

Қазақтың ардақты азаматы, «Алаш» партиясының мүшесі Садық Аманжолов 1885 жылы қазіргі Алматы облысы, Еңбекшіқазақ ауданы, Қаратұрық елді мекенінде дүниеге келген. Садық Аманжолов ауқатты отбасында туылып, балалық шағы туған ауылында өтеді. Әкесі Аюке баласынан үлкен үміт күтсе керек, оны жастайынан үлкен істерге дайындап, кесек мінез қалыптастыруына себепкер болады. Садық жастайынан білімге құштар болып өседі. Осыны ұққан әкесі оны 1898 жылы Верныйдағы ұлдар гимназиясына оқуға береді. Ол мектепті бітіргеннен кейін, өзінің білімін одан әрі ұштау үшін Қазандағы император университетінің заң факультетіне оқуға түседі. Университетті өте жақсы тамамдаған Садық Аманжолов 1917 жылға дейін Жетісу облысында заң орындарында қызмет атқарады. 1917 жылы Садық Аюкеұлы Үржар уезінде қазақ комитетінің төрағасы болады. Садық Аманжоловтың ұлт үшін күрескен өмірінде бұл кездің орны бөлек. Осы жұмыста жүріп ол Алаш зиялыларымен жақын танысып, ойы ұшталып, кемелдене түскен еді. 1917 жылы 21-26 шілдеде Орынборда өткен съезде қазақ зиялыларының ұйғаруымен Бүкілресейлік құрылтай жиналысына депутат болып сайланады. Жетісу өңірінде Алаш ұйымдарының құрылуы мен оның қызметінің тыңғылықты жүруіне Садық Аюкеұлы бір кісідей тер төкті. Жан-жақты жетілген кемел азамат Алаш әскері қатарында қолына қару алып, майданға шықты. Кеңес әскерімен болған шайқаста Садық Аманжолов ауыр жарақат алып, жараланады. Кеңес үкіметі кезінде С.Аманжолов Қазақ автономиялық социалистік кеңестік республикасы заң халық комиссариатында қызмет етеді. Жасынан әлеуметтік қызметпен шұғылданған, кәсіби маман бұл жұмысты да тыңғылықты атқарды. Алайда туған халқының азаттығы үшін күрескен С.Аманжоловтың тағдыры 1930 жылдардың зобалаңы басталғанда тәлкекке түсті. Садық Аюкеұлы Қазақстаннан қуғындалды. Жан сауғалап Мәскеуге барды, алайда Ресей астанасы оған ұзақ мекен бола алмайтынын түсініп, Бішкекке, одан әрі Ташкентке кетті. Өзінің саналы ғұмырында қазақ халқы үшін, оның ұлттық мемлекеті – Алашорда үкіметі үшін елеулі еңбек етті. Садық Аманжолов 1941 жылы 5 желтоқсанда Ташкент қаласында 56 жасында өмірден өтті.

Саяси қуғын-сүргіннен жазықсыз жапа шеккен қайраткерлердің есімдерін еске алуды, олардың рухтарына құрмет көрсетуді естен шығармауымыз керек. Ұрпақ санасында өткен дәуір тарихын жаңғыртуды ұлт алдындағы азаматтық парызымыз деп білейік!

Жанар ҚАШАҒАНОВА,

Шелек тарихи-өлкетану музейінің экскурсия жүргізушісі.

Оқылды 2495 рет

Соңғы жаңалықтар

Шіл 14, 2025

Конаев этим летом: более 860 тысяч…

Конаев этим летом уверенно закрепил за собой статус одного из самых популярных…
Шіл 12, 2025

Балалардың қауіпсіздігі үшін: Қонаев…

Қауіпсіздік пен жайлылық – басты басымдық. Балалар 4 млрд теңге көлеміндегі жеке…
Шіл 11, 2025

Разъяснение по вопросу переселения…

Согласно информации управления образования Алматинской области сообщаем: в связи с…
Шіл 11, 2025

Алдымен адам папилома вирусы…

 Адам папилома вирусы – бұл теріні және дененің әртүрлі бөліктерінің шырышты қабықтарын…
Шіл 10, 2025

«Е-өтініш –мемлекеттік органдарға…

Е-Өтініш – бұл Қазақстан Республикасының азаматтарына, ұйымдарына және заңды тұлғаларына…
Шіл 10, 2025

28 шілде — Дүниежүзілік вирустық…

28 шілде — Дүниежүзілік денсаулық сақтау ұйымы (ДДҰ) белгілеген Дүниежүзілік вирустық…
Шіл 10, 2025

Чествование преданных делу…

В городе Қонаев состоялось торжественное собрание, посвящённое профессиональному…
Шіл 10, 2025

Қоғамдық денсаулық сақтау ісіне адал…

Қонаев қаласында кәсіби мереке — Ветеринария күніне арналған салтанатты жиын өтті.…
Шіл 10, 2025

Адам өмірі мен қоғамдық қауіпсіздік…

30 маусым күні Алмалыбақ ауылындағы футбол алаңында 10 жасар Максим Головачевке ит шабуыл…

Күнтiзбе

« Шілде 2025 »
Дс Сс Ср Бс Жм Сб. Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет