Әлемдегі барша балаға бақыт пен қуаныш сыйлайтын жаңа жыл мерекесі де босағамызды аттағалы тұр. Бұл күн болмыстағы бояудың барлығын үміттен, қуаныштан, махаббаттан алып, айналаға нұр болып шашылып, балғындардың көңіліне шуақ болып тарайды. Сондықтан осы мерекені бүлдіршіндер асыға күтіп, Аяз атадан жаңа жылдық сыйлықтарын күтеді. Биылғы жылы Аяз ата ауданымыздың оқушыларын Есік қаласындағы Райымбек батыр атындағы орта мектебінде өткен «Президент шыршасында» құттықтады.
Әлеуметтік жағынан аз қамтылған отбасында тәрбиеленетін, жетім және жартылай жетім, көпбалалы отбасынан шыққан балаларға арналған мерекелік шараға аудан басшысы Бинәлі Ысқақ, мәслихат хатшысы Бекет Ахметов, әкімнің бірінші орынбасары Айбек Бидаев пен басқа да құрметті қонақтар арнайы қатысып, бүлдіршіндердің қуанышын бөлісті.
Мерекелік шыршаның шымылдығы «Салтанат» би ансамблінің «Снежная королева» биімен түрілді. Ортаға Аяз ата мен Ақшақар, түрлі ертегі кеййіпкерлері мен "жануарлар" келіп, кештің сәнін кіргізді. Ауданымыздың беделді әншісі Нұртас Қайратұлы «Жаңа жыл» әнін шырқап, көпшіліктің көңілін көтерді. Лэд-экран арқылы оқушылар Мемлекет басшысы Қасым-Жомарт Тоқаевтың жаңа жылдық құттықтауын тыңдады. Аудан әкімі Бинәлі Әбдіқапасұлы да балғындарға ақ тілегін жеткізді:
– Жаңа жылда барша бұлдіршіндерге бақыт пен қуаныш, сәтті оқу жылын тілеймін. Сендер әрдайым бақытты болуға лайықсыңдар. Бүгінде өздеріңе мемлекет тарапынан барлық жағдай жасалып, алаңсыз білім алуға жол ашылып жатыр. Сендердің негізгі міндеттерің – білім нәрімен сусындап, еліміздің дамуына үлес қосу. Ел болашағы сендердің қолдарыңда. Жаңа жылда тілеген арман-тілектерің орындалып, әрқашан биіктен көрініп, көк Туымызды желбіретіп жүре беріңдер – деді Бинәлі Ысқақ. Ауданымыздың әр мектебінен келген 84 оқушыға сый-сияпаттарын табыстады. Кейіннен, эстрада жұлдызы ән шырқап, жиылған көпшілік би билеп, көңіл көтерді. Сахналандырылған қойылым көрсетіліп, бүлдіршіндер ертегі-лер әлеміне сапар шекті. Жиылған балалар аудан басшысы бастаған қонақтармен естелік суретке түсіп, алғыстарын жеткізді.
С.НҰРАДИН
1931 жылы Қазақстанның жоғары әскери-оқу орны – Қазақстан Республикасы ҰҚК Шекара қызметі академиясы құрылды. Ол Қазақстан Республикасы ҰҚК Шекара қызметіне, ҰҚК-нің басқа бөлімшелері мен органдарына офицерлер даярлайды.
1960 жылы Тың өлкесі (Целинный край) құрылды, оның құрамына Ақмола, Көкшетау (қазіргі Ақмола облысының және Солтүстік Қазақстан облысының бөлігі), Қостанай, Павлодар және Солтүстік Қазақстан облыстары кірді. Әкімшілік орталығы - Целиноград қаласы (1961 жылға дейін - Ақмола). 1965 жылы 19 қазанда таратылды.
1980 жылы орыс-неміс жазушысы Александр Реймгеннің пьесасы желісі бойынша қазақтар мен немістердің өзара қарым-қатынасы туралы «Тұңғыштар» спектаклімен Республикалық неміс драма театры ашылды. Спектакльдің режиссері және труппаның алғашқы жетекшісі – Е.С. Аракелов.
1991 жылы Қазақстан Республикасы мен АҚШ арасында дипломатиялық қарым-қатынас орнады.
1995 жылы «Қазақстан Республикасының Президенті туралы» Қазақстан Республикасының Конституциялық Заңы қабылданды.
2009 жылы Астанадағы Бейбітшілік және келісім сарайында жаңа редакциядағы «Корсар» балетінің премьерасы болды, оны Елбасы Нұрсұлтан Назарбаев тамашалады. «Корсар» балетінде К.Байсейітова атындағы Ұлттық опера және балет театрының әртістері ҚР еңбек сіңірген қайраткері Гүлфайрус Құрманғожаева, халықаралық конкурстардың лауреаттары мен дипломанттары Жандос Әубәкіров, Рүстем Сейітбеков, Тайыр Ғатауов, Ғалия Мажағұлова, Елена Семенова, әртістер Жанәділ Бейсембиев пен Жанат Сәрсембаев ойнады.
2016 жылы Қазақстан Республикасының Президенті Нұрсұлтан Назарбаевтың Ресей Федерациясына ресми сапары аясында Санкт-Петербургте «Байқоңыр» кешеніндегі келешектегі ынтымақтастық тұжырымдамасына қол қойылды. Тұжырымдама Қазақстан мен Ресей президенттерінің «Байқоңыр» кешеніндегі ынтымақтастықтың перспективаларын пысықтау туралы уағдаластықтарына сәйкес әзірленді және 2050 жылға дейін есептелінген. Тұжырымдама жалға алу қатынастарын жалғастыру аясында Тараптардың бірлесіп Байқоңыр қаласының және ғарыш айлағының инфрақұрылымын дамыту (жетілдіру), инвестициялар тарту, жаңа жұмыс орындарын құру, тұрғын үй салу, туризмді дамыту туралы уағдаластығын бекітеді. Бірақ бастысы - бұл ғарыш айлағының қолданыстағы инфрақұрылымының негізінде жаңа бірлескен ғарыштық жобаларды және ең алдымен «Бәйтерек» жобасын іске асыру.
2017 жылы Астанадағы ҚР Тұңғыш Президенті - Елбасы кітапханасына беларусь баспагері Франциск Скоринаның қолжазба басылымдар жинағы сыйға тартылды. Ағартушының дүние жүзі бойынша жиыны 520-ға жуық басылымы Ұлыбритания, Германия, Дания, Литва, Польша, Словения, Ресей, АҚШ және Украинаның кітапхана, музей мен мұрағаттарында жинақталған.
2018 жылы Қазақсатнның Қарулы Күштернің тарихында тұңғыш рет бітімгерлер қатарына әскери қызметкер әйел, майор Шолпан Тауышова қосылды. Бір жыл бойы 30 елдің әскери қызметкерлерімен бірге майор Шолпан Таушева Батыс Сахарадағы бітімгершілік миссиясына әскери бақылаушы ретінде қатысады.
2018 жылы Түркияның Болу қаласына түркі жұртына ортақ тұлға Көроғлының ескерткіші орнатылды. Қазақстандық мүсінші Мұрат Мансұровтың туындысы ескерткіштің атымен аттас халықаралық саябаққа қойылды. салмағы 500 тонна, биіктігі 70 метр болатын алып мүсін Түркияға бөлшектеліп жеткізілді. Жобаның аннотациясын белгілі ақын, жазушы Олжас Сүлейменов жазды. «Көроғлы» - XVII ғасырда Орта Азия мен Таяу Шығыста кең таралған түркі халықтарының фольклорлық-эпикалық ескерткіші.
Дереккөз: https://www.inform.kz/kz
Жаңа жыл – ертегілер әлеміне елітіп әкететін ерекше мейрам. Әсіресе, балалар үшін сиқырға толы бұл мерекенің орны бөлек. Осыны ескерген ел ағалары жылда аудан, облыс, республика көлемінде балаларға арнап шырша тойын өткізіп келеді. Бұл дәстүрден жаңылмай, 25 желтоқсанда Райымбек батыр атындағы орта мектепте «Президент шыршасы» өтті.
Шыршаға аудан әкімі Бинәлі Ысқақ, мәслихат хатшысы Бекет Ахметов, аудан әкімінің бірінші орынбасары Айбек Бидаев және аудандық басқарма, бөлім басшылары қатысып, балалалардың қуанышымен бөлісті. Аудан әкімі жиылған жұртты жаңа жылмен құттықтап, балаларға сыйлық таратты.
Ал Аяз атаны тағатсыздана күткен балалар би билеп, ән салды. Жаттаған өлеңдерін айтып, өнерлерін көрсетті. Ертегілер елінен келген кейіпкерлер балалармен бірге түрлі ойындар ойнап, шат-шадыман қылды.
Бойында міні жоқ, періштедейін бір сұлу соңынан әлдебір жігіттің қалмай келе жатқанын байқайды. Бұрылып:
— Артымнан неге келе жатсың? – деп сұрайды. Жігіт:
— О, сүйкімді ару, сенің көз сүріндірер сұлулығың мені жіпсіз байлап, соңыңнан ертіп қойды. Мына халық мен туралы «музыкалық аспаптарда шебер ойнайтын, поэзия өнерін жетік меңгерген сылқым, әрі қыздардың жүрегін жаулаушы нағыз сері» деуші еді. Ал мен басқаға емес, тек саған бар махаббатымды сыйлағым келеді. Өйткені сен менің жүрегімді жаулап алдың! Жүрегім тек сен деп соғады, – дейді.
