Жақында «Көктөбе орта мектебінде» 9 сынып оқушылары арасында «Менің болашақ мамандығым» атты тақырыбында дөңгелек үстел өтті.
Аталған шараны мектептің тәрбие ісінің меңгерушілерімен бірге 9 сыныптар арасында ұйымдастырдық. Дөңгелек үстелге аудандық ІІБ-нің тергеу маманы Меруерт Нурбаева мен «Салық төлеушілердің ақпаратын қабылдау және өңдеу және салық тіркеу орталығы» бөлімнің жетекші маманы Тұрар Шайки қонаққа келіп, бітіруші түлектермен өзара ой бөлісті. Кездесу барысында мектеп психологі Б.Қарақойшиева тренинг өткізіді. Оқушылар қонақтардың ақыл-кеңестерін тыңдай отырып, көкейінде жүрген сұрақтарына жауап ала білді. Шара соңында қонақтарға Тәуелсіздіктің 30 жылдығына орай арнайы кітаптар сыйға тартып, оқушылар шығармашылық өнерлерін көрсетті.
Жанар Бесимбаева
9 «ә» сынып жетекшісі
Қазақстанда жоғарғы оқу орындарының, кәсіптік училище мен колледждердің студенттері дәлелді себептермен 6 айдан 3 жылға дейін академиялық демалыс ала алады.
Әдетте академ-демалыс ұзақ уақыт емделу қажет болғанда, бала күтіміне байланысты немесе әскерге шақырылғанда сұралады. Бұл қызметті студент өзі оқитын оқу орнында ғана емес, ХҚО арқылы да рәсімдеуге болатынын көп адамдар біле бермейді.
ХҚО-ға жүгінгенде өзімен бірге жеке куәлік, өтініш және студенттің демалыс алу себебін растайтын медициналық комиссияның қорытындысы, әскерге шақыру қағазы немесе баланың туу туралы куәлігі секілді құжаттар керек.
Қызмет тегін және 2 жұмыс күні ішінде көрсетіледі.
****
Как студентам взять академический отпуск в Казахстане?
Студенты вузов, профессиональных училищ и колледжей при определенных обстоятельствах может оформить академический отпуск сроком от 6 месяцев до 3 лет. Чаще всего такой отпуск берут при рождении ребенка, длительного лечения или призыва на военную службу.
Обычно такая услуга оформляется в учебном заведении, где числится студент. Но мало кто знает, что оформить "академ" можно и через ЦОН.
При обращении в ЦОН при себе нужно иметь удостоверение личности, заявление и документ, подтверждающий причину, по которой студент берет отпуск.
Это может быть заключение медицинской комиссии, повестка о призыве на военную службу или свидетельство о рождении ребенка.
Услуга бесплатная и оказывается в течение 2 рабочих дней.
Отдел Енбекшиказахского района
Филиала РГП ЦОН по Алматинской области
Талдықорған қаласына қараша айының ортасында 16-дан 37 аптаға дейінгі жүктілік кезінде, жасөспірімдер мен босанғаннан кейінгі 42 күннен бастап бала емізетін аналар үшін 46 800 доза мөлшерінде Комирнати (Pfizer) вакцинасының бірінші партиясы әкелінді.
Бүгінгі күні Комирнати вакцинасының бірінші компонентін 8290 жасөспірім алды, сондай-ақ лактация кезеңіндегі 1439 ана мен жүктілік кезінде 550 әйел вакцина алып үлгерді.
Ал, ревакцинациялауға келер болсақ, 22 қарашадан басталған егу жұмыстары өз нәтижесін беруде. Қазіргі кезде коронавирустық инфекцияға қарсы вакцинациялаудың үшінші кезеңінен 5926 адам өтті, оның ішінде 1432 адам өз бетінше тексерілді, 483 педагог, 60 жастан асқан 191 адам, күш құрылымдарының 85 сондай-ақ, 3561 медицина қызметкері ревкцинациялау курсынан өтіп үлгерді.
Алматы облысы бойынша коронавирусқа қарсы вакцинаның 1-ші компонентін алғандар саны – 880 820. Екінші компонентінті 802 811 тұрғын салдырған.
Айта кетейік, өткен тәулікте Алматы облысында 30 адам КВИ жұқтырғаны анықталды. Соның ішінде Талдықорған қаласында-5, Алакөл және Жамбыл аудандарында -4, Қапшағай қаласында – 3, Панфилов, Сарқан, Талғар және Ұйғыр аудандарында - 2, Балқаш, Еңбекшіқазақ, Іле, Қарасай, Кербұлақ және Көксу аудандарында 1 жағдайдан тіркелді.
