Ауданымыздың, өзі туып өскен Талдыбұлақ ауылының патриот – жанашыры, аудан прокуроры Төлеген Иманбаев тұрғындардың алғысын жеткізуді өтінді.

Талдыбұлақ Есік – Түрген – Қаракемер – Бәйдібек би тас жолынан он шақырым  бұрыс  тау  бөктерінде жатқан  ауыл  болғандықтан  тұрғын-дар, оның ішінде Есікте, Алматыда оқитын оқушы, студент жастар біраз қиындық  көріп, шығынға да батып жүрген еді. Жуырда ашылған жаңа жолаушы тасымалдау  маршруты Есік қаласы мен Талдыбұлақ тұрғындарына қызмет  етіп, үлкен-кіші жерлестерімнің көңілінен шығуда.

Зародившись более столетия назад в маленьком американском городке, День птиц давно стал международным экологическим праздником. Ежегодно с наступлением Наурыза его отмечает детский зоопарк «Сказка живой природы», расположенный в с.Болек.

Балуан Шолақ пен Қажымұқанның ізін жалғап, қазақтың ұлттық ойыны – қазақша күресті дамытып жүргендер аз емес бұл күнде. Ұлыстың ұлы күні Наурыз мерекесі мен үлкен жиындарда қарадомалақта-рымыз бір-бірімен белдесіп жатады. Оған қоса, дәстүрлі түрде ұйымдастырылатын «Қазақстан барысы». Мұның барлығы – атадан қалған ұлттық мұраны келер ұрпаққа қаз-қалпында табыстауға бағытталған. Сол аманатты орындауда ауданымыз да сырт қалмады. Жақында Есік қаласындағы Спорт сарайында аудандық ішкі істер басқармасының полиция майоры Рашит Нұрсахановты еске алуға арналған қазақ күресінен «Жеті тарлан-2016» атты облыстық командалық турнир өтті. Жарысқа аудандық мәслихат хатшысы Бекет Ахметов, ІІБ-ның басшысы Бағдат Әшімов, бөлім басшылары мен аудандық спорт шеберлері, спорт жанашырлары қатысты.

Бүгінгі виртуалды жастар қоғамында пасық пейілді топтардың алдын орау оңайға соқпай жүр. Сауатсыздық салдарынан әлдекімнің етегінен еріп, жиһад деп желіп, көзсіз тәуекел, негізсіз ұрыстарға ұрынуда. Салдары, жанкеш болып өзін жарды, лаңкес болып түрмеге тоғытылды. Білімсіздіктен басынан бағын тайғызып, бақытын ұшырған сан түрлі тағдырлар жайлы Қаракемер мәдениет үйінде көрсетілген бейнефильм облыстық форумның шымылдығын түрді. Алқалы семинар «Діни тұрақтылық – ел дамуының кепілі» деп айдар тақты. Оған асыл дінімізді зерттеу жолында самайын ақ шалған зиялы қауым өкілдері қатысты. Атап өтсек, әл-Фараби атындағы Қазақ ұлттық университеті дінтану және мәдениеттану кафедрасының доценті, философия ғылымдарының докторы Қайрат Затов, «Нұр-Мүбәрак» Египет Ислам мәдениеті университеті проректорының дін істер жөніндегі көмекшісі Рақымжан Әкімбеков, Қазақстан Мұсылмандары діни басқармасының Алматы өңірі бойынша өкіл имамы Нұржан Манапбаев, Алматы облысы ішкі істер департаментінің өкілі, полиция майоры Бату Букумбаев, облыстық Дін істері басқармасының бас маманы Бауыржан Ниет. Сондай-ақ, аудан имамы Сапархан Төреқұлов бастаған ауыл имамдары, ақсақалдар алқасы, әйелдер кеңесінің жетекшілері, әкімдік қызметкерлері және жастар мәжіліс залынан орын алды. Семинарды аудандық ішкі саясат бөлімінің басшысы Момунжан Исламов жүргізіп отырды.