Жігітке біраз уақыт үнсіз қарап тұрған сұлу:
— Сен қалай мені сүйіп қалдың? Менің сіңлім менен өткен сұлу, әрі тартымды. Әне, ол сенің соңыңнан келе жатыр, – дейді.
Лезде тоқтай қалған жігіт артына бұрылып қарағанда жасы жетіп, белі бүкірейген, арқасына ескі жамылғы жапқан кәрі кемпірді көреді. Жігіт сұлу қызға қарай адымдай басып:
— Айтшы, сұлуым, мына сен сияқты періштенің ауызынан өтірік сөз қалай шықты? – деп сұрайды. Оған жымия қараған қыз:
— Досым-ау, маған сезіміңді білдіргенде сен де өтірік сөйледің ғой. «Жүрегім тек сен деп соғады» дей тұрып, басқа қызға басыңды бұрып қарауға қалай дәтің барды? – дейді.
Сезімдеріңізге адал болыңыздар!
Аударған: Құралай Мұратқызы
Шығыс тәмсілі
Дереккөз: pritchi.ru
В преддверии новогодних праздников Департамент Агентства Республики Казахстан по противодействию коррупции (Антикоррупционная служба) по Алматинской области предостерегает граждан, государственных служащих, а также работников квазигосударственного сектора от дарения и принятия подарков.
В соответствии с Законом о государственной службе эти действия расцениваются как дискредитирующие государственную службу.
Законодательством о противодействии коррупции за дарение должностному лицу подарка стоимостью меньше 2 МРП (5 050 тенге), предусмотрен административный штраф в размере 200 МРП (505 тысяча тенге), а за получение подарка госслужащим – в размере 600 МРП (1 млн 515 тысячи тенге).
Подарок стоимостью выше 2 МРП может повлечь уголовную ответственность.
Подарки, поступившие без ведома государственного служащего, а также полученные им в связи с исполнением соответствующих функций, подлежат в семидневный срок безвозмездной сдаче в специальный государственный фонд, а оказанные государственному служащему при тех же обстоятельствах услуги должны быть оплачены им путем перечисления денег в республиканский бюджет.
Кроме того, и члены семьи государственного служащего не вправе принимать подарки и услуги, приглашения в туристические, лечебно-оздоровительные и иные поездки за счет физических и юридических лиц, с которыми указанное лицо связано по службе.
Принятие презента либо скромной пресловутой корзины угощений, будет расцениваться как грубейшее нарушение антикоррупционного законодательства и этики государственного служащего.
Рождество мерекесі (батыс христиандар) Христиандардың басты мерекелерінің бірі. Әлемнің 100-ден астам елінде мемлекеттік мейрам дәрежесінде. Еуропаның көптеген елдерінде бұл мереке - нағыз отбасылық мейрам саналады. Рождествоны тойлау екі-үш күнге созылады да дәстүрлі бірінші жұлдыз жанған сәтте кешкі асқа отырудан басталады.
ЕСТЕ ҚАЛАР ОҚИҒАЛАР
1979 жылы «Ежелгі Тараз ескерткіштері» мемлекеттік қорық-мұражайы құрылды. Оның құрамына Ежелгі Тараз қаласының жұрты, Айша бибі, Қарахан, Бабажы қатын, Дәуітбек (Шамансұр) кесене ғимараттары, Қали Жүніс моншасы, Әбдіқадыр мешіті, сақтардың Үштөбе қорғаны, төменгі Барысхан, Атлах, Адахкет, Хамукет, Жікіл қалаларының жұрты, т.б. тарихи және мәдени ескерткіштер біріктірілген.
2000 жылы Алматыда тұңғыш отандық өндірістің троллейбусы жасалды.
2006 жылы Алматыда «Ахмет Жұбанов» атты деректі фильмнің премьерасы болды. Авторы - танымал режиссер Қалила Омаров. Фильмнің сценарийін музыкант Жұбановтың қызы Ажар Ахметқызымен бірге жазған. Фильмде кейіпкердің танымал және белгісіз өмірінің көріністері пайдаланылған. А.Жұбановтың туған жері - Ақтөбе облысында және Алматыда, Астанада және Париждегі мерейтойлық шаралар өткен ЮНЕСКО-ның штаб-пәтерінде түсірілген. Мәскеу мұрағаттарынан материалдар пайдаланылған. Фильмде Жұбановтар әулетінің көптеген мүшелері және оның шөбересі, жас танымал дирижер Алан Бөрібаев та қатысқан.
2012 жылы Астана ТМД және ЕурАзЭҚ қалалық тәжірибелерінің «Тұрғың келетін қала» V көрме-байқауының лауреаты атанды. Аталған байқау Мәскеуде «Мегаполис: XXI ғасыр: Қала және балалар» атты IV халықаралық форум аясында өтті. Қазақстан астанасының атынан келген делегаттарға Ресей муниципалдық академиясының наградалары мен Астаналар мен ірі қалалардың Халықаралық ассамблеясының дипломдары табысталды. Астана қаласы мұндай абыройлы наградаға жастардың еңбекпен қамтылуы саласындағы проблемаларды шешуге бағытталған «Жасыл ел» жалпыұлттық бағдарламасын жасап, іске асырғаны үшін қол жеткізді.
2012 жылы ҚР Президенті Нұрсұлтан Назарбаев «Astana Solar» ЖШС-нің ұжымын фотоэлектрлік модульдердің өндірісі бойынша зауытта іске қосу-жөндеу жұмыстарының басталуымен құттықтады.
2014 жылы Қазақстан Президенті Нұрсұлтан Назарбаев үш дәрежеден тұратын арнайы Еңбек даңқы орденін тағайындады. Үш дәреже иегері Еңбек Еріне теңеседі. Еңбегімен еленген жұмыскерлер, шаруаларға ғана беріледі.
2015 жылы «Қазпошта» АҚ ЭКСПО-2017 Халықаралық мамандандырылған көрмесіне арналған пошта маркаларын айналымға шығарды. Марка 4 бояулы офсеттік тәсілмен басылды. Формасы – сегіз маркадан тұратын марка парағы. Парақтың өлшемі: 140х120, марканың өлшемі 28х40. Таралымы 5 мың дана. Суретшісі К. Плужникова. Марканың номиналы 300 теңге.
2015 жылы Қазақстан Республикасының Ұлттық банкі «Дала қазынасы» сериясының «Алқа» естелік күміс монеталарын айналымға шығарды. Номиналы: 500 теңге, металдың құрамы: 925 сынамалы күміс, массасы - 31,1 г, төрт қырлы монета диаметрі 43 мм шеңбердің ішіне сыяды. Дайындау сапасы: proof. Таралымы: 3 000 дана.
2018 жылы Жас ғалымдар кеңесі құрылды. Оның негізгі миссиясы ғылым, ғылыми-техникалық қызмет және жас ғалымдар мен басқа да ғалымдардың еңбегіндегі ғылыми-техникалық қызмет нәтижелерін коммерцияландыру салаларындағы мемлекеттік саясатты жүзеге асыру бойынша ұсыныстар әзірлеуге қатысу.
Дереккөз: https://www.inform.kz/kz
Үстіміздегі жыл Қазақстан үшін тағдыршешті, ақиқат кезеңі болды. Алғаш рет отандық саяси тәжірибеде билік транзиті өткізілді - бұл ұлттық күн тәртібіндегі басты және жауапты мәселе. Осы кезеңнің қорытындысы еліміздегі президенттік сайлау болды, нәтижесінде қоғамдық сенім мандатын Қасым-Жомарт Тоқаев жеңіп алды. Осылайша, ол заңды Мемлекет басшысы ғана емес, сонымен қатар халықтың сенім мандатына ие болды. Сондай-ақ жоғарғы биліктің ауысуы бойынша алғашқы тәжірибе Президент Қ. Тоқаевтың қызметіне жеке назар аударуды күшейтеді. Бұл заңдылық болып табылады, өйткені елдің келесі даму траекториясы қаланатын маңызды тарихи кезең өткеріліп жатыр. Бұл тұрғыдан алғанда Президент Қ. Тоқаевтың қызметі оптимизм ұялатады. Қысқа мерзім ішінде ол жақсыістердің үлкен қорын жинақтады. Президент Тоқаевтың жарты жылдық қызметін түйіндей келе, біз басты 10 істің тізімін жасадық.
1. Президент Қ.Тоқаев биліктің жұмсақ және ауыртпалықсыз өтуін қамтамасыз етті, бұл билік транзитінің басты шарты болып табылады. Бір жағынан, ол ағымдағы мемлекеттік бағытты іске асыруды жалғастыруда. Екінші жағынан, эволюциялық дамуды қамтамасыз ете отырып, жаңа серпін әкелді. Нұрсұлтан Назарбаев, жалпыұлттық көшбасшы ретінде, Президент Қ. Тоқаевты әрдайым қолдап отырады. Манилулятивтік технология болып табылатын қос билік туралыбелсенді талқыланып жүрген мәселелерге қарамастан, билік тұтастығы мен бірлігін сақтап келеді. Биліктің сабақтастығын қамтамасыз ете отырып, Қ. Тоқаев қоғаммен диалогқа, пікірлер плюрализміне және көзқарастың әралуандығына негізделген мемлекеттік дамудың жаңа бағытын қалауда.