9-желтоқсандағы ресми мәліметтер, өңірде 593 адам стационарлық ем қабылдап жатқандығын көрсетуде. Жалпы аймақ ауруханаларындағы төсек-орындар саны 1790-ды құрайды. Оның жүктемесі 33,1 %-дық көрсеткішті құрап отыр.
Халқының бабын тауып, барын берген атқамінерлер, «Бесінші аймақ» тәуелсіз ақпараттық порталының нұсқасы бойынша, лайықты марапаттарына ие болды. Бүгін облыс орталығындағы «Журналистер үйінде» бұқараның базыналы мәселесінің күрмеуін шешіп, түйінін тарқатып жүрген үздік әкімдер тұғырдан табылды.
Еңбегімен ер атанып жүрген әкімдер арасындағы аламан «Халық үніне құлақ асатын мемлекет» тұжырымдамасының негізінде жүзеге асты. Ғаламторы ғаламат, желісі жүйрік қоғамда, басшылар арасындағы басты бәсекеде қатысушылардың әлеуметтік желідегі белсенділігі мен тұрғындардың сауалына жылдам жауап беруіне басым назар аударылды.
«Бесінші аймақ» ақпараттық сайтының директоры Анвар Алдашевтің айтуынша, дәл осы ауыл әкімдері мемлекет пен қоғамның коммуникациясында алдыңғы қатарда тұр. Қос тарап «тонның ішкі бауындай» болып біртұтас дамуы, ел дамуының негізгі тетігі болып табылады.
«Бүгін біз байқау жеңімпаздарын ғана емес, мемлекет саясатын ең жақсы түрде жүзеге асыратын табысты басқарушыларды да марапаттаймыз. Жалпы, сәуір айынан бастап дауыс беруге 250 мыңнан астам интернет желісін пайдаланушылар қатысты, бұл бүкіл облыс халқының 10% - дан астамын құрады», - деп бөлісті Анвар Алдашев.
Әлеуметтік желідегі дауыс беру нәтежиелері бойынша, елінің бағын жандыру арқылы өзіде бақытқа кенелген жандар жеңімпаздар қатарынан табылды. Атқарған жұмыстары ел көңілінен шыққан билік иелері бір дегенде бірнеше марапатты қанжығаларына байлады. Солардың бірі, Еңбекшіқазақ ауданына қарасты Рахат ауылдық округінің әкімі Қуат Ақшабаев. Ол «Үздік сумен жабдықтау әкімі», «Электрлендіру бойынша үздік әкім», «Халықпен жұмыс жүргізу жөніндегі үздік әкім» деген үш бірдей аталымда топ жарды.
Ал, «Ауылдық елді мекенді жарықтандыру бойынша үздік әкім» және «Аудан тазалығы мен қатты тұрмыстық қалдықтарды шығару бойынша үздік әкім» номинациясының иесі Еңбекшіқазақ ауданының, Қаратүрік ауылдық округінің әкімі Айбек Ілебай атанды.
Сонымен қатар, «Алматы облысының үздік аудан әкімінің аппараты» номинациясында Көксу ауданы жеңіске жетті.
Саясаттың сұрмергендерінің арасында өтен сайыста, «Алматы облысының әлеуметтік желідегі үздік ауыл әкімі -2021» атағы мен 1-дәрежелі диплом Мәулен Базалиевқа бұйырды. Ол Көксу ауданы, Айнабұлақ ауылдық округінің әкімі қызметін атқарады.
Ендігіде, әкімдердің рейтингтері республикалық, облыс және ауданішілік болып бөлінетінін болады. Алдағы уақытта әрбір адам AKIMY.KZ жаңа мобильді қосымшасында ақ жағалылардың жұмысының сапасын бағалауға мүмкіндік алады.
Жуырда «Көктөбе» орта мектебінде Тәуелсіздіктің 30 жылдығына орай тәрбие ісі меңгерушілерінің ұйымдастыруымен тарих пәнінің мұғалімі Ғазиза Қырбасова 9 сынып оқушылары арасында «Мәңгілік ел идеясы – бірлікке бастар жол» тақырыбында дөңгелек үстел өткізді.
Шараға Көктөбе орта мектебінің ардагер ұстазы Айша Сүлейменова, ауыл ақсақалы Ағапаша Дуллаев, мектеп директоры Айжан Талқамбаева және ұстаздар қатысты. Дөңгелек үстел мақсаты – «Қазақстан-2050» стратегиясының мақсатын түсіндіру арқылы Мәңгілік ел идеясының маңызын насихаттау. Жиынға Елбасымыздың қанатты сөздері мен өз ойларын ашық айтып, ой бөліскен оқушылар белсене қатысты. Мектебіміздің 9-сынып оқушылары Тәуелсіздігіміздің 30 жылдығы, егемендікке жету жолы туралы ауыл ақсақалдарынан тарихи мәліметтер, әсерлі, ой саларлық ақыл-кеңестер мен көптеген мағлұматтар алды. Оқушылар еліміздің патриоты болып, болашақта еліміздің өркендеуі жолында еңбек етуге уәде берді.
Роза МАХАНОВА,
Көктөбе орта мектебінің мұғалімі.
«Тәуелсіздік тағылымы» атты мақаласында еліміздің Тәуелсіздік алған 30 жылында атқарған жұмыстарды баяндаған Елбасы қазақ елі тарихына бірқатар шолу жасады. «Адамды қандай қиындықтан да аман алып шығатын құдірет еңбек екенін мен сәби кезімнен-ақ сезіндім. Кейінгі жастарға үнемі: «Еңбек ет, отбасыңды асыра, еліңе қызмет қыл: өзің де табысты болып, Отаныңның да қуаты артады» – деп ақылымен бөлісті.
Тәуелсіздікке қол жеткізіп, ең негізгісі оны сақтап қалу, ынтымақ пен ұлтаралық татулықты, бірлікті, ел тыныштығы мен қатар өсіп өркендеу, экономиканы ары қарай дамуды жүзеге асыру оңай емес екендігін тілге тиек еткен Елбасы, «Тәуелсіздікті жариялау оңай емес, оны бүкіл әлемге мойындату одан да қиын еді. Мен Қазақстан тәуелсіздігінің осындай биік деңгейде мойындалуын да алдын ала ойластырып қойған едім» деген сөздері көреген стратег екендігінің дәлелі деп білеміз.
Мақаланы, «Халықтан кім асырып айтқан?! «Диірменнің тасындай дөңгеленген дүние» бір орнында тұрмайтыны белгілі. Президент ауысады, бірақ Тәуелсіздік мәңгілік болуы керек. Әр қазақстандық алдағы уақытта оның тұғырын нықтап, еңсесін тіктеп, абыройын асыруға қызмет етуге тиіс» деген сөздермен қорытындылаған Елбасы, қазақстандықтардың рухын қайрап, бұдан да биік асуларға жету үшін және Тәуелсіз Қазақстанның жарқын болашағы жолында тынбай еңбек етуге шақырды.
Қуат Байғоджаев,
«Nur Otan» партиясы Еңбекшіқазақ аудандық филиалы төрағасының бірінші орынбасары.
Мемлекет басшысы Қасым-Жомарт Тоқаев зейнетақы жинақтарының шекті межесін көтеру туралы шешімге қатысты көпшіліктің өтінішіне құлақ асты.
Шекті меже келесі жылдан бастап ең төменгі жалақының өсуіне байланысты көтеріледі. Зейнетақы жүйесінің негізгі міндеті – азаматтарды зейнетке шыққаннан кейін қажетті жеткілікті табыспен қамтамасыз ету. Сондықтан зейнетақы жинақтарының шекті межесін көтеру жөніндегі шешім – негізінен осы бағыттағы дұрыс қадам.
Сонымен қатар Мемлекет басшысы зейнетақы қорындағы шекті межеден асқан қаржысын пайдаланып үлгермеген азаматтарды қолдап, Үкіметке бұрынғы шекті межені көтеру мерзімін 2022 жылдың 1 сәуіріне дейін ұзартуды тапсырды.
****
Глава государства Касым-Жомарт Токаев прислушался к многочисленным обращениям граждан относительно решения об увеличении пороговых значений пенсионных накоплений.
Значения будут увеличены в результате повышения со следующего года минимальной заработной платы. Как известно, основная задача пенсионной системы – обеспечить необходимый достаточный доход гражданам после выхода на пенсию. В этой связи решение об увеличении порога пенсионных накоплений – шаг в правильном направлении.
Вместе с тем, для поддержки граждан, которые не успели использовать свои сверхнормативные накопления, Президент поручил Правительству продлить сроки действия прежних порогов достаточности до 1 апреля 2022 года.
Ұлттық банк кредит рақымшылығы жарияланғаны туралы ақпаратты жоққа шығарды.