2. АҚЫЛДЫ ҚАДАМДАРМЕН НАРАЗЫЛЫҚТЫ ТОҚТАТТЫ
2019 жылы наразылық тренді өз жалғасын тапты, бұл жалпы әлемдік трендтердің салдары мен саяси және экономикалық процестерді де синхрондау керінісі болды. Белгілі бір мағынада біз жол айырығына келдік, өйткені биліктің рефлексиясына әрі қарай даму барысы тәуелді болды. Президент Қ. Тоқаев «бұрандаларды тарту» сияқты қарапайым әрекет ету моделінен бас тартып, «екпінді басуға» ойысты. Жаңа ішкі саяси парадигмалар жарияланды: «әр алуан пікір - біртұтас ұлт» және «елдің қоғамдық-саяси өмірін жаңғыртпай, табысты экономикалық реформаларды іске асыру мүмкін емес», «Күшті Президент - ықпалды Парламент - есеп беретін Үкімет». Биліктің саяси лексиконы өзгерді, Оған «баламалық», «плюрализм», «біртіндеп саяси трансформациялау» сияқты ұғымдар енді. Мемлекет интернетті бұғаттау, митингтерді күшпен тарату тәжірибесінен бас тартып, қалаларда санкцияланған митингтер өткізуге жол берді. Бұл қадамдар айкида күресінің тәсілдеріне ұқсас екенін айта кетуге болады, биліктің әлсіз тұстары қысқа уақыт ішінде оның күшіне айналғандай болды. Толыққанды диалог пен төзімділік қатынасқа негізделген ақылға қонымдыкүш, елдің саяси кеңістігінің жаңа трендіне айналды.
3. ЖАҢА САЯСИ СТАНДАРТТАР БЕЛГІЛЕДІ
Президент Тоқаев әрқашан өзекті оқиғалардың ортасында болды. Ол оқ-дәрілер қоймасының жарылысы болған Арыс қаласына алғашқы тәуліктерде ақ барды. Қазақстандықтардыспорт, мәдениет, ғылымдағы жетістіктерімен мүлтіксіз: құттықтап отырды. Ол түрлі әлеуметтік топтардың өкілдерімен белсенді кездесулер өткізді. Әлеуметтік желілердің белсенді қолданушысы бола отырып, Мемлекет басшысыелімізде болған қандай да бір өзекті оқиғаларға жедел баға берді.Сонымен қатар,ол резонанстық істер бойынша (алматылық дәрігерлердің ісі, Баяндарованың ісі және т.б.) пікірін білдіріп отырды. Сондай-ақ, ресми іс-шаралардың форматыөзгеруде, олар неғұрлым жариялыболып келеді. Осының барлығы саяси мәдениет тұрғысынан өте маңыздықадамдар, олар басқару истеблишмент мінез-құлық моделінің жаңа стандарттарын қалыптастырып, билеуші элитаның деңгейін арттырады. «Халық үніне құлақ асатын мемлекет» қағидаты жарияланды, бюрократиялық кедергілер жойылуда және азаматтардың уәкілетті органдарға тікелей сұрақ қою және оларды толғандыратын проблемалардың барлық аспектілері бойынша жылдам жауап алу мүмкіндігі жолға қойылды.
4. АЗАМАТТАРДЫҢ НЕГІЗ ҚАЛАУШЫ ҚҰҚЫҚТАРЫН ҚОРҒАУДЫ КҮШЕЙТТІ
Президент Тоқаев сексуалдық зорлық-зомбылық, мал ұрлығы, есірткі тарату, мас күйде көлік жүргізу, браконьерлік және қорықшылардың өміріне қол сұғушылық үшін қылмыстық жауапкершілікті қатаңдатуды көздейтін шаралардың тұтас кешенін белгіледі. Халыққа Жолдауында Қ. Тоқаев есірткінің заңсыз айналымы, зорлау, адам саудасы, браконьерлік және т.б. қылмыстар үшін жазаны қатаңдатудыталап етті. Ел Президентінің талабы бойынша Парламент Мәжілісі осы бағыттарда бірқатар маңыздытузетулер қабылдады. Бұл қылмыстар аса ауыр болып есептеліп, қатаң және аяусыз жазаланатын болады. Есірткіні заңсыз дайындау және әткізу 15 жылға дейін бас бостандығынан айырумен жазаланады. Зорлау мерзімі 8 жылдан 20 жылға дейін немесе өмір бойына ұзартылды. Адам саудасымен айналысқандар 7-12 жылға дейін жазаланады. Көптеген сарапшылардың пікірінше, бұл дұрыс және қажетті шаралар.
5. МЕМЛЕКЕТПК АППАРАТТЫҢ БАСҚАРЫЛУЫН САҚТАП ҚАЛДЫ
Диалог пен демократияландыру үрдістеріне қарамастан, Президент Қ. Тоқаев мемлекеттік аппараттың басқарылуы мен оның орындаушылық тәртібін сақтап қалды. Мемлекет басшысының барлық негізгі ұстанымдары мен бастамалары іске асырылуда: «әуе жолдары ашылды», несиелік рақымшылық жасалды, қысқа мерзімде Арыс қаласы қалпына келтірілді (қайта салынды). Резонанстық жағдайлар бойынша Тараз қаласының әкімі қызметінен босатылды, Қорғаныс министрлігінің басшылығы жазаланды, LRT-Astana жобасы бойынша қылмыстық тергеу жанданды.
6. ЕЛДІҢ ХАЛЫҚАРАЛЫҚ ПОЗИЦИЯЛАРЫН НЫҒАЙТТЫ
Қ. Тоқаев президент сайлауындағы жеңісі арқылы билік транзитінің халықаралық заңдылығын қамтамасыз етті. Барлық негізгі геосаяси орталықтар Тоқаевтың жеңісін мойындап, елдің тұрақты және орнықты дамуына қызығушылық танытты. Қызметке кіріскен Президент Қ. Тоқаев елдің сыртқы саяси бағытын растады. Мемлекет басшысыелдің негізгі геосаяси орталықтары мен стратегиялық серіктестері - Қытай, Ресей, ЕО, БҰҰ, Орталық Азия елдері басшыларымен кездесті. Ол 6 шетелдік сапарға шығып (Ресей, Термания, Қытай, Өзбекстан, Қырғызстан), Қазақстанға сапарлап келген 135 шетелдік көшбасшылар мен делегация жетекшілерімен кездесті, 9 түрлі халықаралық форумдар мен саммитерге ШЫҰ, АӨСІПК, БАЭЗО, БҰҰ, ТМД, ҰҚШҰ және т.б) қатысты, шетелдік көшбасшылармен телефон арқылы 28 келіссөз жүргізді. Жалпыалғанда, ол басқа мемлекет және үкімет басшыларымен, халықаралық ұйымдардың жетекшілерімен, шетелдік саяси қайраткерлермен, бизнес-компаниялар басшыларымен, елшілермен және т.б. тұлғалармен 70-тен астам кездесулер мен келіссөздер өткізді. Сонымен қатар, Мемлекет басшысыелшілер корпусына кадрлық ротация жасай отырып, сыртқы саяси ведомствоның жұмысын күшейтті.
7. ӘЛЕУМЕТТІК БӘСЕҢДЕТУ ЖҮРГІЗДІ
Президент Қ.Тоқаев халықтың жекелеген топтарының, сондай-ақ жалпы қоғамның әлеуметтік көңіл-күйін арттыруға бағытталған шаралар кешенін өткізді. Әлеуметтік бәсеңдету жүргізуге мүмкіндік берген Президенттік күн тәртібінің тек бірнеше негізгі позициясына тоқтала кетсек. Біріншіден, несиелік рақымшылық. Оның қолданушысы көп балалы аналар, мүгедек балалары бар отбасылар, жетім балалар, асыраушысынан айырылған отбасылар,барлығы - 500 мыңнан астам адам болды. Бұл ретте табысыең төменгі күнкеріс деңгейінен төмен азаматтарға несие беруге тыйым салынды. Екіншіден, Президент Тоқаев ұлттық табиғи парктің аттас шатқалында тау шаңғысы курортының құрылысын көздейтін «Көкжайлау» жабасымен айналысуға тыйым салды. Осылайша Мемлекет басшысы қоғамдық және қалалық билік арасындағысегіз жылдық пікірталасқа нүкте қойды. Үшіншіден, келесі жылдан бастап студенттік шәкіртақы, бюджеттегілер - педагогтар, азаматтық қорғау органдары мен құқық қорғау саласы қызметкерлерінің еңбекақысыартады. Көптеген мемлекеттік шешімдер халықтың басым көпшілігінің игілігі мен мүддесі үшін қабылдануда, бұл Қ. Тоқаев бағдарын халықтық қолдаудың іргетасын нығайтады.
8. МЕМЛЕКЕТКЕ СЕНІМДІ АРТТЫРДЫ
Президент Қ. Тоқаевтың қызметіндегі маңызды бағыт мемлекетке деген сенім мен мемлекеттік басқарудың тиімділігін арттыру болды. Бұл қоғам мен мемлекет арасындағы өзара сенім радиусы қауіпті мәндерге дейін төмендеп, коммуникация және кері байланыс арналары қысқаруына байланысты болды. Аталған проблемаларды еңсеру үшін Президент Қ. Тоқаев Мемлекеттік басқарудың басты философиясына айналған «халық үніне құлақ асатын мемлекет» тұжырымдамасын жариялады. Біріншіден, президенттік сайт негізінде Мемлекет басшысының виртуалды қабылдауы ашылды, Президент Әкімшілігінің құрылымында Мемлекет басшысының көмекшісі басқаратын халықтың өтініштерімен жұмыс жөніндегі бөлім құрылды. Екіншіден,президенттік жастар кадрлық резервіне іріктеу жұмыстары жүргізілуде. Үшіншіден, квазимемлекеттік сектор субьектілерін құруға мораторий енгізілді, сондай-ақ ұлттық компаниялар санын және имидждік іс-шараларға арналған шығындарды қысқартуға нұсқау берілді. Төртіншіден, әкімдер мен министрлер әлеуметтік желілер ге келді, сол арқылы мемлекеттік аппараттың ашықтығы мен қолжетімділік индексі айтарлықтай өсті. Бесіншіден, мемлекеттік саясаттың дербес бағыттарына Мемлекеттік қызмет істері агенттігі мен Сыбайлас жемқорлыққа қарсы күресагенттігі бөлінді, Қаржы нарығын реттеу және дамыту жөніндегі агенттік құрылды. Алтыншыдан, қарамағындағы қызметкерлер сыбайлас жемқорлық үшін жауапқа тартылған жағдайда, мемлекеттік орган басшыларының, оның ішінде министрлер мен әкімдердің жеке жауапкершілігі енгізілді.
9. ҰЛТТЫҚ ДИАЛОГ ҚАЛЫПТАСТЫРДЫ
Президенттік күн тәртібіндегі басты тармақтардың бірі Ұлттық қоғамдық сенім кеңесі болды. Аталмыш диалог алаңын құру оның сайлауалды бағдарламасының негізгі тармақтарының бірі болатын. Президент өзінің ұлықтау рәсімінде сөйлеген сөзінде Ұлттық кеңес құру мақсатын растады. Бұл ретте Ұлттық кеңес құру туралы Жарлық Президент Тоқаевтың алғашқы саяси шешімдерінің бірі болды. 6 қыркүйекте Нұр-Сұлтанда Ұлттық Кеңестің бірінші отырысы өтті, оның жұмысына Президент Қ. Тоқаев қатысып, ішкі саяси күн тәртібінің басымдықтарын тұжырымдады.Ұлттық кеңеске 44 адам және үш омбудсмен (балалар құқықтары, адам құқықтары және бизнес құқықтары бойынша) енді, ал төрағасы Президенттің өзі болып табылады. Ұлттық Кеңестің жұмысысаяси, әлеуметтік және экономикалық бағыттар бойыншажүргізіледі.
10. ҰЛТТЫҚ ИДЕОЛОГИЯНЫҢ ЖАҢА ТӘСІЛДЕРІН ҚАЛЫПТАСТЫРДЫ
Президент Тоқаев ұлттық идеологияны іске асыруда жаңа екпіндерді айқындады. Атап айтқанда, келесі жылы әл-Фарабидің 1150 жылдығы, Абайдың 175 жылдығы және Алтын Орданың 750 жылдығы мемлекеттік деңгейде өтетін болады. Семей қаласының әуежайы Абай құрметіне аталды, ал Атырау әуе айлағына Екінші Дүниежүзілік соғысқа қатысқан қазақ ұшқышы Хиуаз Доспанованың есімі беріледі. Сонымен қатар, Отанға оралған отандастарға қатысты Мемлекет басшысы «оралман» сөзінен бас тартуды тапсырып, "қандас" терминінін ұсынды.
Дереккөз: https://www.inform.kz/kz
1944 жылы Қазақ академиялық опера және балет театрының сахнасында алғаш рет «Абай» операсы қойылды. Либреттосы - М.Әуезовтікі, музыкасы - А.Жұбанов пен Л.Хамидидікі, режиссері - Қ.Жандарбеков. Либреттоға ақын өміріндегі драмалық оқиға арқау болған. Музыкалық шешімінің әуезділігі, халықтың ән мұрасымен ете байланыс, кәсіби опера өнерінің жетістіктерін ұлттық операда тиімді пайдалану шығарманың табысы болып саналады. Операға Абай әндері сәтті енгізілген. Ақын бейнесін ашуға философиялық мазмұны терең «Көзімнің қарасы», «Қараңғы түнде тау қалғып», «Қай талқы» секілді әндер алынған.
2004 жылы Астана қаласы Есілдің сол жағалауындағы жаңа әкімшілік орталығы аумағында орналасқан Қазақстан Республикасы Президентінің резиденциясы ресми түрде ашылды. Ашылу салтанатына елорданың барлық ұлттық-мәдени орталықтарының өкілдері мен құрметті ақсақалдар қатысты. Қазақстан Республикасының Президенті Резиденцияның ашылу салтанатында жаңа ғимаратты «Ақ Орда» деп атады. Резиденция 2001 жылы қыркүйек айында салына бастады. Ғимараттың жалпы көлемі 36 720 шаршы метр. Ғимарат қазіргі заманғы құрылыстың ең таңдаулы әдістерін қолдана отырып, монолит құйматастан салынған. Күмбездегі сүмбіні қоса есептегендегі ғимараттың биіктігі 80 метр.
2007 жылы Алматыда бірінші рет «Құлагер» атты ұлттық кинематография сыйлығының иегерлерін марапаттау рәсімі болып өтті. Ұйымдастырушысы - Қазақстан кинематографистер одағы. Оның негізгі мақсаты - Қазақстандағы кинематография саласын дамыту және осы салада жүрген азаматтарға қолдау көрсету.
2009 жылы Ақтауда Иран Ислам Республикасының консулдығы ашылды. Ашылу рәсіміне облыс әкімі Қырымбек Көшербаев және Иран сыртқы істер министрі Фарахи Хоссейн қатысты. Бұл консулдықтың ашылуы екі ел арасындағы достық, сауда-экономикалық қарым-қатынастарды дамытуға септігін тигізіп, сонымен қатар құжаттарды рәсімдеуді жеңілдетеді.
2012 жылы еліміздің басты ұлттық телеарнасы QAZAQSTAN «Қазмедиа орталығынан» хабар тарата бастады. Медиа орталығының барлық технологиялық алаңдары «Sony», «Omneon», «Dalet», «Pharos», «Everts», «Apple», «Avid» секілді әлемнің алдыңғы қатарлы өндірушілерінің қондырғыларымен жабдықталған.
2012 жылы Мәскеу метросының жаңа «Алматы» стансасы ресми ашылды. Станса Братеево ауданында орналасқан және Замоскворецк желісіне дейінгі аралықты қамтиды.
2015 жылы Атырауда Қазақстан Республикасы Мемлекеттік Әнұранының авторы, көрнекі ақын Жұмекен Нәжімеденовке ескерткіш орнатылды. Ақынның төрт метрлік мүсіні дәл осындай биіктіктегі гранит тұғырға орнатылды: ескерткіштің жалпы биіктігі – 8 метрден астам.
2015 жылы ТМД елдері арасында алғаш рет Алматы қаласындағы Қазақ онкология және радиология ғылыми-зерттеу институтында онкоауруға шалдыққан адамдар үшін сенсорлы кабинет ашылды. Мұнда арнайы мамандандырылған көмек көрсету бойынша тұтастай жалпылама жоспар дайындалған.
2016 жылы Америкадағы El Paso Times басылымы pound-for-pound үздік боксшыларының рейтингін жариялады. Жыл қорытындысы бойынша аталмыш рейтингте, орта салмақтағы үздіктердің көшін WBA/IBF/WBC/IBO тұжырымдары бойынша әлем чемпионы, жерлесіміз Генадий Головкин бастады.
2018 жылы Румынияда Қазақстан ұлттық мәдени орталығы ашылды. Қазақстан орталығы Еуропадағы ежелгі кітапханалардың бірінде орналасқан. Оның қорында 13 млн кітап бар. Орталық шетелдік оқырмандарға қазақ халқының дәстүрімен, әдет-ғұрпымен, әдебиеті мен мәдениетімен танысуға мүмкіндік береді.
Дереккөз: https://www.inform.kz/
23 желтоқсан. ДҮЙСЕНБІ ЕСТЕ ҚАЛАР ОҚИҒАЛАР
1994 жылы Бішкекте Қазақстан Республикасының Елшілігі ресми ашылды.
1994 жылы Алматыдағы №12 қазақ орта мектебіне Шоқан Уәлихановтың есімі берілді.
1995 жылы Қазақстан Республикасының Президенті Н.Ә.Назарбаевтың заңдық күші бар «Жекешелендіру туралы» Жарлығы жарық көрді.
2002 жылы Қазақстан мен Қытай арасында тату көршілік қарым-қатынас, достастық және серіктестік туралы Келісімге қол қойылды.
2008 жылы «Қазақстан халқын рухани дамыту қоры» АҚ құрылды. Оның негізгі мақсаты - Қазақстан халқының дәстүрі мен мәдени құндылықтарын дамытуды қолдау және тұрақты бақылау.
2009 жылы ел Президенті Нұрсұлтан Назарбаев «Егемен Қазақстан» газетінің бас кеңсесіне барып, газеттің ұжымын басылымның 90 жылдығымен құттықтады. «Егемен Қазақстан - республикамызда қазақ тілінде шығатын көне газет. Әр жылдары оны Жүсіпбек Аймауытов, Бейімбет Майлин, Мұхтар Әуезов, Сәкен Сейфуллин, Ораз Жандосов, Ғабит Мүсірепов, Шерхан Мұртаза, Әбіш Кекілбаев сияқты танымал тұлғалар басқарған.