Кешеден бері әлеуметтік желілер мен мессенжерлерде «Қазақстанда халықтың несиесі кешіріледі», «Ипотекаға рақымшылық жасалады» деген сарында ақпарат тарап, жұртты дүрліктіріп еді. Осы жайында ҚР Ұлттық банк ресми сайтында: «Бұл ақпарат шындыққа жанаспайды. Қазақстан Ұлттық банкі азаматтар мен БАҚ өкілдерін тек ресми ақпарат көздеріне сүйенуге шақырады» деген мәлімдеме жасады.
Кеңес алу үшін 1477 қысқа нөмірі арқылы Қазақстан Ұлттық банкінің байланыс орталығына хабарласуға болады.
mezet
Биыл елімізде 1,5 мыңнан астам жемқорлық қылмысы тіркеліп, 1280 адам әшкереленген. Бұл туралы ОКҚ-де өткен баспасөз мәслихатында ҚР Сыбайлас жемқорлыққа қарсы іс-қимыл агенттігінің төрағасы Марат Ахметжанов айтты.
«Биыл 11 айдың қорытындысы бойынша елімізде 1576 сыбайлас жемқорлық қылмысы тіркелді. Ең көбі 3 мегополисте тіркеліп отыр, олар - Алматы, Нұр-Сұлтан және Шымкент қаласы. Сондай-ақ Түркістан, ШҚО және Жамбыл облыстары да бар. Ал жемқорлық жиі жасалатын салаларға келсек, ол алдымен ауыл шаруашылығы, білім, тұрмыстық-коммуналдық шаруашылық, әлеуметтік қамтамасыз ету және денсаулық сақтау. Сыбайлас жемқорлық жасады деген күдікпен 1280 адам әшкереленді, оның 159-ы-әртүрлі деңгейдегі басшылар», - деді Марат Ахметжанов.
Агенттік төрағасының мәліметінше, биыл бір вице-министр, 13 әкім және оның орынбасарлары, 4 судья мен 28 облыстық басқарма басшысы жемқорлықпен ұсталды.
«Мемлекет бюджетіне келтірілген 20 млрд теңгеден астам залал өтелді. Бірақ бұл құрғақ сандар шынайы жағдайды көрсетпейді. Биыл жемқорлық ісі өткен жылға қарағанда 34 пайызға азайып отыр. Оның өзіндік себептері бар. Біз бүгінде сыбайлас жемқорлықпен күресте үшбуынды жұмыс жүйесіне көштік. Қазір сыбайлас жемқорлық ісі бойынша күдіктіге қатысты барлық процесуалды шешімдер прокурордың келісімінсіз заңды күшіне енбейді. Тергеудің алғашқы кезеңінен бастап, іс жабылғанша бірнеше сүзгіден өтеді», - дейді ол.
mezet
Биылғы 1 қыркүйек пен 30 қазан аралығында жүргізілген Ұлттық халық санағының алғашқы нәтижелері белгілі болды.
Президент қабылдауында болған
Премьер-Министр Асқар Маминнің мәліметі бойынша қазақстандықтардың жалпы саны – 19 169 550 адам. Отандастарымыздың 48,71 пайызы – ерлер, 51,29 пайызы – әйелдер.
Қазақстан халқының орта жасы – 31,94 жас деп көрсетілген. Жалпы халықтың 33,97 пайызы – 17 жасқа дейінгі балалар, 19,72 пайызы – 14-28 жас аралығындағы жастар. Еліміздегі қазақтардың үлесі – 70,18 пайызға жеткен.
Халықтың 59,05 пайызы, яғни 11 320 410 адам еңбекке жарамды деп танылған.
mezet
Қазақстан Республикасының Тәуелсіздігінің 30 жылдығы құрметіне Тұңғыш Президентіміз, Елбасы Нұрсұлтан Назарбаевтың «Болашаққа бағдар: рухани жаңғыру» мақаласы және Ел Президенті Қасым-Жомарт Тоқаевтың «Тәуелсіздік бәрінен қымбат» атты мақаласы, сондай-ақ «Мәдени мұра» бағдарламасы аясында Шелек тарихи-өлкетану музейінің қызметкерлерінің ұйымдастыруымен жас жеткіншектерді туған жердің тарихымен, ұлттық қолөнер шеберлерінің туындыларымен таныстыру, бабалардан қалған мұралардың құндылығын түсіндіріп, отансүйгіштікке баулу, тәрбиелеу мақсатында көрмелер ұйымдастырылды.