2010 жылы Жапонияның Фукуока қаласында Қазақстан Республикасының Жапонияның дамыған өнеркәсіп және ғылыми-техникалық орталықтарының бірі – Кюшю аймағында Құрметті консулдығының ашылу салтанаты болып өтті.
2010 жылы Петропавлда Гуминатарлық колледж ғимаратына Алаш қозғалысының қайраткері, ақын, қазақ әдебиетінің жарқын жұлдызы Мағжан Жұмабаевқа арналған ескерткіш тақта орнатылды.
2013 жылы Қазақстанда «Кітап мәдениетін дамытуға қосқан үлесі үшін» атты жаңа награда бекітілді. Медальді Қазақстанның Ұлттық мемлекеттік кітап палатасы, Жазушылар одағы, кітапхана, полиграфшылар, баспагерлер және кітап таратушылар қауымдастығы тағайындады. Алғашқы наградалар Алматы қаласында табысталды.
2014 жылы Мәскеуде Нұрсұлтан Назарбаев пен Владимир Путиннің кездесуі барысында 2013 жылғы 11 қарашадағы XXI ғасырдағы тату көршілік және одақтастық туралы ҚР мен РФ арасындағы Шартты ратификациялау туралы грамота алмасу туралы хаттамаға қол қойылды.
2015 жылы ҚР Сыртқы істер министрлігі қазақ, орыс және ағылшын тілдерінде «Қазақстан - Ұлы Дала елі» мультимедиялық қосымшасын шығарды. Бұл қосымшада көптеген суреттер, роликтер, бейнесюжеттер, біздің тарихымыз, мәдениетіміз туралы ақпараттар бар. 2016 жылы Қазақстан Республикасы мен Иран Ислам Республикасы бірлескен топтық туристік сапарларды жеңілдету бойынша келісімге қол қойды. Бұл құжат 5-тен 50 адамға дейінгі туристік топтар үшін визалық режимді жеңілдетеді. Виза топтағы бір адамға беріледі. Екі елдің туристік билігі Қазақстаннан Иранға жол жүретін туристік топтарын қалыптастыруға жауапты жергілікті туроператорлардың тізімімен бөліседі.
Екі періштенің әңгімесінен.
Үлкені қоластындағы періштеге:
– Айт! Бір ауыз сөзбен жеткіз бәрін!
– Аман-есен. Жұмысқа барып жүр. Әлденеден үміті бар.
– Неден?
– Айту қиын. Екі рет оған керемет түс көрсеттім, бірақ байқамайды. Жұмыстан шаршайтынын айтады.
– Ал жұмысында не жағдай?
– Әдеттегідей. Басшылық. Қарбалас. Қаңқу сөз.
– Басшылық қатал ма?
– Айтарлықтай ештеңесі жоқ. Өзге басшылар сияқты-ақ. Неге екені, ол өлердей қорқады...
– Қорқынышын сейілтіп көрдің бе?
– Әрине. Кеңсеге барар жолда-ақ байқап көрдім. Тіпті аспанындағы бұлтты сейілтіп, күннің көзін көруіне бар жағдайды жасап бақтым.
– Әтірінің иісі-ақ алыстан елітіп әкетер бейтаныс сұлумен таныстырып көрмедің бе?
– Олай ренжіте көрмеңіз... Метрода тіпті бетпе-бет келтірдім де...
– Қалай?
– Өзгеріссіз! «Кешіріңіз» деді де, өз ойының жетегінде кетті...
– Ал жұмыстан кейін немен айналысады?
– Дүкен. Теледидар. Ыдыс жуу. Интернет. Ұйқы.
– Теледидарын бұзып көрмедің бе?
– Көрдім. Жаңасын сатып алды...
– Интернетті өшіріп ше?
– Бес күн қатарынан өшірдім. Ол жұмыста қалуды шығарды. Түннің бір уағына дейін.
– Ал демалыс күндерін қалай өткізеді?
– Түске дейін ұйқы. Пәтерін жинау. Кешке – достары, мағынасыз әңгіме, арақ-шарап. Түн ортасында үйіне келеді. Тағы да теледидар немесе интернет.
– Ал ол қайда (болашақ екінші жартысы)?
– Көз алдында. Араларында үш-ақ үй. Тіпті азық-түлікке де бір дүкенге барады.
– Кезекте тұрғанда кездестіріп көрдің бе?
– Әрине! Автобус аялдамасында да, мерекелерде де талай кездестірдім.
– Екеуінің тағдыр жолдарын тексердің бе?
– Бәрі де сәйкесіп-ақ тұр... Бірақ бұл қала... Мұндағы өмір салты... Мен шаршадым! Бұл – орындалмас тапсырма!
– Ендеше, ең әсерлі құралдарың қайда?
– Міне, басеке! Жоғары температура, тұмау. Сынық. Жарақат. Көлік апаты. Дағдарыс. Өрт. Қаржылық қиындық...
– Жетеді! Махаббат жолында мұндай соңғы амалға баруға рұқсат! Тек бұлардың біреуін ғана қолдан! Орында!
– Құп болады!
Алла Тағала нәсіп еткен жақсылықтар мен мүмкіндіктерді уақытылы байқап, бағалай білуді үйренейік! Періштелеріміздің соңғы амалға баруына себепкер болмайық!
Автор белгісіз.
Аударған: Құралай МҰРАТҚЫЗЫ
Тарихи кезеңде талай жетістіктерге жетіп, «тар жол, тайғақ кешуді» де бастан өткерген қазақ халқы үшін татулық, бірлік, ынтымақтастықтың орны бөлек. Егемендік алған ширек ғасырдан астам уақыт ішінде осы қастерлі ұғымды көздің қарашығындай сақтап келеді. Бүгінде Қазақстан әлемдегі саяси тұрақтылығы бекем елдердің бірі. Елімізде 150-ге жуық ұлт пен ұлыстың өкілдері достықтың буынын бекітіп, татулықты ту етіп ұстауда.
Елімізде тұрып жатқан әр ұлттың өкілі келешек ұрпағымыз үшін этносаралық достықтың, конфессияаралық түсіністіктің қаймағы бұзылмауына еңбек етіп, өз үлестерін қосуда. Оларды бір арнаға тоғыстыруда тер төккен Тұңғыш Президентіміз, Елбасы Н.Назарбаев Қазақстандағы тұрақтылықты сақтаудың алғышарты ретінде бірінші экономиканы өркендетудің қажеттілігін алға қойған. Сол себепті, «Алдымен экономикаға» қағидасын ұстана отырып, экономиканың әр саласында білек сыбана қызмет етіп жүрген барлық этностың басын қосып, татулықтың тал бесігіне айналған Қазақстан халқы Ассамблеясын құруы – өзгелерге үлгі-өнеге бола білді.
«Біз жүз жылға татитын жиырма жылда ортақ жауапкершілік жолын жүріп өттік, биік белестерді бірге бағындыра білдік. Бауыры бүтін бірлігімізбен елдікті еселеп, мызғымас мемлекетімізді бекемдей түстік. Тұрақтылықтың бірегей үлгісін танытып, дамудың қазақстандық жолын айқындадық» – деген еді Елбасы Н.Назарбаев Қазақстан халқы Ассамблеясының 17-сессиясында. Расында, егемендіктің туын желбіреткен осы уақыт аралығында бірге талай белестерді бағындырып, Қазақстандық үздік елу елдің қатарына қостық. Мұның барлығы, алдымен, еліміздегі ұлтаралық тұрақтылық пен өзара келісімнің берген жемісі.
Әлемдік тәжірибеге сүйенсек, алдыңғы қатарлы дамыған елдердің барлығы ұлтаралық татулық пен келісімнің арқасында аталған жетістіктерге жетуде. Бір ту астында бір атаның баласында тату-тәтті ғұмыр кешкен қазақстандықтар да тура жолмен жарқын болашаққа қадам басуда. Тәуелсіздігін жаңа алып, тәй-тәй басқан жас мемлекет үшін бұл – үлкен жетістік. Сондықтан болар, ұлтаралық татулық, конфессияаралық келісім мәселесі ешқашан күн тәртібінен түскен емес. Мемлекет дамуының басты қағидаты ретінде үлкен маңызға ие.
Биылғы жылы сайлауға түсіп, айқын басымдықпен жеңген Президентіміз Қасым-Жомарт Тоқаев та қазақ халқы үшін қастерлі ұғымды өзінің сайлауалды бағдарламасына енгізіп, өзінің Жолдауында назардан тыс қалдырмады. Ел дамуы жолында алдағы уақытта атқарылар маңызды шараларды қатарына енгізді: «Төртінші, қоғамдық келісімді нығайту. Әлеуметтік және этникалық топтар арасындағы келісім – бүкіл қоғамның бірлескен еңбегінің нәтижесі.
Осыған орай, саяси үрдістерді саралап, бірлігімізді нығайта түсу үшін нақты шаралар қабылдау керек.
Қазақ халқының мемлекет құраушы ұлт ретіндегі рөлін бекемдеп, этносаралық татулық пен дінаралық түсіністікті қалыптастыра беруіміз қажет. Біздің ұстанымымыз: «Ел бірлігі – оның әралуандығында!». Еліміздегі этникалық топтардың тілі мен мәдениетін дамытуға жағдай жасай береміз» – деген Мемлекет басшысы мұндай дәрежеге жету үшін даңғаза жасамай, жұмыла жұмыс жасау керектігін алға тартты.
Асыл дінімізде де татулық барлығынан жоғары қойылады. Пайғамбарымыз Мұхаммед с.ғ.с мұсылман үмбетіне жолдаған қоштасу сөзінде: «Мен орталарыңнан кеткеннен кейін баяғы бітпейтін ұрыс-керіске, дау-дамайға қайта бой алдырмаңдар» – деген өсиет қалдырған. Демек, діннің өзі тұрақсыздық пен ұлтаралық қақтығысты құптамайды. Ата-бабамыз да татулықты ұрпаққа аманат еткен. Ұлы Абай адамзат арасындағы бірлікті өзінің өлеңіне арқау еткен:
«Махаббатпен жаратқан адамзатты,
Сен де сүй ол Алланы жаннан тәтті.
Адамзаттың бәрін сүй бауырым деп
Және хақ жолы осы деп әділетті».
Шежірелі тарихымызға үңілсек, өзара қырқысқан ел ешқашан ұзақ өмір сүрмеген. Бұл – біз үшін үлкен сабақ. Сондықтан, бірлігі жақсының, тірлігі тапшы болмайтынын, достықсыз даму болмайтындығын әрдайым есте сақтауымыз керек. Татулық – табылмас бақыт. Сонау Кеңес үкіметі кезінен саясаттың құрбаны болып, Қазақ даласына жер аударған өзге ұлт өкілдерін өгейсінбей, құшақ жайып қарсы алған қазақ халқы тұрақтылықтың берік іргесін қалады. Тәуелсіздік жылдары әлемге достық пен татулықтың ерекше үлгісін көрсетіп, үлгі бола білді. Ендігі мақсат – баршамызға тән қастерлі ұғымды көздің қарашығындай сақтап, егемен еліміздің кемел келешегі мен баянды болашағы үшін аянбай еңбек ету.
С.НҰРАДИН
Алматы облысының бұрынғы Шелек ауданында 1976 жылы қыркүйек айында Балалар музыка мектебі ашылды. Қабылдау комиссиясының шешімі бойынша 129 жас талап, жас қанат қабылданды. Мектептің алғаш директоры болып 1976-79 жылдары аралығында К.Г. Баталов жұмыс жасады. Сабақ жүргізу үшін 8 мұғалім жұмысқа қабылданды.
1979-1999 жылдары аралы-ғында мектеп директоры Қағазбеков Рахымбек Сыдықұлы еңбек етті. Мектеп жанынан қосымша дербес бөлімшелер ашылды. Олар Сарыбұлақ, Ащысай, Көлді, Бижанов ауылдары. Оқушылар саны 250.18 мұғалім жұмыс істеді.
1999 жылдан бері мектеп директоры Жамылшиева Ләззәт Жеткенбайқызы жұмыс жасап келеді. Еліміздегі экономикалық қиындықтарға байланысты 1997-2009 жылдары мектеп шаруашылық есепке көшірілді. Мектеп үшін қиын кезең болды, мемлекет тарапынан қаржыландыру тоқтатылды. Дербес бөлімшелер жабылды, жарық және жылу жүйесі істен шықты. Айтарлықтай қиыншылықтарға қарамастан мектеп өз жұмысын тоқтатқан жоқ. Өз істерін жанындай сүйген ұстаздар жауапкершілікпен еңбек етті. Атап айтсақ: Л.Жамылшиева, С.Карпикова, Р.Акмолдаева, Т.Колесникова, Н.Горх.
Балалар музыка мектебінің негізгі мақсаты мен міндеті – жалпыға бірдей бастауыш музыкалық білім беру, оқушының шығармашылық еңбегіне, қабілеттерін барынша жетілдіруге қажетті жағдай жасау, әлемдік және отандық мәдени даму барысында жеке тұлғаның шығармашылық мүмкіндіктерін дамыту, интеллектін байыту.
Осы 43 жыл аралығында мектептің толық курсын 650-дей шәкірт бітіріп шықты. Мектеп түлектері республикамыздың түпкір-түпкірінде еңбек етуде. 2009-2010 оқу жылынан бастап мектеп қайтадан мемлекет тарапынан қаржыландыруға көшірілді. Көктем айында «Балалар біздің болашағымыз»,– деп қараған мемлекетіміз, мектеп ғимаратын күрделі жөндеуден өткізіп, заман талабына сай музыкалық аспаптармен, техникалық құралдармен жабдықтап, жаңа жарқыраған мектептердің қатарына қосып берді.
Қазіргі таңда «Балалар музыка мектебінде» 161 оқушы білім алады, 32 адам еңбек етеді. Оның 18-і мұғалімдер. Мектепте фортепиано, домбыра, баян, аккордеон, қобыз, дутар, гиджак, гитара кластары жұмыс істейді. Балалар музыка мектебі екі бөлім бойынша жұмыс жасайды. Фортепиано және халық аспаптар бөлімі. Әртүрлі жастағы балалар өздерінің таңдауы бойынша қалаған аспаптарын үйренуге негізделген. Баланы музыка мектебіне қабылдағанда әрбір музыка аспабының қиындығына оқыту бағдарламасына, есту, ритм, есте сақтау қабілетінің және саусақ құрылыстарының ерекшеліктеріне байланысты қабылдайды.
Балалар музыка мектебінде теория пәндерінен топтық сабағы, сольфеджио сабағы, музыка әдебиеті, қазақ музыка әдебиеті, хор өтеді. Қосымша таңдау пәнімен балаларымыз вокал сабағынан дәріс алады. Музыка әлемінде бұл сабақтар бала өрісін жетілдіріп, музыканың сиқырлы сырын ашуға көмектеседі. Биылғы жылы балалардың музыкаға деген сұранысы қуантарлық жағдай, 90 бала қабылдауға келді. 2018-2019 жылы оқушыларымыз облыстық, республикалық,халықаралық байқауларда Гран-при – 16 оқушы, I орын – 26 оқушы,II орын – 19 оқушы,III орын – 22 оқушы ие болды. Бұл ұстаз өнімінің жемісі.Ерекше айта кетерлік жайт Италия мемлекеті ұйымдастырған халықаралық «ITALIAN-BREAK», Испания мемлекетінде болған «POP FOINDATION» байқауларында мектебіміздің 4-сынып оқушысы Аружан Сансызбай вокал номинациясы бойынша I-жүлделі орынға ие болып келді. Жетекшісі бүгінгі мектеп директоры, 1982 жылдан бастап ән салу мен баян аспабының мұғалімі Ләззәт Жамылшиеваның еңбегі орасан зор. Бұл күнде ұлағатты ұстаз жеткіншек ұрпақты тәрбилеуге арнаған еңбегі үшін «Звезда славы – экономики Казахстана» орденімен марапатталып, 2013 жылы «Еңбегімен елге сыйлы» медалін төсіне тақты. Жастар жылы табыстарына Шелек ауылындағы Балалар музыка мектебінің қосар үлесі зор. Себебі қосымша білім беру жүйесіндегі функционалдық сауаттылықты қалыптастыру мен дамытуға бағытталған іс-шаралар мақсатында жаңа инновациялық технологиямен ықпал ете отырып,шығармашылық деңгейде жұмыс істеуді мақсат еткен білім ордасы үнемі ізденісте, қажырлы еңбек үстінде.
Айжан Сыздықова,
Шелек ауылы
Тарих – басымыздан өткен барлық қасіреттер мен сәтсіздіктердің, қуаныш пен жетістіктердің, сынақтар мен сырлардың куәсі. Сондықтан тарих еске алып отырғанды ұнатады. Ал біздін тарихымыз Қадыр ақынның: «Біздің тарих бұл да бір қалың тарих, оқулығы жұп-жұқа бірақтағы» дегеніндей өзгеше тарих. Тарихтың, әлбетте, еске куанышпен алатын тұстары да, өкінішпен қайғыратын кездері де болады. Тәуелсіздігіміздің тарих бетіне алтын әріптермен жазылғанына да біршама жылдар легі өтті. Биыл егеменді ел атанғанымызға 28 жыл толып отыр. Осыған байланысты 14 желтоқсанда Қазақстан ауылдық округінде Тәуелсіздігімізді ұлықтаған бірталай іс-шаралар өткізілген еді.
Тәуелсіздіктің рухын сезініп, осы жолда қан мен терін аямаған боздақтарымызға тағзым ету үшін айтулы мерекеге ауылдық округтің әкімі М.Сүгірбеков, ауылдың ақсақалдар алқасының төрағасы А.Оспан, кәсіпкерлер А.Жүсіпов пен Б.Сатыбалдиев және ауыл тұрғындары қатысты.