Көрме жыл соңына дейін ауылдағы 9 мектеп, колледждердің оқушылары, жас мұғалімдер тартылды. Музейге кіргендегі бірінші залда ел тәуелсіздігіне арналған тарихқа Елбасының еңбегі, ел рәміздері, басқа да құндылықтарға арналды. Одан кейін жастарға бабаларымыздың ағаштан жасаған қазақ пен ұйғыр ұлтының тұрмыстық бұйымдары, қолөнер шеберлері Махмутжан Исмайловтың асқабақтан жасаған және Анаят Жексенбайұлының сүйектерден, басқа да заттардан жасаған кәдесыйға арналған әр түрлі бұйымдары кеңінен таныстырылды.
Анарбек МӨКІШҰЛЫ.
ИННОВАЦИЯЛЫҚ ДАМУ ҮШІН ТЕХНИКАЛЫҚ КАДР, ОРТА КӘСІПТІК МАМАН ДАЙЫНДАУ СТРАТЕГИЯСЫ МАҢЫЗДЫ. ДЕГЕНМЕН, ЕЛІМІЗДЕ ӨНДІРІС ОРЫНДАРЫ ОРТА КӘСІПТІК БІЛІМДІ ЖҰМЫС КҮШІНЕ ЗӘРУ, ТЕХНИКАЛЫҚ КАДРЛАРҒА МҰҚТАЖ. СОНДЫҚТАН КАДР ДАЙЫНДАУ ЖҮЙЕСІН РЕФОРМАЛАУ АРҚЫЛЫ ЕЛІМІЗДІҢ ЭКОНОМИКАЛЫҚ ҚУАТЫНАРТТЫРУҒА БОЛАДЫ. БҰЛ БАҒЫТТА ШЕЛЕК ПОЛИТЕХНИКАЛЫҚ КОЛЛЕДЖІ КӘСІБИ МАМАНДАР ДАЯРЛАУДА АЯНБАЙ ЕҢБЕК ЕТІП КЕЛЕДІ. БИЫЛ ОҚУ ОРДАСЫНЫҢ ШАҢЫРАҚ КӨТЕРГЕНІНЕ 65 ЖЫЛ ТОЛДЫ. ОСЫ ОРАЙДА КОЛЛЕДЖДІҢ ТЕХНИКАЛЫҚ МАМАНДЫҚТАР ДАЯРЛАУ БАРЫСЫ, САПАЛЫ БІЛІМ МЕН САНАЛЫ ТӘРБИЕ БЕРУ, КӘСІПТІК БІЛІМ ОШАҒЫНЫҢ БҮГІНГІ БЕТ-БЕЙНЕСІ МЕН БОЛАШАҚ СТРАТЕГИЯСЫ ЖАЙЫНДА АТАЛҒАН ОҚУ ОРНЫНЫҢ ДИРЕКТОРЫ ҚУАТ ДҮЙСЕБАЕВПЕН СҰХБАТТАСЫП ҚАЙТҚАН ЕДІК.
– Сан мыңдаған техникалық мамандарды тұғырынан түлеткен қасиетті қара шаңырақтың 65 жылдық торқалы тойы құтты болсын! Әңгімемізді оқу ордасының тарихынан бастасақ.
– Бұл оқу ордасының іргетасы 1956 жылы Малыбай ауылы механизация мектебі аясында құрылып, 1974 жылы №96 орта кәсіптік-техникалық училище болып қайта жасақталып, Шелекке көшіріледі. 1986 жылы №7 орта кәсіптік-техникалық училище, 1996 жылы №7 кәсіптік-техникалық учлиище, 2003 жылы №7 орта кәсіптік мектеп, ал 2013 жылы облыс әкімінің шешімімен Шелек политехникалық колледжі болып құрылды. 2019 жылдың желтоқсан айында колледжіміз мемлекеттік аккредиттеуден өтті. Міне, солай уақыттың ағысымен алға жүзіп келеміз.
– Колледжде нақты қандай мамандықтар оқытылады?
–Дамушы қоғамға білімді де білікті, нарықтық экономикаға бейімді, өз кәсібін қадірлей алатын, бәсекеге қабілетті жан-жақты кәсіби мамандарды дайындап шығару – бүгінгі күннің басты мақсаты. Біз – ауылшаруашылығын негіз еткен өңірміз, сонымен қоса «Батыс Еуропа – Батыс Қытай» дәлізінің бойында орыналасқанбыз. Осы негізде «Дәнекерлеу ісі», «Автокөлікті пайдалану, жөндеу және қызмет көрсету», «Электромонтер», «Фермер шаруашылығы», «Тамақтануды ұйымдастыру» мамандықтарын оқытамыз. Сонымен қатар қысқа мерзімді «В», «ВС» категориялы жүргізуші», «Тракторист-машинист», «Аспаз», «Электромонтер», «Газэлектрмен дәнекерлеуші», «Автокөлік жөндеуші» мамандықтары бойынша курстар оқытылады. Бүгінде колледж қабырғасында еліміздің экономикасын көтеруде әр түрлі салаларға қажетті бес мамандық бойынша 354 жас жеткіншек білім алып жатыр.