Ең алдымен сөз алған округ әкімі М.Сүгірбеков ауыл тұрғындарын мере-келерімен құттықтап, өзінің игі тілегін жеткізді. «Тәуелсіздік – біздің барымыз бен нарымыз. Тәуелсіздік – ол қасиетті ұғым. Осы жолда қаншама болздақтарымыз жанын құрбан етіп, біздің алаңсыз тұрмыс кешіріп, бақытты өмір сүруімізге жағдай жасап кетті. Бүгінде әлемдік карта мен саясатта өз орнымызды тауып, өзгелермен терезесі тең, басқалар санасатын ел болдық. Бірақ Тәуелсіздікті жеңіп алғаннан гөрі, оны баянды етіп ұстап тұру қиынның қиыны. Сондықтан Тәуелсіздігіміздің баянды болуына әрқайсымыз өзіндік үлес қоса білуіміз керек. Өйткені біз Тәуелсіздікке мұқтажбыз. Біздің ешкімге бас имей, ешкімнен ықпай кеудемізді тік көтеріп жүруіміздің өзі осы қадірлі де қасиетті сөздің арқасы. Бүгінде заманымыз тыныш. Дегенмен біздің тәуелсіздігімізге сұғын қадап, дұшпандық танытып отырғандар жоқ дей алмаймыз. Ал олардан отанымызды аман сақтап, тарихтың сынынан аман өткізу жас ұрпақтың көрегендігіне байланысты. Ол үшін жастарымыз білімді де білікті болғаны жөн. Біздің округіміздің жас-тары да сенімімізге селкеу түсірген емес. Мемлекетімізде олардың жағдайы жақсы болып, алаңсыз білім алуына барынша көмек көрсетіп келеді», – деп жастарға рух бере сөйледі. Одан әрі ауылдық округтің дамуында өзіндік үлес қосып, еңбегімен ел қолдауына ие болып жүрген азаматтарға өз қолымен марапаттаулар тапсырды.
Келесі болып сөз алған ауылдың ақсақалдар алқасының төрағасы А.Оспан: «Біздің халқымыз қай кезде де жас ұрпақтың тәрбиесіне немқұрайлы қарамаған. Егер оған немқұрайлылық танытқанда өз болашақтарын өз қолымен буындырып өлтіретінін жақсы білген. Бізде жасымыз келген сайын артымызға жиі көз саламыз. Қазақта «жақсының жақсылығын айт нұры тасысын» деген аталы сөз бар. Сол айтқандай жастарымыздың береке-бірлігіне, ынтымағы мен ұйымшылдығына риза боламын. Біздің айналамызда ауылға жаны ашитын азаматтар жүр. Солардың арқасында біздің округтің мәртебесі жоғары болып келеді. Сондықтан «Болар елдің баласы бірін-бірі батыр дер» демекші осы береке мен бірлігімізден айырылмайық. Тәуелсіз еліміздің тірегі болар жастарымыздың тілеуін тілеп, оларды дұрыс бағытқа бұрып отырайық», – деген ұсынысын білдірді.
Осы мерекеге орай ауылдағы 70 мектеп жасындағы оқушыларға мерекелік әрі қайырымдылық мақсатта сый-сияпат жасалды. Оларға киім-кешектер мен бағалы сыйлықтар үлестірілді. Ондағы мақсат жас бүлдіршіндерге мерекенің рухын сезініп, келесі жылы да осы күнді асыға күтулеріне әрі айналасынан қамқорлық пен мейірімділікті сезіну арқылы бала жүректерінің шуаққа толуына көмектесу. Өткізілген қайырымдылық шараға демеушілік көрсеткен осы ауылдың жомарт азаматтары атанып жүрген кәсіпкерлер – Ахат Жүсіпов пен Бағдат Сатыбалдиев. Аталған азаматтар ауылда жасалып жатқан талай іс-шараға демеушілік көрсеткен болатын. Бүгінге дейін ауыл тұрғындары қос азаматтың жомарттығын талай көріп, олардың еңбектерін оң бағалап келеді.
Тәуелсіздік мерекесіне орай оқушылардың ұйымдастырған концерттік бағдар-ламалары да өзгеше болғанын атап өтуді жөн көрдік. Негізі Қазақстан ауылдық округі өнерден еш кенде болған емес. Аудандық мүшайралар мен өнер сайыстарында алдыңғы лекте жүретін ауылдың өнерпаз жеткіншектері бұл концертте барын салды. Әуелеген ән, күмбірлеген күй, мың бұралған би, орынды әзіл мен ойлы көріністері арқылы келген қонақтардың көңілін тауып, алғысына бөленді. Бір сөзбен айтқанда, кәсіби өнерпаздардан кем болған жоқ.
Дәл осы күні Қазақстан ауылдық округінде Еңбекшіқазақ ауданы жастары арасында волейболдан жабық турнир өткізілді. Аталған жарыста Есік қаласы, Шелек, Тескенсу, Малыбай, Түрген, Қазақстан, Асы, Космос, Бәйдібек би ауылдық округтерінен келген командалар бақ сынасты.
Жарыс қорытындысына сәйкес, бірінші орынды Есік қаласы алса, екінші орынды Бәйдібек би ауылы, ал үшінші орынды Түрген ауылы командалары иеленді. Сонымен бірге, үздік ойыншы номинациясы бойынша И.Абдуллаев, үздік ойыншы ретінде Б.Султанмуратов, үздік шабуылшы Д.Абденов марапатталды. Жарыс соңында жеңімпаздарға арнайы сыйлықтар табыс етілді.
Егемен еліміздің тәуелсіздігі – ата-бабамыздың асқақ арманынан туындаған, бүгінгі ұрпақ қол жеткізген ұлы жеңіс. Ежелден еркіндік аңсаған азат халқымыз тәуелсіздігінің 28 жылын тойламақ. Тәуелсіздік атты қасиетті ұғымның тереңіне үңілсек, ата-бабаларымыздың ғасырлар бойғы асыл арманы мен мұратын, азаттық жолында құрбан болған талай боздақтың ұрпаққа қалдырған аманатын жүрегімізбен бойлаймыз.
1991 жылдың 16 желтоқсанында Қазақстан Республикасы өзінің тәуелсіздігін жариялады. Қазақ халқы үшін ақ түйенің қарны жарылған мерейлі күннен бері ширек ғасырдан аса уақыт өтіпті. Әрине, тарих үшін 28 жыл көп емес. Ал біздің жас мемлекетіміз үшін бұл жылдар елімізді нығайтуға бағытталған үлкен істерге толы болды. Осы аз уақыт ішінде дүние жүзі Қазақстан елінің тәуелсіздігін мойындады. Еліміз әлемдік қауымдастыққа, соның ішінде Біріккен Ұлттар Ұйымына мүшелікке қабылданды. Әр азаматын жігерлендіретін Әнұранымыз шырқалып, мақтаныш сезім ұялататын Елтаңбамыз төрге ілінді. Аспанымызда ерлікке жетелейтін қыран мен кеңдік пен теңдікті білдіретін күн бейнеленген Туымыз желбіреді. Экономикалық дербестігімізді танытатын төл теңгеміз жарыққа шықты. Әлем картасындағы «Қазақстан Республикасы» деген атау еліміздің әр азаматының төлқұжатына айналды.Тәуелсіздік – ұлттық тілдің, салт-дәстүрдің, ұлттық сананың тірегі болып, рухымыздың қайта жаңғыруына жол ашты. Тәуелсіздік – бабалар аңсаған арманнан бүгінде орындалған арманға айналды.
Иә, осы бір бойында қазақ қаны бар барша бауырлар үшін қастерлі ұғымға айналған қасиетті күн еліміздегі қазақ халқы мен өзге этностарды ұйыстыратын төл мерекеге айналды. Осы мереке аясында ауданымыздың жер-жерінде жоғары деңгейде аталып өтті. Осы бір ұлы тойды ұлықтап, еліміздің егемендігіне, сол егемендік үшін ештеңеден тайынбай қан мен терін төккен боздақтарға тағзым еткен ауыл тұрғындары ерекше көңіл-күйге бөленгені анық. Айтулы мерекені өз деңгейінде атап өткен елдімекендердің қатарында Шелек, Тескенсу, Асы ауылдық округтері бар.
Шелек ауылдық округінің әкімі Е.Есенханов ауыл тұрғындарын арнайы құттықтап, игі тілектерін білдірді. «Ынтымақ жүрген жүрде, ырыс бірге жүреді» деп бабаларымыз бекер айтпаған. Бірлігіміздің арқасында, тәуелсіздік жылдары іргелі мемлекет болып қалыптастық, өзгемен тереземізді теңедік, тұрмысымызды түзедік. Бұрын қиял болып көрінген жетістіктерге қол жеткіздік. Ендеше ұлы дана халқымыз: «Бақыт – бірлікте, байлық – еңбекте» – деген. Сондықтан еліміздің болашағын, яғни келер ұрпақтың баянды ғұмыр кешуі үшін біздер әлі де талмай еңбек етуіміз қажет», – деп елді ынтымақ пен бірлікке шақырды.
Ал Асы ауылдық округінің әкімі Ұ.Сағынбеков: «Кешегі ата-баба аңсаған Тәуелсіздік ұғымын бүгінгі ұрпақ жете түсінері анық. Дүниедегі жүздеген халықтар мен ұлыстардың барлығы егемен ел болуды мақсат тұтады. Дегенмен, өз мемлекетін құрып, шын мәніндегі ел болып отырғандары олардың 200-ден астамы ғана екен. Соның арасында бақытты өмір мен тәуелсіздікті армандап, оған қол жеткізу жолында қаншама қан мен тер төккен халықты тарихтан білеміз. Мұндай бақытсыздық пен баянсыздық қаупі біздің ұлттың да басына төнгені белгілі. Алайда азаттықтың ақ таңын аңсаған ата-баба арманы біздерге бұйырды, – деп тәуелсіздіктің маңызы мен мәнін ашып көрсетті.