– Кәсіптік білім ошағының кадрлар қосыны мен материалдық-техникалық базасы қалай жасақталған?
– Колледждің материалдық-техникалық базасы өндірістік оқыту сабақтарын жүргізуге арналған жабдықтармен жасақталған. Қазіргі уақытта жергілікті шағын кәсіпорындармен өзара келісімге отырып, білімгерлердің өндірістік тәжірибеден өтуі қолға алынған. Оқу қазақ және орыс тілдерінде жүргізіледі. Оқыту форматы – күндізгі. Жалпы саны 49 жоғарғы, бірінші және екінші санатты оқытушылар қызмет етеді. Колледж білімгерлеріне мемлекеттік бюджетте қарастырылған 2016 жылдың қаңтар айынан бастап 19 273 теңге көлемінде жоғары, 16 759 теңге көлемінде орташа шәкіртақы және 4 242 теңге көлемінде жолақысы жылына екі рет төленеді. 4 оқу-өндірістік шеберхана, 2 оқу ғимараты,140 орынға арналған асхана жұмыс істейді және әлеуметтік-материалдық жағдайы төмен білімгерлер бір мезгілдік ыстық тағаммен қамтылады. Сонымен қатар 240 орындық жатақхана, онда дәрігерлік бөлме, асхана, санитарлық, спорттық, демалыс бөлмелері бар. Олар тұрмысқа қажетті құрал-жабдықтармен толық жасақталған. Жатақханада колледж психологтары мен тәрбиешілері білімгерлермен жұмыс жасайды. Сонымен бірге 30 орындық кітапхана залы жасақталған және онда студенттердің сабақтан тыс уақытында жұмыс істеуіне арналған интернет желісіне қосылған 6 компьютер жұмыс істеп тұр. Колледж WiFi желісіне қосылған, 2 компьютерлік сынып, 150 орынға арналған акт залы бар. Осы материалдық-техникалық мүмкіндерімізді тіптен арттыруға жол ашатын жаңа жобаларды қолға алдық.
– Ол жобалар жаңа сападағы мамандарды жетілдіруге қандай мүмкіндіктер береді?
– 2019 жылы 23 қаңтарда «Жастар жылының» салтанатты ашылу рәсімінде берілген, Қазақстан Республикасының Тұңғыш Президенті Н.Ә.Назарбаевтың тапсырмасына сәйкес әзірленген «Жас маман» жобасына қатысушылар қатарына Шелек политехникалық колледжі кірді. Жобаның операторы болып «Talap» КЕАҚ («Кәсіпқор» Холдингі») анықталды. «Жас маман» жобасының мақсаты – сұранысқа ие 100 мамандық бойынша 180 колледж бен 20 жоғары оқу орнын жаңғырту және білікті мамандар даярлаудың халықаралық тәжірибесін енгізу. «Жас маман» жобасын іске асыру қорытындылары бойынша колледж республикалық және халықаралық деңгейде талап етілетін мамандарды даярлау үшін қажетті заманауи жабдықтармен жарақтандырылатын болады, аймақтағы құзіреттілік орталығына айналады, сондай-ақ WorldSkills чемпионаттарына қатысушыларды даярлауды жүргізетін болады. Қазіргі білім беру жүйесінің ажырамас бөлігі – дамыған цифрлық инфрақұрылым. «Жас маман» жобасы аясында «Автомобиль көлігіне техникалық қызмет көрсету, жөндеу және пайдалану» мамандығы бойынша материалдық-техникалық базаны нығайту, осы негізде көрсетілген мамандық бойынша колледжде құзіреттілік орталығын ұйымдастыру, кадрларды даярлау бағдарламаларын жаңарту, ИПР оқыту, жабдықтарды орнату үшін колледждің инфрақұрылымдарын дайындау, кәсіби бағдар беру және мансап орталығы, оқу үдерісін автоматтандыру жұмыстарын жүргізудеміз. Политехникалық колледж студенттерінің артықшылықтарының бірі – колледждің заманауи жабдықтарымен қамтамасыз етілген шеберханаларды жұмыстың практикалық дағдылары арқылы әрі қарай өндірісте жұмыс істеуге дайын болуы үшін шынайы өндіріс процесінің жасақталуы. Қорытындылай келе, сәтті тәжірибенің нәтижесінде Шелек политехникалық колледжі «Жас маман» жобасы аясында колледждер арасында жаңғырту үшін үлгілі болады. Биыл ел Тәуелсіздігің 30 жылдығына орай 1 млрд 200 млн теңгеге №1 оқу ғимараты мен өндірістік-оқу шеберханалар күрделі жөндеуден өтті.Біз кәсіптік білім берумен бірге тәрбие жұмыстарына да баса мән береміз.
– Кәсіптік білім ордасындағы тәрбие жұмысы қандай бағыттарда жүргізіледі?
– Біздегі тәрбие жұмыстары тұлғаның жан-жақты дамуына және өзін-өзі танытуына жағдай жасау, болашақ маманның кәсіби маңызды қасиеттерін қалыптастыру бағытында.Осыған сай, оқыту сабақтары, сынып сағаттары, кәсіпорындарға саяхат, мамандармен әңгімелесу, дөңгелек үстелдер жиі ұйымдастырылады. Сонымен қоса патриоттық тәрбиелеу мен азаматтық ұстанымды қалыптастыру негізінде оқыту сабақтары, кураторлық сағаттар, мерекелер және кездесулер, музейге экскурсиялары да назардан тыс қалмайды. Оқу орнымызға Қазақ ұлттық аграрлық университетінің ректоры, ҚР ҰҒА Вице-президенті, академик Тілектес Есполов пен өзге де танымал тұлғалар келіп, жас шәкірттермен салиқалы сұхбат өткізген болатын.Тіршіліктің тынысын, уақыттың жүрісін сезіндіретін білім әлемінің сырын білетін, өзінің алдынан өтіп жатқан шәкірттерінің жырын жүрекке түйген тағылым иелері ардагер ұстаздарымыздың еңбек жолы – көпке үлгі-өнеге. Марат Өтегенов, Абдрасул Надыров, Сәуле Хайрулина, Сәуле Кубашевна, Мереке Каткенова сынды ардагер ұстаздарды да ардақтап, сол бір аяулы жандардың тәуелсіздік жылдарындағы ерен еңбегін жас ұрпақ зердесіне тоқу мақсатында ардақты ұстаздарымызды да кездесуге жиі шақы-рып тұрамыз. «Қазақстан Республикасы 2015-2025 жылдарға арналған сыбайлас жемқорлыққа қарсы» стратегиясын жүзеге асыру мақсатында «Академиялық адалдық және сыбайлас жемқорлыққа қарсы іс-қимыл жөніндегі» тұрақты жұмыс істейтін комиссия құрылып, академиялық адалдық кодексі әзірленді. «Білім – ырыс қазығы» дейді дана халқымыз. Білімді ұрпақ – ел болашағы, халқымыздың қазынасы. Рухани мықты ұрпақ қана тәуелсіз еліміздің туын биік ұстары анық. Жеңіс пен жетістік – жасқанбай алға ұмтылғанның еншісінде. Келешек тек жасампаз жастардың қолында болмақ. «Туы бірдің түбі бір, жолы бірдің жүгі бір» демекші, ұрпақ тәрбиесі, білімді ұрпақ тәрбиелеу – баршамызға ортақ міндет. Осы бір қара шаңырағымыздың 65 жылдық торқалы тойында, оқу орнының заманға сай түлеуіне еңбек өтіп, төр төгіп келе жатқан колледж ұжымына және С.Байсубанов, Н.Бокаева, И.Турганов, Ж.Алимбеков сынды әріптестеріме шексіз алғыс айтқым келеді. 65 жылдық тарихы бар біздің колледжімізден тек қана бітіруші түлектер ғана емес, нағыз маман иелері шығатынына кәміл сенемін.
– Әңгімеңізге рақмет!
Сұхбаттасқан Е.АСЫЛ.
Бүгінде Есік шаһарының маңын қоныстанушылар қатары көбейе түскені белгілі. Қазір сол саяжай аумағының инфрақұрылымын, көлік қозғалысын реттеу секілді мәселе туындап отыр. Алайда, бұл жұмыстарға бюджеттен қаржы бөлу заңға томпақ келеді. Соған қарамастан осы түйткілдің түйінін тартқатуға игі қадамдардың жасалып жатқаны қуантады.