Тескенсу ауылдық округінің әкімі Б.Доғалов та ауыл тұрғындарын арнайы құттықтап, мерекенің маңызын арттырды. Б.Доғалов өз сөзінде: «Тәуелсіздік сіздер мен біздер үшін және ізімізді жалғастырар жас ұрпақ үшін баға жетпес байлық. Осы жолда ен даланы еркін жайлаған еліміз басын бәйгеге байлаған. Әйтсе де, олар ешқашан бас еркіндігін елдіктен жоғары қоймаған. Осы орайда бостандық пен еркіндіктің бастауы болып табылатын осы салтанатты күні баршаңызға бақ-дәулет, ырыс тілеймін. Осындай маңызы бар тарихи думанда еліміздің Туы асқақтай берсін», – деген жүрекжарды лебізін жеткізді.
Сонымен бірге, әкімдер еліміздің дамуы мен көркейуіне атсалысып, білім, мәдениет, экономика, әлеуметтік салаларда еңбек етіп жүрген азаматтарға арнайы марапаттар табыс етті. Одан әрі мерекелік шара концерттік бағдарламалармен жалғасты.
Нұрсерік ТІЛЕУҚАБЫЛ
Елмен етене, әлеуметпен әріптесе еңбек еткен мәслихаттың құрылғанына - биыл 25 жыл. Ширек ғасыр шеңберінде ел Тәуелсіздігінің тұғырын берік ету мақсатында табан етін тіліп төккен тердің бүгін жемісі көрінуде. Әйткенмен, аз-кем тарих парақтарын сапырмауға болмас. 1994 жылдың 28 наурызында Еңбекшіқазақ аудандық мәслихат депутаттарының бірінші сессиясы өтті. Аудандық мәслихат хатшысы болып көп жылдар бойы өкілді және атқарушы органдарда қызмет еткен, тәжірибесі толысқан, халық арасында құрмет-беделге ие азамат – Әділбай Талқамбаев сайланып, бес шақырылымда да аталған қызметте сәтті еңбек етті.
Осылай, 1993 жылдың 10 желтоқсанында республиканың Жоғарғы Кеңесі «Қазақстан Республикасының жергілікті өкілетті және атқару органдары туралы» Заң қабылдады, ол жергілікті мемлекеттік органдардың құрылымына өзгерістер енгізді. Өкілетті органдар мәслихат, ал жергілікті атқарушы органдар – әкімнің басқаруындағы жергілікті әкімшілік деп атала бастады. Мәслихаттар және әкімшіліктер «жергілікті мемлекеттік басқару органдары» деген жалпы атпен бірікті.
Бұл тұрғыдан, жергілікті атқарушы органдардың атауы ғана емес, олардың мәні түп-тамырымен өзгерді. Бір ерекшелігі, барлық аумақтық басқару деңгейінде құрылған жергілікті кеңестерге қарағанда мәслихаттар – депутаттар жиналыстары тек облыстық және республикалық деңгейдегі облыстарда, аудандар мен қалаларда және Астанада сайланды. Ауылдарда, селоларда, ауылдық (селолық) округтерде олар құрылған жоқ.
Егемендіктің алғашқы он жылдығында экономиканы және әлеуметтік саланы қайта құру кезінде көп қиындықтар туындады, инфляцияның өсуі, өндірістің төмендеуі байқалды. Халық ертеңгі күнге сенімсіздікпен қарады.
Бұл тұста, бір бағытта, бір режимде жұмыс істеуге ыңғайласқан депутаттар өз қызметтерін сәтті жүзеге асырып, салалық өсу көрсеткіштері барысында ауданның әлеуметтік-экономикалық дамуына зор үлестерін қосып, аудандық мәслихат қызметінің мықты негізін қалады.
Аудандық сессия жұмысы барысында тұрақты және ревизиялық комиссиялар құрылып, олардың төрағалары сайланды.
І шақырылымда аудандық мәслихаттың 4 тұрақты комиссиясы құрылып, 2003 жылға дейін сол бағытта жұмысын өзгеріссіз атқарды. 2003 жылы Еңбекшіқазақ аудандық мәслихатының №1-2 шешімімен тұрақты комиссиялар қайта құрылып, жалпы саны 3 болды.
Ал, 2011 жылға дейін қызметін жалғастырған аудандық мәслихаттың тексеру комиссиясы аудандық бюджеттен қаржыландырылатын ауданның мемлекеттік мекемелерінде арнайы бағыттық тексерулер жүргізіп, тұрақты комиссиялармен бірлесе жергілікті бюджеттің орындалуы бойынша бақылау өткізіп, олардың нәтижелері тұрақты комиссиялардың отырыстарында талқыланатын.
2016 жылдың наурыз айында өткен саяси науқанда 6-шақырылымға 23 депутат сайланды. Кезекті шақырылымның құрамы 65,2 пайыз жаңартылды.
Бүгінде аудандық мәслихат жанынан құрылған тұрақты комиссиялар 4 бағыт бойынша жүйелі жұмыс жүргізуде: Олар: әлеуметтік бағыттағы салаларды дамыту мен заңдылық, құқықтық тәртіп, қоғамдық келісім, жергілікті мемлекеттік басқару және өзін-өзі басқару мәселелері жөніндегі; ауданның экономика, бюджет және қаржы мәселелері жөніндегі; агроөнеркәсіп, шағын және орта бизнес пен іскерлік белсенділікті қолдау, индустриалды-инновациялық даму мәселелері жөніндегі және энергетика мен жалпы инфрақұрылымды дамыту және тұрғын үй коммуналдық-шаруашылық мәселелері жөніндегі комиссиялар.
Әртүрлі форматтарда өткізілетін комиссия отырыстарында ауылдық округ әкімдерінің, мекеме басшыларының атқарған жұмыстары туралы есептері, мемлекеттік бағдарламалардың орындалуы бойынша баяндамалары қарастырылады, сессияда бекітілуге ұсынылған шешім жобалары тыңдалады.
Шыны керек, комиссия отырыстарында қаралатын мәселелер шеңбері үлкен, әр қырынан келуді талап етеді. Сондықтан, қандай да бір мәселені алдын ала, егжей-тегжейлі зерделеу үшін тұрақты комиссиялар өз құзыреті шегінде атқарушы органдардан қажетті ақпаратты сұратады.
Кезекті 6-шақырылымның басты ерекшелігі – көшпелі комиссия отырыстарының өткізілуі. 1 қала, 25 ауылдық округ, 79 елді-мекеннің тыныс-тіршілігімен, туындаған мәселелерімен танысу, сайлаушылардың пікірі мен тілектерін есту, тұрғындар тарапынан маңызды деген талап-ұсыныстарын алу мақсатында құрылған Еңбекшіқазақ аудандық мәслихаттың жанындағы тұрақты ақпараттық жұмыс тобы жыл сайын сайлаушылармен кездесуде. Осы кездесулерден 300-ге жуық өтініш түсіп, 26 – салалы депутаттық сауал жолдап, жартысынан көбінің тиімді шешілуі қамтамасыз етілді. Үлкен ауқымда қарастырылуы тиіс 59 мәселенің 29-ы бүгінгі таңда өз шешімін тапты.
Депутаттар аудан өмірдегі барлық шараларға белсенділікпен қатысады. 2017 жылдың тамыз айында осымен екінші рет өткізілген ауылдық округтер әкімдерінің сайлауында жергілікті өзін-өзі басқару мен демократиялық құндылықтарды іс жүзінде асырудағы өз қызметтерін үлкен жауапкершілікпен атқарып, 1 қала 15 ауылдық округ әкімдерін сайлады.
Депутаттық корпус жұмысының ашықтығын қамтамасыз ету мақсатында жас депутаттардың бастамасымен халық қалаулыларының әлеуметтік парақшалардағы белсенділігі қалыптасып, сайлаушылармен депутаттардың арасын біршама жақындата түсті.
Жекелеген депутаттар өз қаржыларына жағдайы төмен тұрғындарға, мүгедектерге, жетім балаларға, қиын жағдайға душар болған отбасыларына көмектесумен бірге әлеуметтік нысандардың ағымдағы және күрделі жөндеулерден өткізуге өз сауалдарымен ықпал жасауда.
Бәрін айт та, бірін айт, бұл айтулы дата - ең бірінші осы орган жұмысын жүйелеу жолында танбай еңбек еткен халық қалаулыларына деген зор құрмет көрінісі. Екіншіден, халық арасынан шығып, басым дауыспен сайлаушылар сенімін арқалаған депутаттар жұмысының жүйеленуі. Өткенге көз тастай отырып, болашақққа бағдар құру. Осынау сәтте елді гүлдендіру мен түрлендіру жолында өкілетті орган мәслихат жұмысын одан әрі жандандыра түсеріне сенім мол. Себебі, «Ат тұяғын тай басар». Кешегі елдік мүдде жолында ерінбей еңбек еткен депутаттар орнын бүгін жаңашыл ой, жаңашыл бағыт жас буын басты. Ендеше, 25 жыл мұғдарында осыншама өсу мен өркендеуге жол ашқан өкілетті құрылымды ендігі ұрпақ жаңа деңгейге көтеретініне сенеміз. Ал бұл – Тәуелсіздік тұғырын мығым ететін басты алғышарт.
Аудандық мәслихат депутаттары