Жақында Есік қаласының төменгі жағындағы саяжайлардың негізгі көшелерінің біріне асфальт төселді. Саяжай тұрғындарының өтінішіне құлақ асқан аудан әкімдігі аталған игі істі тындыруға белсене кірісуде. Бюджеттен 48,5 млн теңгеден астам қаржы бөлінген жол құрылысына «DСУ-13» ЖШС мердігерлік етеді. Жобаға сай жауын-шашын салдарынан зақымдалған Рахат ауылдық округіне қарасты «Калинин», «Қыпшақ», «Ветеран-10», «Самал» саяжайларынан облыстық маңызы бар «Есік-Саймасай» автомобиль жолына апаратын жалпы ұзындығы 1,2 шақырым аумаққа асфальт төселді.
Бұдан бұрын Есіктегі құрылыс нысандарын аралаған аудан әкімі Әлібек Жақанбаев саяжайдағы жол жобасымен танысып, жауапты мекеме басшыларына тиісті тапысырмалар берген болатын. Аудандық көлік және автожолдар бөлімінің мәліметінше, жол құрылысы жыл соңында толығымен аяқталмақ. Бүгінде салынып жатқан даңғыл жолға саяжайлықтар дән риза екендіктерін жеткізуде.
Е.АСЫЛ.
Аудандық мәдениет және тілдерді дамыту бөлімінің ұйымдастыруымен өңіріміздегі этно-мәдени орталықтар арасында «Достығы жарасқан Қазақстан!» атты байқау өтті.
Ұлтаралық татулықты нығайту, мемлекеттік тілді құрметтеу, туған өлкеге, туған елге деген сүйіспеншілікті арттыру, Қазақстанда өмір сүріп жатқан өзге ұлттардың қазақ халқының әдебиетіне, тарихына және мәдениетіне деген қызығушылығын ояту, шығармашылық ойлау қабілеттерін жетілдіру мақсатында ұйымдастырылған байқауға жас ерекшелігіне қарамастан түрік, орыс, ұйғыр, күрд, әзірбайжан ұлтының өкілдері қатысып, өз өнерлерін көрсетті.
Байқау шартына сәйкес әрбір қатысушы мемлекеттік тілде өз ұлтының Қазақстанға қоныс аудару тарихы мен сол кезеңдегі қазақ халқының оларға деген ықыласы туралы өз ойларын білдіріп, өздерін қысқаша таныстырып өтіп, қазақ ақындарының «Отан», «Туған жер», «Қазақстан» туралы патриоттық тақырыбындағы бір өлеңін мәнерлеп жатқа оқуы тиіс болатын. Байқауға қатысқан әрбір ұлт өкілі намысқа тырысып, өздерінің ұлттық киімін киіп, белсенді дайындалып келгендігі анық байқалды. Тіпті оларға қолдау көрсетуге келген төрт жасар бүлдіршін шешен ұлтының қызы Хава Ахматованың өзі «Менің Отаным» атты өлеңін еш мүдірместен оқып, көпшілік ризашылығына бөленді.
Байқауға қытасушыларды бағалауға аудандық мәдениет және тілдерді дамыту бөлімінің басшысы Салтанат Беспаева, аталған бөлімінің бас маманы Балауса Шарғынова, «Еңбекшіқазақ» қоғамдық-саяси газетінің бас редакторы Хайролла Ахметжанов, аудандық білім бөлімі әдістемелік орталығының әдіскері Толқын Нусупбаева және аудандық аналар кеңесінің мүшесі Кулян Мадиярова қатысып, әділ бағаларын берді. Аталған додада бас жүлдені ұйғыр этно-мәдени орталығының атынан қатысқан Арзигуль Имерова, І орынды шешен этно-мәдени орталығының атынан қатысқан Зумира Ахматова, ІІ орынды түрік этно-мәдени орталығының атынан қатысқан Лейла Кошиева, ІІІ орынды күрд этно-мәдени орталығының атынан қатысқан Мухаммед Исаев иеленіп, қалған қатысушылар аудан әкімінің Алғыс хатымен марапатталды. Байқауға қатысқан барлық қатысушыларға арнайы сый-сияпаттар табыс етілді.
Барлық ұлт өкілдері қазақтың ақ бауырсағынан дәм татты, ал мәдениет үйінің өнерпаздары оларға әсем ән жолдады. Іс-шара соңында этно-мәдени орталық жетекшілері байқауды ұйымдастырушы аудандық мәдениет және тілдерді дамыту бөліміне өз алғыстарын білдірді.
Е.АСЫЛ.